Fréttablaðið - 28.10.2004, Blaðsíða 14

14 28. október 2004 FIMMTUDAGUR
Rannsóknir á krabbameinslyfjum fyrir börn:
Baldur ráðinn á Karolínska
HEILBRIGÐISMÁL Íslenski prófess-
orinn, Baldur Sveinbjörnsson,
sem starfað hefur við háskólann
í Tromsö í Noregi hefur verið
ráðinn við Karolínska sjúkrahús-
ið í Stokkhólmi. Hann flytur sig
um set í kjölfar uppgötvunar,
sem hann gerði ásamt samstarfs-
fólki sínu þess efnis að tvö þekkt
verkjalyf, Voltaren og Celebra,
drepi frumur í krabbameini sem
leggst á börn á aldrinum 0-10
ára.
„Ég mun starfa við rannsókn-
ardeildina á Karolínska sjúkra-
húsinu og vinna áfram við þessar
og aðrar rannsóknir ásamt fleir-
um,“ sagði Baldur. Hann kvað
frumniðurstöður rannsóknarinn-
ar með verkjalyfin hafa fengið
talsverða umfjöllun í erlendum
fjölmiðlum.
Eftir að frumrannsóknir á
þessari virkni lyfjanna í Tromsö
höfðu sýnt jákvæðar niðurstöður
var uppgötvunin þróuð áfram í
samstarfi við Karolínska sjúkra-
húsið í Stokkhólmi. Gert er ráð
fyrir að í vor hefjist þar skipu-
lagðar og umfangsmiklar rann-
sóknir á þessari meðferð á börn-
um samhliða hefðbundinni
krabbameinsmeðferð.
Auk þessa er unnið að rann-
sóknum á verkun Celebra á
lungnakrabbamein og ristil-
krabbamein hjá fullorðnum á
öðrum vígstöðvum, meðal ann-
ars í Bandaríkjunum.
- jss
Saka hvorir aðra
um kosningasvik
Demókratar í Ohio ásaka repúblikana um að hindra kjósendur í því að
kjósa. Repúblikanar segjast koma í veg fyrir kosningasvik með því að
vefengja rétt tugþúsunda nýrra kjósenda til að kjósa.
BANDARÍKIN Óttast er að Ohio, einu
af þeim fylkjum í Bandaríkjunum
þar sem barist er hve harðast um
forsetaembættið, verði „Flórída“
þessara kosninga. Demókratar og
repúblikanar skiptust á ásökunum
á mánudag um kosningasvik, að
hindra kjósendur og ógna þeim.
Ohio hefur tuttugu kjörmenn
og tilheyrir þeim tíu fylkjum þar
sem kosningabaráttan er sem
hörðust. Af þeim tíu eru einungis
tvö fylki, Flórída og Pennsyl-
vania, sem hafa fleiri kjörmenn.
Á mánudag gengu demókratar
um miðborg Columbus, höfuðborg
Ohio, með flögg sem á stóðu „Ekki
í þetta skiptið?“ og kölluðu „Teljið
hvert atkvæði“. Á sama tíma
héldu repúblikanar áfram að
draga í efa rétt þúsunda nýrra
kjósenda til að kjósa. Mögulega
þarf því að kalla fyrir alla þá sem
dregnir eru í efa, til að komast að
niðurstöðu um hver megi kjósa í
forsetakosningunum 2. nóvember,
að því er fram kemur í bandaríska
dagblaðinu Washington Post. Því
óttast margir að sama gerist með
Ohio líkt og Flórída sem gat ekki
tilkynnt um sigurvegara í fylkinu
fyrr en 36 dögum eftir forseta-
kosningarnar árið 2000. Skoðana-
kannanir sýna að Bush og Kerry
eru nánast með jafnmikið fylgi og
því mun hvert atkvæði skipta
máli.
