Fréttablaðið - 18.11.2004, Blaðsíða 83
FIMMTUDAGUR 18. nóvember 2004
ÁRSHÁTÍÐ BLAÐBERA FRÉTTABLAÐSINS, DV OG BIRTU
Háskólabíó 27. nóvember, kl. 15-17 • Í svörtum fötum spilar • Happdrætti og leikir
Veislustjóri: Jónsi • Pepsi og Doritos á alla línuna • Blaðberar fá senda heim tvo miða.
NÚ ER KOMIÐ AÐ ÞVÍ!
Ske: Feelings Are Great
„Fín plata frá Ske og mun heilsteyptari en sú síð-
asta. Létt og sykurhúðað poppið hittir vel í mark.“
FB
Green Day: American Idiot
„Green Day skilar frá sér metnaðarfullri plötu, í
dulargervi söngleiks, eftir fjögurra ára bið. Þeir
hljóma nákvæmlega eins og áður. Aðdáendur eiga
eftir að pissa í brækurnar af fögnuði. Okkur hinum
gæti ekki verið meira sama um American Idiot.“
BÖS
Lamb of God: Ashes of the
Wake
„Hörðu vélbyssugítarriffin, dósatrommuhljómurinn
og skæður söngur Blythe myndar ekki sömu
hryðjuverk og á eldri verkum Lamb Of God og er
platan því viss vonbrigði enda batt ég miklar vonir
við Lamb Of God á sínum tíma.“
SJ
Papa Roach: Getting Away
With Murder
„Ég viðurkenni fúslega að ég bjóst við argasta við-
bjóði, enda hafa lögin í útvarpinu með Papa
Roach verið með eindæmum leiðinleg. Platan
kemur mér því á óvart, margir fyrirtaks sprettir og
framvinda laganna á köflum þrælvel útfærð. „
SJ
Goldie Lookin Chain: Great-
est Hits
„Grín hiphopsveitin Goldie Lookin Chain eru ágæt-
lega fyndnir. Geta samt örugglega ekki endurtekið
þennan brandara og því er nafn plötunnar, Great-
est hits, líklegast réttnefni. Brandararnir eru margir
barnalegir, en þó... of grófir fyrir börn.“
BÖS
Brain Police: Electric Fungus
„Frábær plata frá Brain Police og varla veikan blett
að finna. Jenni söngvari fer á kostum og hífir lögin
upp í hæstu hæðir.“
FB
KK: Upphafið
„Lögin eru flest í hressilegri kantinum og spila-
gleðin er ósvikin. KK er einn af okkar allra bestu
ryþmablússöngvurum og hann er í fínum gír á
plötunni.“
PAL
Talib Kweli: Beautiful
Struggle
„Fylgifiskur Quality er tilraun Talib Kweli til þess
að skjótast upp á við í vinsældum. Hann á það
skilið, og honum gæti tekist það.“
BÖS
Elliott Smith: From a
Basement on the Hill
„Hinsta kveðja Elliotts Smith er magnað meistara-
stykki. Ótrúlega heilsteypt miðað við „ókláraða
plötu“, sterk og ólýsanlega falleg. Hans verður sárt
saknað.“
BÖS
Cake: Pressure Chief
„Fimmta breiðskífa Cake er ágætis áminning um
hversu sérstök sveitin er. Fín plata, frá bragðmikilli
sveit.“
BÖS
Quarashi: Guerrilla Disco
„Guerrilla Disco er mjög góð plata þar sem ákaf-
lega vel er vandað til verka. Quarashi er enn að
þróa sinn eigin stíl og virðist vera komin vel á veg
með það.“
FB
Nelly: Sweat
„Hin platan af þeim tveimur sem Nelly gaf út á
sama deginum. Sletta af því sama og Suit bauð
upp á, ekki slæmt. Nelly hefði þó átt að gefa út
eina langa, skothelda plötu, en að þynna sjálfan
sig út á tvær.“
BÖS
Jan Mayen: Home of the
Free Indeed
„Lagasmíðin er oft mjög áhugaverð, stutt í húmor-
inn og þar kemur, oft á tíðum, óþétt spilerí Jan
Mayen betur út en ef hlutirnir hefðu verið pússaðir
til. Það gerir útkomuna aðeins pönkaðri og hrárri
en ella.“
SJ
The Music: Welcome to the
North
„Ungliðarnir í The Music standast pressuna og
skila af sér annarri frábærri breiðskífu. Heildin
heldur þó ekki athyglinni eins lengi og frumburður
þeirra gerði.“
BÖS
[ SMS ]
UM NÝJUSTU PLÖTURNAR
Birgir Örn Steinarsson - Freyr Bjarnason
Pétur Atli Lárusson - Smári Jósepsson
Stina Nordenstam: The World
Is Saved „Sænska skammdegisdrottningin
Stina Nordenstam skilar af sér sinni bestu plötu í
mörg ár. Ekki láta þessa renna fram hjá ykkur.“
BÖS
PLATA VIKUNNAR
Afróhausarnir í Mars Volta, betri
helmingur fyrrum At the Drive-
in, munu gefa út nýja breiðskífu í
febrúar á næsta ári. Sú heitir
Frances the Mute og á víst að vera
mjög vandaður fylgifiskur frum-
raunarinnar De-Loused in the
Comatorium frá því í fyrra.
Söngvarinn Cedric Bixler og
gítarleikarinn Omar Rodriguez
eyddu víst meginhluta sumarins
að setja plötuna saman.
Það er greinilega mikil sköpun-
argleði í þeim félögum því báðir
eru víst líka að vinna sólóplötur.
Plata Rodriguez á víst að heita A
Manual Dexterity, vol. 1, og er
væntanleg á næsta ári. Tónlistin á
plötunni helst í hendur við bíó-
mynd sem gítarleikarinn er að
gera líka. Það er því nóg í vænd-
um frá afróhausunum. ■
Mars Volta klárar
nýja plötu
MARS VOLTA Sveitin er að leggja loka-
hönd á nýja breiðskífu.
Svo virðist sem indípoppsveitin
Death Cab for Cutie hafi tryggt
framtíð sína í vikunni þegar hún
gekk frá plötusamningi við Atl-
antic Records í Bandaríkjunum.
Sveitin kom sér rækilega á kortið
með frábærri útgáfu í fyrra, plöt-
unni Transatlanticism, og er kom-
in með góðan hóp í kringum sig.
Sveitin hefur hingað til gefið
út plötur hjá útgáfunni Barsuk
Records og næsta útgáfa hennar,
þröngskífa með tónleika-
upptökum, kemur út á vegum
hennar. Næsta breiðskífa verður
svo gefin út á vegum Atlantic.
Sveitin seldi um 225 þúsund
eintök af síðustu plötu sinni í
Bandaríkjunum, sem telst gott
miðað við óþekkta hljómsveit á
litlu útgáfufyrirtæki. Söngvarinn
Ben Gibbard og félagar hans í
sveitinni fá nú tækifæri til þess
að reyna fyrir sér í megin-
straumnum og ættu að vera vel
reiðubúnir í það verkefni.
Hjólin eru vissulega byrjuð að
snúast fyrir Gibbard, því hin
hljómsveitin hans, The Postal
Service, hefur einnig átt gott ár. ■
Death Cab kemst í
meginstrauminn
DEATH CAB Gefur út þröngskífu með tónleikaupptökum hjá Atlantic Records.
82-83 tónlist (38-39) 17.11.2004 18.41 Page 3