Fréttablaðið - 10.11.2004, Blaðsíða 6
6 10. nóvember 2004 MIÐVIKUDAGUR
Loftslagsbreytingar við Norðurskautið:
Væg hlýnun eflir fiskistofna
VEÐURFAR Niðurstöður alþjóðlegs
rannsóknarteymis á vegum
Norðurskautsráðsins gera ráð
fyrir að loftslag á Íslandi og
Grænlandi hlýni næstu hundrað
árin um 2 til 3 gráður á Celsius,
en slík breyting gæti eflt þá
fiskistofna sem mikilvægastir
eru fyrir hagkerfi þjóðanna, svo
sem þorsk og síld. Mismikilla
áhrifa hlýnunar gætir við Norð-
urskautið. Á öðrum svæðum, svo
sem í Kanada og í Síberíu, gæti
hún numið 4 til 7 gráðum, en svo
mikil breyting er sögð geta haft
miklar og slæmar afleiðingar
fyrir lífríkið.
Niðurstöður rannsóknarteym-
isins voru kynntar á blaða-
mannafundi í gær. Meðal þess
sem er spáð er að sjór muni
hækka um 10 til 90 sentímetra
vegna bráðnun jökulíss á Græn-
landi og Norðurskautinu. Robert
Correll, formaður rannsóknar-
hópsins, sagði að miðað við hraða
bráðnunar íshettunnar á Græn-
landi væri óhætt að gera ráð
fyrir að hækkun sjávar yrði í
efri mörkum þess sem spáð
hefur verið og jafnvel enn meiri.
Skýrsla rannsóknarhópsins gerir
ráð fyrir að sjór gangi um 50
metra á land á flatlendi við
hverja 50 sentímetra hækkun
sjávarborðs. - óká
Vinstri grænir rúm-
lega tvöfalda fylgi sitt
Samkvæmt skoðanakönnun Fréttablaðsins myndu Vinstri grænir rúm-
lega tvöfalda fylgi sitt ef boðað væri nú til kosninga. Helmingur þing-
manna Frjálslynda flokksins myndi hins vegar falla af þingi.
SKOÐANAKÖNNUN Fylgi Samfylking-
ar og Vinstri grænna eykst, en
fylgi Sjálfstæðisflokks, Framsókn-
arflokks og Frjálslyndra dalar,
samkvæmt niðurstöðu skoðana-
könnunar sem framkvæmd var á
laugardag. Samkvæmt skoðana-
könnunni fékk Framsóknarflokk-
urinn 12,3 prósenta fylgi. 30,3 pró-
sent sögðust myndu kjósa Sjálf-
stæðisflokkinn. Frjálslyndir fengju
3,1 prósent. 35,1 prósent sögðust
myndu kjósa Samfylkinginu og
18,2 prósent sögðust myndu kjósa
Vinstri græna. Tæpt prósent þeir-
ra sem tóku afstöðu til spurningar-
innar sagðist myndu kjósa annað.
Ef þetta væri fylgi flokkana í
kosningum fengi Framsóknar-
flokkurinn átta menn kjörna, Sjálf-
stæðisflokkurinn fengi 19 þing-
menn, Frjálslyndir tvo, Samfylking
23 og Vinstri grænir ellefu.
Eins og oftast áður er munur á
stuðningi kynjanna við Sjálfstæðis-
flokk. Um 34 prósent karla sögðust
styðja Sjálfstæðisflokkinn en fylgi
kvenna var átta prósentustigum
minna. Eins er nokkur munur á
stuðningi karla og kvenna við Sam-
fylkingu. Um 33 prósent karla segj-
ast styðja Samfylkingu en um 38
prósent kvenna.
Einnig er nokkur munur á
stuðningi flokkanna eftir því hvort
kjósendur búa á höfuðborgar-
svæðinu eða utan þess. Framsókn-
arflokkurinn fær tæplega 15 pró-
senta fylgi á landsbyggðinni en rétt
rúmlega tíu prósent á höfuðborgar-
svæðinu. Sjálfstæðisflokkurinn
sækir fylgi sitt þó frekar til höfuð-
borgarsvæðisins, þar sem hann
hefur rétt rúmlega 33 prósenta
fylgi á móti rúmlega 26 prósenta
fylgi á landsbyggðinni.
