Fréttablaðið - 23.09.2004, Blaðsíða 39

Þórlindur Kjartansson fer mikinn í
Fréttablaðinu 16. september og
talar um að almenningi kunni að
finnast grunnskólakennarar fari
glannalega með neyðarúrræðið
verkfall. Verkfall er algert neyðar-
úrræði og gripið er til þess
þegar allar bjargir virðast vera
bannaðar. Nú hafa grunnskólakenn-
arar verið samningslausir í tæpt
hálft ár, 173 daga. Á þessum tíma
hafa staðið yfir samningavið-
ræður á milli Félags grunnskóla-
kennara (FG) og Launanefndar
sveitarfélaganna (LN) sem engu
hafa skilað. Þurfa grunnskóla-
kennarar að bíða aðra 173 daga
áður en þolinmæði þeirra þrýtur?
Eiga þeir að bíða þangað til að
allar aðrar stéttir eru búnar að
semja? Auðvitað eru þetta kjörað-
stæður fyrir sveitarfélögin sem
spara sér hundruð milljóna á með-
an grunnskólakennarar eru samn-
ingslausir. Þórlindur minntist
ekkert á að sveitarfélögin geti átt
einhverja sök á þeim rembihnút
sem deilan er komin í. Honum
finnst þá líklega að laun 28 ára
grunnskólakennara, með 5 ára
starfsreynslu, vera honum sam-
boðin en þau eru 160.000 kr.
Honum finnst þá líklega krafan
um að 30 ára grunnskólakennari
verði með 220.000 kr - 230.000 kr.
í lok samningstímabilsins árið
2007 vera græðgi og frekja eða
jafnvel glannaleg.
Hann segir einnig að mikið vanti
upp á réttlætingu sérmeðferðar á
kaupi og kjörum grunnskólakenn-
ara. Þórlindur virðist hafa einstakt
lag á að finna ekki réttlætingu
fyrir þessari „sérmeðferð“ þar sem
mikið er búið að skrifa og segja um
þau mál. Honum og öðrum í hans
sporum skal ég bæta úr því.
Þórlindur veit líklega ekki að
grunnskólinn hefur lengst um 2
skólaár á síðustu 7-8 árum. Mennta-
málaráðherra, Þorgerður Katrín
Gunnarsdóttir, getur staðfest þetta
ef Þórlindur trúir því ekki. Sú
aukna vinna sem þessi lenging kall-
ar á hefur ekki skilað grunnskóla-
kennurum nokkru í buddu þeirra.
Enda er grunnskólakennari með
tæplega 20% lægri laun en meðal-
laun innan BHM þrátt fyrir að
hafa bætt á sig þessum 2 skóla-
árum frá því að sveitarfélögin
tóku við grunnskólanum. Ef þetta
réttlætir ekki „sérmeðferð“
grunnskólakennara þá má einnig
benda á að sveigjanleiki starfsins
hefur algerlega horfið og marg-
háttuð réttindi s.s. undirbúningur
fyrir kennslu, sjálfstæði kennara
til endurmenntunar ofl. hafa verið
skert. Sveitarfélögin segjast ekki
hafa fjármagn til að greiða grunn-
skólakennurum mannsæmandi
laun. Þau varpa því eigin kjána-
skap yfir á grunnskólakennara
því að ekki hefur útsvar til sveit-
arfélaganna hækkað þrátt fyrir að
þessum tveimur skólaárum hafi
verið bætt við. Það er sorglegt að
sveitarstjórnarmenn virðast ekki
hafa manndóm í sér til að rukka
ríkið um kostnað við þessi tvö við-
bótar skólaár.
Þórlindur ætti að kynna sér
málin betur áður en hann deilir
á kröfugerð grunnskólakennara.
