Fréttablaðið - 23.09.2004, Blaðsíða 22

Verðsamanburður:
Verðlagið
í dag
NEYTENDUR Fimm ódýrustu bjór-
tegundirnar í vínbúðum ÁTVR –
miðað við 1 stk. ljósan lagerbjór í
500 ml áldós:
1. Bavaria Crown 149 kr.
2. Egils Pilsner 153 kr.
3. Bergedorf 154 kr.
4. Viking Lager 156 kr.
5. Faxe Premium og Dressler 159 kr.
Verðið tek-
ið af heima-
síðu ÁTVR
22.september
kl. 12.30. ■
22 23. september 2004 FIMMTUDAGUR
TIL MÓTS VIÐ LÖGREGLUNA
Alain Robert, sem kallar sig Köngulóar-
manninn, kleif Montparnasse-háhýsið í
París, sem telur 59 hæðir, til að kynna nýja
bók sína. Lögreglan tók á móti honum á
þaki byggingarinnar og tók hann höndum
enda hafði hann ekkert leyfi fyrir klifrinu.
Bush varði ákvörðun sína um innrás í Írak:
Verða að veita Írak meiri hjálp
NEW YORK, AP „Lýðræðislegt Írak
á sér miskunnarlausa óvini,“
sagði George W. Bush Banda-
ríkjaforseti þegar hann ávarp-
aði allsherjarþing Sameinuðu
þjóðanna. Hann hvatti þjóðir
heims til að aðstoða við upp-
byggingu Íraks og varði þá
ákvörðun sína að gera innrás í
Írak þrátt fyrir að deilt væri um
lögmæti hennar.
„Sameinuðu þjóðirnar og að-
ildarríki þeirra þurfa að verða
við beiðni Allawi forsætisráð-
herra og gera meira til að hjálpa
til við að byggja upp Írak sem er
öruggt, lýðræðislegt og frjálst,“
sagði hann og vísaði til þess að
Allawi væri viðstaddur fundinn
í húsnæði Sameinuðu þjóðanna.
Skömmu áður en Bush tók til
máls hafði Kofi Annan, aðalritari
Sameinuðu þjóðanna, varað við
því að lög og regla væru í hættu á
heimsvísu. Stutt er síðan hann
sagði innrásina í Írak hafa verið
ólöglega. Nú fordæmdi hann
gíslatökur og morð á gíslum í
Írak en benti einnig á að íröskum
föngum hefði verið misþyrmt
með viðurstyggilegum hætti. ■
GEORGE W. BUSH
Ávarpaði þing Sameinuðu þjóðanna og
varði innrásina í Írak. Hann vildi meiri
hjálp alþjóðasamfélagsins við írösku
bráðabirgðastjórnina.
GÆLUDÝR Fyrsta október þarf að
bólusetja alla hunda og ketti sem
flytja á til landa á Evrópska efna-
hagssvæðinu gegn hundaæði. Um
mánaðamótin taka gildi nýjar
reglur varðandi útflutning hunda
og katta. Hingað til hafa flest lönd
bara gert kröfu um almennt heil-
brigðisvottorð auk þess sem dýrið
hefur þurft að vera ormahreinsað
og auðkennt með varanlegu merki
og hundaæðisbólusetningar ein-
ungis krafist vegna flutnings til
Bretlands.
Á vef yfirdýralæknisembættis-
ins kemur fram að ekki verði tek-
ið tillit til stöðu Íslands, sem er
laust við hundaæði. Þá gera Bret-
land, Írland, Svíþjóð og Noregur
að auki kröfu um að magn hunda-
æðismótefna í blóði sé mælt.
Eftirleiðis þurfa dýraeigendur að
huga að undirbúningi flutnings til
annarra landa með góðum fyrir-
vara í samráði við dýralækni, en
sérstaka undanþágu yfirdýra-
læknis þarf til að kaupa og nota
hundaæðisbóluefni.
