Fréttablaðið - 18.11.2004, Blaðsíða 46

Þ
að virðist hafa myndast hefð fyrir því
innan knattspyrnuhreyfingarinnar að
menn séu lengi við völd og Eggert viður-
kennir sjálfur að stundum sitji menn
lengur en þeim er kannski hollt. Brasilíu-
maðurinn Joao Havalange var forseti Al-
þjóða knattspyrnusambandsins í 24 ár, Svíinn Lenn-
art Johansson hefur verið formaður Knattspyrnusam-
bands Evrópu síðan 1990, Eggert sjálfur hefur ráðið í
fimmtán ár hjá KSÍ og á undan honum réð Ellert B.
Schram ríkjum hjá sambandinu í sextán ár.
Ekki eilífur í embætti
Aðspurður af hverju menn sætu svo lengi á valdastól-
um og stundum kannski lengur en góðu hófi gegndi
segir Eggert að mikil valdabarátta einkenndi oft á tíð-
um starf stóru knattspyrnuhreyfinganna. „Það var
mikil valdabarátta þegar Havalange tók við hjá Al-
þjóða knattspyrnusambandinu og ekki síður þegar
Johansson tók við hjá Knattspyrnusambandi Evrópu.
Það tekur oft á tíðum langan tíma fyrir menn að kom-
ast til áhrifa hjá þessum samböndum og þegar þeir
komast loks til valda þá eru þeir komnir af besta aldri
og sitja þeir nánast þar til að yfir lýkur. Ég var reynd-
ar þeirrar gæfu aðnjótandi að koma frekar ungur inn
sem formaður KSÍ [42 ára, innsk. blm] og það hafa
orðið miklar breytingar á þeim tíma sem ég hef verið
í forystu fyrir sambandið. Ég er auðvitað ekki eilífur í
þessu embætti og hef ekki ákveðið hvað ég ætla að
vera lengi en ég er ákveðinn í því að sjá Laugardals-
völlinn verða að alvöruleikvangi með boðlega aðstöðu
fyrir áhorfendur. Við fórum í fyrsta áfangann árið
1996 þegar nýja stúkan var byggð og á næsta ári er
stefnt að því að bæta þrjú þúsund sætum við og gera
salernisaðstöðu og aðgengi áhorfenda mönnum bjóð-
andi. Ég kvíði því hins vegar ekki að stíga niður því að
ég veit að hreyfingin á fullt af góðum mönnum sem
geta tekið við,“ segir Eggert sem neitar því að hann
hafi áhuga á að taka við sem formaður Knattspyrnu-
sambands Evrópu þegar Lennart Johansson hættir
eftir tvö ár.
„Ég hef ekki leitt hugann að því og sækist ekki eft-
ir því. Það eru engar líkur á að næsti formaður komi
frá Norðurlöndunum heldur þykir mér líklegra, og tel
það reyndar æskilegt, að hann komi frá stóru þjóðun-
um. Þar er helst verið að horfa til Þjóðverjans Franz
Beckenbauer og Frakkans Michel Platini. Báðir eru
þeir afbragðsmenn sem ég þekki vel og ég held að það
væri gott fyrir sambandið að fá gamla knattspyrnu-
hetju í forystusætið,“ segir Eggert.
Eggert var kjörinn í framkvæmdanefnd Knatt-
spyrnusambands Evrópu árið 2001 og rennur fjögurra
ára kjörtímabil hans út næsta vor. Hann segist að-
spurður ekki vera viss um hvort hann haldi áfram þótt
starfið sé feikilega skemmtilegt.
Málsvari minni þjóðanna
„Það eru forréttindi fyrir fótboltafíkil eins og mig að
fá að sjá marga af bestu leikjunum í toppsætum. Það
er líka frábært að hafa tækifæri til að beita áhrifum
sínum til að bæta knattspyrnuna í Evrópu. Ég lít á
mig sem málsvara minni þjóðanna í nefndinni og hef
alla tíð lagt mikla áherslu á að öllu sé útdeilt jafnt. Ég
hef barist hatrammlega gegn yfirgangi stóru liðanna í
Evrópu [hinum svokallaða G 14 hópi sem sam-
anstendur af átján stærstu liðum Evrópu] en þeir hafa
alltaf viljað stærri og stærri hluta af kökunni. Það
bitnar á litlu löndunum og litlu liðunum og það finnst
mér einfaldlega ekki ganga. Fyrr ligg ég dauður en að
þessi hópur fái meiri pening heldur en raunin er í
dag,“ segir Eggert og lemur í stólinn máli sínu til
stuðnings.
„Síðan má ekki gleyma að ég er stoltur af því að
hafa tekið þátt í því í síðustu viku að koma því til leið-
ar að gervigras er orðið löglegt sem keppnisundirlag.
