Fréttablaðið - 24.10.2004, Blaðsíða 14
„Femínistavikan er haldin til að
sýna hversu fjölbreytt starfið er
og reyna að koma að sem flest-
um flötum um jafnréttismál,“
segir Katrín Anna Guðmunds-
dóttir, talskona Feministafélags
Íslands sem stendur nú fyrir
femínistaviku en haldin var
svipuð vika í fyrra. „Mjög vel
tókst til í fyrra þannig að við
ákváðum að reyna að hafa þetta
árlegan viðburð og flestir hópar
innan félagsins eru með ein-
hverja atburði til að sýna fólki
hve margar hliðar eru á jafn-
réttismálunum og hvað þarf að
taka á málum á mörgum svið-
um,“ segir Katrín Anna en vik-
una segir hún hafa óformlega
hafist í gær þar sem kvenrétt-
indafélagið hafi staðið fyrir sól-
arhrings ræðumaraþoni í
Kringlunni. „Við ætlum okkur
að hefja vikuna formlega í dag
með málþingi í Þjóðarbókhlöð-
unni sem byggt er á kvenna-
frídeginum mikla 24. október
1975. Þar verður sýnt myndband
frá kvennafríinu og sjást þar
margar þekktar konur eins og
Guðrún Á. Símonar og fleiri,“
segir Katrín Anna. Hvatt verður
til umræðna á eftir þar sem
farið verður yfir stöðu jafnrétt-
ismála, skoðað hvað hefur áunn-
ist og spáð í baráttuaðferðirnar,
hvort þeim þurfi að breyta og þá
hvernig. „Við stefnum á í vik-
unni að reyna að ná saman hand-
höfum bleiku steinanna sem við
veittum á kvennadaginn 19.
júní, þá fengu aðilar í íþrótta-
heiminum í hendur áskorun um
að láta til sín taka í jafnréttis-
málum, og viljum við fara yfir
hvað þeir hafa gert í þeim mál-
um á árinu,“ segir Katrín Anna.
Fleiri áhugaverðar uppákomur í
femínistavikunni verði eins og
ungmennahitt sem haldið verð-
ur í Hinu húsinu þar sem ungu
fólki verður boðið á fund að
ræða hvað feminismi er og á
Súfistanum mæti alþingismenn
daglega og ræða jafnréttismál.
„Á fimmtudaginn verður
staðalímyndahópurinn og
öryggisráðið með sína aðgerð en
það er hernaðarleyndamál enn-
þá,“ segir Katrín Anna og fæst
ekki til að gefa neitt upp hvað
það varðar. „Það verður bara til-
kynnt síðar og verður fólk að
fylgjast með,“ segir Katrín
Anna. Í fyrra hvatti Femínista-
félagið konur til að biðja um
launahækkun á þessum degi en
þar sem hann lendir á sunnu-
degi í ár er erfiðara að fara í
slíkar aðgerðir. „Hugmyndir eru
uppi um það hvort stofna eigi til
kvennaverkfalls á næsta ári, en
þeirri spurningu verður velt
upp á málþinginu í dag,“ segir
Katrín Anna.
kristineva@frettabladid.is
14 24. október 2004 SUNNUDAGUR
BILL WYMAN
Þessi fyrrverandi Stónsari
fæddist á þessum degi árið 1936.
Kvennaverkfall og hernaðar-
leyndarmál
FEMÍNISTAVIKA HEFST Í DAG EN Á ÞESSUM DEGI ÁRIÐ 1975 VAR KVENNAFRÍDAGURINN MIKLI.
„Það besta er að ég neyðist ekki lengur til þess
að semja þung rokklög eins og Mick og Keith,
sem virðast alveg hættir að fá nýjar hugmyndir.“
- Afmælisbarn dagsins saknaði þess ekkert sérstaklega að yfirgefa félagana
í Rolling Stones.
timamot@frettabladid.is
KATRÍN ANNA GUÐMUNDSDÓTTIR Talskona Femínistafélags Íslands sem í dag
hleypir feministavikunni úr vör. Vikan hefst í dag með málþingi í Þjóðarbókhlöðunni undir
yfirskriftinni Kvennaverkfall 2005?.
