Fréttablaðið - 29.10.2004, Blaðsíða 49

37FÖSTUDAGUR 29. 0któber 2004
Trúbadorinn Halli Reynis held-
ur útgáfutónleika á Nasa á
morgun. Tónleikarnir, sem
hefjast klukkan 22.00, eru
haldnir í tilefni af fjórðu sóló-
plötu Halla, Við erum eins, sem
kom út fyrir skömmu. Síðasta
sólóplata Halla kom út fyrir
heilum sjö árum.
Halli verður með nýja hljóm-
sveit með sér á tónleikum, sem
spilar einmitt með honum á
plötunni. Um er að ræða þá Jón
Skugga, Örn Hjálmarsson, Erik
Qvick og KK.
„Ég er gífurlega spenntur
fyrir þessum tónleikum,“ sagði
Halli í spjalli við Fréttablaðið.
„Þetta er frumraun hjá þessu
bandi og munum við spila efni
af plötunni. Væntanlega frum-
flytjum við síðan tvö ný lög.“
Eftir útgáfutónleikana munu
Halli og hljómsveit halda fleiri
tónleika til að fylgja nýju plöt-
unni eftir. ■
HALLI OG NÝJA SVEITIN Halli Reynis
kemur sterkur inn á sjónarsviðið ásamt
nýrri hljómsveit. Er þetta fyrsta sólóplata
Halla í sjö ár.
Útgáfutónleikar Halla Reynis
■ TÓNLIST
Nú um helgina verður heldur bet-
ur menningarbragur á Þorláks-
höfn, því fiskurinn þarf að láta í
minni pokann fyrir nýrri tónlist-
arhátíð með tónleikum, hagyrð-
ingakvöldi og gospelmessu.
Hátíðin nefnist Tónar við hafið
og hefst í kvöld með tónleikum
þeirra Ármanns Helgasonar klari-
nettuleikara og Miklosar Dalmay
píanóleikara í ráðhúsi bæjarins.
„Þeir ætla að flytja rómantísk-
ar sónötur, íslensk þjóðlög í út-
setningu Þorkels Sigurbjörnsson-
ar og ungverska og rúmenska
dansa,“ segir Barbara Guðnadótt-
ir, menningarfulltrúi í Þorláks-
höfn
Á morgun klukkan 15 verður
síðan blásarakvintettinn Hnúka-
þeyr með fjölskyldutónleika í ráð-
húsinu, þar sem flutt verða létt
verk eftir Mozart og Gordon
Jacob.
Annað kvöld verður svo hag-
yrðingakvöld á sama stað. Kynnir
verður Ómar Ragnarsson en
hljómsveitin Smaladrengirnir sjá
um tónlistaratriði.
Hátíðinni lýkur síðan með
gospelmessu í Þorlákshafnar-
kirkju á sunnudagskvöld.
„Við viljum sýna fólki að það sé
ýmislegt um að vera í Þorlákshöfn
annað en fiskur,“ segir Barbara,
sem er nýtekin við stöðu menn-
ingarfulltrúa í bænum.
„Hér eru starfræktir þrír
kórar og lúðrasveit fyrir utan
fjölmörg félög, þar á meðal tvö
ferðafélög. Svo er hér bókasafn
og hugmyndin er að hér rísi líka
byggðasafn.“ ■
Tónlist í Þorlákshöfn
■ TÓNLEIKAR
BARBARA GUÐNADÓTTIR Ætlar að
koma Þorlákshöfn á menningarlanda-
kortið. Í kvöld hefst þar tónlistarhátíðin
„Tónar við hafið“.
48-49 (36-37) Slangan 28.10.2004 18:44 Page 3