Fréttablaðið - 24.10.2004, Blaðsíða 2

2 24. október 2004 SUNNUDAGUR
Íslenskir friðargæsluliðar særðust í sprengjuárás:
Vill fá Steinar
heim sem fyrst
SPRENGJUÁRÁS „Það var hræðilegt
að heyra þessar fréttir. Mér finnst
ég svo lítils megnug að geta ekkert
gert til að hjálpa honum,“ segir
Soffía Hrönn Jakobsdóttir, eigin-
kona Steinars Arnar Magnússonar,
annars íslensku friðargæslulið-
anna sem særðust í sprengjuárás í
Kabúl í Afganistan í gær.
Soffía talaði við Steinar Örn í
gær eftir að hann kom úr aðgerð
en hann fékk sprengjubrot bæði í
hendi og fót. Hún segir hann hafa
borið sig vel. Mikil mildi sé að
ekki hafi farið verr eins og ef
brotin hefðu lent í höfði hans eða
kviði. Steinar fór til Kabúl í ágúst
og átti að koma heim í byrjun des-
ember en Soffía segist ekki vita
hvort þeir muni koma heim fyrr
vegna árásanna. „Auðvitað vil ég
fá hann heim sem fyrst,“ segir
Soffía og játar því að ógnvæglegt
sé að hafa hann áfram í Kabúl.
Hún segist auðvitað hafa vitað að
einhver hætta væri yfirvofandi á
meðan hann væri í Afganistan en
hún hafi samt alltaf hugsað sem
svo að ekkert myndi koma fyrir.
Þá segir hún sárt að geta ekki
heimsótt Steinar á spítalann, þau
séu vön að styðja hvort annað og
því sé skrítið að hafa hann ekki
nálægan á stundu sem þessari. ■
Bæjarstjóri Ísafjarðar:
Vill lög á
verkfallið
KJARAMÁL „Ég tel að setja þurfi lög á
verkfall kennara leysist deilan ekki
fljótlega,“ segir Halldór Halldórs-
son, bæjarstjóri á Ísafirði. „Þetta er
að verða hálfgert neyðarástand.“
Halldór telur alversta kost sveit-
arfélaganna að semja sér við sína
kennara. „Sveitarfélögin eiga ekk-
ert auðveldara með að semja á þeim
nótum sem kennarar leggja fram
þótt þeir semji hver í sínu lagi.“ - ht
■ LÖGREGLUFRÉTTIR
„Nei, þvert á móti. Ég vil leysa allan
vanda, ef hægt er.“
Skúli Einarsson matsveinn verður líklega næsti
formaður Matsveinafélagsins. Hann hefur lent í
skrautlegum ævintýrum á ævinni en lagði ekki í
að boxa við Jóhannes á Borginni þegar hann var
þar í starfi vikapilts.
SPURNING DAGSINS
Skúli, þú ætlar ekki að fara að baka
vandræði?
Kosningar í Kósovó:
Sniðgengnar
af Serbum
KÓSOVÓ, AP Kjörsókn Kósovó-Serba
virðist hafa verið sérlega lítil í al-
mennum kosningum í Kósovó.
Flestir leiðtogar serbneska minni-
hlutans á svæðinu skoruðu á sitt
fólk að sniðganga kosningarnar og
krefjast meira öryggis á svæðinu.
Kosið er til 120 manna þings í hér-
aðinu sem fer með takmörkuð völd.
Sameinuðu þjóðirnar líta á þess-
ar kosningar sem einn af prófstein-
um á hvort þjóðarbrotin tvö,
Serbar og Albanir, séu í stakk búin
til að lifa í samlyndi. ■
„Við látum nota okkur til að
hreinsa upp eftir Bandaríkja-
menn, þar sem þeir hafa farið
sínu fram,“ segir Ögmundur Jón-
asson, þingmaður og þingflokks-
formaður Vinstrihreyfingarinnar
– græns framboðs, og telur end-
urspeglast í árás á íslenska frið-
argæsluliða í Kabúl að þjóðin sé
orðin beinn þátttakandi í styrj-
öldum sem Bandaríkjamenn
heyja.
„Auðvitað er manni efst í huga
að hugsa til mannanna sem þarna
meiddust, en lærdómurinn hlýtur
að vera að hyggja að því inn á
hvaða braut við erum komin.
Ríkisstjórnin hefur nánast í kyrr-
þey verið að koma á fót íslensk-
um her sem sinnir hergæslu-
störfum í Afganistan. Þetta er hin
napra staðreynd málsins,“ segir
Ögmundur og furðar sig á að
þessari skipan hafi verið komið á
án „eðlilegrar lýðræðislegrar
umræðu“.
Ögmundur telur að endur-
skoða þurfi alla aðkomu þjóðar-
innar að friðarstarfi. „Ekki endi-
lega í ljósi þessarar árásar, þótt
vissulega sé hún tilefni til að
minna okkur á hvernig komið er,“
segir Ögmundur.
- óká
Hreinsum til eftir Bandaríkjamenn:
Endurskoða þarf friðarstarfið
ÖGMUNDUR JÓNASSON
Endurskoða þarf aðkomu þjóðarinnar að alþjóðlegu friðarstarfi, segir þingmaður Vinstri
grænna.
Stoðir samninga
eru að bresta
Formaður Starfsgreinasambandsins segir forsendur samninga bresta verði samn-
ingar annarra umtalsvert hærri en félagsmanna. Tillaga sáttasemjara að lausn
deilunnar hefði falið í sér tæpra 26 prósenta kostnaðarauka fyrir sveitarfélögin.
KJARAMÁL „Ef samningar annarra á
vinnumarkaði verða umtalsvert
hærri en okkar bresta samnings-
forsendur,“ segir Kristján Gunn-
arsson, formaður Starfsgreina-
sambands Íslands.
