Fréttablaðið - 18.11.2004, Blaðsíða 14

18. nóvember 2004 FIMMTUDAGUR
Krabbameinsfélagið:
Frábær svörun
HEILSA Frábær viðbrögð urðu við
spurningakönnun Krabbameins-
félags Íslands um lífshætti og
heilsufar kvenna. Könnunin var
borin út til 7.000 kvenna á
þriðjudagsmorgun og voru
strax á þriðjudagskvöld komin
340 svör á netinu en bæði var
hægt að svara á netinu og í
pósti. Á miðvikudagsmorgun
höfðu svo borist mörg svör í
pósti. „Okkur líst mjög vel á
hvað konurnar taka þessu vel,“
segir Laufey Tryggvadóttir,
framkvæmdastjóri krabba-
meinsskrár Krabbameinsfélags
Íslands.
Könnun á lífsháttum og
heilsufari kvenna er að hefjast
hjá Krabbameinsfélagi Íslands.
Könnunin nær til 20 þúsund ís-
lenskra kvenna á aldrinum 18-45
ára og er sams konar könnun
gerð í Danmörku, Noregi og Sví-
þjóð. Könnunin er gerð í þágu
tveggja rannsókna; annars veg-
ar rannsókn á áhættuþáttum
sjúkdóma sem tengjast vörtu-
veirum og algengi kynfæra-
varta og hins vegar rannsón á
tengslum lífshátta og heilsufars.
Könnunin tengist þróun bólu-
efnis gegn leghálskrabbameini.
- ghs
Kærir húsnæðislán
viðskiptabankanna
Einstaklingur hefur kært bankana til Samkeppnis-
stofnunar vegna húsnæðislána sem þeir bjóða upp
á. Hann telur auglýsingar bankanna villandi.
VIÐSKIPTI Jóhannes Valdemarsson
rekstrarfræðingur hefur kært við-
skiptabankana til Samkeppnisstofn-
unar vegna nýrra húsnæðislána
sem þeir bjóða upp á. Hann telur
ýmislegt í tilboðum bankanna
brjóta í bága við samkeppnislög.
Bankarnir hafa auglýst 4,2 prós-
enta vexti og allt að 100 prósent
lánshlutfall af verði íbúða. Jóhann-
es telur að bankarnir brjóti með
þessu lög þar sem þeir auglýsi ekki
með réttum hætti það sem í boði sé.
Ekki sé tekið fram í auglýsingum að
lánþegar þurfi að kaupa aðra þjón-
ustu af bönkunum til að njóta þess-
ara kjara, til dæmis tryggingar eða
yfirdráttareikning. Það er álit Jó-
hannesar að krafa um þetta bjóti í
bága við lög. Það sé líka ólöglegt að
bankarnir fái greiðslur úr trygging-
um lánþegans komi eitthvað fyrir
hann.
Þá þykir Jóhannesi það ótryggt
fyrir lántakendur að bönkunum sé
frjálst að breyta uppgreiðslugjaldi
eftir eigin höfði. Þannig gæti selj-
andi eignar lent í því að greiða stór-
ar upphæðir þurfi þeir að greiða
upp lánið, til dæmis við sölu fast-
eignar.
Í kæru til Samkeppnisstofnunar
nefnir Jóhannes einnig dæmi um að
í skuldabréfi vegna húsnæðisláns sé
kveðið á um að vextir af því séu 5,1
prósent en skuldari sem uppfyllir
skilyrði bankanna fái allt að 0,9 pró-
sentustiga afslátt af vöxtunum. Að
sögn Jóhannesar segir í fylgibréfi
að bönkunum sé heimilt að falla fyr-
irvaralaust frá þessum afslætti
uppfylli skuldarinn ekki lengur
þessi skilyrði. Hins vegar sé hvergi
minnst á það í skuldabréfinu hver
skilyrðin séu sem lántakandinn
þurfi að uppfylla. Þegar hann hafi
leitað eftir upplýsingum um það
hafi hann engin svör fengið.
Guðjón Rúnarsson, fram-
kvæmdastjóri Samtaka banka og
verðbréfafyrirtækja, segir að í
þessum viðskiptum eins og öðrum
gildi sú regla að menn geti samið
sín á milli. Ef bankarnir telji sig
vera með sérstaklega góð kjör á lán-
um sé ekki óeðlilegt að þeir tengi
þau við aðra þjónustu sem þeir
bjóða upp á. Viðskiptamönnum sé
líka frjálst að eiga ekki viðskipti við
einstaka banka þyki þeim kjörin
óviðunandi. ghg@frettabladid.is
JÓHANNES VALDEMARSSON
Segir bankana setja skilyrði fyrir 4,2% vöxt-
um af lánum. Hann hafi hins vegar ekki
fengið að vita hver skilyrðin væru þegar
hann leitaði eftir þeim í eigin banka.
Norðurál:
Samið um orkusölu
STÓRIÐJA Norðurál, Hitaveita Suð-
urnesja og Orkuveita Reykjavík-
ur staðfestu í gær viðbótarsamn-
ing um raforkusölu vegna stækk-
unar Norðuráls á Grundartanga.
Í samningi þeirra frá því í apríl
var gert ráð fyrir orkuviðskiptum
vegna stækkunar úr 90.000 tonn-
um í 180.000 tonn en samningur-
inn í gær kveður á um orkusölu
vegna 32.000 tonna viðbót-
arstækkunar. Stefnt er að því að
framleiðslugeta álversins verði
212 þúsund tonn í október 2006.
Um 1.000 manns munu starfa að
uppbyggingu orkuvera og stækkun
álversins. Þegar framkvæmdum
lýkur munu um þrjátíu til fjörutíu
manns vinna við virkjanirnar og
rúmlega 350 manns starfa hjá
Norðuráli. Talið er að verðmæti út-
flutnings Norðuráls aukist um
fimmtán milljarða króna að lokinni
stækkun og má þá áætla að heildar-
verðmæti útflutningsins verði um
27 milljarðar á ári. - ghg
VIÐ UNDIRRITUN
Fulltrúar Norðuráls, Hitaveitu Suðurnesja og Orkuveitu Reykjavíkur undirrituðu í gær
samning um raforkusölu vegna stækkunar álversins á Grundartanga.

Á MÁNUDÖGUM

Smáauglýsingasíminn er 550 5000

auglysingar@frettabladid.is
14-15 17.11.2004 18.18 Page 2