Fréttablaðið - 23.09.2004, Blaðsíða 12
12 23. september 2004 FIMMTUDAGUR
SPILLINGU MÓTMÆLT
Þúsundir stjórnarandstæðinga mótmæltu
stjórn Khaleda Zias, forsætisráðherra
Bangladess. Stjórnarandstæðingar hafa
beitt verkföllum og mótmælagöngum í
baráttu sinni gegn stjórnvöldum sem þeir
saka um spillingu og segja vanhæfa til
stjórnar og óhæfa um að sporna gegn
glæpum.
Söfnun fyrir börn Sri Rahmawati:
Safnast hefur á aðra milljón
FÉLAGSMÁL Framlög fólks til
styrktar börnum Sri Rahmawati,
sem lést með voveiflegum hætti í
júlí, hafa smám saman verið að
skila sér inn á söfnunarreikning.
Hefur safnast á aðra milljón króna.
Að sögn Hörpu Rutar Hilmars-
dóttur, kennara í skólanum þar sem
börnin stunda nám, er markmiðið
að safna fjórum milljónum þannig
að fjölskylda Sri geti flutt í viðun-
andi húsnæði. Talsvert vantar því
upp á að sú upphæð hafi safnast.
Börn Sri eru á aldrinum 2ja, 14
og 15 ára. Systir Sri og eiginmaður
hennar hafa tekið þau að sér í var-
anlegt fóstur. Þau hjón eiga þrjú
börn fyrir svo þau eru nú með sex
börn á aldrinum 2ja, 9, 11, 13, 14 og
15 ára í 90 fermetra íbúð.
Stuðningshópur söfnunarinnar
hyggst efna til söfnunardags
2. október. Sett verður saman fjöl-
breytt dagskrá, listmunauppboð og
skólafélagar barnanna efna til
happdrættis.
Númer söfnunarreikningsins er
0139-05-64466 á kennitölu 130147-
4109. Öll framlög, stór og smá, eru
vel þegin. ■
Fólk treystir einum
en kýs allt annan
Lítið samhengi virðist milli trausts á forystumönnum og fylgis stjórmálaflokkanna í nýjustu
skoðanakönnun Fréttablaðsins. Mun fleiri treysta til dæmis Steingrími J. en kjósa hann.
STJÓRNMÁL Mun fleiri bera mest
traust til Steingríms J. Sigfús-
sonar en þeir sem ætla að
kjósa flokk hans, Vinstri græna.
Steingrímur og Halldór Ásgríms-
son forsætisráðherra njóta báðir
meira trausts en sem samsvarar
fylgi flokka þeirra, samkvæmt
könnun Fréttablaðsins sem gerð
var um helgina. Steingrímur J.
fékk þó mun meira eða 6% um-
fram fylgi flokksins en Halldór
2,7%.
Allir aðrir formenn flokkanna
njóta minna trausts en sem sam-
svarar fylgi flokka þeirra í könn-
uninni. Athygli vekur að 27,6%
sögðust treysta Davíð Oddssyni
mest stjórnmálamanna en 34,9%
sögðust ætla að kjósa flokk hans.
Ef tölur þeirra sjálfstæðismanna
sem mest var treyst eru lagðar
saman nær flokkurinn hins vegar
fylgi sínu í könnuninni.
Öðru máli gegnir um Samfylk-
inguna. Össur Skarphéðinsson
formaður nýtur mests trausts aðeins 5,7% kjósenda. Ef allir
forystumenn flokksins eru lagðir
saman kemur í ljós að 17,3% bera
mest traust til einhvers forystu-
manna Samfylkingarinnar. Engu
að síður hefur flokkurinn þokka-
legan byr því 28,6% sögðust ætla
að kjósa flokkinn. Ásgeir Frið-
geirsson, fjölmiðlaráðgjafi og
varaþingmaður Samfylkingarinn-
ar, segir þetta þýða að forystuna
skorti trúverðugleika: „Það er
ljóst að forystusveitar flokksins
bíður það verkefni að auka trú-
verðugleika sinn meðal íslenskra
kjósenda“.
Össur er raunar vanur að færri
treysti honum mest en kjósa flokk-
inn. Hann hefur séð það svartara,
t.d. mældist hann vart í könnun í
ársbyrjun 2003. Ingibjörg Sólrún
skákar honum í nýju Fréttablaðs-
könnuninni, en 9% sögðust treysta
henni mest. Hún trónaði hins veg-
ar um tíma á trauststoppnum og
skaut Davíð Oddssyni aftur fyrir
sig í mars 2003 þegar 37,8%
treystu henni mest allra.
Vandamál Guðjóns A. Krist-
jánssonar, formanns Frjálslynda
flokksins, eru af svipuðum toga og
Össurar. Enginn treysti honum
mest, og nær enginn öðrum
forystumönnum flokkins. Samt
sem áður hafði flokkurinn 6,1%
fylgi í könnuninni.
Nýbakaði forsætisráðherrann
nýtur talsverðs trausts en hefur
fremur lítið fylgi. 16,2% treystu
Halldóri Ásgrímssyni mest og
forystumenn flokksins í heild
geta unað hag sínum þokkalega
því samanlagt nefna 22,1% fram-
sóknarmann, spurðir um traust-
verðasta stjórnmálamanninn.
Samt sem áður segjast mun færri
ætla að kjósa Framsóknarflokk-
inn eða aðeins 13,5%.
