Fréttablaðið - 03.11.2004, Blaðsíða 12
12 3. nóvember 2004 MIÐVIKUDAGUR
BORÐAÐ VIÐ SÓLSETUR
Íbúar Lahore í Pakistan voru reiðubúnir að
taka til matar síns þegar sól gekk til viðar í
fyrrinótt. Meðan á hinum helga mánuði
Ramadan stendur má hvorki borða né
drekka frá sólarupprás til sólseturs.
SKIPULAG Enn hefur dregist að úr-
skurða um mat á umhverfisáhrif-
um vegna Sundabrautar. Upphaf-
lega stefndi Skipulagsstofnun á að
úrskurður lægi fyrir 30. júlí.
Síðan var búist við úrskurði fyrir
síðustu mánaðamót en nú hefur
frestur til að úrskurða verið fram-
lengdur til 15. nóvember.
Ásdís Hlökk Theodórsdóttir,
starfandi skipulagsstjóri, segir að
fresturinn hafi verið framlengdur
vegna þess að stofnunin hafi þurft
að leita eftir talsvert mikið af
skýringum og upplýsingum frá
Vegagerðinni og Reykjavíkur-
borg. Einnig hafi það tafið málið
að framkvæmdaraðilarnir hafi
þurft meiri tíma til að svara um-
sögnum. Alls bárust um 15 at-
hugasemdir og umsagnir þar sem
sett var út á ýmislegt svo sem út-
færslu á brúm og gatnamótum
sem tengjast Sundabrautinni,
sjónræn áhrif og mengun í sjó.
Borgaryfirvöld og Vegagerðin
eru ósammála í því hvaða leið
skuli valin. Borgin vill hábrú yfir
sundin en Vegagerðin svokallaða
eyjalausn. Heimildir blaðsins
herma að hvorugur kosturinn
verði útilokaður í úrskurðinum.
- th
Mikill vilji til
sameiningar
Ný könnun sýnir mikinn áhuga Vestlendinga
á að sameina sveitarfélög. 14 prósent Akurnes-
inga vilja sameinast Reykjavík.
SVEITARSTJÓRNARMÁL Meirihluti
íbúa á Vesturlandi er hlynntur
sameiningu sveitarfélaga í ein-
hverri mynd, að því er fram
kemur í nýrri könnun Rannsókn-
arstofnunar Háskólans á Akur-
eyri. Spurt var hvaða sameining-
arkostir þættu vænlegastir og
vekur athygli að 16 prósent að-
spurðra nefndu Reykjavík.
Á Akranesi eru 92 prósent
hlynnt sameiningu og horfa helst
til hreppanna fjögurra sunnan
Skarðsheiðar. Um 14 prósent
nefna engu að síður Reykjavík og
11 prósent Borgarbyggð. Gísli
Gíslason, bæjarstjóri á Akranesi,
segir hvorki stefnu né meiningu í
sjálfu sér að sameinast
Reykjavík, en kemur ekki
á óvart þó svo einhverjum
komi það í hug. „Við erum
í fínu samstarfi við höfuð-
borgina. Sjálfsagt hug-
leiða menn þetta út frá því
hversu vel hefur tekist
samstarfið við Orkuveit-
una. Síðan líta menn björt-
um augum á hafnarsamlagið,“
segir hann og bendir á að íbúar
hafi orðið áþreifanlega varir við
lægri hitakostnað og hærra þjón-
ustustig þegar samstarf hófst við
Orkuveitu Reykjavíkur.
Gísli segir rannsóknina fróð-
lega í sjálfu sér, en telur fátt koma
á óvart. „Í hreppunum austur af
okkur er til dæmis eindreginn
vilji til að sameinast innbyrðis. Á
meðan farið er yfir það mælist
auðvitað ekki mikill áhugi á að
sameinast Akranesi,“ sagði hann,
en bætti við að tíminn yrði svo að
leiða í ljós hvort um frekari sam-
einingu á svæðinu gæti orðið að
ræða. „Eins og staðan er núna
verður Akranes áfram eitt og sér
með sitt fína samfélag, en við von-
um að hinir sameinist í kringum
okkur. Það styrkir bara svæðið,“
sagði hann.
Þegar niðurstöður eru skoðað-
ar eftir sveitarfélögum eru vís-
bendingar um að 2 af 17 sveitarfé-
lögum myndu fella samein-
ingu, eða að úrslit yrðu tví-
sýn. Þá kemur fram að fólk
á nokkrum stöðum virðist
horfa til dreifðra samein-
ingarkosta þannig að erfitt
sé að spá fyrir um niður-
stöðu kosninga. Ljóst þykir
þó að sveitarfélögum á
Vesturlandi myndi fækka úr
17 í 10, auk þess sem fækkaði um
eitt á Vestfjörðum, ef niðurstöður
rannsóknarinnar skiluðu sér í
kosningum. „Sveitarfélögunum á
Vesturlandi gæti þó fækkað
meira, en heldur virðist ótryggara
um það að spá,“ segir í skýrslunni.
olikr@frettabladid.is
HEFNT FYRIR DAUÐA 85 Varabæj-
arstjóri þorps í suðurhluta
Taílands var myrtur og hausinn
skorinn af honum. Talið er að
ódæðismennirnir séu íslamskir
uppreisnarmenn sem vildu hefna
fyrir það þegar 85 manns köfn-
uðu þegar þeir voru í haldi lög-
reglu í síðustu viku.
