Fréttablaðið - 03.11.2004, Blaðsíða 2
GRÍMSVATNAGOS Öllu fé var smalað
og það sett inn á gjöf á Möðrudal
á Möðrudalsöræfum í gær, að
sögn Önnu Birnu Snæþórsdóttur
húsfreyju. Þegar bændur þar
komu út í gærmorgun var komið
talsvert öskufall af völdum goss-
ins í Grímsvötnum. Mátti greini-
lega sjá það á gluggarúðum og bíl-
um, auk þess sem það sást á jörðu.
Halldór Runólfsson yfirdýra-
læknir sendi út viðvörun í gær
vegna öskufalls og hættu á flúor-
eitrun. Er fólki ráðlagt að hýsa
búfénað sinn ef öskufalls gætir,
en að sögn Halldórs er hlutfalls-
lega mikið magn af flúor við
Grímsvötn.
„Við erum með féð við beitar-
hús, látum það ganga við opið en
gefum því vel inni, þannig að
engin hætta sé á að það sé að taka
í jörð,“ sagði Anna Birna, sem er
ásamt bónda sínum með á þriðja
hundrað fjár. Þá lá fyrir í gær að
fara með heyrúllur til hrossanna
sem eru um 20 talsins.
Örn Bergsson, bóndi að Hofi í
Öræfasveit, sagði menn þar við-
búna að taka fé sitt ef vindátt
snérist þannig að gosmökkurinn
bærist yfir héraðið. - jss
2 3. nóvember 2004 MIÐVIKUDAGUR
Komið lag af gosösku á Möðrudal þegar fólk vaknaði:
Hross og kindur tekin á gjöf
Ekkert í líkingu við
hamfaraflóðið 1996
Flóð í Skeiðará nær að öllum líkindum hámarki í dag. Hlaupið er ekki
talið verða jafn mikið og árið 1996 þegar miklar skemmdir urðu á
mannvirkjum á Skeiðarársandi.
ELDGOS Búist er við að hlaup í
Skeiðará á Skeiðarársandi nái há-
marki í dag. Í gær mátti sjá háa
öskubólstra stíga upp frá Vatna-
jökli. Ekki er búist við jafn miklu
hlaupi nú og fór yfir Skeiðarár-
sand árið 1996.
Þjóðveginum um Skeiðarár-
sand var lokað klukkan hálf átta í
gærkvöld en Reynir Gunnarsson,
rekstrarstjóri Vegagerðarinnar á
Hornafirði sagði í gær að vegur-
inn yrði opnaður aftur í birtingu í
dag. Lögreglan var með vakt við
veginn í nótt. Reynir sagði að
engar skemmdir hefðu orðið á
mannvirkjum í hlaupinu.
Bjarni Kristinsson og Snorri
Zophoníasson hafa verið við mæl-
ingar í Skeiðará á vegum Vatna-
mælinga Orkustofnunar. Þeir
segja að vatnsmagn í ánni hafi
tvöfaldast á sólarhring frá því á
sunnudag. Þá hafi það verið 570
rúmmetrar á sekúndu. Á mánu-
dag hafi það verið 1500 rúm-
metrar og 2900 rúmmetrar á
hádegi í gær. Í hamfaraflóðinu
árið 1996 komst vatn í ánni í
20.000 rúmmetra þegar það náði
hámarki. Hlaupið nú er því smá-
vægilegt í samanburði við það.
Snorri segir að hlaup hafi verið
byrjað í ánni áður en gosið hófst.
Miðað við vatnsmagnið í Gríms-
vötnum þá hefði hlaupinu átt
að ljúka í gær. Vatnsmagn í
Grímsvötnum hafi verið komið í
700 um helgina en verið komið
niður í 170 gígalítra þegar gosið
hófst. Vegna gossins hafi ís hins
vegar bráðnað og aukið vatns-
magn undir jöklinum. Hlaupið
eigi því enn eftir að vaxa. - ghg
Miðlunartillaga:
Villandi
atkvæði
KJARAMÁL Borið hefur á að kennur-
um finnist atkvæðaseðlar um miðl-
unartillögu ríkissáttasemjara vill-
andi.
