Fréttablaðið - 23.09.2004, Blaðsíða 6
6 23. september 2004 FIMMTUDAGUR
Fjórðungssjúkrahúsið í Neskaupstað:
Tilboð langt yfir áætlun
SJÚKRAHÚS Tvö tilboð bárust vegna
endurbóta og viðbyggingar við
Fjórðungssjúkrahúsið í Neskaup-
stað og eru bæði langt yfir kostn-
aðaráætlun. Kostnaðaráætlun
vegna verksins nemur rúmum 168
milljónum króna. Annað tilboðið
nam tæpum 262 milljónum króna,
sem er 55,6 prósentum yfir kostn-
aðaráætlun, og hitt um 277 millj-
ónum króna, sem er 64 prósentum
yfir kostnaðaráætlun. Annað til-
boðið var frá tveimur einstakling-
um í Kópavogi og hitt frá Viðhaldi
fasteigna í Fjarðabyggð.
Byggja á 305 fermetra við
sjúkrahúsið en jafnframt verður
gamla sjúkrahúsið endurinnrétt-
að. Það er alls þrjár hæðir að
grunnfleti, samtals rúmir eitt þús-
und fermetrar. Í verkinu felst
meðal annars að fjarlægja núver-
andi þak, byggja nýja hæð og þak
og nýtt anddyri utan á húsið, auk
ýmissa annarra minni viðgerða og
breytinga. Áætluð verklok ásamt
frágenginni lóð eiga að vera eigi
síðar en 1. apríl 2006.
Að sögn Einars Rafns Haralds-
sonar, framkvæmdastjóra Heil-
brigðisstofnunar Austurlands,
munu málin væntanlega skýrast
næstu daga en hann segir það
ljóst að tilboðin sem eru aðaltilboð
og frávikstilboð rúmist ekki innan
þeirrar fjármögnunar sem fyrir-
huguð var. Málið fer því aftur til
ráðuneytis heilbrigðismála. ■
Aftanákeyrslum fjölgar
og fleiri slasast á rauðu
Árekstrum hefur fjölgað eftir breytingar sem gerðar voru á gatnamótum Kringlumýrarbrautar
og Miklubrautar í fyrra. Færri virðast þó slasast nú en áður. Langflestir slasast í aftanákeyrslum.
Forvarnafulltrúi Sjóvár-Almennra vill mislæg gatnamót sem fyrst.
UMFERÐ Aftanákeyrslum hefur fjölg-
að á gatnamótum Miklubrautar og
Kringlumýrarbrautar eftir breyting-
ar sem þar voru gerðar á aksturs-
ljósum í fyrrahaust, að því er fram
kemur í nýjum tölum frá trygginga-
félaginu Sjóvá-Almennum. Þá hefur
einnig fjölgað árekstrum sem verða
þegar ökumenn skipta um akrein
inni á gatnamótunum og veltir
tryggingafyrirtækið upp þeirri
spurningu hvort gul blikkandi ör
akstursljósanna kunni að rugla þá.
Í fyrra voru sett upp beygjuljós
sem eru í gangi á kvöldin og næt-
urnar en blikka gul yfir daginn. Þá
var gerð betri aðgreining fyrir
gangandi vegfarendur, með grind-
verki og tvískiptum gönguljósum.
„Eftir þær breytingar hafa ekki
verið skráð slys á gangandi eða
hjólandi vegfarendum,“ segir Einar
Guðmundsson, forvarnafulltrúi hjá
Sjóvá-Almennum.
Aftanákeyrslur eru nú 68 pró-
sent allra tjóna við gatnamótin í
stað 63 prósenta áður. Svonefndum
vinstribeygjutjónum hefur hins
vegar fækkað töluvert, úr því að
vera 23 prósent allra tjóna niður í
16 prósent. „Alvarlegustu slysin
hafa átt sér stað, annars vegar á
rauðu ljósi og hins vegar þegar tek-
in er vinstri beygja í veg fyrir um-
ferð sem kemur á móti,“ segir Ein-
ar. Tölurnar sýna einnig að slösuð-
um hefur fækkað verulega, úr 17 á
tímabilinu september 2002 til
ágústloka 2003, í 10 frá því í sept-
ember í fyrra og til ágústloka nú.
Einar segir óhætt að yfirfæra
tölur fyrirtækisins á heildina miðað
við markaðsstöðu, en Sjóvá er með
um þriðjungshlutdeild á trygginga-
markaði. Þannig má gefa sér að
eftir breytingar slasist nú árlega
um 30 manns á gatnamótunum í
stað 50 áður. Einar bendir þó á að
ískyggilegt sé hversu mjög þeim
fjölgar sem slasast við akstur á
rauðu ljósi, úr 10 prósentum í 30
prósent af heildarfjölda. Hann
áréttar þó að tímabilið sé stutt og
því vegi hvert slys þungt í tölunum.
