Fréttablaðið - 10.11.2004, Blaðsíða 17

17MIÐVIKUDAGUR 10. nóvember 2004
LÖGREGLUMÁL „Mér brá hrikalega
og get varla lýst því hvernig mér
leið,“ segir Þorgeir Jónsson
kafari, sem fann líkið í höfninni
í Neskaupstað miðvikudaginn
ellefta febrúar.
Þorgeir segir að hann hafi
verið fenginn til að skoða
bryggjuna neðansjávar vegna
skemmda sem urðu í óveðri í
byrjun febrúar. „Ég var að skoða
skemmdirnar og fyrirvaralaust
blasti líkið við mér. Ég stoppaði
aðeins við, hugsaði andartak og
leit í kringum mig áður en ég fór
upp til að láta vita.“ Þorgeir var
viss frá upphafi að það var lík
sem hann sá. Lögreglan var
kölluð til. Þorgeir kafaði aftur,
nú til að aðstoða lögreglu svo
unnt væri að hífa líkið upp, en
það var á um sex til sjö metra
dýpi. Þorgeir segist efast um að
líkið hefði getað hreyfst til þar
sem búið var að festa við það
þunga bobbinga.
Þorgeir segir sig hafa grunað
að um morð væri að ræða. Hann
segir hrikalegt til þess að hugsa
að kafarar geti átt von á sjón sem
þessari. „Ég hef hugsað til þess í
hvaða stöðu sportkafarar væru
sem lentu í ámóta. Reynslan
hjálpaði mér. Áður en ég fram-
kvæmdi eitthvað stoppaði ég við
og hugsaði málið. Gætti þess að
fara ekki of hratt upp, en alltaf
er hætta á köfunarveiki.“
Þorgeir hefur stundað köfun
frá árinu 1988. Árið 1994 fór
hann til Seyðisjarðar ásamt
þremur öðrum Norðfirðingum til
að leita í höfninni að manni sem
var saknað. Þeir fundu manninn
fljótt. „Þá vissum við hvað við
vorum að fara út í en það var
samt áfall þegar við fundum
hann.“
- hrs
Atburðarás í
líkfundarmálinu
6. febrúar
Tomas og Jónas Ingi snúa við á
leið til Keflavíkur því Vaidas er
orðinn svo illa haldinn, farinn að
æla töluverðu blóði og treystir
sér ekki lengur í flugið. Þeir
sækja Grétar og fara allir heim
til Tomasar. Vaidasi er komið
fyrir í rúmi í aukaherbergi í
íbúð Tomasar en verður allt í
einu ofboðslega kvalinn. Grétar
sér stóran blóðpoll á gólfinu og
hvernig Vaidas dettur út úr
rúminu og deyr. Grétar flýgur
austur á Neskaupstað en Jónas
og Tomas fara með lík Vaidasar
í bílaleigubíl vafið í teppi. Á
Djúpavogi verða þeir veður-
tepptir.
7. febrúar
Tomas og Jónas enn veðurteppt-
ir á Djúpavogi. Þeir dvelja á
hóteli en líkið geyma þeir í bíln-
um.
8. febrúar
Tomas og Jónas halda af stað til
Neskaupstaðar þar sem Grétar
dvelur hjá fjölskyldu sinni. Um
kvöldið fara þremenningarnir
með líkið á netagerðarbryggj-
una í Neskaupstað þar sem þeir
þyngja líkið, stinga það og
henda því í sjóinn.
9. febrúar
Jónas og Tómas keyra til
Reykjavíkur. Á leiðinni kaupa
þeir hreingerningarvörur á
Hvolsvelli og henda teppinu á
Selfossi.
11. febrúar
Líkið finnst í sjónum við neta-
gerðabryggjuna í Neskaupstað
fyrir tilviljun. Kafari fer til að
kanna skemmdir á bryggjunni
eftir óveður helgina áður. Jafn-
vel stóð til að kanna ekki
skemmdir fyrr en um sumarið
eða næsta sumar þar á eftir.
12. febrúar
Áverkar á líki Vaidasar líta út
fyrir að kaldrifjað morð hafi
verið framið.
13. febrúar
Lík Vaidasar er flutt til Reykja-
víkur til krufningar þar sem
kemur í ljós að Vaidas var með
fíkniefni innvortis.
16. febrúar
Þremenningarnir gefa sig fram
við lögregluna í Reykjavík
vegna fréttar sem þeir lásu í
Fréttablaðinu. Þeim er sleppt að
loknum yfirheyrslum.
18. febrúar
Blaðamannafundur haldinn í
húsakynnum Ríkislögreglu-
stjóra. Arnar Jensson hjá Ríkis-
lögreglustjóra, Inger Jónsdóttir,
sýslumaður á Eskifirði og Hörð-
ur Jóhannesson, yfirlögreglu-
þjónn í Reykjavík, sitja fyrir
svörum.
20. febrúar
Kennsl borin á lík Vaidasar en
fram að þeim tíma var ekki vit-
að hver hinn látni væri.
22. febrúar
Þremenningarnir úrskurðaðir í
gæsluvarðhald.
27. febrúar
Grétar játar að hafa átt þátt í
málinu fyrstur þremenningana.
Síðar játar Tomas en Jónas held-
ur enn fram sakleysi sínu.
24. mars
Hæstiréttur úrskurðar að þre-
menningarnir skuli látnir lausir
úr gæsluvarðhaldi. Héraðsdómur
Reykjavíkur hafði úrskurðað
mennina í gæsluvarðhaldi til 30.
apríl.
16. júní
Málið þingfest í Héraðsdómi
Reykjavíkur. Grétar og Tomas
játa að hluta en Jónas neitar allri
sök.
21. september
Milliþinghald. Dómari segir
ákæruvaldið ekki þurfa að nálg-
ast sjúkraskýrslu Vaidasar í
Litháen.
18. október
Aðalmeðferð. Sakborningarnir
þrír bera vitni fyrir dómi.
19. október
Seinni hluti aðalmeðferðar.
Ákæruvaldið krefst þess að sak-
borningar í líkfundarmálinu
verði dæmdir hver um sig til að
sæta að lágmarki tveggja ára
fangelsi.
9. nóvember
Dómur kveðinn upp.
Sakborningar dæmdir í tveggja
og hálfs árs fangelsi. Allir hafa
tekið ákvörðun um að áfrýja
dómnum.
Þorgeir Jónsson kafari fann lík Vaidasar:
Brá er hann synti fram á líkið
ÞORGEIR JÓNSSON KAFARI
Lík Vaidasar blasti við Þorgeiri þegar hann
kafaði til að skoða skemmdir á netagerð-
arbryggjunni neðansjávar.
FR
ÉT
TA
B
LA
Ð
IÐ
/E
LM
A
16-17 360° 9.11.2004 22:32 Page 3