„Dýrin skulu eftir sem áður
vera örmerkt eða eyrnamerkt og
meðhöndluð gegn sníkjudýrum og
nota skal sérstök vottorðaeyðu-
blöð sem eru útgefin af ESB,“ seg-
ir í tilkynningu yfirdýralæknis. ■
Fyrsta jarðgasvirkjun Noregs
Norsk Hydro og Statkraft ætla að byggja umdeilda raforkuvirkjun sem notar jarðgas við
rafmagnsframleiðsluna. Andstæðingar virkjunarinnar óttast að Noregur standist ekki skuld-
bindingar sínar gagnvart Kyoto-samkomulaginu vegna virkjunarinnar.
NOREGUR, AP Tvö norsk orkufyrir-
tæki, Norsk Hydro ASA og
Statkraft SF, tilkynntu í gær um
fyrirætlanir sínar um að búa til
fyrstu virkjun landsins sem nýtir
jarðgas. Ákvörðunin er viðkvæm
vegna mengunar frá slíkri virkj-
un.
Noregur er
þriðji stærsti olíu-
útflytjandi heims,
á eftir Sádi-Arab-
íu og Rússlandi.
Þá er einnig fram-
leitt í landinu
mikið af jarðgasi
til útflutnings.
Kostnaður við
virkjunina er
sagður nema um
tveimur milljörðum norskra
króna, eða um 21 milljarði ís-
lenskra króna, en ráðgert er að
hún hefji starfsemi árið 2007.
Virkjunin á að rísa í Kårstø
skammt frá Haugasundi í Vestur-
Noregi og vera 300 MW að stærð.
Hún stæði því undir 2,5 prósent-
um af orkuþörf landsins. Til sam-
anburðar má nefna að Kára-
hnjúkavirkjun er 690 MW að
stærð. Naturkraft AS, í eigu
Norsk Hydro og Statkraft, byggir
virkjunina. „Nýja gasvirkjunin
verður sú nýtískulegasta og um-
hverfisvænasta í Evrópu,“ segja
fyrirtækin tvö.
Nær öll raforkuframleiðsla
Noregs er nú frá vatnsaflsvirkj-
unum. Aukin raforkunotkun á
álagstímum, svo sem að vetrar-
lagi, hefur hins vegar kallað á
orkukaup frá öðrum löndum, jafn-
vel þar sem raforka er framleidd
með kolum eða kjarnorku. „Virkj-
unin er mikilvægt skref í þá átt að
standa undir orkuþörf landsins,
auk þess að vera hluti af viðleitni
okkar í betri nýtingu jarðgass,“
segir Eivind Reiten, forseti og að-
alframkvæmdastjóri Norsk
Hydro.
Að sögn Naturkraft kemur
virkjunin til með að gefa frá sér
1,1 milljón tonna af koltvísýringi á
ári hverju. „Við ætlum að berjast
fyrir hreinsikerfum fyrir koltví-
sýring,“ segir Biate Kristiansen, í
norska umhverfisverndarhópnum
Bellona. Hún segir að bygging
virkjunarinnar án slíkrar hreinsi-
tækni geri illmögulegt fyrir Nor-
eg að standast skuldbindingar
Kyoto-samkomulagsins.
Málið er svo viðkvæmt í Nor-
egi að í mars 2000 létu Kjell
Magne Bondevik og ríkisstjórn
hans frekar af völdum en að láta
undan kröfum þingsins um breyt-
ingar á umhverfislögum til að
liðka til fyrir gasvirkjun.
Bondevik komst aftur til valda
síðla árs 2001.
Umhverfisráðherra Noregs,
Knut Arild Hareide, segir undir-
búning fyrirtækjanna vera von-
brigði: „Ég vonaðist til að fyrir-
tækin myndu bíða eftir tækni sem
fjarlægt gæti koltvísýringinn,“
sagði hann. ■
Bolungarvík:
Stálu og
skemmdu
LÖGREGLA Brotist var inn í félags-
miðstöðina Tópas í Bolungarvík
um síðustu helgi en í sama húsi er
heilsdagsskóli grunnskólans.