Þá bendir hann á að slysum hafi
almennt fækkað um 17 prósent á
höfuðborgarsvæðinu á árinu.
Hafi fólk umferðaröryggis- og
forvarnarsjónarmið í huga segir
Einar að taka ætti gatnamót
Kringlumýrarbrautar og Miklu-
brautar sem fyrst í mislæg gatna-
mót. „Þarna krossast meginumferð-
arstraumarnir,“ segir hann.
olikr@frettabladid.is
Haldið í tvö ár:
Loks laus
úr fangelsi
EGYPTALAND, AP Egypski klerkurinn
Nashaat Ibrahim er laus úr haldi,
tveimur árum eftir að dómstóll
úrskurðaði hann saklausan af
þeim ákærum sem hann var hand-
tekinn fyrir.
Ibrahim var einn af 94 mönn-
um sem voru sakaðir um að hafa
stofnað vígasveit sem hafði það að
markmiði að ráða Hosni Mubarak,
forseta Egyptalands, af dögum. 43
sakborningar voru sýknaðir af
ákærum 9. september 2002. Ibra-
him var þeirra á meðal en þrátt
fyrir það var honum ekki sleppt
úr haldi fyrr en á þriðjudag, rúm-
um tveimur árum síðar. ■
VEISTU SVARIÐ?
1Vantagepoint Venture Partners hefurkeypt sig inn í Oz. Hversu mikið fé
leggur það í fyrirtækið?
2Hvað heitir forstjóri Brims sem komstí fréttirnar þegar sérstakt félag var
stofnað um rekstur togarans Sólbaks?
3Frá hverjum fékk Halldór Ásgrímssonforsætisráðherra hjólbörufylli af les-
efni?
Svörin eru á bls. 51
FJÓRÐUNGSSJÚKRAHÚSIÐ Í
NESKAUPSTAÐ
Tilboðin tvö sem bárust vegna endurbóta
og viðbyggingar sjúkrahússins voru langt
yfir kostnaðaráætlun.
17
10
33
15
33
17
37
10
Þróun tjóna fyrir og eftir breytingar á
gatnamótum Kringlumýrarbrautar og
Miklubrautar haustið 2003.
Sept. ‘00-
ágúst ‘01
Sept. ‘01-
ágúst ‘02
Sept. ‘02-
ágúst ‘03
Sept. ‘03-
ágúst ‘04
Fjöldi slysa
Fjöldi slasaðra
ÁREKSTUR Á HÆTTULEGUM GATNAMÓTUM
Síðasta haust voru gerðar breytingar á öku- og gönguljósum við gatnamót Kringlumýrar-
brautar og Miklubrautar. Síðan hefur slysum á fólki fækkað en árekstrum hins vegar fjölgað. EINAR GUÐMUNDSSON
Einar, sem er forvarnafulltrúi hjá Sjóvá-Al-
mennum, segir að ráðast ætti sem fyrst í
gerð mislægra gatnamóta á mótum
Kringlumýrarbrautar og Miklubrautar.
HERBÍLAR Í LOGUM
Nató sér um þjálfun íraskra hermanna
sem eiga að berjast gegn uppreisnar-
mönnum.
Herþjálfun Nató:
Þjálfar dáta
fyrir Íraka
BRUSSEL, AP Ríki Atlantshafsbanda-
lagsins hafa komist að samkomu-
lagi um að senda 300 herforingja
til Íraks til að setja á fót og reka
herskóla í nágrenni höfuðborgar-
innar Bagdad. Fyrir höfðu 40 leið-
beinendur verið sendir til Íraks
en ekki var hægt að ráðast í frek-
ari aðgerðir þar sem Frakkar
stóðu, þar til í gær, á móti því.
Niðurstaða Atlantshafsbanda-
lagsins er málamiðlun milli
Bandaríkjanna, sem vildu að Írak-
ar fengju sem mesta aðstoð við
þjálfun hermanna, og Frakka,
sem vildu ekki senda lið á vegum
Nató til Íraks.
Í ræðu sinni á þingi Sameinuðu
þjóðanna í fyrradag hvatti George
W. Bush Bandaríkjaforseti þjóðir
heims til að gera meira til að styð-
ja við bakið á Írökum. Einn liður í
því er þjálfun hermanna til að
auðvelda íröskum yfirvöldum að
koma upp hersveitum sem geta
barist gegn vígamönnum. ■
GÆÐAVERKEFNI STYRKT Jón
Kristjánsson, heilbrigðis- og
tryggingamálaráðherra, veitti í
gær 13 styrki til gæðaverkefna í
heilbrigðisþjónustunni, samtals
hálfri þriðju milljón króna. 30
styrkumsóknir bárust, en hæsti
styrkurinn var upp á 350 þúsund
krónur. Styrkt voru verkefni í
heilbrigðisþjónustunni víðs vegar
um landið.
■ HEILBRIGÐISMÁL
06-07 22.9.2004 21:54 Page 2