Samkvæmt spjallsíðu kennara á
vef Kennarafélags Reykjavíkur eru
orðin já og nei rituð á seðilinn hlið
við hlið. Kennarar velta fyrir sér
hvernig þeir geti greitt atkvæði sitt
svo rétt skiljist. Engin kjörgögn
hafi fylgt kjörseðlunum.
Eiríkur Jónsson formaður Kenn-
arasambands Íslands segir málið
einfalt, áhyggjurnar óþarfar og
búið að leysa það með kynningu.
Langt sé á milli orðanna og sé vilji
kennara ljós sé seðillinn gildur. - gag
Kýldi konu:
Skilorð fyrir
nefbrot
DÓMSMÁL Maður á þrítugsaldri
var, í Héraðsdómi Reykjavíkur í
gær, dæmdur fyrir að hafa slegið
fertuga konu hnefahögg í andlitið
þannig að hún nefbrotnaði. Mað-
urinn var að hjálpa vinkonu sinni
sem var í slagsmálum við konuna
sem hann síðan kýldi.
Sannað þykir að maðurinn hafi
veitt konunni þá áverka sem hann
var sakaður um en hann hefur
ekki áður gerst sekur um refsi-
verða háttsemi. Við ákvörðun
refsingar var tekið tillit til þess að
rannsókn og meðferð málsins tók
langan tíma en árásin átti sér stað
fyrir rúmu ári síðan. - hrs
„Ég man ekki eftir því. Ætli ég verði
ekki að koma fram í hléi í Carnegie Hall
og segja fólki að þetta sé ekki búið.”
Garðar Cortes stýrði flutningi óratóríunnar Elía í
Grafarvogskirkju á dögunum. Þá hurfu einhverjir
áheyrendur á brott í hléi, að því er talið er vegna
þess að þeir héldu að tónleikarnir væru búnir.
Garðar og Óperukórinn í Reykjavík flytja sama verk
í Carnegie Hall í New York á sunnudag.
SPURNING DAGSINS
Garðar, hefurðu lent í þessu áður?
GOSSTRÓKURINN
Öskustrókurinn beindist beint
að Möðrudal um miðjan dag í gær
þegar blaðið hafði samband þangað.
MANNDRÁP Bráðabirgðaniður-
stöður krufningar styðja það
sem áður hefur komið fram um
að Sæunni Pálsdóttur hafi verið
ráðinn bani með því að þrengt
hafi verið að öndunarvegi henn-
ar að sögn Friðriks Smára
Björgvinssonar, yfirlögreglu-
þjóns í Kópavogi. Eiginmaður
Sæunnar, Magnús Einarsson,
hefur játað að hafa orðið henni
að bana á heimili þeirra í
Hamraborg aðfaranótt mánu-
dags.
Lögregla hefur ekki viljað
segja til um hvaða hugsanlegu
ástæður hafi verið fyrir verkn-
aðinum. Heimildir segja að Sæ-
unn og Magnús hafi átt pantaðan
tíma hjá sýslumanni vegna
skilnaðar sem legið hafi fyrir í
einhvern tíma. Samkvæmt
heimildum Fréttablaðsins ban-
aði Magnús eiginkonu sinni, og
móður tveggja barna, með bandi
sem hann herti um háls hennar.
Magnús var úrskurðaður í
gæsluvarðhald til 15. desember
en hann var handtekinn á vett-
vangi þegar lögregla kom á
staðinn. Hann er nú í einangrun.
Í fréttatilkynningu frá Lögregl-
unni í Kópavogi í fyrradag sagði
að áverkar væru á líkinu sem
bentu til þess að átök hefðu átt
sér stað og hefðu síðan leitt til
dauða hennar.
Friðrik Smári segir þó nokk-
ur vitni hafa verið yfirheyrð
vegna málsins og á hann von á
að einhverjir verði yfirheyrðir
til viðbótar.
