Fréttablaðið - 21.10.2004, Blaðsíða 8

8 21. október 2004 FIMMTUDAGUR
Íslendingar búa við einna minnstu spillingu allra þjóða:
Mest spilling í olíuríkjum
BRETLAND, AP Mikið samhengi er á
milli olíuauðs og spillingar í við-
komandi löndum að sögn Peters
Eigen, formanns Transparency
International, sem hefur tekið
saman árlegan lista sinn um
hversu mikil spillingin er í 146
löndum heims.
„Líkt og spillingarvísitalan
2004 sýnir eru olíurík ríki á borð
við Angóla, Aserbaídsjan, Tsjad,
Ekvador, Indónesíu, Íran, Írak,
Kasakstan, Líbíu, Nígeríu, Rúss-
land, Súdan, Venesúela og Jemen
öll með afar lágt skor,“ sagði
Eigen. Þau ríki sem fá lægsta ein-
kunn eru löndin þar sem mest
spilling ríkir.
Eigen segir þessi ríki búa við
þann vanda að háar fjárhæðir renni
í vasa vestrænna stjórnenda olíu-
fyrirtækja, milliliða og embættis-
manna í löndunum sjálfum. Hann
hvatti olíufyrirtæki til að greina
opinberlega frá öllum greiðslum til
ríkisstjórna og ríkisrekinna olíufé-
laga í von um að draga úr spillingu.
Meira en tvö af hverjum þremur
ríkjum, 106 af 146, fengu fallein-
kunn eða innan við fimm af tíu
mögulegum. Sjö ríki fá meira en níu
í einkunn og teljast því þau ríki sem
búast við minnsta spillingu. Þau
lönd eru Finnland, Nýja-Sjáland,
Danmörk, Ísland, Singapúr, Svíþjóð
og Sviss. ■
Embættismenn
firra sig ábyrgð
Sviðsstjóri skipulags- og byggingarsviðs segist ekki telja að mistök ráði því að
Nóatún fái að reka verslun í Grafarholti. Eigandi húsnæðisins sem fékk versl-
unarleyfið dregur Steinunni Valdísi Óskarsdóttur til ábyrgðar.
BORGARMÁL Það er ekki rétt að kalla
það mistök þegar Gullhamrar ehf.,
eigendur verslunarhúsnæðisins
við Þjóðhildarstíg í Grafarholti,
fengu verslunarleyfi að sögn
Salvarar Jónsdóttur, sviðsstjóra
skipulags- og byggingarsviðs
Reykjavíkur. Nóatún leigir nú hús-
næðið og rekur verslun á staðnum.
Steinunn Valdís Óskarsdóttir,
formaður skipulags- og bygging-
arsviðs, sagði í Fréttablaðinu í
gær að leyfið hafi
verið veitt vegna
mistaka embætt-
ismanna borgar-
innar við gerð að-
alskipulagsins.
Salvör segir að
leyfið hafi verið
veitt á grundvelli
þágildandi aðal-
skipulags sem
hafi heimilað slík-
an rekstur.
„Kjarni máls- ins er að aðalskipulagið sem sam-
þykkt var kvað ekki nægilega
skýrt á um að óheimilt væri að
reka þarna matvöruverslun,“
segir Salvör. „Skipulagið var síð-
an samþykkt af pólitíkusum enda
geta þeir einir samþykkt það.“
Aðspurð hvort stjórnmála-
menn hafi gert mistök segir
Salvör: „Það er spurning hvernig
menn vilja túlka það. Mér finnst
að það hefði mátt vanda vinnu-
brögðin betur.“
Salvör segir að aðalskipulaginu
hafi síðar verið breytt. Sam-
kvæmt núgildandi aðalskipulagi
megi einungis opna matvöru-
verslun við Kirkjustétt, efst uppi
á holtinu, þar sem verslunar-
kjarni hverfisins sé. Hún segir að
þrátt fyrir að Nóatún reki nú
verslun við rætur holtsins verði
öðrum matvöruverslunum ekki
veitt leyfi til þess. Með því væri
verið að ganga gegn breyttu aðal-
skipulagi sem banni slíkan rekst-
ur annars staðar en við Kirkju-
stétt. Aðspurð hvort borgin sé
ekki að brjóta jafnræðisregluna
með þessu segist hún ekki telja
svo vera.
Lúðvík Th. Halldórsson, eig-
andi Gullhamra, segir að ekki
verði séð að embættismenn borg-
arinnar hafi gert nein mistök
þessu máli. Ef einhver hafi gert
mistök sé það Steinunn Valdís.
Hún sem formaður skipulags- og
byggingarnefndar hafi barist
gegn því að veita leyfið. Borgar-
stjórn hafði síðan séð hverslags
lögleysa það væri og samþykkt að
veita það.
trausti@frettabladid.is
,,Skipulag-
ið var síðan
samþykkt
af póli-
tíkusum
enda geta
þeir einir
samþykkt
það.
SVONA ERUM VIÐ
LENGD VINNUVIKU Á
3. ÁRSFJÓRÐUNGI 2004
Karlar 47,5 klst.
Konur 37,6 klst.
Heimild: Hagstofan.
Lögreglumaður
þorir ekki að
kæra Vítisengil
sem nefbraut
hann
Jón Trausti Lúthersson
var eftirlýstur þegar
hann réðst inn á DV
ÍRAK, AP Sex manna fjölskylda lét
lífið þegar bandarískir hermenn
skutu eldflaugum að miðborg
Falluja í fyrrinótt. Fólkið hafði
að sögn nágranna sinna nýlega
snúið aftur heim eftir að hafa
flúið borgina um nokkurra daga
skeið vegna hættunnar sem þar
ríkir.
Skömmu eftir að eldflaugin
lenti á heimili fjölskyldunnar
lenti eldflaug á kennaraskóla,
minna tjón varð þó af þeirri
sprengingu en hefði getað orðið
því einungis lítill hluti eldflaug-
arinnar sprakk.
Bandaríkjaher hefur skotið
eldflaugum og sprengjum að
Falluja í herferð gegn hryðju-
verkamanninum Abu Musab al-
Zarqawi. ■
Loftárás Bandaríkjahers:
Heil fjölskylda fórst
STEINUNN VALDÍS ÓSKARSDÓTTIR Á BORGARSTJÓRNARFUNDI
Lúðvík Th. Halldórsson, eigandi Gullhamra, segir að ef einhver hafi gert mistök sé það
Steinunn Valdís. Hún sem formaður skipulags- og byggingarnefndar hafi barist gegn því
að veita leyfið.
OLÍUHREINSUNARSTÖÐ
Spilling helst hönd í hönd við olíuauð
landa að sögn formanns samtaka sem
leggja mat á spillingu í 146 löndum.
SPILLTUSTU RÍKI HEIMS
Bangladess
Haítí
Nígería
Tsjad
Myanmar
Aserbaídsjan
Paragvæ
MINNST SPILLING
Finnland
Nýja-Sjáland
Danmörk
Ísland
Singapúr
Svíþjóð
Sviss
FAÐIRINN JARÐSETTUR
Nágranni fjölskyldunnar sem lést sést hér
grafa lík föðurins.
08-09 20.10.2004 21:41 Page 2