Fréttablaðið - 12.11.2004, Blaðsíða 30
Hjónin Sigurður Magnússon
matreiðslumaður og Margrét
Pétursdóttir tanntæknir,
alltaf kölluð Diddi og Magga,
eru samhent og með sameig-
inleg áhugamál.
Fyrir utan að vera leiðbeinendur í
hundaskóla Hundaræktarfélags-
ins og með réttindi til að dæma
hundaveiðipróf eru Diddi og
Magga á kafi í veiðimennsku,
hvort sem er með stöng eða
byssu. Áhugi Didda á skotveiðum
vaknaði þegar hann var 24 ára, en
hann þurfti ekki að tæla Möggu í
veiðarnar með sér því hún var
löngu byrjuð að skjóta þegar þau
kynntust. „Það var kannski það
sem dró okkur saman í upphafi,“
segir Diddi og hlær en segist þó
aldrei myndu viðurkenna að
Magga hafi verið betri skytta en
hann. „Það er að minnsta kosti
engin samkeppni á milli okkar
núna, hún er besti veiðifélagi sem
ég get hugsað mér.“
Hjónin stunda skotveiðar sínar
mest á hálendinu, gista í sæluhús-
um eða tjaldi ef veður leyfir og
njóta útiverunnar.
„Ágangurinn er orðinn svo
mikill á kornakrana hér fyrir
austan fjall og víðar, menn eru að
leigja sér aðgang að þessum
ökrum fyrir miklar fjárhæðir og
við tökum síður þátt í því,“ segir
Diddi. „Það er heldur ekkert tak-
mark hjá okkur að fá marga
fugla. Við viljum helst ekki eiga
neitt í kistunni þegar nýtt veiði-
tímabil hefst, það segir okkur
bara að við höfum skotið of mik-
ið.“
Magga og Diddi eru ómyrk í
máli þegar talið berst að veiði-
mönnum og umgengni við náttúr-
una yfirleitt. „Menn veiða á mis-
jöfnum forsendum, sumir veiða
aðallega til að selja og við erum
alfarið á móti því. Um leið og
gróðahyggjan er komin í spilið
hætta menn að bera virðingu fyr-
ir náttúrunni og fara að ganga á
stofnana. Ástæðan fyrir viðmót-
inu gagnvart rjúpnaveiðum er
fyrst og fremst sú að þeir eru til
sem skjóta hundruð og jafnvel
þúsundir rjúpna á ári. Það er
nauðsynlegt að setja á sölubann
svo þessi mál komist í eðlilegt
horf.“
Uppáhaldsvillibráð Magga og
Diddu er rjúpan, sem þau elda á
margvíslegan hátt, meðal annars
upp á gamla mátann, spekkaða og
vel steikta. „Svo finnst okkur gott
að snöggsteikja bringurnar og við
gerum mikið af því að reykja og
grafa og búa til paté og kæfur.
Það er hægt að leika sér með villi-
bráð á svo margan hátt.“
Villibráðin er á borðum hjá
þeim hjónum jafnt hversdags og
spari og þau hafa reynt sig við
ýmsar nýjungar. „Við reykjum til
dæmis rjúpnahjörtun og notum
sem snakk,“ segir Diddi.
Nú er gæsaveiðitímabilinu að
ljúka og við taka veiðar á önd og
skarfi. „Fólki þykir skarfurinn
annað hvort algjört lostæti eða
óæti og margir sætta sig ekki við
sjávarbragðið. Fólk er að setja
svona kjöt í mjólk til að deyfa
bragðið, en þá finnst okkur að það
geti alveg eins borðað bara svína-
kjöt. Eins og maður sækist eftir
lyngbragðinu í rjúpunni sækist
maður eftir sjávarbragðinu í sjó-
fuglinum,“ segir Magga og gefur
okkur upskrift að gómsætu villi-
andarlifrarmousse.
