Fréttablaðið - 29.10.2004, Blaðsíða 6

6 29. október 2004 FÖSTUDAGUR
SJÁVARÚTVEGUR Hækkun á verði
olíu á þessu ári hefur haft mikil
áhrif á rekstrarafkomu sjávarút-
vegsins að sögn Björgólfs Jó-
hannssonar, formanns Landssam-
bands íslenskra útvegsmanna.
Hann sagði við setningu ársfunds
samtakanna í gær að hækkun á
olíureikningi útgerðarinnar síð-
ustu tólf mánuði nemi rúmum 2,5
milljörðum króna. Björgólfur
sagði ólíklegt að orkufrekar veið-
ar gætu gengið til lengdar við
þessar aðstæður. Það hvetji til
þess að fundnir verði aðrir orku-
gjafar fyrir stórnotendur eins og
útgerðina. Hann sagði að ekkert
virtist í spilunum sem leiddi til
lækkunar á olíuverði og því væri
mikilvægt að allir mögulegar ráð-
stafanir væru gerðar til að lækka
þennan kostnað.
Árni M. Mathiesen sjávarút-
vegsráðherra tilkynnti á fundin-
um að hann hefði skipað nefnd
sem ætti að gera úttekt á starfs-
umhverfi sjávarútvegsins og
skoða hvort hægt væri að minnka
álögur, einfalda og samhæfa ýmsa
þjónustu ríkisins til þess að hægt
væri að lækka rekstrarkostnað út-
gerðarinnar. - ghg
Endurskoða greiðslur
vegna sjúkraþjálfunar
Samninganefnd heilbrigðisráðherra boðaði á fyrsta samningafundi með
sjúkraþjálfurum endurskoðun á kerfi þeirra. Sjúklingum fer fjölgandi.
Kostnaður Tryggingastofnunar hefur aukist um 84 prósent á fimm árum.
HEILBRIGÐISMÁL Heildarkostnaður
Tryggingastofnunar og sjúklinga
vegna sjúkraþjálfunar hefur
hækkað um tæplega 15 prósent á
ári og 74 prósent á síðastliðnum
fimm árum. Kostnaðarþátttaka
Tryggingastofnunar á móti hlut
sjúklings hefur hækkað á tímabil-
inu og því nemur kostnaðarhækk-
un stofnunarinnar um 84 prósent-
um, eða um 487 milljónum. Kostn-
aðurinn var rúmur milljarður árið
2003.
Þetta kemur fram í nýrri
skýrslu Félags sjálfstætt starf-
andi sjúkraþjálfara.
„Samninganefnd ráðherra
sagði á fyrsta fundi að þeir væru
að reyna að endurskoða kerfið í
heild sinni, hvort það sé hið eina
rétta eða hvort fundnar verði aðr-
ar leiðir,“ sagði Haraldur Sæ-
mundsson, formaður samninga-
nefndar sjálfstætt starfandi
sjúkraþjálfara. „En það hefur
ekkert frekar komið fram um
það.“
Sjúklingum hefur fjölgað um
22 prósent. Svokölluðum almenn-
um sjúklingum hefur fjölgað um
11 prósent, en öryrkjum sem leita
til sjúkraþjálfara um ríflega 40
prósent og ellilífeyrisþegum um
30 prósent.
Helsta ástæða þess að fólk leit-
ar í auknum mæli til sjúkraþjálf-
ara er sú að læknar beina sjúk-
lingum sínum æ meira til þeirra. Í
öðru lagi fer öldruðum og öryrkj-
um, sem oftar en aðrir þurfa á
langtímameðferð að halda, hlut-
fallslega og stöðugt fjölgandi. Í
þriðja lagi hefur fjölgun barna
með umönnunarmat aukið verk-
efni sjúkraþjálfara og svokölluð-
um almennum sjúklingum fjölgar
vegna kyrrsetu, tölvunotkunar og
fleira. Breytt aldurssamsetning
þjóðarinnar, fækkun legudaga á
endurhæfingardeildum, fjölgun
bæklunaraðgerða, tilfærsla íþrót-
taslysa undir sjúkratrygginga-
deild, aukin offita og fleira hafa
orsakað aukna eftirspurn fyrir
sjúkraþjálfun.
Alls hefur meðferðum sjúkra-
þjálfara fjölgað um 33 prósent
síðastliðin fimm ár. Meðaltaxti á
sama tíma hefur hækkað um 37
prósent, eða að jafnaði um 8,2 pró-
sent á ári. Verðskrá vegna al-
mennrar stofumeðferðar hefur
hækkað um 32 prósent, eða að
jafnaði um 7,2 prósent á milli ára.
jss@frettabladid.is
J A R Ð S K J Á L F T I
„Skelfing greip
um sig í hópn-
um þegar við
urðum vör við
jarðskjálftann
enda var hann
sá öflugasti í
landinu í fjórtán
ár,“ segir Helga
K. Auðunsdótt-
ir, varaformað-
ur ELSA, félags
lögfræðinema á
Íslandi, sem
stödd er í Rúm-
eníu á alþjóðaráðstefnu lögfræði-
nema ásamt átta öðrum íslenskum
lögfræðinemum.
Ráðstefnan fer fram 100 kíló-
metrum norður af Búkarest og
skammt frá upptökum skjálftans
sem reið yfir í fyrrakvöld. Skjálft-
inn mældist tæplega 6 á Richter.