Á þessum degi árið 2000 kom
Halldór Heimir Ísleifsson, þá 38
ára gamall, heim til Íslands með
flugi frá Bandaríkjunum. Hann
hvarf sporlaust árið 1988 þegar
hann var við hagfræðinám í
Texas og var talinn af. Hann var
þó ekki úrskurðaður lögformlega
látinn en var tekinn út af þjóð-
skrá og í ættfræðibókum var
hann sagður látinn þann 14.
mars 1988. Þjóðskrá var svo gert
að setja nafn hans inn að nýju
skömmu eftir að hann lét ætt-
ingja sína á Íslandi vita af sér.
Miklar sögusagnir spunnust
vegna hvarfs Halldórs en því var
meðal annars fleygt að hann
hefði gengið í sértrúarsöfnuð og
síðan verið myrtur. Sögurnar voru
fjölskyldunni, sem ríghélt alltaf í
vonina, vitaskuld þungbærar en
gleðin varð því meiri þegar Hall-
dór lét vita af sér eftir 12 ára
þögn.
DV gerði máli Halldórs skil á sín-
um tíma og þann 25. október var
haft eftir nánum aðstandanda að
skýringarnar á „hvarfi hans verða
aldrei nema innan fjölskyldunnar.
Við þurftum að hitta hann öll og
fara yfir stöðuna. Þetta er í einu
orði sagt yndislegt og ótrúlegt að
hann skuli heimtur úr helju.“ ■
24. OKTÓBER 2000ÞETTA GERÐIST MERKISATBURÐIR
1939 Nælonsokkar eru seldir al-
menningi í fyrsta skipti í
Washington.
1945 Sameinuðu þjóðirnar eru
stofnaðar formlega, tæpum
mánuði eftir lok seinni
heimsstyrjaldarinnar.
1945 Frakkinn Pierre Laval og
Norðmaðurinn Vidkun Abra-
ham Quisling eru teknir af
lífi fyrir landráð.
1948 Hugtakið „kalt stríð“ er not-
að í fyrsta skipti en það kom
fyrir í ræðu sem Bernard
Baruch hélt fyrir þingnefnd í
Bandaríkjunum.
1949 Hornsteinn er lagður að
höfuðstöðvum Sameinuðu
þjóðanna í New York.
2001 Bandaríkjaþing samþykkir
löggjöf sem heimilar lög-
reglu að gera heimildarlaus-
ar húsleitir, hlera símtöl al-
mennings og fylgjast með
netnotkun.
„Það er frumsýning í kvöld og
auðvitað er smá fiðringur,“ seg-
ir Arndís Hrönn Egilsdóttir leik-
kona sem leikur í nýju verki eft-
ir Hlín Agnarsdóttur er nefnist
Faðir Vor og verður frumsýnt í
Iðnó í kvöld. Hlín hefur unnið
verkið í samvinnu við leikhóp-
inn sem spinnur upp atriði og
Hlín færir í textann. „Þetta er
náttúrlega algert draumaverk-
efni en við erum búin að vera að
breyta fram á síðustu stundu
þannig að það heldur manni
bara á tánum,“ segir Arndís
Hrönn, sem vonast að sjálf-
sögðu til að partíið eftir sýning-
una verði gleðilegt og allir geti
unað sáttir við sitt. „Á mánudeg-
inum leyfi ég mér sennilega að
sofa út og reyni að ná heilbrigðu
útliti,“ segir Arndís Hrönn en
eftir frumsýningu breytist
vinnutíminn talsvert þar sem
ekki verða lengur æfingar á
daginn. „Maður er búinn að vera
í svo mikilli keyrslu að allt hið
veraldlega stúss hefur gleymst,
ef til vill væri það góð hugmynd
að taka til hérna en það hefur
setið á hakanum. Ég á líka von á
vinum mínum frá Frakklandi og
get ég þá sýnt þeim hvað er fínt
hjá mér,“ segir Arndís Hrönn og
hlær en hún ætlar sér að bjóða
vinum sínum á sýningu þó þeir
muni ekki skilja tungmálið.
