Fréttablaðið - 12.11.2004, Blaðsíða 10
STJÓRNMÁL Talsverður kurr er í
Samfylkingunni yfir því með
hverjum hætti kjör Steinunnar Val-
dísar Óskarsdóttur bar að. „Það er
óþolandi að Halldór Ásgrímsson
skuli velja fyrir okkur borgar-
stjóra,“ segir einn helsti leiðtogi
Samfylkingarinnar í Reykjavík.
Flest bendir þó til að Steinunn
Valdís muni ekki gjalda fyrir það í
störfum sínum. Formaður flokks-
ins, Össur Skarphéðinsson, segir að
sátt hafi náðst um Steinunni ein-
faldlega vegna „mikilla eðliskosta“
hennar.
Alfreð Þorsteinsson, Framsókn-
arflokki, Ingibjörg Sólrún Gísla-
dóttir, Samfylkingu, og Björk Vil-
helmsdóttir, Vinstri grænum,
skipuðu nefnd sem valdi borgar-
stjóraefnið. Nefndin komst að sam-
komulagi um Dag B. Eggertsson
snemma í valferlinu og eins og
hann sagði í Fréttablaðinu í gær
samþykktu allir borgarfulltrúar
það val. Einn leiðtoga R-listans orð-
aði það þannig: „Við sögðumst geta
stutt Dag ef enginn annar fyndist.“
Einn helsti leiðtogi Vinstri
grænna orðaði afstöðu flokks síns
þannig: „Eftir lætin út af Þórólfi
sögðumst við samþykkja hvern
þann sem hinir gætu komið sér
saman um.“
Framsókn gegn Degi
og Stefáni
Alfreð Þorsteinsson, Framsóknar-
flokki, bauð Degi sjálfur borgar-
stjórastólinn. Fréttin um Dag lak út
og olli titringi í forystu Framsókn-
arflokksins. Þau skilaboð bárust
borgarfulltrúum Framsóknar-
flokksins úr „baklandinu“, eins og
Alfreð orðar það, að Dagur væri
óásættanlegur. Samfylkingarmenn
segja „baklandið“ dulnefni yfir
Halldór Ásgrímsson og Árna
Magnússon.
Stefán Jón Hafstein lýsti við svo
búið yfir formlegu framboði sínu
til borgarstjóra. Vinstri grænir
segjast hafa getað sætt sig við
hann. Afstaða „baklands“ Fram-
sóknarflokksins var sú sama og
með Dag B. Eggertsson að flokkur-
inn vildi ekki taka þátt í uppeldi
nýrra foringja Samfylkingarinnar.
Það sem næst gerðist er um-
deildara. Þau boð bárust úr stjórn-
arráðinu að sögn heimildarmanna
að „baklandið“ gæti sætt sig við
Steinunni Valdísi Óskarsdóttur. Við
svo búið lýsti Ingibjörg Sólrún
Gísladóttir yfir hlutleysi og hún
dró sig út úr starfi valnefndarinn-
ar. Stefán Jón Hafstein vill ekki
viðurkenna að Ingibjörg Sólrún
hafi snúið við honum bakinu á ög-
urstundu. Heimildir herma hins
vegar að ætlun Stefáns Jóns hafi
verið sú að neyða Alfreð Þorsteins-
son til að samþykkja framboð sitt
eða stofna samstarfinu í hættu.
Þessi fyrirætlun hafi orðið að engu
þegar Ingibjörg Sólrún hafi kippt
að sér höndunum.
Ingibjörg Sólrún vísar þessu al-
gjörlega á bug og segir: „Það eru
margir á ferðinni úti í flokknum
sem eru í fyrsta lagi að reyna að
hanna atburðarásina og í öðru lagi
að túlka atburðarás og eru oft að
gera það út frá einhverjum annar-
legum hagsmunum að mínu viti. Ég
hef enga löngun til að taka þátt í
svoleiðis leik. Ég stend að sjálf-
sögðu þétt við bakið á Stefáni Jóni
og Steinunni Valdísi í borgar-
stjórnarflokki Reykjavíkurlistans.“
Gremja er í garð Ingibjargar
Sólrúnar í Samfylkingunni yfir
þessu og hún sökuð um að bregðast
einum traustasta fylgismanni sín-
um sem hafi tekið margan slag
fyrir borgarstjórann fyrrverandi.
