Fréttablaðið - 12.11.2004, Blaðsíða 57

FÖSTUDAGUR 12. nóvember 2004 41
[ SMS ]
UM MYNDIRNAR Í BÍÓ
Two Brothers
„Saga bræðranna tveggja er hjartnæm og hlý og
það er sennilega ekki hægt að lýsa henni betur
en með þeim orðum að hér sé á ferðinni alvöru
fjölskyldumynd af gamla skólanum.“
ÞÞ
The Manchurian Candidate
„The Manchurian Candidate er þrælflókin en um
leið spennandi og vel gerð samsæriskenninga-
mynd. Það gengur mikið á og áhorfendur mega
hafa sig alla við til að týna sér ekki í flókinni
sögunni.“
ÞÞ
Shall We Dance?
„Rómantíkin og ástarþráin svífur því yfir vötnum
í Shall We Dance? en dramað og tilfinningarnar
rista þó aldrei nógu djúpt til þess að myndin
hreyfi almennilega við áhorfandanum.“
ÞÞ
Shark Tale
„Mafíuhákarlarnir eru einu persónurnar sem eitt-
hvað er spunnið í og þar eru þeir áberandi best-
ir Robert De Niro sem gerir góðlátlegt grín að
sjálfum sér í hlutverki Don Linos og Michael
Imperioli. Þessir gaurar kunna mafíósataktana
utanbókar og blása smá lífi í staðna sögu.“
ÞÞ
Wimbledon
„Af þessu öllu verður ágæt mynd, rómantísk,
nokkuð fyndin, talsvert barnaleg á köflum - eins
og breskra rómantískra gamanmynda er jafnan
háttur - en yfir meðallagi í leik og söguþræði.
Pör voru þónokkur í bíó. Myndin er ekki við hæfi
þeirra sem þola ekki tennis.“
GS
Dodgeball
„Hefst þá hin skemmtilegasta atburðarás sem
heldur manni brosandi allan tímann, það vantar
ekki. Og spenntum. En maður liggur aldrei af-
velta af hlátri, eins og maður bjóst við að maður
myndi gera.“
GS
Næsland
„Það er margt vel gert í Næslandi enda enginn
skortur á fagmönnum sem koma að framleiðsl-
unni. Kvikmyndatakan er flott, sviðsetningin á
köflum snilld, leikararnir standa sig upp til hópa
prýðilega og tónlistin er fín en samt er eitthvað
að klikka þannig að eftir stendur áferðarfalleg
mynd sem er ekkert sérstaklega skemmtileg og
ristir ekki djúpt.“
ÞÞ
Dís
„Myndin er í raun runa af misfyndnum og
skemmtilegum atriðum sem mynda frekar veika
heild. Dís skilur því ekki mikið eftir sig en er hins
vegar fyrirtaks skemmtun og þar sem Íslending-
um er ekkert sérstaklega lagið að gera skemmti-
legt bíó er ekki hægt að segja annað en að Dís
sé himnasending.
Skemmtilegar persónur og skondnar uppákomur
eru aðall myndarinnar sem fær fólk oft til þess
að skella upp úr.“
ÞÞ
Þórarinn Þórarinsson
Guðmundur Steingrímsson
After the Sunset
Rottentomatoes.com -10% = Rotin
Metacritic.com - 40/100
The Grudge
Internet Movie Database - 5,9 /10
Rottentomatoes.com -32% = Rotin
Metacritic.com - 43/100
FRUMSÝNDAR UM HELGINA
(DÓMAR Í ERLENDUM MIÐLUM)
Spennumyndin After the Sunset
var heimsfrumsýnd í Reykjavík í
gær. Það er sjálfur Pierce Brosn-
an sem fer með aðalhlutverkið en
leikarinn vonast til þess að mynd-
in slái í gegn og tryggi honum at-
vinnuöryggi nú þegar það er ljóst
að hann mun ekki leika James
Bond framar.
Brosnan leikur hér meistara-
þjófinn Max Burdett sem sérhæf-
ir sig í að stela vel varðveittum og
ómetanlegum demöntum. Brosn-
an er studdur vösku liði leikara í
myndinni en latínbomban Salma
Hayek leikur ástkonu hans og vit-
orðsmann, Woody Harrelson leik-
ur alríkislögreglumann sem er
með Burdett á heilanum og Don
Cheadle mætir til leiks sem vafa-
samur hugsanlegur vinnuveitandi
Burdetts.
Eftir að hafa framið vel heppn-
að rán hyggst Burdett setjast í
helgan stein og kemur sér fyrir á
sólarströnd ásamt kærustunni.
Hann fær þó lítinn frið því að
glæpamenn vilja ráða hann til
vinnu og svo hefur Harrelson elt
hann til eftirlaunaparadísarinnar
til þess að hafa auga með honum.
Það má líka vel vera að það hafi
verið vel til fundið hjá lögreglu-
mannininum þar sem það er ekki
útilokað að eftirlaunaáætlun
Burdetts sé sjónarspil til að að
draga athyglina frá stærsta rán-
