Fréttablaðið - 28.10.2004, Blaðsíða 49

FIMMTUDAGUR 28. október 2004 23
Spá Fréttablaðsins um NBA
Marbury
ber Knicks
Á þriðjudaginn kemur fer allt á
fullt í NBA-boltanum og verður í
mörg horn að líta fyrir tilþrifs-
þyrsta körfuboltaunnendur. Fyrir
tímabilið bættist við nýtt lið,
Charlotte Bobcats, og gerði deildin
töluverðar breytingar í samræmi
við fjölgunina. Í vetur skiptast liðin
í sex riðla, þrjá í austur- og vestur-
deild og eru fimm lið í hverjum
riðli.
Í Atlantshafsriðli eru Phila-
delphia 76ers, New York Knicks,
New Jersey Nets, Toronto Raptors
og Boston Celtics. Riðillinn gæti
orðið sá jafnasti í Austurdeildinni
en öll fimm liðin hafa gert tölu-
verðar breytingar.
Þar ber fyrst að nefna Knicks
en þar hefur Isiah Thomas farið
hamförum í nýju starfi sem fram-
kvæmdastjóri. Með harðri hendi
hefur hann rekið og ráðið menn og
ætlar Thomas, ásamt þjálfaranum
Lenny Wilkens, að byggja Knicks-
liðið í kringum bakvörðinn Stephon
Marbury. Þó að Marbury sé villtur
á vellinum gæti þetta gengið upp
og verður að fróðlegt að fylgjast
með gangi mála í New York.
Ef Sixers tekst að halda niðri
ruglinu í Allen Iverson gæti ýmis-
legt gerst þar á bæ. Sömu sögu má
segja um Raptors sem hefur náð að
sleikja fýluna úr Vince Carter og
sannfært hann um að nýtt leik-
skipulag hjá þjálfaranum Sam
Mitchell gæti slegið í gegn.
Celtics leggja traust sitt á Paul
Pierce sem og töffarann Ricky
Davis. Liðið gæti komist ofarlega í
riðilinn en ekkert meira en það.
Nets olli vonbrigðum á síðasta
tímabili og mun Jason Kidd ekki
leika með fyrr en upp úr áramót-
um. Travis Best sér um leikstjórn-
andahlutverkið og getur Nets hæg-
lega blandað sér í toppbaráttu rið-
ilsins. ■
FÓTBOLTI Knattspyrnumaðurinn Óli
Stefán Flóventsson sagði upp
launasamningi sínum við Grinda-
vík í byrjun vikunnar og lýsti því
yfir að hann ætlaði að róa á önnur
mið. Nú væri tími til þess að reyna
eitthvað nýtt. Aðeins nokkrum
dögum síðar er hann alvarlega að
íhuga að spila áfram með félaginu
þar sem hann hafi fengið stuðning
sem hann vissi ekki að væri til
staðar.
„Það er bara allt vitlaust hérna
ef ég á að segja eins og er. Þannig
að þetta er orðið frekar flókið mál
fyrir mig,“ sagði Óli Stefán við
Fréttablaðið í gær og bætti við að
sama hvað yrði ofan á þá myndi
hann samt flytja til Reykjavíkur.
Þar ætlar hann að hasla sér völl á
nýjum vinnuvettvangi og stefnir
síðan á nám í Kennaraháskólanum
næsta haust.
„Grindavík er orðið mér hug-
leikið aftur eftir að ég hef fundið
fyrir miklum stuðningi í bænum.
Fólk úti á götu er ekki sátt við að
ég sé að fara og segir við mig að
ég megi ekki fara. Það er svolítið
skrítið að eftir að maður segist
vera að fara þá heyrir maður ekk-
ert nema gott um sjálfan sig. Það
hefur komið mér nokkuð á óvart
því ég hef ekki heyrt það áður. Ég
lít á það sem mikla viðurkenningu
fyrir mig og neita því ekki að ég er
djúpt snortinn yfir þeim stuðningi
sem ég hef fundið. Í raun er ég al-
gjörlega orðlaus. Ég átti engan
veginn von á þessu og hef greini-
lega haft minna álit á mér sjálfur
en aðrir. Þetta er bara alveg frá-
bært. Það er ljóst að ég þarf að
hugsa minn gang alvarlega áður
en ég tek ákvörðun,“ sagði Óli
Stefán en hann staðfesti að þrjú
félög á höfuðborgarsvæðinu hefðu
þegar haft samband við sig.
Jónas Þórhallsson, formaður
knattspyrnudeildar Grindavíkur,
segir það ekki koma í mál að félag-
ið leyfi Óla Stefáni að fara. Hann
sé með samning við félagið og þeir
muni bjóða honum nýjan launa-
samning hið fyrsta.
„Óli er algjör lykilmaður hjá
okkur og í raun hjartað í liðinu.
Við viljum að sjálfsögðu halda
honum og munum gera honum
nýtt tilboð fljótlega. Óli er Grind-
víkingur og á að spila fyrir
Grindavík,“ sagði Jónas.
henry@frettabladid.is
Ég er algjörlega orðlaus
Óli Stefán Flóventsson er hugsanlega hættur við að hætta hjá Grindavík eftir að hafa fundið fyrir
mikilli hlýju frá Grindvíkingum í sinn garð. Hann segist vera djúpt snortinn yfir stuðningnum.
HVERT ERT ÞÚ AÐ FARA? Óli Stefán Flóventsson reynir hér að stöðva Fylkismanninn Björgólf Takefusa í leik liðanna í sumar.
FR
ÉT
TA
B
LA
Ð
IÐ
/E
. Ó
L.
48-49 (32-33) SPORT 27.10.2004 22:09 Page 3