Fréttablaðið - 26.09.2004, Blaðsíða 38
FÓTBOLTI KA-menn gerðu það sem
fæstir áttu von á að þeir gætu –
slógu nýkrýnda Íslandsmeistara
FH út úr bikarnum í gærdag
þegar liðin mættust á Laugardals-
velli í undanúrslitunum. Þar með
hefndu þeir ófaranna frá því um
síðustu helgi en þá sigruðu FH-
ingar fyrir norðan, tryggðu sér
Íslandsmeistaratitilinn og sendu
KA-menn um leið beinustu leið
niður í 1. deild. KA mætir annað
hvort HK eða Keflavík í úrslita-
leiknum en þessi lið mætast ein-
mitt klukkan tvö í dag í seinni
undanúrslitaleiknum.
Leikurinn fór frekar rólega af
stað, FH-ingar, eins og við mátti
búast, voru mun meira með bolt-
ann en þeim gekk erfiðlega að
skapa sér einhver færi að ráði.
Reyndar fékk Jón Þorgrímur
Stefánsson ágætt færi á 9. mínútu
en KA-menn björguðu á línu. Á 28.
mínútu komst síðan Ásgeir Gunn-
ar Ásgeirsson aleinn inn fyrir en
skot hans fór framhjá.
Aðeins tveimur mínútum síðar
átti Heimir Guðjónsson hræðilega
sendingu til baka á Tommy Niel-
sen, Hreinn Hringsson var fljótur
að átta sig og hirti boltann, stakk
sér inn fyrir og skoraði af öryggi.
Þetta var verulega þungt högg
fyrir FH og sér í lagi Heimi Guð-
jónsson sem náði sér aldrei á strik
eftir þetta og var nánast eins og
skugginn af sjálfum sér.
Þróunin það sem eftir lifði
leiks var sú að FH-ingar sóttu án
afláts en KA-menn lágu í skot-
gröfunum, gráir fyrir járnum, og
voru síðan þrælfljótir að bregða
sér í skyndisóknirnar um leið og
færi gafst. Þar fór fremstur í
flokki Dean Martin, bæði skapaði
hann talsverða hættu nokkrum
sinnum en ekki síður var hann
duglegur að vinna tíma og gera
FH-inga enn óþolinmóðari en ella.
Á 73. mínútu voru FH-ingar
ansi nálægt því að jafna, Atli
Viðar Björnsson átti þá tvö skot,
annað varði Sandor Mátus en hitt
var varið á línu. Fjórum mínútum
fyrir leikslok fór boltinn svo í
þverslá KA-marksins eftir skot
Ármanns Smára Björnssonar.
Var það síðasta alvöru færi
leiksins og KA-menn fögnuðu
gríðarlega í leikslok enda sigur-
inn frábær uppbót fyrir fallið frá
því um síðustu helgi. Þeir spila
því til úrslita um bikarinn í þriðja
sinn, voru ansi nálægt honum árin
1992 og 2001 og hver veit nema
þetta takist hjá þeim í þriðju til-
raun. Allt KA-liðið lagði sál sína
að veði í þessum leik – allir leik-
menn börðust eins og ljón og
gáfust aldrei upp þrátt fyrir
sívaxandi sóknarþunga anstæð-
inganna.
FH-ingar voru hins vegar al-
veg heillum horfnir í þessum leik.
Liðið náði aldrei þeim takti sem
verið hefur í því meginpart sum-
ars og spurningin er sú hvers
vegna það gerist einmitt í þessum
mikilvæga leik. Hvort liðið hafi
einfaldlega ekki verið komið
niður úr skýjunum eftir sigurinn
um síðustu helgi skal ósagt látið en
það var eitthvað meira en lítið að í
þessum leik. Þótt Heimir Guðjóns-
son hafi ekki leikið eins og hann á
sér og að flensa hafi hrjáð Allan
Borgvardt þá á breidd FH-liðsins
að vera það góð að þeir geti brugð-
ist við slíku. Það náði liðið hins
vegar ekki að gera, hverju sem
um er að kenna, og þrátt
fyrir ótal sóknarlotur hafði maður
það á tilfinningunni allan leiktím-
ann að leikmönnum liðsins væri
gjörsamlega fyrirmunað að skora.
sms@frettabladid.is
22 26. september 2004 SUNNUDAGUR
Risinn var rotaður
„Risinn er vaknaður“ sungu leikmenn FH á Akureyri fyrir viku síðan.
Þessi sami risi var síðan rotaður á Laugardalsvelli í gær.