Tillaga ríkissáttasemjara til
lausnar á kjaradeilu kennara sem
kennarar höfnuðu hefði alls falið í
sér tæpra 26 prósenta kostnaðar-
aukningu fyrir sveitarfélögin á
samningstímanum. Kennurum
var boðin 5,6 prósenta launa-
hækkun strax auk 100 þúsunda
eingreiðslu þann 1. nóvember.
Gert var ráð fyrir öllu meiri
hækkun til byrjunarkennara en
annarra í tillögu ríkissáttasemj-
ara. Þá hefði kennsluskylda verið
minnkuð úr 28 kennslustundum á
viku í 26.
Kristján segir málið alvarlegt í
ljósi þess að verðbólgumarkmið
Seðlabankans séu brostin eða
standi mjög veikum fótum.
„Þannig er hin stoð kjarasamning-
anna fokin líka,“ segir Kristján.
„Þannig að eins og staðan blasir
við eru okkar samningsforsendur
afar veikar.
Þá áskiljum við okkur að taka
upp samninga við fyrsta tækifæri
eða fá nægjanlega hækkanir til
þess að bæta okkur upp þennan
mismun,“ segir Kristján og bætir
við að slíkt muni reyna verulega á
verðbólgu.
Forsvarsmenn sveitarfélaga
sem Fréttablaðið ræddi við í gær
sögðu ekki inni í myndinni að
semja sérstaklega við sína kenn-
ara. „Launanefndin fer með okkar
umboð og við berum fullt traust til
þess að henni takist að leysa þessa
deilu farsællega og fljótt,“ segir
Jónmundur Guðmarsson, bæjar-
stjóri Seltjarnarness. Kristján Þór
Júlíusson, bæjarstjóri Akureyrar,
tekur í sama streng og segir launa-
nefndina hafa fullt samningaum-
boð sveitarfélaganna.
Næsti fundur launanefndar
sveitarfélaganna og samninga-
nefndar kennara hefur verið boð-
aður þann 5. nóvember næstkom-
andi. Halldór Ásgrímsson forsæt-
isráðherra hefur boðað deilendur
á sinn fund á morgun.
helgat@frettabladid.is
ÍSLENSKA FRIÐARGÆSLAN
Stofnuð: 10. september 2001
Fjöldi í verkefnum erlendis: 22 nú
en hafa verið nálægt 40 (stefnt er að
fjölgun fastra starfsmanna í 50 árið
2006).
Fjöldi á viðbragðslista: Um 200
VERKEFNI:
Bosnía: Einn fulltrúi í lögreglusveit
Evrópusambandsins.
Kósovó: Í Pristina er fulltrúi Unifem á
vegum Íslensku friðargæslunnar. Hlut-
verk hans er að fræða konur um lýð-
ræði og fleira.
Sri Lanka: Fjórir Íslendingar í vopna-
hléseftirliti. Verkefnið lýtur forystu
Norðmanna.
Afganistan: Sextán menn sem starfa
við rekstur flugvallarins í Kabúl.
Ómar Þór Kristinsson, Ragnar
Hafsteinsson og Steinar Magnússon.
Halldór Ásgrímsson:
Fordæmir
árásina
FRIÐARGÆSLAN Halldór Ásgrímsson
forsætisráðherra fordæmir árás-
ina á íslensku friðargæsluliðana í
Kabúl.
„Það er keppikefli Talíbana að
koma í veg fyrir lýðræðislegar um-
bætur í Afganistan. Menn sjá hins
vegar hve miklar framfarir hafa
orðið þar og þann mikla mun sem er
á ástandinu nú og þegar þeir voru
við völd.“ Halldór segir að Íslend-
ingar hafi gert sér grein fyrir því að
ástandið væri ótryggt og gert sér
ljósa áhættuna þegar þeir tóku við
stjórn flugvallarins. „Ég tel hins
vegar að það sé skylda Vesturlanda
að snúa ekki bakinu við þjóðum
vegna þess að ástandið sé ótryggt.
Þetta hefur enga áhrif á stefnu ís-
lenskra stjórnvalda varðandi þátt-
töku í verkefninu í Kabúl. Það verð-
ur þó að sjálfsögðu farið yfir málið
með þeim þjóðum sem við eigum
samstarf við í framhaldinu.“ - ás
ÍSLENSKIR FRIÐARGÆSLULIÐAR
Steinar Örn, sem er lengst til hægri á myndinni, er búinn að vera í Kabúl síðan í byrjun ágúst.
M
YN
D
/A
F
VE
FS
ÍÐ
U
Ó
M
AR
S
KR
IS
TI
N
SS
O
N
AR
F
R
IÐ
AR
G
Æ
SL
U
LI
Ð
A
GRUNNSKÓLANEMAR AÐ LEIK
Ekki hefur verið boðað til fundar launananefndar sveitarfélaganna og samninganefndar
grunnskólakennara fyrr en 5. nóvember.
FANNST Á HVOLFI Bifreið sem
stolið var frá Furugrund á Sel-
fossi um klukkan hálf fimm í
gærdag fannst á hvolfi á móts við
Gunnarshólma nokkrum tímum
síðar. Bíllinn var mannlaus og
mikið skemmdur ef ekki ónýtur.
GANGTRUFLANIR Í FLUGVÉL Flug-
maður flugvélar sem var á leið frá
Vestamannaeyjum tilkynnti til lög-
reglunnar á Selfossi um að hann
væri í vanda vegna gangtruflana í
vélinni. Viðbragðsáætlun var sett í
gang en fimm mínútum síðar var
tilkynnt um að vélin væri lent heil
og höldnu í Selfossflugvelli. Þrír
menn voru í flugvélinni.
02-03 23.10.2004 21:24 Page 2