Þetta á eftir að skipta gríðarlegu máli fyrir lið í norð-
anverðri Evrópu. Með þessari samþykkt eiga fram-
leiðendur gervigrass eftir að leggja mun meiri pening
í þróun og ég er ekki í vafa um að þessir vellir eiga eft-
ir að standa jafnfætis grasvöllum í framtíðinni. Ég sé
fyrir mér að öll félög í Landsbankadeildinni verði
komin með svona velli eftir fjögur til fimm ár og trúi
einfaldlega ekki öðru en að hvert og eitt bæjarfélag
styðji liðin í því að koma sér upp gervigrasvöllum. Þau
þurfa að eyða peningum í að byggja upp áhorfenda-
aðstöðu til að uppfylla kröfur leyfiskerfis KSÍ og þau
hljóta að vilja fá betri nýtingu á vellina heldur en nú
er. Ef ekkert gerist í landi eins og Íslandi þá var þessi
samþykkt tilgangslaus og það myndi ég harma.“
Eggert segist ekki geta sagt til hvort eða hvenær
gervigras yrði sett á Laugardalsvöllinn því það væri
hreinlega ekki í höndum KSÍ að ákveða það. „Reykja-
víkurborg á völlinn og það er ekkert gert nema með
leyfi þeirra sem stjórna þar. Þetta er heldur ekki ein-
falt mál því að ef gervigras yrði sett á völlinn yrði jafn-
framt að vera búið að gera ráðstafanir fyrir frjáls-
íþróttafólk sem myndi ekki lengur geta keppt á vellin-
um. Þetta er því flókið og ég lít á það sem seinni tíma
mál. Aðalmálið núna er að stækka völlinn.“
Starf Eggerts fyrir Knattspyrnusamband Evrópu
útheimtir mikil ferðalög og telst Eggerti til að hann sé
að jafnaði erlendis um 120 daga á ári. Aðspurður
hvort konan hans sé ekki orðin þreytt á þessum enda-
lausa þvælingi segir Eggert að hún sýni starfi hans
mikinn skilning. „Við reynum að fara saman í lengri
ferðir en þegar um stuttar fundarferðir er að ræða þá
er hún heima og sinnir barnabörnunum. Hún hefur
mikinn áhuga á fótbolta og styður heilshugar við bak-
ið á mér.“
Flott kosning
Það segir sig sjálft að menn komast ekki í þá stöðu
sem Eggert er í dag fyrir tilviljun og hann segir að það
hafi ekki verið létt verk að komast í framkvæmda-
nefndina. „Hlutirnir æxluðust þannig að ég seldi fyr-
irtækið mitt árið 2000 og hafði allt í einu nægan tíma.
Ég vissi að írskur nefndarmaður var að hætta og ákvað
eina nóttina að athuga hvort ég ætti raunverulegan
möguleika á því að komast inn. Ég talaði strax við for-
menn knattspyrnusambandanna á hinum Norður-
löndunum, fékk stuðning frá þeim og eftir að ég hafði
talað við fleiri aðila, meðal annars Skota, Englendinga
og Íra þá ákvað ég að gefa kost á mér. Ég komst síð-
an inn í fyrstu kosningu sem var frábært en ég hefði
ekki átt möguleika nema af því að ég var búinn að vera
formaður KSÍ í tíu ár. Þegar kemur að litlu þjóðunum
í kosningu sem þessari þá eru það mennirnir sem
skipta máli á meðan stóru þjóðirnar fá sína menn inn
svo lengi sem þeir eru í þokkalegu lagi. Ég er ekki vafa
um að seta í mín í nefndinni hefur skilað miklu til ís-
lenskrar knattspyrnu og ég er afskaplega þakklátur
fyrir að hafa fengið þetta tækifæri.“
Ekki ásættanlegur árangur
Íslenska landsliðið í knattspyrnu hefur fallið um 32
sæti á heimslista Alþjóða knattspyrnusambandsins á
þessu ári, mest allra liða í heiminum og er í 90. sæti
eins og sakir standa. Liðið hefur leikið níu landsleiki á
árinu, unnið einn, gert tvö jafntefli og tapað sex leikj-
um og aðspurður segir Eggert það ekki ásættanlegt.
„Þetta er ekki ásættanlegur árangur og ég held að
allir, hvort heldur sem það eru forsvarsmenn sam-
bandsins, þjálfararnir, leikmenn eða áhugamenn um
íslenskan fótbolta, séu ekki sáttir við þetta. Það er
auðvitað bara eitt í stöðunni og það er að hysja upp
um sig buxurnar og ná betri árangri á næsta ári. Ég
held að það séu ýmsar ástæður fyrir þessu gengi og ein
er sú að menn hafa kannski á einhverjum tímapunkti
talið að við værum aðeins betri en við í raun og veru
erum og farið aðeins fram úr sjálfum sér. Ég held að
þar spili Ítalíuleikurinn stórt hlutverk en eftir sigur í
þeim leik urðu menn stórir með sig og fóru að hleypa
liðinu framar á völlinn en ráðlegt var. Ég held að
gamla sagan um að ef Ísland á að ná árangri í alþjóða-
fótbolta þá verði vörnin að vera í lagi, sé enn í gildi.