■ ASÍA
■ EVRÓPA
Miðbær Reykjavíkur:
Fjölgun
milli ára
VERSLUN Verslunum í miðborg
Reykjavíkur hefur fjölgað um
fjórar frá því í fyrrahaust þegar
þær voru 300 talsins.
Mun þetta vera í fyrsta sinn á
síðustu níu árum sem verslunum
í miðbænum fjölgar á milli ára.
„Þróunarfélag miðborgarinnar
hefur undanfarin níu ár látið
telja og flokka verslanir í mið-
borginni á hverju hausti. Átta ár í
röð, frá 1996 til 2003, fækkaði
verslunum í heild ár frá ári, eða
úr 372 í 300. Nú hefur verslunum
hinsvegar fjölgað á ný,“ segir
í tilkynningu. Um helmingur
verslananna er við Laugaveg og
Bankastræti, eða 153. Við Skóla-
vörðustíg eru 56 verslanir, 35 við
hliðargötur, 34 í Kvosinni og 26
við Hverfisgötu.
- óká
AKRANES
Rannsóknastofnun Háskólans á Akureyri framkvæmdi rannsóknina á viðhorfi fólks til sam-
einingar sveitarfélaga á Vesturlandi fyrir Samtök sveitarfélaga á Vesturlandi. Í úrtakinu voru
1.364 einstaklingar á öllu Vesturlandi og svöruðu 73 prósent.
AKRANES
Fylgjandi 92%
Andvígir 11%
BORGARBYGGÐ
Fylgjandi 89%
Andvígir 12%
BORGARFJARÐARSVEIT
Fylgjandi 88%
Andvígir 8%
VIÐHORF TIL HELSTU
SAMEININGARKOSTA:
Hvalfjarðarstrandar-
hreppur, Innri-Akranes-
hreppur, Leirár- og
Melahreppur, Skil-
mannahreppur 45%
Reykjavík 14%
Innri-Akranes-
hreppur, Skilmanna-
hreppur 7%
VIÐHORF TIL HELSTU
SAMEININGARKOSTA:
Borgarfjarðarsveit 30%
Borgarfjarðarsveit,
Hvítársíðuhreppur,
Skorradalshreppur 12%
Akranes 8%
VIÐHORF TIL HELSTU
SAMEININGARKOSTA:
Borgarbyggð, Hvítár-
síðuhreppur, Skorra-
dalshreppur 33%
Borgarbyggð 21%
VIÐHORF TIL SAMEININGAR Á VESTURLANDI:
GÍSLI
GÍSLASON
VEÐUR Sólskinsstundir í Reykjavík í
nýliðnum októbermánuði mældust
110 sem er 27 stundum umfram
meðallag, að því er fram kemur í
samantekt Veðurstofunnar.
Meðalhiti í Reykjavík var 4,3
stig og er það 0,1 stigi neðan með-
allags og kaldasti október frá 1998.
Á Akureyri var meðalhitinn 3,3
stig og er það 0,3 stigum ofan
meðallags. Úrkoma í Reykjavík
mældist 66 mm og eru það um þrír
fjórðu hlutar meðalúrkomu. Á
Akureyri mældist úrkoman 88 mm
sem er 50 prósentum umfram
meðallag.
Á Akureyri var sólarlítið, þar
mældust sólskinsstundirnar 36 og
er það 16 stundum minna en í
meðalári. ■
Veðurfar:
Sólríkur október
HAUSTVEÐUR
Sólskinsstundir í Reykjavík voru 27 stundum umfram meðallag í október.
Mat á umhverfisáhrifum:
Dregst að úrskurða
um Sundabraut
VALKOSTUR VEGAGERÐINNAR
Vegagerðin og borgaryfirvöld eru ósammála
um hvaða leið skuli valin fyrir nýja Sunda-
braut. Vegagerðin vill að farin verði svokölluð
eyjalausn.
RANNSAKA HATURSGLÆPI Lund-
únalögreglan rannsakar árásir
hóps ungra manna á fólk nærri
næturklúbbi samkynhneigðra. Í
tveimur tilfellum var ráðist á
homma og er talið að hugsanlega
hafi verið ráðist á mennina vegna
kynhneigðar þeirra. Einn þeirra
lést á sjúkrahúsi af völdum mik-
illa barsmíða.
12-13 2.11.2004 21:56 Page 2