Fréttablaðið - 21.10.2004, Blaðsíða 2
2 21. október 2004 FIMMTUDAGUR
Þrír menn ruddust inn á ritstjórnarskrifstofur DV:
Tóku fréttastjórann hálstaki og
höfðu í hótunum við starfsfólk
LÖGREGLUFRÉTTIR Fréttastjóri DV
var tekinn hálstaki þegar þrír
menn ruddust inn á ritstjórnar-
skrifstofur DV í hádeginu í gær
og kröfðust þess að fá að tala við
annan ritstjóra blaðsins. Skömmu
síðar átti blaðamaður blaðsins fót-
um sínum fjör að launa þegar
mennirnir bökkuðu bíl sínum á
miklum hraða upp á gangstétt þar
sem hann stóð og fylgdist með
brottför þeirra.
Mennirnir kröfðust þess að fá
að tala við Mikael Torfason, annan
ritstjóra DV. Þegar þeim var sagt
að hann væri fjarverandi og þeir
beðnir um að fara tóku þeir Reyni
Traustason fréttastjóra tvívegis
hálstaki og höfðu í hótunum við
fólk.
„Ég er kominn með áverkavott-
orð og geng formlega frá kæru á
morgun,“ sagði Reynir í gær. „Ég
mun hvergi gefa eftir, frekar en
ritstjórnin í heild,“ segir Reynir
sem ætlar að fylgja því eftir að
málið verði klárað. „Ég vil helst
sjá þessa menn í fangelsi.“
Blaðamaður sem fylgdi mönn-
unum eftir til að ná númeri á bíl
þeirra og sjá hvert þeir færu átti
fótum sínum fjör að launa þegar
þeir virtust reyna að aka hann
niður.
Mennirnir tengjast vélhjóla-
klúbbnum Fáfni. Lögregla leitaði
þeirra í gærkvöld en þeir höfðu
ekki náðst þegar blaðið fór í
prentun. - bþg
OLÍUFÉLÖGIN Samkeppnisráði hefur
verið sent bréf þar sem Olíufélög-
in óska eftir skýringum á ýmsum
atriðum sem ástæða þótti að gera
athugasemdir við í kjölfar fundar
félaganna með Samkeppnisráði á
mánudaginn var, samkvæmt heim-
ildum Fréttablaðsins.
Olíufélögin telja ástæðu til að
gagnrýna málsmeðferð Sam-
keppnisstofnunar vegna rannsókn-
ar á meintu samráði félaganna á
árunum 1993-2001. Fundurinn á
mánudaginn var svokölluð reifun,
þar sem olíufélögunum gafst færi
á að tjá sig munnlega fyrir Sam-
keppnisráði.
Þótti olíufélögunum gagnrýni-
vert að reifuninni lokinni, að
starfsmenn Samkeppnisstofnunar
sætu fund með Samkeppnisráði
þar sem ræða átti lokaniðurstöðu
málsins og úrskurð Samkeppnis-
ráðs.
Einnig þótti olíufélögunum
ástæða til að spyrjast fyrir um
hvaða gögn Samkeppnisráð væri
með undir höndum því við reifun-
ina hafi virst sem Samkeppnisráði
hafi vantað gögn úr andmælunum
sem olíufélögin skiluðu inn skrif-
lega.
Ásgeir Einarsson, yfirlögfræð-
ingur Samkeppnisstofnunar, neitar
því að Samkeppnisráði hafi ekki
verið afhent öll þau gögn er fram
komu í andmælunum. „Samkeppn-
isráð hefur við úrlausn málsins
undir höndum öll gögn,“ segir
Ásgeir.
Varðandi gagnrýni olíufélag-
anna á samstarf Samkeppnisstofn-
unar og Samkeppnisráðs við úr-
skurð málsins segir Ásgeir: „Eins
og áfrýjunarnefnd samkeppnis-
mála hefur bent á og dómstólar
staðfest eru Samkeppnisstofnun
og Samkeppnisráð aðilar sem ber
að vinna sameiginlega að rannsókn
og ákvörðun í samkeppnismálum
en eru ekki aðskilin stjórnvöld.
Samkeppnisráð tekur ákvörðun á
fyrsta stjórnsýslustigi en sam-
kvæmt samkeppnislögum annast
Samkeppnisstofnun dagleg störf
ráðsins og undirbýr mál sem lögð
eru fyrir Samkeppnisráð,“ segir
Ásgeir.
