Fréttablaðið - 06.11.2004, Blaðsíða 49

LAUGARDAGUR 6. nóvember 2004 37
KEITH OG HILDUR Í SAMA LIÐI
Keith Vassell hefur samið við sænska liðið
Jämtland Basket.
Sænski körfuboltinn:
Vassell hittir
fyrir Hildi
KÖRFUBOLTI Keith Vassell, sem lék
áður með KR og Hamri og er með
íslenskan ríkisborgararétt, hefur
samið við sænska úrvalsdeildar-
liðið
Jämtland Basket en Hildur Sig-
urðardóttir leikur einmitt með
kvennaliði félagsins. Hildur og
Keith þekkjast vel því undir stjórn
Vassel urðu Hildur og félagar
hennar í KR-liðinu Íslands- og
bikarmeistarar vorið 2002.
Keith tekur sæti Litháans
Robertas Stankevicius sem var
látinn fara frá liðinu. Svíarnir
vonast eftir að Vassell, sem var
með 19,6 stig og 9,5 fráköst með
finnska liðinu Tarmo í fyrra,
hjálpi upp á gengi liðsins en með
liðinu spilar einnig Leon Brisport
sem lék með Þór Þorlákshöfn í
Intersportdeildinni í fyrra.
Jämtland Basket hefur unnið 2
af fyrstu sex leikjum sínum og er
sem stendur í 9. sæti í ellefu liða
úrvalsdeild. Vassell mun spila
sinn fyrsta leik með félaginu í dag
í Stokkhólmi. ■
BIRGIR LEIFUR HAFÞÓRSSON Kláraði
ekki þriðja hring vegna veðurs.
Fréttablaðið/Mynd/Eiríkur
Birgir Leifur Hafþórsson:
Leik frestað
vegna veðurs
GOLF Hætta þurfti leik á þriðja
degi úrtökumóts evrópumótarað-
arinnar sem fram fer í Valenciu á
Spáni vegna veðurs og var Birgir
Leifur Hafþórsson, kylfingur úr
GKG, einn þeirra sem ekki náði að
klára hringinn. Var Birgir í 7.-10.
sæti fyrir daginn í gær og átti
góða möguleika á að komast
áfram en aðeins 29 efstu kylfing-
arnir halda leik áfram að þriðju
umferð lokinni.
Hafa forráðamenn mótsins
brugðið á það ráð að klára þriðju
umferð í dag en um leið og henni
lýkur halda þeir áfram leik sem
komast gegnum niðurskurðinn.
Ekki var ljóst þegar Frétta-
blaðið fór í prentun hvernig Birgi
gekk en af þeim sem náðu að ljúka
leik var Bretinn Stuart Little efst-
ur með tíu högg undir pari. Var
Birgir Leifur á átta höggum undir
pari eftir fyrstu tvo dagana og
ætti hann að öllu jöfnu að eiga til-
tölulega greiða leið gegnum nið-
urskurðinn spili hann af sama ör-
yggi áfram. ■
Framarar fá reyndan varnarmann úr Árbænum:
Þórhallur fer í Fram
FÓTBOLTI Knattspyrnumaðurinn
Þórhallur Dan Jóhannsson virðist
vera búinn að finna sér félag fyrir
næsta sumar en allar líkur eru á
því að hann semji við Fram um
helgina. Hann hafði einnig verið
orðaður við Val en sögusagnir af
meintum áhuga Vals á Þórhalli
virðast hafa verið byggðar á mjög
veikum grunni, samkvæmt heim-
ildum Fréttablaðsins.
„Ég vil ekkert staðfesta í þessu
máli en neita því ekki að við höf-
um rætt við Þórhall,“ sagði Finnur
Thorlacius, formaður rekstrar-
félags Fram, í samtali við Frétta-
blaðið í gær. „Það er smá sprettur
eftir í þessu hjá okkur en það eru
líkur á því að við náum samningi
við Þórhall.“
Þórhallur var þögull sem gröf-
in í gær en játaði þó að hann væri
búinn að ákveða hvar hann ætlaði
að spila á næstu leiktíð.
„Já, ég er búinn að ákveða mig
og geng vonandi frá mínum mál-
um um helgina og í síðasta lagi á
mánudag. Ég ætla samt ekkert að
segja þér hvaða félag um ræðir
núna,“ sagði Þórhallur við Frétta-
blaðið í gær en hann yfirgaf upp-
eldisfélag sitt, Fylki, mjög óvænt
á dögunum eftir að samningavið-
ræður hans og Árbæinga sprungu
í loft upp með miklum látum.
- hbg
Í BARÁTTUNNI MEÐ FYLKI Þórhallur Dan Jóhannsson hefur leikið sinn síðasta leik fyrir
Fylki og er væntanlega á leið í Fram. Hann sést hér glíma við Eyjamanninn Gunnar Heiðar
Þorvaldsson í sumar. Fréttablaðið/E.Ól.
48-49 (36-37) Sport 5.11.2004 21:09 Page 3