Stórir fiskar í litlum vötn-
um
Hvað var Henrik Larsson að hanga sjö
ár í skoska hálandaboltanum? spyrja
þeir sem hafa orðið vitni að glimrandi
leik sænska framherjans hjá Barcelona í
byrjun leiktíðar.
Barca er vaknað af óværum Þyrnirósar-
svefni og leikur áferðarfallega og árang-
ursríka knattspyrnu með snillinginn
Ronaldinho að baki Henke og Samuel
Eto´o. Ýmsir höfðu spáð Henke litlum
frama á Spáni enda lítil kúnst að brill-
era í tveggja liða deildinni skosku en
þar lék Henke með Celtic við ótrúlegar
vinsældir og
setti hvert
markametið á
fætur öðru
undir gælu-
nafninu „King
of Glasgow“.
Og við hæfi að
hann skyldi
reka síðasta
naglann í kist-
una þegar
Barcelona varð fyrst liða til þess í
áraraðir að leggja Celtic í Evrópukeppni
að Hampden Park.
Henke býr ekki yfir nema broti af brasil-
ískri tækni en er klár í kollinum með
frábærar staðsetningar og nánast eins
og hann lími sig við varnarmann
mótherjans til þess eins að skjótast
fram úr honum á afgerandi sekúndum.
Það er vitaskuld þægilegra að vera stór
fiskur í litlu vatni en öfugt og margir
hugðu Henke skorta þor til að spreyta
sig í alvöru deild. Nái hann afgerandi
árangri syðra skipar hann sér í sveit
helstu knatthetja samtímans tvö ár
genginn í fertugt.
Þorbjarnarþáttur
Og víkur nú sögunni að einum helsta
snillingi sænskra knattspyrnu frá upp-
hafi vega og hafa þó frændur okkar
austanhafs átt spilara eins og Grenoli-
tríóið (Gunnar Gren, Gunnar Nor-
dahl,Niels Liedholm, Nacka Skoglund
og Kurre Hamrin).
Þessir snillingar gerðu garðinn frægan
um miðja síðustu öld og voru helsta út-
flutningsvara Norðurlanda löngu fyrir
daga Abba og Bjarnar Borg. Rétt eins
og Henke var Törbjörn Nillsson lengst-
um stór fiskur í lítilli tjörn og náði aldrei
alþjóðlegum hæðum fyrrnefndra meist-
ara. Hann fór fyrir IFK Gautaborg þegar
liðið var sér á parti í Allsvenskan og
lagði grunn að alþjóðlegum frama Sven
Görans Erikssonar sem hóf feril sinn
sem þjálfari Englanna (eins og IFK er
títtnefnt af áhangendum sínum) og
varð liðið UEFA-meistari árið 1982 og
sigraði ma. Valencia með Frank Arnesen
innanborðs og Arsenal með Liam
Brady og burstuðu Hamborg heiman og
heima í útslitaleikjunum.
Torbjörn bjó yfir frábærri tækni og var
nær jafnvígur á vinstri sem hægri,
kannski ekki eins sterkur skallamaður
og Henke, en jafnvægi hans undravert
samfara glöggri yfirsýn og ómögulegt að
ná knettinum af honum í ham.
Vantaði Gautaborgarhúmorinn
Merkilegt nokk blómstraði Torbjörn
aldrei í atvinnumennsku en hann fór
ungur til Hollands eins og Henrik Lars-
son. „Það vantaði Gautaborgarhúmor-
inn hjá Eindhoven,“ sagði Torbjörn.
Hann lék seint á ferlinum nokkur miss-
eri með Kaiserslauten en það var bara í
bláröndóttu IFK-peysunni sem Torbjörn
var í essinu sínu enda elskaður og dáð-
ur um alla aflanga Svíþjóð og í vali á
bestu knattspyrnumönnum Svía er
hann ævinlega í hópi fimm efstu.
Í viðtali sem ég tók við Sven Göran
Eriksson 1997 sagði hann mér að Tör-
björn Nilsson væri hæfileikamesti leik-
maður sem hann hefði þjálfað ásamt
Roberto Mancini. Hann féll þó ekki
kerfisköllum sænska landsliðsins vel í
geð og átti Torbjörn fáa markverða leiki
í blágula búningnum. Kannski var hann
fyrst og fremst „A One Club Man“.
Henke hefur nú tækifæri til að sanna
hið gagnstæða.