Ábyrgð hans, og hans líka, á þróun
kjaradeilunnar er nefnilega mikil
þó að þessir óupplýstu pennar axli
hana aldrei. ■
Jarðtengdar kjarabætur
27FIMMTUDAGUR 23. september 2004
Fordómar vegna
Parkisonveiki
Sigríður Einarsdóttir skrifar:
Mig langar að taka undir grein um
Parkinsonsjúkdóminn sem var í Frétta-
blaðinu í vikunni. Ég undirrituð er með
líkan sjúkdóm í litla heila sem eru
skemmdar taugar eftir höfuðhögg,
afleiðing er mikill skjálfti í höndum
og höfði. Ég hef orðið fyrir tortryggni
og einelti, t.d. á kaffihúsum vegna þess
að ég verð að biðja um glas kaffið
og stundum rör til þess að geta
drukkið kaffið vegna mikils skjálfta í
höndum og þá get ég ekki lyft bollan-
um án þess að allt kaffið hellist niður.
Fólk lítur á mig hornauga og stingur
saman nefjum, fólk heldur að ég sé
svona þunn eftir áfengisneyslu eða
alger taugasjúklingur og þá í ljótri
meiningu. Fullorðið fólk er ekkert betra
en börnin hvað einelti varðar, svo eru
svo miklir fordómar í gangi að það
mætti halda að við lifðum á sautjándu
öldinni en ekki á því herrans ári 2004.
Ekki fara menn
í bankana
Matthías Kristinsson skrifar:
Það er með eindæmum hvað sumir
láta frá sér fara um kjaradeilu grunn-
skólakennara við Samband íslenskra
sveitarfélaga. Einn þeirra er Sigurður
Óli Kolbeinsson, lögfræðingur Sam-
bands íslenskra sveitarfélaga, sem
segir það ólöglegt að meina nemend-
um að fara inn í skólastofurnar til að
ná í bækurnar sínar á meðan á verkfalli
kennara stendur. Þessi sami Sigurður
Óli hlýtur þá einnig að telja það ólög-
legt ef hann og aðrir fá ekki að fara inn
í bankana til að sækja peningana sína í
verkfalli bankamanna. Það yrði aldeilis
handagangur í öskjunni þar líkt og yrði
ef nemendum væri hleypt inn í
kennslustofurnar án eftirlits þeirra sem
vita hvar gögn hvers og eins liggja.
Já, ekki er nú öll vitleysan eins!
JÓN PÉTUR ZIMSEN
GRUNNSKÓLAKENNARI
UMRÆÐAN
KENNARAVERKFALL
BRÉF TIL BLAÐSINS
Við hvetjum lesendur til að senda
okkur línu og leggja orð í belg um efni
Fréttablaðsins eða málefni líðandi
stundar. Greinar og bréf skulu vera
stutt og gagnorð. Ritstjórn áskilur sér
rétt til að stytta aðsent efni. Einnig
áskilur ritstjórn sér rétt til að birta
aðsent efni að meginhluta á vefsíðu
blaðsins, sem er Vísir.is, og vísa þá til
þess með útdrætti í blaðinu sjálfu.
Vinsamlega sendið efni í tölvupósti á
greinar@frettabladid.is. Þar er einnig
svarað fyrirspurnum um lengd greina.
Fjöldi greina
bíður birtingar
Mikill fjöldi greina um málefni líð-
andi stundar bíður birtingar í
Fréttablaðinu. Rými blaðsins fyrir
þetta efni er takmarkað og af því
leiðir að nokkur tími getur liðið
áður en aðsend grein birtist í blað-
inu. Rétt er að minna á að blaðið
birtir að jafnaði ekki langar að-
sendar greinar. Æskilegasta lengd
aðsendrar greinar er 400 orð og
ætti slík grein að jafnaði að geta
birst í sömu viku og hún berst rit-
stjórn. Þegar grein er orðin yfir
700 orð að lengd getur liðið langur
tími þar til blaðið hefur tök á að
birta hana. Eru höfundar beðnir að
hafa þetta í huga.
26-39 (26-27) skodun 22.9.2004 16:09 Page 3