Olíufélögin benda á að í dóms-
niðurstöðum héraðsdóms í græn-
metismálinu svokallaða hafi dómn-
um þótt ástæða til að gagnrýna
málsmeðferð Samkeppnisstofnun-
ar og hafi sagt hana „fara nokkuð á
sveig við viðurkennd sjónarmið
um óhlutdrægni og jafnræði.“
Beinist gagnrýni olíufélaganna því
að sömu vinnubrögðum og héraðs-
dómur gerði athugasemdir við.
Héraðsdómur segir það fela í
sér „hættulega hlutdrægni“ að
sömu starfsmenn Samkeppnis-
stofnunar vinni að rannsókn máls
og ákveði hvaða þættir þess komi
til ákvörðunar Samkeppnisráðs.
Olíufélögin benda á að hæsti-
réttur gerði ekki athugasemdir við
sjónarmið héraðsdóms varðandi
þetta.
sda@frettabladid.is
IÐNVERKAFÓLK
Kostar 1.200 krónur á tímann á Íslandi en
rúmar 2.000 krónur í Noregi.
Kjaramál:
Íslendingar
eru ódýrir
KJARAMÁL Íslenskir iðnverkamenn
eru næst ódýrasta vinnuaflið í
hópi tuttugu þjóða sem skoðaðar
voru í skýrslu viðskiptaháskólans
IMD í Sviss. Samkvæmt henni eru
það einungis spænskir iðnverka-
menn sem eru ódýrari. Í skýrsl-
unni er ríkjum raðað upp eftir
samkeppnishæfni og var Ísland
talið fimmta í röðinni.
Greiða þarf að meðaltali 1.200
krónur fyrir tímann hjá íslensk-
um iðnverkamönnum en starfs-
bræðrum þeirra í Noregi þarf
hins vegar að greiða rúmar 2.000
krónur. Reyndust þeir dýrasta
vinnuaflið samkvæmt könnun-
inni. -ghg
■ LÖGREGLUFRÉTTIR
Nei ég bíð með það. Ég er ekki
búinn að gefa upp vonina um að
bréfið komi sér vel ef stjórnendur
Símans sjá að sér.
Stjórn Símans synjaði kröfu Steingríms J. Sigfús-
sonar alþingismanns um hluthafafund vegna
kaupa fyrirtækisins á hlut í Skjá einum. Steingrím-
ur lagði kröfuna fram í krafti hlutabréfs sem hann
á í Símanum.
SPURNING DAGSINS
Steingrímur, ætlarðu að selja bréfið?
JOHN KERRY
Demókratinn fær liðsauka í næstu viku
þegar Clinton fer í kosningaferðalag.
Forsetakosningar:
Clinton
í slaginn
BANDARÍKIN, AP Bill Clinton er orð-
inn nægilega heill heilsu til að
taka þátt í kosningabaráttu Johns
Kerry. Ákveðið hefur verið að
Clinton verði með Kerry á fundi í
Philadelphiu næsta mánudag og
einnig stendur til að hann ferðist
um og hvetji fólk til að kjósa
Kerry.
Demókratar bundu vonir við
það í sumar að Clinton léki
stórt hlutverk í kosningabaráttu
Kerrys. Þær vonir dofnuðu þegar
Clinton þurfi að gangast undir
uppskurð en hann hefur verið
hálfan annan mánuð að jafna sig
en telur sig nú við nógu góða
heilsu til að vinna að kjöri flokks-
bróður síns. ■
ÍKVEIKJUR Það sem af er ári hafa
komið þrisvar sinnum fleiri
íkveikjur inn á borð lögreglu en
allt árið í fyrra. Samkvæmt upp-
lýsingum frá tölfræðideild Ríkis-
lögreglustjóra er þá átt við mál
þar sem vísvitandi er kveikt í eig-
um, en ekki talin með tilvik þar
sem kveikt er í rusli á sorphaug-
um eða við vinnustaði.
Tólf slík mál hafa komið á borð
lögreglu í ár, en fimm þeirra komu
upp í Reykjavík. Í fyrra komu upp fjögur íkveikjumál, þrjú þeirra í
höfuðborginni og árið þar áður
komu upp sjö íkveikjumál, öll
nema eitt í Reykjavík.