Með öðrum orðum treysta
menn Steingrími J. og Vinstri
grænum annars vegar og Halldóri
og framsóknarmönnum hins veg-
ar en kjósa samt Samfylkinguna
og Frjálslynda. Hljómgrunnur
Samfylkingar og Frjálslyndra er
meiri en trú fólks á forystunni og
að sama skapi minni hjá Fram-
sókn og Vinstri grænum.
„Vinsældir flokksforingja eru
ekki alltaf góður mælikvarði á
fylgi flokks,“ segir Ólafur Þ.
Harðarson, prófessor í stjórn-
málafræði. „Rannsóknir benda til
að afstaða til flokkanna sjálfra
skipti meira máli en afstaða til
foringja, en auðvitað getur afstað-
an til hans smitað yfir á fylgi við
flokkinn. Styrkur foringjans
getur legið í öðru en að laða að sér
fylgi. Sterkur foringi heldur
flokki saman, er öflugur í stefnu-
mótun, mórallinn verður góður og
hann myndar ríkisstjórnir. Sá
styrkur getur síðan skilað sér í
kjörfylgi,“ segir prófessor Ólafur.
a.snaevarr@frettabladid.is
Umferðarteppa:
Löggur í
árekstri
BRETLAND, AP Umferðarteppa
myndaðist þegar fjórir lögreglu-
bílar lentu í árekstri á hraðbraut
í norðurhluta Englands. Engir
fólksbílar eða flutningabílar
komu við sögu í árekstrinum utan
þeirra hundraða bíla sem stöðvuð-
ust í umferðinni meðan verið var
að hreinsa upp á vettvangi og losa
einn lögreglumanninn úr bíl
sínum með klippum.
Talsmaður lögreglunnar sagði
ekki liggja ljóst fyrir hvernig
áreksturinn hefði átt sér stað en
taldi að einhvers konar æfing
hefði staðið yfir þegar árekstur-
inn átti sér stað. ■
Safna undirskriftum:
Jón Steinar
hæfastur
HÆSTIRÉTTUR Um tíu manna hópur
lögmanna finnst Jón Steinar
Gunnlaugsson hæstaréttarlög-
maður ekki njóta sannmælis í um-
sögn Hæstaréttar og hefur hafið
u n d i r s k r i f t a r -
söfnun meðal lög-
manna honum til
stuðnings. Sveinn
Andri Sveinsson
er í hópi lög-
mannanna og
segir hann lög-
mennskuna hafa
verið verðfellda í
umsögninni.
Sveinn Andri
segir einkenni-
legt að lög-
mennska tveggja umsækjenda sé
lögð að jöfnu þegar annar hefur
starfað við hana í þrjátíu ár en
hinn í fimmtán. „Mat okkar er að
Jón Steinar sé í hópi fremstu lög-
manna á Íslandi. Ef hann hlýtur
jafn lélega umsögn og raun ber
vitni þá mun ekki vera tilefni
fyrir lögmenn yfir höfuð að sækja
um stöðu hæstaréttardómara,“
segir Sveinn Andri.
Sveinn segir ekki spurningu að
Jón Steinar sé hæfastur umsækj-
enda, a.m.k. sé hann jafnhæfur
ýmsum öðrum umsækjendum.
„Allir umsækjendur uppfylla
hæfniskröfur þannig að ráðherra
hefur algjörlega frjálsar hendur
við skipun í stöðuna.“ ■
– hefur þú séð DV í dag?
Fæddi barn án þess
að vita að hún væri
ólétt
Pabbinn
efast um
faðernið og
vill DNA-
rannsókn
JÓN STEINAR
Hópur lögmanna
finnst hann ekki
njóta sannmælis.
Sjálfstæðisflokkur
1. Davíð Oddsson,
mest traust 27,6%
2. Sjálfstæðisflokkur,
mest traust 36,5%
3. Fylgi 34,9%
Vinstri grænir
1. Steingrímur J. Sigfússon,
mest traust 22,5%
2. Vinstri-grænir
mest traust 23,4%
3. Fylgi 16,5%
Framsóknarflokkur
1. Halldór Ásgrímsson,
mest traust 16,2%
2. Framsóknarflokkur,
mest traust 22,1%
3. Fylgi 13,5%
Samfylkingin
1. Össur Skarphéðinsson,
mest traust 5,7%
2. Samfylkingin,
mest traust 17,3%
3. Fylgi 28,6%
Frjálslyndi flokkurinn
1. Guðjón Arnar Kristjánsson,
mest traust 0
2. Frjálslyndir,
mest traust 0,2%
3. Fylgi 6,1%
TRAUST
Skilar sér ekki alltaf í fylgi. Fleiri fylgja sjálfstæðismönnum að málum en þeir sem
treysta Davíð mest. Fleiri treysta Halldóri og Steingrími J. en þeir sem segjast ætla
að kjósa flokka þeirra.
LÍTIÐ TRAUST
Össur Skarphéðinsson nýtur minna fylgis en Ingibjörg Sólrún Gísladóttir. Traust þeirra beggja mælist mun minna en fylgi flokksins.
SAFNAÐ FYRIR BÖRN
Leitað var að Sri með þyrlu, björgunarskipi og öllum öðrum tiltækum aðferðum.
12-13 22.9.2004 21:43 Page 2