Fréttablaðið - 27.11.2004, Blaðsíða 44
Með uppljóstrararann í stjórnarráðið
Steingrímur Ólafsson hinn nýi blaðafulltrúi
Halldórs Ásgrímssonar hefur verið grunaður
um framsóknarmennsku alla sína hunds- og
kattartíð í blaðamennsku en virðist nú kom-
inn til þess þroska að koma út úr skápnum
sem slíkur. Steingrímur hefur löngum staðið í
skugganum af sínum þekkta bróður Jóni
Ólafssyni, gjarnan nefndum hinum
góða til aðgreiningar frá (hinum vænt-
anlega illa) Jóni Ólafssyni í Skífunni.
Steingrímur starfaði hjá Jóni
hinum síðra og ritstýrði síðan
vefmiðlinum frettir.com.
Leki í það ágæta vefrit
varð til þess að Sigurður
G. Guðjónsson, þáver-
andi forstjóri Norður-
ljósa, hóf leit að „upp-
ljóstrara“ í starfsliði
fréttastofu Stöðvar 2 og
tilkynnti að tölvupóstur blaðamanna yrði
rannsakaður til að flæma illþýðið úr starfi. Sú
leit virðist ekki hafa borið árangur og nú hef-
ur Sigurði verið vikið frá störfum. Frettir.com
heyra sögunni til og Steingrímur tekur leynd-
armálið um uppljóstrarann, nafnið, með sér
niður í stjórnarráð.
Guðmundur Eiríksson
Þjóðréttarfræðingur skaut upp kollinum í
fréttum vikunnar vegna aðdróttana
kanadísks blaðs í hans garð. Lítið hefur farið
fyrir Guðmundi síðan íslenska utanríkisþjón-
ustan fór á annan endann til að tryggja Ís-
lendingi (honum) kjör í hafréttardómstól
nokkrum sem taka átti til starfa í Ham-
borg. Voru höfð stór orð um mikilvægi
þessa og diplómatar og stjórnmála-
menn fögnuðu mjög þegar áfanganum
var náð. Guðmundur fékk starfið, flutt-
ist til Costa Rica þar sem hann gegndi
kennslustörfum enda ástæðulaust að vera í
Hamborg. Dómstóllinn hafði þegar síðast
fréttist ekki dæmt í einu einasta máli.
Óvinur íslensku sakamálasögunnar # 1
Útgefendur bókarinnar Kleifarvatns hugsa nú
Eysteini Þorvaldssyni og Fréttablaðinu þegj-
andi þörfina því í svargrein Eysteins við um-
fjöllun um bókina ljóstraði bókmenntafræði-
prófessorinn upp um fléttu bókar-
innar. Varla er hægt að hugsa sér
nokkuð verra fyrir höfund
glæpasögu en að „plottið“ sé
skrifað niður, prentað
í 100 þúsund ein-
tökum og sent
inn á hvert
heimili í land-
inu á síðum
Fréttablaðs-
ins.
„Það er skiljanlegt að ég sé æstur því ég
hef sjaldan séð eins fallegt frumvarp.“
Pétur H. Blöndal alþingismaður Sjálfstæð-
isflokksins, 23. nóvember 2004.
„Myndir þú kaupa notaðan hval af
þessum manni?“
Ívitnuð ummæli um Hall Hallsson,
fyrrverandi blaðafulltrúa Keikós, í
grein Páls Ásgeirs Ásgeirssonar í Tíma-
riti Máls og Menningar nóvember 2004.
32 27. nóvember 2004 LAUGARDAGUR
Ekkert bendir til að matar-
skattur verði lækkaður þótt
Framsókn hafi nú opnað á
lækkun hans. Samfylkingin
er sökuð um að skipta um
stefnu „nánast vikulega“ í
skattamálum.
Fátt bendir til að staðið verði við
kosningaloforð Sjálfstæðis-
flokksins um að lækka matar-
skattinn. Samfylkingin hefur nú
grafið fyrirheit um tekjuskatts-
lækkun og sett matarskattinn á
oddinn. Allir stjórnmálaflokkar
sem á annað borð eru fylgjandi
skattalækkunum segjast raunar
ljá máls á að lækka skattinn, en
samt lækkar hann ekki. Þetta er
niðurstaða umræðna á Alþingi
um skattamál í vikunni en þá
kom í ljós að skattalækkana-
flokkarnir þrír hafa allir haft
mismunandi áherslur, enginn þó
eins mikið og Samfylkingin.