Þegar hafa repúblikanar vé-
fengt rétt 35.000 nýrra kjósenda
til að kjósa í Ohio í þessum kosn-
ingum og ætluðu að senda sjálf-
boðaliða til 8.000 kjörstaða í gær,
til að véfengja tugþúsund annarra
nýrra kjósenda. Demókratar hafa
áhyggjur af því hvaða áhrif þetta
hefur á kosningarnar og telja að
margir mæti ekki á kjörstað
vegna þessa. Vitað er að kjörskrá-
in í Ohio er gölluð og talið að rúm-
lega 120.000 nöfn komi tvisvar
fyrir. Þá er ótalið hversu margir
þeirra sem eru á kjörskrá eiga
ekki að geta kosið, meðal annars
vegna þess að þeir hafa flutt burt
úr fylkinu.
Repúblikanar segja að þeir séu
að fletta ofan af miklu kjör-
skrársvindli og benda á að í
Franklinsýslu séu fleiri kjósendur
á kjörskrá en íbúar sem hafa ald-
ur til að kjósa. Aðrir hafa þó sagt
að það sé ekki nauðsynlega merki
um svindl, því lög um kjörskrán-
ingu banni að kjósendur séu tekn-
ir af kjörskrá fyrr en fjórum
árum eftir að beiðni um slíkt sé
send. svanborg@frettabladid.is
þú gætir unnið miða fyrir tvo á Edduhátíðina
taktu þatt - kjostu núna´ ´
ALLT UM EDDUNA
A VISIR.IS´
– hefur þú séð DV í dag?
Tók dóppeningana
til að borga
fjárkúgara
YFIRLÖGREGLUÞJÓNN
SEGIR HALL
HILMARSSON HAFA
JÁTAÐ ÞÓTT HANN
NEITI FYRIR DÓMI
KERRY OG CLINTON
Bill Clinton, fyrrverandi forseti Bandaríkjanna, ræðir við John Kerry, forsetaframbjóðanda demókrata á fundi í Philadelphiu. Clinton er ný-
kominn af sjúkrahúsi þar sem hann gekkst undir hjartaaðgerð.
MEÐ KJÖRSKRÁNA Í HENDINNI
Formaður kjörstjórnar í Clarksýslu í Ohio,
Linda Rosicka, með hluta kjörskrár í hend-
inni.
Óvenjumikil kjörsókn utan kjörfundar:
Tíu prósent búin að kjósa
BANDARÍKIN Einn af hverjum tíu
líklegum kjósendum í banda-
rísku forsetakosningunum hafa
þegar greitt atkvæði samkvæmt
skoðanakönnun fyrir fréttastofu
sjónvarpstöðvarinnar ABC. Af
þeim greiddu 51 prósent
repúblikananum George W.
Bush atkvæði en 47 prósent
demókratanum John Kerry.
Þetta þýðir þó ekki endilega
að Bush nái endurkjöri því sam-
kvæmt sömu könnun ætla 49
prósent allra líklegra kjósenda
að greiða Kerry atkvæði sitt en
48 prósent ætla að kjósa Bush.
Það er vel innan skekkjumarka
og staðan því jöfn.
Mest er um að fólk sé búið að
kjósa í Vesturríkjunum, ein
ástæðan fyrir því er að í Oregon
greiða allir atkvæði bréfleiðis.
Að því er ABC-fréttastofan seg-
ir frá eru það fyrst og fremst
eldri kjósendur og konur sem
greiða atkvæði snemma.
- bþg
UMFJÖLLUN
Niðurstöður frumrannsókna á áhrifum
verkjalyfja á krabbamein í börnum hafa
verið allnokkuð til umfjöllunar í blöðum
og tímaritum ytra.
M
YN
D
/A
P
BSRB boðar til opins fundar
um þjónustutilskipun ESB
Framkvæmdastjóri og varaformaður
EPSU (Samtök starfsmanna í al-
mannaþjónustu innan Evrópska
efnahagssvæðisins) halda erindi um
umdeilda þjónustutilskipun ESB,
sem skipt getur sköpum fyrir vel-
ferðarþjónustu og stöðu verkalýðs-
hreyfingarinnar.
Anne-Marie PERRET,
varaformaður EPSU
Carola Fischbach-Pyttel,
framkvæmdastjóri EPSU
Fundurinn, sem er öllum opinn, fer fram á Grettisgötu 89, 4. hæð,
föstudaginn 29. október kl. 9.15. Fundurinn verður haldinn á ensku.
» BETRI SJÓNVARPSDAGSKRÁ
14-15 27.10.2004 21:19 Page 2