„Hópurinn var kominn heim á
hótel þegar jarðskjálftinn reið
yfir enda var klukkan um ellefu
um kvöld að staðartíma,“ segir
Helga. „Byggingin skókst og
dúaði og myndir hristust á veggj-
um. Við rukum öll fram á gang og
vissi enginn hvaðan á sig stóð
veðrið. Þjófavarnir fóru í gang á
öllum bílum og hundar geltu um
allt. Sem betur fer urðu þó engin
slys á fólki,“ segir Helga.
Erlendar fréttastofur skýrðu
frá því að miðað við stærð skjálft-
ans sé það mesta mildi að enginn
hafi slasast og ótrúlegt sé hve lít-
ið tjón hafi orðið á mannvirkjum.
-jss
VEISTU SVARIÐ?
1Hvað nefnist hin nýja tegund mannasem fannst á indónesísku eyjunni
Flores?
2Beinagrindur ættingja hvaða frægatónskálds er búið að grafa upp í Aust-
urríki?
3Hvað stefnir í að Rauði kross Íslandssafni mörgum tonnum af fötum á
þessu ári?
Svörin eru á bls. 42
Héraðsdómur Reykjaness:
Skilorð fyrir
líkamsárás
DÓMSMÁL Tvítugur maður var í
Héraðsdómi Reykjaness, dæmdur
í fjögurra mánaða skilorðsbundið
fangelsi fyrir líkamsárás og
skjalafals.
Maðurinn kýldi annan mann
fyrir hnefahögg í andlitið þannig
að sá kinnbeinsbrotnaði. Þá fram-
vísaði hann fölsuðum lyfseðli á
apóteki vitandi að lyfseðillinn
væri falsaður. Maðurinn játaði
brot sín greiðlega fyrir dómi. Við
ákvörðun refsingarinnar var litið
til játningarinnar, ungs aldurs
mannsins og að hann hafi ekki
áður gerst sekur við almenn hegn-
ingarlög. -hrs
BJÖRGÓLFUR JÓHANNSSON
Hækkun á olíu undanfarna tólf mánuði
hefur kostað útgerðina 2,5 milljarða króna.
Ársfundur útvegsmanna:
Finna verður aðra orku-
gjafa vegna hás olíuverðs
Fólksflutningar:
400 fleiri
flytja úr landi
FLUTNINGAR Um fjögurhundruð
fleiri Íslendingar munu flytjast frá
landinu en til þess á þessu ári, að
því er fram kemur í vefriti fjár-
málaráðuneytisins. Aðfluttum ís-
lenskum ríkisborgurum frá útlönd-
um hefur fjölgað um 18 prósent á
fyrstu þremur ársfjórðungum mið-
að við sama tímabil í fyrra en brott-
fluttum hefur fjölgað um 7 prósent.
Aðfluttum erlendum ríkisborg-
urum hefur fjölgað um meira en
helming það sem af er ársins miðað
við í fyrra og hafa 88 prósentum
fleiri en í fyrra flutt á brott. Ráðu-
neytið telur að skýringin á þessari
aukningu sé sú að skráning er-
lendra starfsmanna við Kára-
hnjúka hafi breyst og hafi áhrif á
flutningana í báðar áttir. Þá bendi
tölurnar til þess að margir dvelji
stutt hérlendis. - sda
Hryðjuverkin í Madríd:
Táningur
fyrir rétt
SPÁNN, AP Sextán ára piltur er
fyrsti einstaklingurinn sem réttað
er yfir vegna hryðjuverka-
árásanna í Madríd sem kostuðu
nær 200 manns lífið. Saksóknari
ákærði piltinn fyrir að flytja
sprengiefni sem var notað í árás-
unum og krafðist átta ára fangels-
isdóms yfir piltinum, að auki vill
saksóknari að pilturinn verði undir
eftirliti í fimm ár eftir að afplánun
hans lýkur.
Pilturinn er sagður hafa þegið
greiðslu fyrir að flytja tösku með
fimmtán til tuttugu kílóum af
sprengiefni til tilræðismanna í Ma-
dríd. Sjálfur segist hann ekki hafa
vitað hvað var í töskunni. Verði
hann fundinn sekur verður hann
látinn afplána dóm sinn á stofnun
fyrir unglinga. Réttað verður í
málinu fyrir unglingadómstóli. ■
HELGA K. AUÐ-
UNSDÓTTIR
Níu íslenskum lög-
fræðinemum stödd-
um í Rúmeníu brá í
fyrrakvöld.
Íslendingar í jarðskjálfta í Rúmeníu:
Skelfing greip um sig
SAMNINGAVIÐRÆÐUR
Samningaviðræður milli sjálfstætt starfandi sjúkraþjálfara og samninganefndar heilbrigðis-
ráðherra eru hafnar.
Þorlákshöfn:
Vegagerð
boðin út
SAMGÖNGUR Til stendur að bjóða út
gerð Suðurstrandarvegar Þor-
lákshafnarmegin á næstu vikum,
hefur Ólafur Áki Ragnarsson,
bæjarstjóri í Þorlákshöfn, eftir
þingmönnum Suðurlands, en þeir
funduðu með honum í gær.
Ólafur Áki bindur vonir við að
nú verði ráðist í framkvæmdir, en
vegurinn milli Þorlákshafnar og
Grindavíkur, breytir miklu fyrir
samgöngur á Suðurlandi. „Svo
byggjum við allt okkar skipulag á
veginum, en innkeyrslan kemur
hér samhliða í bæinn og við stopp-
um með áframhaldandi fram-
kvæmdir í miðbænum ef menn
standa ekki við að ráðast í gerð
vegarins,“ segir hann. - óká
06-07 28.10.2004 21:09 Page 2