Fréttablaðið - 24.10.2004, Blaðsíða 15

SUNNUDAGUR 24. október 2004
Hjá Máli og menningu er komin út íkilju spennusagan Skáldið eftir
Michael Connelly, einn vinsælasta
spennusagnahöfund Bandaríkjanna.
Blaðamaðurinn
Jack stendur yfir
moldum bróður
síns, lögreglu-
manns sem svipti
sig lífi og krotaði á
d a u ð a s t u n d u
þessi undarlegu
orð á bílrúðu:
Utan tíma - hand-
an rúms. Jack
neitar að trúa því
að bróðir hans
hafi framið sjálfsmorð. Upp á eigin
spýtur tekur Jack að rannsaka endalok
lögreglumanna víðs vegar um Banda-
ríkin sem allir eru sagðir hafa svipt sig
lífi í starfi. Smám saman kemur hann
auga á sameiginlega þræði sem beina
sjónum í eina og sömu átt - að morð-
ingja sem hann kallar Skáldið. Leitin að
Skáldinu leiðir Jack í myrkviði sjúkra
ofbeldismanna þar sem siðleysið ríkir
og brátt verður atburðarásin honum of-
viða.
Mál og menning hefur einnig gefiðút bókina Hótel Kalifornía eftir
Stefán Mána í kilju. Bókin kom fyrst út
árið 2001 og hlaut
mikið lof gagn-
rýnenda, var með-
al annars sögð
„Óvæntasta upp-
götvun ársins“ og
„meinfyndin bók“.
Hótel Kalifornía
fjallar um sein-
heppna verka-
manninn Stefán
sem drekkur
brennivín í pepsí
með vinum sínum
þegar hann vill skemmta sér og á frá-
bært safn af rokkplötum. Áform hans
eru einföld: Að halda áfram að vinna
og eignast kærustu. En í samfélagi þar
sem hversdagsleikinn hefur breyst í
óhugnað verða einfaldar óskir ótrúlega
flóknar.
Ný bók eftir Stefán Mána, Svartur á
leik, er væntanleg í lok mánaðarins.
Þá hefur Mál og menning gefið út íkilju Miskunnsemi Guðs eftir
Kerstin Ekman í þýðingu Sverris
Hólmarssonar.
Vorið 1916 heldur
Hillevi Klarin, ný-
útskrifuð ljósmóð-
ir frá Uppsölum,
til starfa í af-
skekktum smábæ
í Norður-Svíþjóð.
Hún rekur sig
fljótt á að veruleiki
þess fólks sem
þar lifir lýtur öðr-
um lögmálum, og
fyrr en varir slær í
brýnu milli hennar og kreddufullra
bæjarbúa sem kemur af stað spenn-
andi atburðarás er afhjúpar djúpstæðar
mannlegar kenndir.
Kerstin Ekman er einn virtasti og vin-
sælasti rithöfundur Norðurlanda um
þessar mundir. Hún hefur hlotið fjölda
viðurkenninga og verðlauna fyrir bæk-
ur sínar, m.a. Bókmenntaverðlaun
Norðurlandaráðs fyrir Atburði við vatn,
en hún kom út hjá Máli og menningu
1995. Miskunnsemi Guðs er fyrsta
bindið í þríleik og hefur hlotið afbragðs
viðtökur gagnrýnenda sem almennra
lesenda.
NÝJAR BÆKUR
14-15 Tímamót 23.10.2004 18:37 Page 3