Fréttablaðið - 03.11.2004, Blaðsíða 39
27MIÐVIKUDAGUR 3. nóvember 2004
■ TÓNLIST
Tónlistarmaðurinn Stranger held-
ur útgáfutónleika á Gauki á Stöng
í kvöld vegna plötu sinnar Paint
Peace sem er nýkomin út.
Stranger er listamannsnafn
Hjörvars Hjörleifssonar, sem
hefur spilað og samið tónlist í fjöl-
mörg ár með hinum ýmsu aðilum,
t.a.m. með hljómsveitunum Los og
Monotone. Tónlist hans má lýsa
sem kántrískotnu poppi með
þungum og rokkuðum undirtóni
og vel má greina áhrif frá tónlist-
armönnum á borð við Beck og
David Bowie og hljómsveitinni
Cake.
Í umslagi plötunnar kemur
fram að tíu ára draumur Hjörvars
sé að verða að veruleika með
þessari plötu. „Ég er búinn að
vera að „praktisera“ eitthvað í
þessu en það er eiginlega fárán-
legt hvað maður er búinn að gera
lítið í raun og veru,“ segir hann.
„Maður er búinn að vera með ann-
an fótinn í þessu en svo þróast
þetta alltaf út í það að maður finn-
ur sér tíma fyrir annað en það
sem manni finnst skemmtileg-
ast.“
Hjörvar fékk góða aðstoð frá
hljómsveitinni Ensími við upptök-
ur á plötunni. Spiluðu þeir undir í
lögunum auk þess sem þrír úr
sveitinni munu aðstoða hann á
tónleikunum í kvöld. „Ég á stúdíó
sem þeir leigja af mér og það lá
best við að fá þá til að taka þetta
upp með mér. Þeir eru snillingar á
sínu sviði,“ segir Hjörvar og við-
urkennir að útkoman sé framar
sínum vonum. „Það fór skugga-
lega lítill tími í allar útsetningar
og mér finnst eiginlega krafta-
verk að þetta skuli hafa heppnast
þetta vel. Strákarnir í Ensími eru
ofsalegir orkuboltar og það er
drifkraftur í þeim. Þeir kýldu
þetta svolítið áfram, voru mjög já-
kvæðir og allir að vilja gerðir til
að vinna þetta með mér.“
Hjörvar treður upp í annað
sinn á átta árum í kvöld en fyrstu
tónleikarnir hans voru í Hafnar-
húsinu á Airwaves-hátíðinni á
dögunum. Góður rómur var gerð-
ur af þeim tónleikum og má fast-
lega búast álíka góðum viðtökum í
kvöld.
freyr@frettabladid.is
STRANGER Tónlistarmaðurinn Stranger mætir sterkur fram á sjónarsviðið með sinni
fyrstu plötu, Paint Peace.
Tíu ára draumur að veruleika
Gildir á meðan birgðir endast.
Loksins fáanlegt
í Hagkaupum
Þyngd: ca. 10 kg (með 2 rafhlöðum)
Hraði: 0-14 km/klst
Hámarksþyngd: 90 kg
Hleðslu tími: 3-5 tímar (hlaða fyrst yfir nótt)
Fjarlægð á hleðslu: 12-15 km
Litir: rauður, grænn, blár og silfur
Verkfærasett og hleðslutæki fylgja
í Hagkau
pum
Nýtt
10.990kr
Ótrúlegt verð
PÓ
STV
ERSLUN
HAGKAUP
A
800 6680
grænt númer
www.hagkaup.is
sími
568 2255
MAGGI Í MANGÓ Magnús Garðarsson
veitingamaður hefur stækkað Mangógrillið
sitt í Grafavogi og ætlar að bjóða upp á lif-
andi tónlist og skemmtun af ýmsu tagi.
Suðræn
stemning í
Grafarvogi
„Að fara út að borða á að vera
skemmtilegt, þetta á að vera
skemmtun fyrir alla fjölskylduna,“
segir Magnús Garðarsson, veitinga-
maður í Grafarvogi, jafnan nefndur
Maggi í Mangó.
Þar rekur hann grillstað sem
heitir Mangógrill og við hliðina er
pítsustaður sem heitir Mangópizza.
„Við erum búin að opna hér á
milli staðanna, höfum sett upp
breiðtjald og erum með boltann í
beinni. Svo er hér lítill bar með bjór
og rauðvíni.“
Til þess að lífga upp á tilveruna
ætlar Maggi að bjóða upp á lifandi
músík um helgar, og svo uppistand
og bókakynningar þegar við á.
„Hérna er suðræn stemning og
léttur blær yfir öllu. Við verðum
með uppistand á fimmtudögum,
Idolkvöld á föstudögum og svo lif-
andi blús eða djass á laugardögum.
Á sunnudögum er svo bingó, því hér
býr svo mikið af eldra fólki á elli-
heimilinu Eir.
Við erum líka með orgelskemmt-
ara hérna inni og ef einhver kann að
spila á hann þá fær hann bara frítt
öl og spilar á meðan öllum líkar.“ ■
RAGNHEIÐUR GRÖNDAL
Ragnheiður Gröndal semur fjögur lög á
sinni annarri sólóplötu.
Önnur
sólóplatan
Önnur sólóplata söngkonunnar
Ragnheiðar Gröndal, Vetrarljóð,
kemur út í dag. Hún hefur að geyma
níu glæný lög og fjögur eldri til við-
bótar. Fjögur af nýju lögunum eru
eftir Ragnheiði sjálfa, sem stígur
hér fram sem prýðisgóður lagahöf-
undur og píanóleikari. Fjögur til
viðbótar eru eftir Magnús Þór Sig-
mundsson og eitt eftir Jón Ólafsson.
Lögin eru við ljóð eftir þá Hall-
grím Helgason, Jóhannes úr Kötl-
um, Örn Arnarson, Jakob Jóhann-
es Smára, Ólaf Jóhann Sigurðsson
og Benedikt Gröndal, langafa
Ragnheiðar. ■
38-39 (26-27) Skrípó 2.11.2004 18:48 Page 3