Við höfum fengið á okkur alltof mörg mörk og sumir
segja að við spilum vitlausa varnaraðferð. Það er þjálf-
aranna að finna úr úr því og ég hef fulla trú á Ásgeiri
og Loga. Þeir hafa nokkra mánuði til að koma liðinu
aftur á ról og vonandi nýta þeir tímann vel. Það má
síðan ekki gleyma því að ákveðnir leikmenn liðsins
hafa hreinlega ekki verið í sama forminu og þeir voru
á sama tíma í fyrra. Ég vil ekki nefna nein nöfn í því
sambandi en það hefur verið greinilegt. Við eigum
ekki það marga toppleikmenn að við megum við því
að lykilmenn séu ekki í sínu besta formi ef liðið ætlar
að ná árangri.“
Nokkuð hefur verið rætt um stöðu landsliðsþjálf-
aranna Ásgeirs Sigurvinssonar og Loga Ólafssonar í
kjölfar þessa lélega gengis en Eggert segir þá hafa fullt
traust leikmanna og forystu KSÍ. „Það hefur aldrei
hvarflað að okkur að láta þá fara. Þeir voru ráðnir til
að stýra liðinu út þessa undankeppni og þeir munu
gera það. Þeir hafa sýnt það áður að þeir geta gert
góða hluti með liðið og ég hef fulla trú á þeim.“
Ekki grundvöllur fyrir fjölgun liða
Mikið hefur verið rætt og ritað um fjölgun liða í efstu
deild úr tíu í tólf. Þjálfarar og leikmenn virðast vera á
einu máli um að það sé rétt að fjölga liðum en Eggert
er algjörlega á öndverðum meiði.
„Ein af grunnforsendum þess að hægt sé að fjölga
liðum í deildinni er að fá gervigras á alla velli til að
hægt sé að lengja tímabilið. Síðan er annað sem er
mjög mikilvægt og ég held að menn fari stundum
fram úr sér þegar talað er um að fjölga liðum í efstu
deild og það er hinn fjárhagslegi grundvöllur og hinn
knattspyrnulegi grundvöllur. Ég leyfi mér að efast og
tel reyndar að fjarhagslegur grundvöllur sé ekki til
staðar því að þessum tíu liðum sem eru í deildinni
veitir ekki af þeim fjármunum sem nú eru til skipt-
anna. Ef liðunum fjölgar þá verður einfaldlega minna
fjármagn fyrir hvert lið og það held ég að væri
glapræði. Sjónvarpstekjurnar aukast ekki og síðan
verða menn að spyrja sig að því hvort jafn lítið land og
Ísland hafi knattspyrnulegt bolmagn til að halda úti
tólf liða deild. Það hefur verið tilhneigingin í löndun-
um í kringum okkur að fækka liðum frekar en fjölga
þeim í efstu deild og af hverju ættum við að fara í öf-
uga átt?“
Vona að ég verði dæmdur af verðleikum
Eggert Magnússon hefur verið umdeildur maður síð-
an hann tók við formennsku hjá KSÍ. Það er sjaldnast
logn í kringum hann og ýmsir hafa horn í síðu hans.
Menn saka hann um einræðistilburði en Eggert segir
sjálfur að það sé ekkert gaman ef allt er með kyrrum
kjörum. „Ef enginn gagnrýnir mig þá finnst mér ég
ekki vera að gera neitt. Ég tek gagnrýni vel, hún er
hluti af þessu öllu og ég er þess fullviss að ég hef unn-
ið gott starf fyrir knattspyrnuna á Íslandi. Það sést
kannski ekki endilega í dag en ég vona að ég verði
dæmdur af verðleikum þegar ég hætti – ég fer ekki
fram á annað.“ ●
F2 12 18. nóvember 2004 FIMMTUDAGUR
Eggert Magnússon, formaður KSÍ, er valdamesti
maðurinn í íslenskum knattspyrnuheimi og einn
sá valdamesti í íslensku íþróttalífi. Hann ræður
ríkjum í stærsta og ríkasta sérsambandinu og á
auk þess sæti í þrettán manna framkvæmdanefnd
Knattspyrnusambands Evrópu. Eggert hefur verið
formaður Knattspyrnusambands Íslands síðan
1989, í heil fimmtán ár, og fátt virðist benda til
þess að hann láti af störfum á næstunni.
Óskar Hrafn Þorvaldsson settist niður með
Eggerti og ræddi við hann um starfið hjá
Knattspyrnusambandi Evrópu, landsliðið,
framtíð Laugardalsvallar og ýmislegt fleira.
LJÓSMYND/TEITUR/HARI
Forréttindi
fyrir fótboltafíkil
12-13-F2 17.11.2004 13:05 Page 2