Sjálf talar Arndís Hrönn
reiprennandi frönsku enda bjó
hún mörg ár í París þar sem hún
menntaði sig. „Ég starfa oft sem
leiðsögumaður á sumrin fyrir
franska ferðamenn og get því
aðeins haldið mér við með vin-
um mínum og skottast með þeim
á Gullfoss og Geysi eða eitthvað
skemmtilegt,“ segir Arndís
Hrönn. ■
VIKAN SEM VERÐUR
ARNDÍS HRÖNN EGILSDÓTTIR BYRJAR VIKUNA Á FRUMSÝNINGU
Frumsýnir og fær franska vini í heimsókn
Týndur maður finnst
Rúnar
Geirmundsson
Sigur›ur
Rúnarsson
Elís
Rúnarsson
Útfararþjónustan ehf.
Stofnað 1990
Rúnar
Geirmundsson
Sigur›ur
Rúnarsson
Elís
Rúnarsson
Síðastliðin 14 ár höfum við feðgar aðstoðað
við undirbúning útfara.
Símar 567 9110, 893 8638 og 897 3020
Þegar andlát ber að
Ástkær móðir okkar, tengdamóðir, amma
og langamma
Bergþóra Benediktsdóttir
Hlíðarhúsum 3-5, Reykjavík
sem lést miðvikudaginn 13. október sl. verður jarðsungin frá
Grafarvogskirkju mánudaginn 25. október kl. 15.00.
Jenný Ásmundsdóttir, Guðmundur Benediktsson, Hildur Hanna
Ásmundsdóttir, Gylfi Jónsson, Jóhann Ásmundsson, Magnea Einars-
dóttir, Benedikt Grétar Ásmundsson, Kristín Jóhannesdóttir,
barnabörn og barnabarnabörn.
AFMÆLI
Vésteinn Lúðvíksson rithöfundur er 60
ára.
ANDLÁT
Kristinn Dalmann Friðriksson, Skarðs-
hlíð 8c, Akureyri, lést 19. október. Hann
verður jarðsunginn frá kirkjugarðskapell-
unni á Akureyri fimmtudaginn 28. októ-
ber klukkan 13.30.
Dóra Hallgrímsdóttir, húsmóðir,
Lundeyri, Akureyri, lést 17. október. Hún
verður jarðsungin frá Akureyrarkirkju
föstudaginn 29. október klukkan 13.30.
Gunnar Kristinsson, Reynimel 80,
Reykjavík, lést 21. október. Hann verður
jarðsunginn frá Fossvogskirkju miðviku-
daginn 27. október klukkan 13.30.
Arndís Ó. Thoroddsen, lést á hjúkrunar-
heimilinu Eir 19. október.
Þórður Jónsson, Hólmgarði 60,
Reykjvík, lést 14. október. Úrförin hefur
farið fram í kyrrþey að ósk hins látna.
BRÚÐKAUP
Áslaug Guðmundsdóttir og Ármann J.
Pálsson hafa verið gefin saman af móð-
ur brúðgumans, Helgu R. Ármannsdótt-
ur, í Fríkirkjunni KEFAS. Heimili þeirra er
í Kópavogi.
FR
ÉT
TA
B
LA
Ð
IÐ
/V
IL
H
EL
M
ARNDÍS HRÖNN EGILSDÓTTIR Leikur í
verkinu Faðir vor sem verður frumsýnt í
Iðnó í kvöld.
HALLDÓR HEIMIR ÍSLEIFSSON KOM HEIM FRÁ BANDARÍKJUNUM EFTIR AÐ
HAFA VERIÐ TALINN AF Í 12 ÁR.
14-15 Tímamót 23.10.2004 18:36 Page 2