Íkveikjur eru lögum sam-
kvæmt litnar alvarlegum augum
enda geta þær sett fjölda fólks í
hættu. Í 164. grein almennra hegn-
ingarlaga kemur fram að valdi
maður eldsvoða, sem hefur í för
með sér almannahættu, þá varði
það fangelsi ekki skemur en 6
mánuði. „Refsing skal þó ekki
vera lægri en 2 ára fangelsi, hafi
sá, er verkið vann, séð fram á, að
mönnum mundi vera af því ber-
sýnilegur lífsháski búinn eða elds-
voðinn mundi hafa í för með sér
augljósa hættu á yfirgripsmikilli
eyðingu á eignum annarra
manna,“ segir í lögunum.
- óká
Eldsvoðar:
Íkveikjur
þrefalt fleiri
ÍKVEIKJA Á BLÖNDUÓSI
Talið er víst að kveikt hafi verið í Votmúla, atvinnuhúsnæði á Blönduósi, en eldurinn átti upp-
tök sín í skilrúmi milli matvælaverksmiðjunnar Vilkó og pakkhúss kaupfélagsins á staðnum.
FR
ÉT
TA
B
LA
Ð
IÐ
/V
IL
H
EL
M
VETTVANGUR ÍKVEIKJA
Í ÁR OG TVÖ SÍÐUSTU ÁR:
2002 2003 2004
Bifreið 3 4
Heimili 2 3 4
Stofnun 1 1 2
Annað 1 2
Heimild: Embætti Ríkislögreglustjóra
Umferð:
Bílum fjölgar
UMHVERFISMÁL Fjöldi bíla á götum
Reykjavíkur jókst um 45 prósent
milli áranna 1996 og 2003 og fjöl-
di dísilbíla tvöfaldaðist. Þar af
munar mestu um mikla fjölgun
stórra jeppa. Þetta kemur fram í
skýrslu Umhverfisstofu Reykja-
víkur.
Fram kemur í skýrslunni að út-
streymi gróðurhúsalofttegunda
frá umferð fólksbíla í Reykjavík
hafi aukist um tæp tíu prósent frá
árinu 1999 til 2002. Það hefur hins
vegar aukist um tæp tvö prósent
að meðaltali á landinu öllu. - ghg
LÖGREGLAN MÆTT Á STAÐINN
„Þetta verður ekki til að ala á ótta hjá
mér, eða okkur á ritstjórninni,“ sagði
Reynir Traustason eftir að ofbeldismenn
tóku hann hálstaki, ollu skemmdum og
hótuðu starfsfólki.
Gagnrýna vinnubrögð
samkeppnisyfirvalda
Olíufélögin gagnrýna að sami aðili rannsaki mál og úrskurði. Þau segja
óeðlilegt að Samkeppnisstofnun sitji fundi með Samkeppnisráði þar sem
úrskurður er ræddur. Dómstólar hafa gagnrýnt þetta fyrirkomulag.
OLÍUFÉLÖGIN ERU SÖKUÐ UM ÓLÖGLEGT SAMRÁÐ Á ÁRUNUM 1993-2001
Héraðsdómur segir það fela í sér „hættulega hlutdrægni“ að sömu starfsmenn Sam-
keppnisstofnunar vinni að rannsókn máls og ákveði hvaða þættir þess komi til ákvörðunar
Samkeppnisráðs. VALT Í HVASSVIÐRI Dráttarbíll
með fjárflutningavagn valt á
þjóðveginum undir Eyjafjöllum,
vestan við bæinn Hvamm, síð-
degis í gær. Ökumaður var einn í
bílnum. Hann slasaðist á hand-
legg, sem var ótrúlega vel slopp-
ið að sögn lögreglunnar á Hvols-
velli.
HARÐUR ÁREKSTUR Skömmu eft-
ir tvö í gær varð harður árekstur
á gatnamótum Hringbrautar og
Flugvallarvegar í Keflavík.
Fólksbifreið og jeppabifreið lentu
saman. Ökumaður fólksbifreiðar-
innar var fluttur á sjúkrahús til
aðhlynningar en hann meiddist
lítilsháttar. Hann fékk að fara
heim að skoðun lokinni.
02-03 20.10.2004 22:17 Page 2