Einar Logi Vignisson skrifar um boltann
í Suður-Evrópu á sunnudögum
EINAR LOGI
VIGNISSON
Heimir Guðjónsson:
Gaf þeim markið
FÓTBOLTI Heimir Guðjónsson, fyrir-
liði FH-inga, var að vonum veru-
lega svekktur með lyktir leiksins
og hafði þetta að segja. „Það er
ósköp lítið annað að segja en að
þeir skoruðu en við ekki og þetta
mark gaf ég þeim.
Við fengum fullt af færum í
þessum leik, ég meina, við erum
búnir að spila tvisvar við KA á
tæpri viku, þeir fengu fjögur færi
í leikjunum og skoruðu tvö mörk,
við fengum þrjátíu færi og skor-
uðum tvö mörk. En þótt við hefð-
um spilað til klukkan tíu í kvöld
hefðum við líklega ekki skorað.
Þetta var ekki okkar dagur og
okkur var ekki ætlað að sigra –
því miður.“
Aðspurður segist Heimir ekki
enn vera búinn að gera upp hug
sinn hvort hann mæti til leiks
aftur á næsta sumri. „Það verður
bara að koma í ljós, ég ætla ekki
að vera með neinar ótímabærar
yfirlýsingar, en ég læt ykkur
vita,“ sagði Heimir Guðjónsson.
FÓTBOLTI Þorvaldur Örlygsson,
þjálfari KA, var kampakátur með
frammistöðu sinna manna eins
gefur að skilja. „Við höfum ekkert
heyrt af umræðunni fyrir leikinn
– ekkert tekið eftir henni enda
fáum við ekki blöðin send
norður,“ sagði sá gamli léttur í
bragði og bætti við:
„Við létum ekkert trufla okkur
í undirbúningnum fyrir leikinn og
mætum býsna afslappaðir hingað.
Við náðum að skora eitt mark og
höfðum síðan lukkudísirnar á
bandi okkar í restina. Það er hins
vegar ekkert hægt að neita því að
þeir áttu mörg góð færi en við átt-
um nokkur helvíti góð hálffæri.
Mér fannst við spila mjög vel í
fyrri hálfleik, við vissum síðan
vel að þeir myndu koma á okkur
af krafti í byrjun síðari hálfleiks,
en við náðum að halda okkar.
Þetta er í raun í fyrsta sinn í
sumar sem heppnin var aðeins
með okkur. Vörnin var mjög góð
hjá okkur sem og markvarslan og
menn börðust virkilega fyrir
hvern annan og við áttum þennan
sigur skilið.
Það er alltaf draumur að kom-
ast í bikarúrslitin hvort sem þú
fellur eða heldur þér uppi. Því er
ekki að neita að það var mikið
svekkelsi að falla um síðustu helgi
en það er enginn heimsendir – það
var enginn að deyja og við féllum
bara um eina deild og það þýðir
voða lítið að gráta það. Nú er einn
leikur eftir af tímabilinu hjá okk-
ur og við ætlum okkur sigur í hon-
um,“ sagði Þorvaldur Örlygsson.
1–0 Hreinn Hringsson 30.
DÓMARINN
Gylfi Þór Orrason góður
BESTUR Á VELLINUM
Dean Martin KA
TÖLFRÆÐIN
Skot (á mark) 9–21 (4–6)
Horn 6–11
Aukaspyrnur fengnar 11–13
Rangstöður 0–2
MJÖG GÓÐIR
Dean Martin KA
Atli Sveinn Þórarinsson KA
Ronni Hartvig KA
GÓÐIR
Sandor Matus KA
Pálmi Rafn Pálmason KA
Daði Lárusson FH
Freyr Bjarnason FH
1-0
KA FH
KÓRSTJÓRI Englendingurinn Dean Martin
var bestur á vellinum í gær og hann var
ekki síðri eftir leik er hann stjórnaði
stemningunni í búngsklefa KA-manna.
KOMU ÖLLUM Á ÓVART Tilvonandi 1. deildarlið KA kom verulega á óvart á Laugardalsvelli í gær er þeir sigruðu nýkrýnda Íslands-
meistara FH í undanúrslitum VISA-bikarsins. Það var að vonum mikil stemning í búningsklefa KA eftir leikinn eins og sjá má á myndinni.
SÚR Ungstirnið Emil Hallfreðsson var með
böggum hildar eftir leikinn í gær en mundi
samt eftir að þakka fyrir stuðninginn.
Þorvaldur Örlygsson, þjálfari KA, var kátur:
Sanngjörn úrslit
FR
ÉT
TA
B
LA
Ð
IÐ
/S
TE
FÁ
N
FR
ÉT
TA
B
LA
Ð
IÐ
/S
TE
FÁ
N
38-39 (22-23) Sport 25.9.2004 21:13 Page 2