Úrtakið í könnuninni var 800
manns. Það skiptist jafnt milli
kynja og hlutfallslega eftir kjör-
dæmum. Spurt var „Hvaða flokk
myndir þú kjósa ef þingkosningar
færu fram nú?“ 52,8% prósent að-
spurðra tóku afstöðu til spurning-
arinnar.
svanborg@frettabladid.is
Flóttamenn:
Þeim fjölgar
sem fá hæli
MALASÍA, AP Flest lönd eru farin að
veita álíka mörgum flóttamönn-
um hæli nú eins og þau gerðu
fyrir hryðjuverkaárásirnar 11.
september 2001. Í kjölfarið var
dregið verulega úr hælisveiting-
um samhliða því að öryggisráð-
stafanir voru auknar en Volker
Turk hjá Flóttamannastofnun
Sameinuðu þjóðanna segir að sú
þróun hafi snúist við.
Fyrir 11. september 2001 hjálp-
aði Flóttamannastofnunin 30 þús-
und flóttamönnum árlega við að
fá hæli. Eftir hryðjuverkaárás-
irnar féll þetta niður í 15 til 20
þúsund manns 2002 og 2003. ■
VEISTU SVARIÐ?
1Átta kíló af amfetamíni fundust íDettifossi í júlí. Hvar í skipinu voru
þau falin?
2Hversu háar fjárhæðir færir hækkunleikskjólagjalda borgarsjóði?
3Mafíuforingi sem sat í fangelsi á Ítalíustýrði starfsemi sinni úr fangaklefa
sínum. Hvernig fór hann að því?
Svörin eru á bls. 38
edda.is
Ný bók eftir
Kristínu Helgu
Gunnarsdóttur.
Kristín Helga hefur hlotið fjölda viðurkenninga
fyrir fyrri bækur sínar:
Strandanornir: Bókaverðlaun barnanna,
Vorvindaviðurkenning IBBY á Íslandi
Í Mánaljósi: Bókaverðlaun barnanna
Mói hrekkjusvín: Barnabókaverðlaun
fræðsluráðs Reykjavíkur
NIÐURSTÖÐUR ACIA KYNNTAR
Robert Correll, formaður ACIA, svaraði
spurningum í upphafi ráðstefnu um hlýn-
un við Norðurskautið í gær. Við hlið hans
situr Hjálmar Vilhjálmsson, sérfræðingur
Hafrannsóknastofnunarinnar, og við glugg-
ann stendur Helgi Jensson, forstöðumaður
á framkvæmda- og eftirlitssviði Umhverfis-
stofnunar.
AFGANISTAN, AP Tveir af þremur
starfsmönnum Sameinuðu þjóð-
anna sem haldið er í gíslingu í
Afganistan hafa fengið að
hringja í fjölskyldur sínar.
„Shqipe sagði okkur að hún
væri við góða heilsu og að við
ættum ekki að hafa áhyggjur af
henni. Hún sagði að mannræn-
ingjarnir færu ekki illa með
hana,“ sagði Agim Habibi,
bróðir Shqipe Habibi, albanskr-
ar konu í haldi gíslatökumanna.
Annetta Flanigan frá Norður-
Írlandi hefur einnig haft sam-
band við fjölskyldu sína en
Filippseyingurinn Angelito Nay-
an ekki.
Fólkinu var rænt í Kabúl 28.
október. ■
ÓSKA LAUSNAR GÍSLA
Fjöldi Filippseyinga hefur farið í
kröfugöngur og á samkomur til að
þrýsta á um lausn gísla.