Úr húsinu var stolið borðtölvu,
leikjatölvu, myndbandstæki, af-
ruglara, lítilræði af peningum og
aukafatnaði frá einu barnanna úr
heilsdagsskólanum. Þá voru unnar
talsverðar skemmdir eins og á
millihurðum sem brotnar voru upp
í leit að verðmætum. Þeir sem
urðu varir við mannaferðir í kring-
um félagsmiðstöðina um helgina
eru beðnir um að hafa samband við
lögregluna í Bolungarvík. ■
Erdogan til Brussel:
Mun mæta
tortryggni
BRUSSEL, AP Búist er við því að
Recep Erdogan, forsætisráðherra
Tyrklands, fái vænan skammt af
gagnrýni þegar hann fundar með
forystumönnum Evrópusambands-
ins í dag. Erdogan ræðir við for-
ystumenn Evrópusambandsins um
möguleika Tyrklands á að fá aðild
að sambandinu en efasemdir eru
uppi um hvort Tyrkir uppfylli skil-
yrði fyrir aðild.
Erdogan ræðir í dag við Günther
Verheugen, sem fer með stækkun-
armál í framkvæmdastjórn Evrópu-
sambandsins, og Josep Borrell, for-
seta þings Evrópusambandsins. ■
VIÐ SKILTIÐ
Sólon Sigurðsson og Sigríður Heiðmundar-
dóttir afhjúpuðu skiltið.
Gaddstaðir:
Nýtt skilti
afhjúpað
FERÐAMÁL Í vikunni var afhjúpað
upplýsingaskilti í svokölluðum
Aldamótaskógi á Gaddstöðum við
Hellu. Árið 2000 var gróðursett á
fjórum stöðum á landinu, þar á
meðal á Gaddstöðum, í tilefni
aldamóta og vegna afmælis Skóg-
ræktarfélags Íslands og KB
banka. Er skiltinu nú ætlað að
kynna svæðið, sem mun verða
fjölsótt útivistarsvæði fyrir al-
menning í náinni framtíð. ■
Gæludýr til ESB:
Auknar kröfur um heilbrigði
HUNDUR
Um næstu mánaðamót taka gildi nýjar
reglur um útflutning gæludýra til ríkja Evr-
ópusambandsins og Evrópska efnahags-
svæðisins. Bólusetja þarf bæði hunda og
ketti gegn hundaæði.
Þingstörf:
Danir kynna
sér Alþingi
HEIMSÓKN Hluti forsætisnefndar
danska þingsins hefur verið í
vinnuheimsókn hér á landi síðan á
þriðjudag í boði forseta Alþingis.
Í heimsókninni hefur nefndin
rætt við forsætisnefnd Alþingis,
fulltrúa þingflokka og átt fundi
bæði með forseta Íslands og for-
sætisráðherra. Þá hefur hún hitt
fulltrúa skrifstofu Alþingis og
kynnt sér skipulag og starfsemi
þingsins, og skoðað handritasýn-
inguna í Þjóðmenningarhúsinu
ásamt því að heimsækja Þingvelli.
Nefndin fer í dag. ■
M
YN
D
/N
O
R
SK
H
YD
RO
GASLOGI HJÁ NORSK HYDRO Í NORÐURSJÓ
Norsk Hydro og Statkraft í Noregi hafa sameinast um
að virkja jarðgas til raforkuframleiðslu í vesturhluta Nor-
egs. Ákvörðunin er umdeild þar sem mengun af völd-
um gróðurhúsalofttegunda fylgir virkjun af þessu tagi.
,,Nýja gas-
virkjunin
verður sú
nýtískuleg-
asta og
umhverfis-
vænasta í
Evrópu.
22-23 22.9.2004 20:45 Page 2