Styrkur Stefáns honum
fjötur um fót
Stefán Jón Hafstein dregur ekki
dul á að hann telji sig hafa beðið
ósigur. Styrkur hans hafi orðið sér
fjötur um fót. „Það hefnir sín að
ég vann glæsilega í prófkjöri
Samfylkingarinnar. Þetta var ekki
það sem ég bjóst við að sigurinn
myndi hafa í för með sér. Ég er
ekki svekktur en þetta var tæki-
færi sem ég vildi grípa. Fyrst
svona fór spila ég áfram mína
stöðu í liðinu.“
Um þetta segir Steinunn Val-
dís: „Þetta snýst ekki um að refsa
einhverjum, frekar er verið að
komast að sameiginlegri niður-
stöðu um einhvern. Við erum öll
mjög umdeild og þetta var niður-
staða sem allir gátu fylgt sig á
bakvið. Það var andstaða við odd-
vita flokkanna víða. Ég hefði stutt
Stefán Jón sem borgarstjóra og
hann styður mig núna.“
Steinunn Valdís segir allt of
snemmt að svara því hvort hún
verði borgarstjóraefni R-listans í
næstu borgarstjórnarkosningum
eftir innan við hálft annað ár. All-
ir eru raunar sammála um að óvíst
sé með öllu hvort R-listinn bjóði
fram. Ekki er einu sinni talið ljóst
hvort Stefán sækist eftir endur-
kjöri til borgarstjórnar. Vel er
talið hugsanlegt að Stefán Jón
Hafstein og jafnvel Steinunn Val-
dís hugsi sér til hreyfings og bjóði
sig fram til Alþingis. ■
12. nóvember 2004 FÖSTUDAGUR
ÍRAK, AP Bandarískar herflugvélar
og stórskotalið gerðu árásir á
suðurhluta borgarinnar Falluja í
gær. Þar er talið að meginkjarni
íraskra uppreisnarmanna haldi sig
og reynir bandaríski herinn að
þrengja að þeim.
Bandaríkjaher telur að um 600
uppreisnarmenn hafi látist í átök-
unum í Falluja síðan á mánudaginn
þegar herinn réðst til atlögu. Telja
Bandaríkjamenn að enn séu nokk-
ur hundruð uppreisnarmenn í
borginni. Þeir séu illa skipulagðir
en enn mjög hættulegir. Þó talið sé
að kjarni uppreisnarmanna sé í
suðurhluta borgarinnar hafa
bandarískir hermenn einnig orðið
fyrir árásum leyniskyttna á svæð-
um sem þeir hafa lýst yfir að þeir
hafi stjórn á.
Á þriðja tug hermanna hefur
fallið og fjöldi hermanna hefur
einnig verið fluttur á hersjúkrahús
í Landstuhl í Þýskalandi. Í gær
voru 90 særðir hermenn fluttir
þangað. Sú tala gefur til kynna að
átökin í Falluja séu mjög hörð því
hermenn eru einungis fluttir til
Landstuhl ef þeir eru illa særðir. ■
FER‹ALEIKURINN ER
Á VISIR.IS – TAKTU fiÁTT!
Þú gætir unnið ferð til
Kaupmannahafnar eða London!
fullt verð 5.990 kr.
· Hvað þarf að hafa í huga þegar
valinn er heimilisköttur?
· Hvers þarfnast kötturinn í
daglegri umönnun?
· Hvað er kötturinn að tjá með
atferli sínu?
· Hvernig á að bregðast við
þegar sjúkdóma eða slys ber
að höndum?
· Hvað einkennir hin ólíku
kattakyn í útliti og geðslagi?
Allt um ketti og kattahald
Glæsileg og ríkulega
myndskreytt bók!
SKE slógu rækilega í gegn með
fyrstu plötu sinni Life, Death
Happiness & Stuff sem kom út árið
2002. Julietta2 betur þekkt sem
Landsbankalagið eða japanska lagið
var valið lag árins á Íslensku tónlist-
arverðlaununum 2003.
Feelings Are Great er skemmtilegt
framhald á góðri frumraun.
Ómissandi plata fyrir þá sem
kunna að meta vandað, melódískt og
óvenjulegt popp með góðum textum.
”…framúrskarandi útsetningar og hljómur.”
Morgunblaðið
”Plata vikunnar..”
Fréttablaðið
Feelings Are Great
Ný plata með athyglisverðasta poppbandi Íslands
Bandaríkjaher þrengir að uppreisnarmönnum í Falluja:
600 uppreisnarmenn drepnir
ÓGNARÁSTAND Í FALLUJA
Bandarískir hermenn skjóta á leyniskyttu í borginni Falluja í Írak.
Málamiðlun allra
málamiðlana
Margir Samfylkingarmenn eiga erfitt með að sætta sig við að framsókn-
armenn hafi í raun valið borgarstjóraefni úr þeirra röðum. Stefán Jón
segir kaldhæðnislegt að sigur í prófkjöri komi í bakið á honum.
ÁRNI SNÆVARR
BLAÐAMAÐUR
BAKSVIÐS
ÁTÖKIN INNAN R-LISTANS
HALLDÓR ÁSGRÍMSSON
Pólitískur guðfaðir borgarstjórans?
STEFÁN JÓN HAFSTEIN
Oddviti Samfylkingarinnar víkur fyrir konu
sem hann sigraði í prófkjöri.
STEINUNN VALDÍS
Sá hlær best sem síðast hlær.
10-11 11.11.2004 19:52 Page 2