Fréttablaðið - 10.09.2004, Blaðsíða 14

10. september 2004 FÖSTUDAGUR
Utanríkisráðherra Ísraels ómyrkur í máli:
Hótar að reka Arafat úr landi
ÍSRAEL, AP Ísraelsk stjórnvöld eru
nær því nú en nokkru sinni áður
að reka Jasser Arafat, forseta
Palestínu, frá heimastjórnar-
svæðum Palestínumanna, sagði
Silvan Shalom, utanríkisráðherra
Ísraels, þegar hann ávarpaði
flokkssystkin sín í Likudbanda-
laginu. Óvíst er þó hvort alvara
búi að baki orðum hans og Shalom
hafi aðeins verið að styrkja stöðu
sína innan flokksins.
Háttsettir ísraelskir embættis-
menn sögðu engar áætlanir uppi
um að víkja Arafat úr landi.
Shalom er talinn einn af hugs-
anlegum eftirmönnum Ariels
Sharon forsætisráðherra sem
leiðtogi Likudbandalagsins.
Hann sækir stuðning sinn til
harðlínumanna sem vilja lítið eða
ekkert gefa eftir gagnvart
Palestínumönnum. Palestínu-
menn brugðust illa við málflutn-
ingi hans. „Ég tel þetta hluta af
herferð til að eyðileggja palest-
ínsku heimastjórnina og skaða
forsetann,“ sagði Saeb Erekat,
ráðherra í palestínsku heima-
stjórninni.
Sjö Palestínumenn féllu fyrir
hendi Ísraela í gær, þeirra á
meðal níu ára drengur en einnig
menn sem reyndu að skjóta flug-
skeytum á landnemabyggðir
Ísraela. ■
Við getum alltaf átt
von á hryðjuverkum
Átta létust og á annað hundrað særðust í sprengjuárás í Djakarta. Ómar
Valdimarsson, sem býr í nágrenni staðarins þar sem árásin var gerð,
segir hryðjuverk eins og þetta hættu sem fólk býr við dag hvern.
INDÓNESÍA Átta létu lífið þegar
sprengja sprakk fyrir framan
ástralska sendiráðið í Djakarta,
höfuðborg Indónesíu, í gær-
morgun. Hátt í 200 manns slös-
uðust í sprengingunni, sem var
gríðarlega öflug.
Á síðustu fimm árum hafa
260 manns látist í níu hryðju-
verkaárásum í Indónesíu. Þeirra
mannskæðust var sprengjuárás-
in á skemmtistað á ferðamanna-
eyjunni Balí þar sem 202 létu
lífið. 33 meðlimir Jemaah Isla-
miyah-samtakanna hafa verið
sakfelldir fyrir þá árás. Eftir
árásina í gær voru stjórnvöld
fljót að saka samtökin um að
standa að henni.
„Eftir það sem gerðist í Rúss-
landi og þetta stimplast það enn
betur inn í kollinn á manni að
maður er hvergi óhultur,“ segir
Ómar Valdimarsson, sem hefur
starfað í Djakarta í eitt ár á
vegum Rauða krossins. „Í þessu
landi getur maður alltaf átt von
á þessu.“
„Í Djakarta eru gríðarlegar
öryggisráðstafanir alls staðar.
Hér fer enginn inn í stóru versl-
anirnar án þess að bílarnir séu
speglaðir og að fólk fari í gegn-
um málmleitartæki. Það er
skýrt eftirlit með öllu. Það hefur
að vísu slaknað á því að undan-
förnu og fólk hefur hugsað með
sér sem svo að þetta hljóti að
vera í lagi núna. Árásin nú sýnir
að það borgar sig kannski ekki
að slaka mikið á,“ segir Ómar.
Ómar býr nálægt ástralska
sendiráðinu og vinnur í ná-
grenninu. Til að komast á milli
fer hann um götuna þar sem
sprengjan sprakk og var þar á
ferð nokkru fyrir árásina.
Útlendingar eru mjög varir
um sig að sögn Ómars, sérstak-
lega Bandaríkjamenn og Ástral-
ar. „Það er litið á Ástrala hér
eins og Ameríkana í Evrópu.
Dálitlir stóru bræður og tala
svolítið digurbarkalega,“ segir
hann. Bandaríkjamenn voru
fljótir að bregðast við eftir
árásina og voru búnir að bjóða
Rauða krossinum fjárhagsað-
stoð til að hjálpa særðu fólki
stundarfjórðungi eftir að árásin
var gerð.
Auk hryðjuverkaárásanna
eiga vopnuð átök sér stað á
nokkrum stöðum í Indónesíu og
það verða menn að hafa í huga
þegar þeir ferðast þar um, segir
Ómar. Fram undan er mikil
ferðahelgi en mánudagur er frí-
dagur vegna himnafarar Mú-
hameðs spámanns. Ómar er á
leið til Balí með 20 manna hópi
vegna fundar. Hann segir óvíst
hvort hópurinn komist vegna
mikils öryggisviðbúnaðar.
brynjolfur@frettabladid.is
SILVAN SHALOM OG JASSER ARAFAT
Ísraelski utanríkisráðherrann hefur tvisvar á
innan við viku látið að því liggja að Arafat
verði rekinn frá Palestínu á næstunni. Ara-
fat hefur ekki getað ferðast til útlanda af
ótta við að fá ekki að snúa aftur.
SÆRÐ KONA FLUTT Á BROTT
Þrátt fyrir mikinn öryggisviðbúnað í Djakarta tókst hryðjuverkamönnum að sprengja bílsprengju fyrir framan ástralska sendiráðið. Meðal
þeirra sem létust voru þrír lögreglumenn sem gættu sendiráðsins.
ÓMAR VALDIMARSSON
„Það eru alls staðar vopnaðir verðir og
steyptir vegatálmar hér og þar.“
14-15 9.9.2004 18:37 Page 2