inu á ferli hans. ■
The Grudge er hryllingsmynd
byggð á traustum japönskum
grunni enda er hún endurgerð
japönsku myndarinnar Ju-On:
The Grudge sem leikstjórinn
Takashi Shimizu gerði í fyrra.
Hún leikstýrir sjálf endurgerð-
inni og sagan gerist sem fyrr í
Japan en aðalleikararnir eru
þekktar bandarískar stjörnur.
Buffy-stjarnan Sarah Michelle
Gellar fer með aðalhlutverkið og
hinn geðþekki leikari Bill
Pullman kemur einnig við sögu.
The Grudge minnir um margt
á japanska hrollinn Ringu, sem
hefur þegar verið endurgerð í
Bandaríkjunum undir nafninu
The Ring, en í báðum myndum
lenda ungar konur í kapphlaupi
við tímann og dauðann þegar
þær reyna að hrista af sér skelfi-
lega bölvun. Gellar leikur
Karen, skiptinema í Tókýó, sem
tekur að sér að leysa af húshjálp
sem skilar sér ekki til vinnu.
Þetta afleysingarstarf á eftir að
draga skuggalegan dilk á eftir
sér en í húsinu sem Karen er
send til hefur gömul bölvun losn-
að úr læðingi. Þeir sem hún
leggst á drepast í miklu
æðiskasti en um leið og þeir
geispa golunni færist óværan
yfir á einhvern annan þannig að
fyrr en varir er keðja hrikalegra
dauðsfalla komin af stað.
Karen sleppur vitaskuld ekki
við álögin en kemst á snoðir um
uppruna og leyndarmál bölvun-
arinnar sem tók sér bólfestu í
húsinu mörgum árum áður. Hún
eygir því von um að geta stöðv-
að hryllinginn en tíminn er
naumur. ■
Heimildarmyndin Pönkið eftir þá
Þorkel Sigurð Harðarson og Örn
Marínó Arnarson hefur verið
sýnd í Regnboganum undanfarið
við mjög góðar undirtektir.
Þorkell Sigurður er hæst-
ánægður með viðtökurnar. „Það
er ekkert yfir þeim að kvarta. Við
vissum að við værum með gott
efni í höndunum. Þetta er eins og
með matreiðslu. Ef þú ert með
gott hráefni er erfitt að klúðra
því,“ segir Þorkell.
Myndin fjallar um pönkbylgj-
una sem spratt upp hérlendis fyrir
25 árum með hljómsveitina
Fræbbblana, uppáhaldssveit
þeirra Sigurðar og Arnar, sem
helstu frumkvöðlana. „Það hafa
allir horft á Rokk í Reykjavík og
sagt að það væri búið að gera
svona mynd,“ segir Þorkell. „Rokk
í Reykjavík var svo mikil sam-
tímamynd. Hún gerði það sem hún
gerði á sínum tíma en svo breytist
þetta alltaf þegar það líða einhver
ár og fólk sér þetta í stærra sam-
hengi. Það var bara kominn tími á
að gera svona mynd.“
Að sögn Þorkels var erfitt að
ná í heimildir fyrir myndina
vegna þess að þær eru óðfluga að
hverfa. Því hafi verið nauðsynlegt
að festa þetta tímabil frá 1978 til
1982 á filmu hið snarasta áður en
fleiri gögn eyðilegðust. Vinna við
myndina hófst árið 2001 þegar
þeir félagar ákváðu að fylgja
Fræbbblunum eftir. „Eiginleg
vinna var kannski 4 til 5 mánuðir
allan sólarhringinn. Myndin var
unnin mjög hrátt eins og hæfir
viðfangsefninu. Hún er kannski
svolítið pönkuð útlits. Með því að
ofvinna hana hefði hún orðið eins
og 90 mínútna langt auglýsinga-
myndband. Það vildum við ekki,“
segir Þorkell að lokum. ■
PIERCE BROSNAN Leikur demanta-
þjófinn Max Burdett í After the Sunset.
Hann fær þó lítinn vinnufrið þar sem hann
er með Woody Harrelson á hælunum.
Meistaraþjófur á ferð
DÍS Skemmtilegar persónur og skondn-
ar uppákomur eru aðall myndarinnar
sem fær fólk oft til þess að skella upp
úr. Ilmur Kristjánsdóttir er tilnefnd til
Edduverðlaunanna fyrir leik sinn í mynd-
inni en hún setur sterkan svip á Dís.

Smáauglýsingasíminn er 550 5000

auglysingar@frettabladid.is
Á BAK VIÐ MYNDAVÉLINA Þorkell Sigurður Harðarson og Örn Marínó Arnarson eltu
hljómsveitina Fræbbblana á röndum fyrir heimildarmynd þeirra, Pönkið.
Kominn tími á svona mynd
Ill örlög í álagahúsi
SARAH MICHELLE GELLAR Er í virkilega vondum málum í hryllingsmyndinni The Grudge sem gerist í Japan enda endurgerð þarlends
tryllis frá síðasta ári.
56-57 (40-41) Bíó 11.11.2004 20:16 Page 3