edda@frettabladid.is
Aukið geymsluþol
Til að kotasæla, sýrður rjómi og jógúrt geymist lengur er best að geyma ílátin á
hvolfi inni í ísskáp. Passaðu bara að lokin leki ekki![ ]
Kjúklingamánar er nýjung í fullunninni matvöru
frá Matfugli. Þeir eru með ljúffengri fyllingu úr
6 mismunandi ostum og öðru góðgæti. Þá þarf
aðeins að hita í ofni eða á pönnu og því auðvelt
að reiða fram sælkeramáltíð á svipstundu. – Lostæti með lítilli fyrirhöfn
Með ljúffengri fyllingu
úr ostum og öðru góðgæti
Fissler
pottar og pönnur
- finndu muninn!
sími 568 6440
Villiandalifrarmousse
300 g andalifur
250 g brætt smjör
1 egg
10 g koníak
10 g púrtvín
10 g Madeira
10 g nitritsalt
Timjan
Majoram
Pipar
Hreinsið lifrina og maukið í mat-
vinnsluvél ásamt egginu. Hrærið
smjörinu varlega saman við. Blandið
víninu og kryddinu saman við og setjið
í form. Bakið við 90-100˚C í 30 mínút-
ur. Gott að hella púrtvínshlaupi yfir
formið og láta storkna. Berið fram kalt
með rifsberjasultu og brauði.
Diddi og Magga fara saman á veiðar og segja fullkomið að enda daginn á góðri villibráð með eðalvíni.
Á skytteríi upp um öll fjöll
Kartöflur hafa lengi verið fastur
punktur í mataræði okkar og lítið
lát virðist vera á vinsældum þeirra.
Kartöflur má matbúa á ótal vegu,
sjóða, baka, steikja og stappa. Spara
má mikinn tíma og fyrirhöfn með
því að nota forsoðnar kartöflur. Þær
fást í handhægum pakkningum án
hýðis. Kartöflurnar eru forsoðnar í
pakkningunum svo lítið tapast af
næringarefnum.
Meðfylgjandi eru tvær upp-
skriftir sem gefa góða hugmynd
um hvernig nota má forsoðnar
kartöflur frá Þykkvabæjar til að
búa til hollan og góðan mat án
mikillar fyrirhafnar.
Kartöflur eru kolvetnaríkar, en
kolvetnin eru flókin og gefa
ágæta langtímaorku. Kartöflur
eru mjög fitusnauðar og eru jafn-
framt ríkar af trefjum, C-vítamíni
og steinefninu kalíum sem er
mikilvægt fyrir vökvabúskap lík-
amans og vöðvasamdrátt.
Kartöflur eru mikilvægur hluti
holls og fjölbreytts mataræðis,
nokkuð sem allir ættu að leggja
áherslu á til að bæta heilsu og líð-
an. Með því að auka hlut kartaflna
og grænmetis með aðalréttum,
sérstaklega kjöti, má lækka fitu-
hlutfall máltíðarinnar.
Pestó-kartöflur
- góðar með steiktu kjöti, kjúklingi og
fiski, eða einar sér með salati og brauði.
500 g forsoðnar kartöflur
1 msk. olía
1/2 laukur, saxaður smátt
1 hvítlauksgeiri, saxaður smátt
4-5 tómatar, vel þroskaðir, saxaðir
2 msk. pestósósa
nýmalaður pipar
salt
e.t.v. nokkur söxuð basilíkulauf
Olían hituð í potti og laukur og
hvítlaukur látnir krauma við
meðalhita í nokkrar mínútur án
þess að brúnast. Meirihlutanum
af tómötunum bætt í pottinn
ásamt kartöflum og pestósósu.
Látið malla áfram við vægan hita
þar til kartöflurnar eru heitar í
gegn og tómatarnir soðnir í mauk.
Þá er sósan krydduð með pipar og
salti eftir smekk og síðan er af-
ganginum af tómötunum hrært
saman við, ásamt basilíkunni ef
hún er notuð. Látið malla í 1-2
mínútur í viðbót. ■
Pestókartöflur með kjöti og fiski
Forsoðnar kartöflur létta matartilbúninginn.
30-31 (02-03) matur ofl 11.11.2004 15:59 Page 2