Fréttablaðið - 21.10.2004, Blaðsíða 72

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
SMS
LEIKUR
EINTAK Á 199 KRÓNUR?
199 kr/skeytið
Kem
ur 5.
nóv.
PC CD-ROM
PC CD-ROM
Einelti
Ég hef hitt ýmislegt óskemmtilegtfólk á leiðinni sem einhverra
hluta vegna hefur haft horn í síðu
minni. Ég hef oft kennt öðrum um
hvernig mér hefur gengið en engum
er eins mikið um að kenna og
ákveðnum manni sem hefur elt mig
á röndum alla ævi og lagt mig í
kerfisbundið einelti. Hann hefur
ósjaldan setið fyrir mér og ráðist á
mig án nokkurar viðvörunar. Þegar
síst varir og ég á alls ekki von á
honum skýtur hann upp kollinum.
Honum tekst alltaf að koma aftan að
mér.
HANN er einstök slettireka og leið-
indapúki. Þegar ég hef gert eitthvað
sem ég hef verið ánægður með, og
hefur alveg verið ágætt, hefur hann
lagt sig fram um að gera lítið úr því.
Jafnvel þegar hundrað manns hrósa
mér fyrir eitthvað þarf hann að ein-
blína á þann eina sem var ekki
ánægður. Og svo þegar ég segi: „Það
voru nú allir frekar ánægðir með
þetta,“ þá svarar hann: „Ekki alveg
allir. Þessi eini þarna var ekki
ánægður.“ Hann dregur fram ein-
hver smáatriði sem hefðu getað ver-
ið betri. Hann sjálfur er aldrei
ánægður með neitt sem ég geri. Það
vantar alltaf herslumuninn. Þegar
ég tala á hann það jafnvel til að
hlæja og herma eftir mér. Það finnst
mér mjög leiðinlegt.
ENGINN hefur lagt aðra eins
steina í götu mína og þessi maður.
Hann hefur reynt að hindra mig í
nær öllu sem ég hef viljað taka mér
fyrir hendur. Hann reynir að hræða
mig. Og tekst það oft. Hann er sér-
fræðingur í að draga úr mér
kjarkinn. „Þetta á eftir að misheppn-
ast,“ segir hann. „Það eiga allir eftir
að hlæja að þér!“ Enginn hefur eins
gott lag og hann á að draga mig nið-
ur. Enginn annar maður hefur
skemmt eins mikið fyrir mér og
hann. Hann hefur oftar en ekki orðið
til þess að ég hef sleppt því að gera
eitthvað sem ég hugðist gera.
NÚ er ég í fyrsta skipti byrjaður að
svara honum. Hann er búinn að
eyðileggja svo mikið fyrir mér í
gegnum tíðina. Ég er farinn að segja
honum að þegja. Og ég er farinn að
gera hlutina þótt hann sé eitthvað
röflandi um, á bakvið mig, að þetta
eigi allt eftir að misheppnast.
HANN er eini maðurinn sem hefur
staðið í vegi fyrir því að ég nyti al-
gjörrar hamingju í lífinu. Þessi mað-
ur er ég sjálfur. ■
JÓNS GNARR
BAKÞANKAR
72 bak 20.10.2004 19:02 Page 2