Starfsmenn Sameinuðu þjóðanna í gíslingu í Afganistan:
Gíslar fengu að tala við ættingja
Guðjón A. Kristjánsson:
Vantar
sýnileika
SKOÐANAKÖNNUN „Þetta eru auðvit-
að ekki góðar fréttir,“ segir
Guðjón Arnar Kristjánsson. Sam-
kvæmt skoðana-
könnun blaðsins
fengi flokkurinn
3,1 prósent fylgi
og tvo menn
kjörna. „Ég veit
ekki til þess að
neitt hafi verið að
gerast sem útskýrir þetta eða að
neitt af málatilbúnaði okkar hafi
haft þessi áhrif. Við verðum bara
að vera það meira sýnileg. Við
erum ekki farin að halda lands-
þing eða neitt svoleiðis eins og
aðrir flokkar. Við stefnum á að
halda landsþing í mars og von-
umst auðvitað til að fylgið muni
aukast aftur.“ ■
Össur Skarphéðinsson:
Frábær
niðurstaða
SKOÐANAKÖNNUN Össur Skarphéð-
insson, formaður Samfylkingar-
innar, segir niðurstöðu skoðana-
kannaninnar „frábæra“ fyrir
flokkinn. „‘Ég bjóst satt að segja
við því að vandræðagangurinn á
R-listanum myndi hafa áhrif á
fylgi flokksins.“ Össur segir að
það sé stórmerkilegt að enn einu
sinni hafi komið fram að Samfylk-
ingin og Vinstri grænir hafi sam-
anlagt afgerandi meirihluta um-
fram stjórnarflokkana. - ás
Hjálmar Árnason:
Of hógvær
STJÓRNMÁL Hjálmar Árnason,
bendir á að fáir taki afstöðu í
könnun Fréttablaðsins. „Reynsla
okkar framsóknarmanna er að við
eigum mikið inni. Flokksmenn eru
hógværir og gefa stundum ekki
upp afstöðu sína. Ég er samt undr-
andi á litlu fylgi okkar því við
höfum staðið okkur vel. Við erum
líklega ekki nógu dugleg að
hreykja okkur af afrekum okkar,“
segir Hjálmar og bendir sérstak-
lega á lækkun endurgreiðslna
námslána og 90% íbúðalán. - ás
Einar K. Guðfinnsson:
Vonbrigði
STJÓRNMÁL Einar K. Guðfinnsson,
formaður þingflokks Sjálfstæðis-
flokksins, segir að fylgi flokksins
í könnun Fréttablaðsins valdi tals-
verðum vonbrigðum: „Við höfum
mælst hærra að undanförnu. Hins
vegar er ekki ástæða til að taka of
alvarlega eina einstaka könnun,
nema fleiri fylgi sem sýni svipaða
tilhneigingu. í þessu tilfelli tel ég
að einstakir atburðir sem urðu á
meðan könnunin var gerð geti
haft áhrif.“ - ás
Steingrímur J Sigfússon:
Þægilegar
slóðir
SKOÐANAKÖNNUN „Þetta eru náttúr-
lega prýðilegar tölur og í samræmi
við aðrar tölur að undanförnu,“
segir Steingrímur
J. Sigfússon, for-
maður Vinstri
grænna. „Við
erum á mátulegu
róli milli himins og
hafs. Þetta
er afrakstur af
stöðugri vinnu.
Það eina sem við eigum eftir er að
ná þessu í hlöðu. Mér finnst athygl-
isvert hvað ríkisstjórnin er slöpp í
þessum mælingum og hvað stóla-
skiptin hafa litlu skilað. Það er ein-
nig athyglisvert að vinstri flokk-
arnir tveir mælast ítrekað með
meirihluta. Ef við værum það láns-
öm að fá kosningar á næstunni
væri velferðarstjórn möguleiki.
Við skulum vaka í voninni um kosn-
ingar.“ ■
BEÐIÐ EFTIR ÚRSLITUM 2003
Ef boðað yrði nú til kosninga yrði Samfylkingin stærsti stjórnmálaflokkurinn. Frjálslyndir
myndu missa helming þingmanna sinna.
Kosningar 2003
B D F S U
Könnun 09.09.2004
Könnun 05.11.2004
12,3
%
17,7
%
13,5
%
30,3
%
33,7
%
34,9
%
31,0
% 28,6
%
18,2
%
18,2
%
16,5
%
3,1
%
7,4
% 6,1
%
35,1
%
FYLGI STJÓRNMÁLAFLOKKA
06-07 9.11.2004 22:10 Page 2