- hrs
Manndráp í Hamraborg:
Áttu pantaðan tíma hjá sýslumanni
Enn lækka hlutabréf:
Tækifæri til
lengri tíma
VIÐSKIPTI Hlutabréf lækkuðu í gær
tíunda daginn í röð.
Markaðurinn lækkaði hratt í
gærmorgun en jafnaði sig þegar
líða tók á daginn. Þegar verst lét
hafði úrvalsvísitala Kauphallar Ís-
lands lækkað um tæp sjö prósent.
Niðurstaðan varð 2,71 prósenta
lækkun.
Sérfræðingar á markaði telja að
eftir lækkun síðustu tíu daga hafi
víða myndast góð tækifæri á mark-
aði sé horft til lengri tíma. Óvissa er
hins vegar um hræringarnar næstu
daga. sjá síðu 20
VIÐ VATNAMÆLINGAR
Bjarni Kristinsson og Snorri Zophoníasson sem verið hafa við mælingar í Skeiðará á vegum Vatnamælinga Orkustofnunar segja að
vatnsmagn í ánni hafi tvöfaldast á sólarhring frá því á sunnudag.
GOSSTRÓKURINN AF JÖKLINUM
Magnað er að sjá frá Skeiðarársandi
gosstrókinn frá eldgosinu í Grímsvötnum
þar sem hann leggur frá Vatnajökli.
FR
ÉT
TA
B
LA
Ð
IÐ
/V
IL
LI
M
YN
D
/K
R
IS
TJ
ÁN
Þ
Ó
R
ÍBÚÐIN Í HAMRABORG INNSIGLUÐ
Magnús Einarsson hefur játað að hafa
banað eiginkonu sinni og situr
nú í einangrun.
FR
ÉT
TA
B
LA
Ð
IÐ
/P
JE
TU
R
Forsetakosningar:
Allir kusu á
miðnætti
BANDARÍKIN, AP Fyrstu tölur í banda-
rísku forsetakosningunum lágu fyr-
ir skömmu eftir miðnætti að staðar-
tíma, skömmu eftir klukkan fimm í
gærmorgun að íslenskum tíma. Þá
voru tvö lítil samfélög í New
Hampshire búin að kjósa og telja at-
kvæði, langt á undan öllum öðrum.
Kjörstaðir verða að hafa opið
milli ellefu að morgni og sjö að
kvöldi en mega opna fyrr og loka
snemma ef allir á kjörskrá eru
búnir að kjósa. Þetta er gert í Hart's
Location og Dixville Notch þar sem
kjörstaðir opnuðu skömmu eftir
miðnætti og lokuðu skömmu síðar.
George W. Bush hafði betur í þeim
báðum, fékk 35 atkvæði gegn 21 at-
kvæði Johns Kerry og einu atkvæði
Ralphs Nader. ■
ATKVÆÐI TALIN
Kosningar gengu hratt fyrir
sig í Hart's Location.
■ LÖGREGLUFRÉTTIR
OLLI ÁREKSTRI ÖLVAÐUR Mikið ölv-
aður ökumaður olli þriggja bíla
árekstri í Salahverfi í Kópavogi um
klukkan hálf sex í fyrradag.
Enginn meiddist í árekstrinum en
eignatjón varð á bifreiðunum.
Utanríkismál:
Davíð fundar
með Powell
STJÓRNMÁL Varnarsamstarf Banda-
ríkjanna og Íslands verður rætt á
fundi Davíðs Oddssonar utanríkis-
ráðherra og Colins Powells utan-
ríkisráðherra Bandaríkjanna í
Washington í Bandaríkjunum þann
16. nóvember.
Fundur ráðherranna var rædd-
ur í utandagskrárumræðum á Al-
þingi í gær. Davíð sagðist vonast til
að fundurinn myndi verða til að
færa málið í fastari farveg og að
mikilvægt væri að eyða óvissunni
sem ríkti um framtíð samningsins.
Ákveðið var á fundi Davíð með
forseta Bandaríkjanna í sumar að
Powell tæki yfir málefni varnar-
samstarfs Íslands og Bandaríkj-
anna. - óká
02-03 2.11.2004 22:08 Page 2