Össur Skarphéðinsson, for-
maður Samfylkingarinnar, gerði
harða hríð að fjármálaráðherra í
umræðum um lækkun tekju-
skatts á Alþingi í vikunni og sak-
aði hann um að efna ekki fyrirh-
eit flokksins um að lækka virðis-
aukaskatt úr 14 prósentum í 7
prósent. Sagði formaðurinn að
Sjálfstæðisflokkurinn beygði sig
í dufti fyrir Framsóknarflokki:
„Það er eini flokkurinn sem er á
móti því að lækka matarskattinn.
Sú lækkun hefur langmest jöfn-
unaráhrif.“
Halldór Ásgrímsson forsætis-
ráðherra kannaðist við að hafa
verið andsnúinn tveimur skatt-
þrepum og hefði hann verið sam-
mála Jóni Baldvini Hannibals-
syni, fyrrverandi formanni Al-
þýðuflokksins, forvera Samfylk-
ingarinnar, sem hefði barist gegn
mörgum skattþrepum með kjafti
og klóm. Hins vegar hefði Fram-
sókn fallist á að taka upp tvö
skattþrep og því skipti ekki öllu
máli þótt prósentan yrði lækkuð.
Sjálfstæðismenn svöruðu Öss-
uri fullum hálsi og sökuðu flokk-
inn um að hafa stolið kosninga-
máli frá D-listanum fyrir síðustu
kosningar. Geir H. Haarde, fjár-
málaráðherra sagði: „Hann er
sennilega búinn að gleyma því að
fyrir kosningarnar í fyrra
spurðu Samtök verslunar og
þjónustu hver væri stefna Sam-
fylkingarinnar varðandi virðis-
aukaskattinn, hvort gera ætti
breytingar á honum. Svarið var
nei. Einfalt orð, eitt orð, nei.“
Samfylkingin hefur lagt til að
í stað eins prósents lækkun
tekjuskatts verði barnabætur
hækkaðar tafarlaust um tvo og
hálfan milljarð og matarskattur-
inn helmingaður um mitt næsta
ár. En er Samfylkingin þar með á
móti því að lækka tekjuskatt?
„Við viljum hreyfa við persónu-
afslættinum“ segir Helgi Hjörv-
ar, fulltrúi flokksins í fjárlagan-
efnd,“Við viljum ekki lækka pró-
sentuna. Við viljum líka aðeins
taka ákvarðanir fyrir hvert ár og
meta síðan svigrúmið. Við teljum
óvarlegt að ákveða slíkt þrjú ár
fram í tímann.“
Samfylkingin samþykkti á
landsfundi 2001 að stefna að því
að „lækka skatta almennings,
fyrst og fremst tekjuskatta...
Lækka skal tekjuskatt einstak-
linga í áföngum og styðja betur
við barnafjölskyldur með aukn-
um barnabótum og lækkun jaðar-
skatta.“
Á vorþingi Samfylkingarinnar
þar sem kosningastefnuskrá
flokksins var samþykkt 2003 var
hins vegar áfram talað um að
hækka barnabætur en nú var
lækkun tekjuskatts horfin og í
staðinn komnar áherslur á 10
þúsund króna hækkun skattleys-
ismarka og helmingslækkun
virðisaukaskatts.
Birgir Ármannsson gagnrýndi
Samfylkinguna í umræðunum í
vikunni og sagði að Samfylkingin
hefði sett fram nýja stefnu í
skattamálum í hverri viku í
kosningabaráttunni, fyrst stolið
persónuafslætti af Frjálslyndum
og síðan matarskatti af Sjálf-
stæðismönnum. Vitnaði þing-
maðurinn svo til landsfundará-
lyktunar Samfylkingarinnar
2001 og sagði: „Össur Skarphéð-
insson gat þess ekki að í þessari
landsfundarályktun var það tekið
fram sem fyrsta atriði að stefna
bæri að lækkun tekjuskatts ein-
staklinga í áföngum sem er
akkúrat kjarninn í frumvarpinu
sem hér er til umræðu.“
Össur sagði hins vegar í svari
sínu:„Stefnan liggur alveg ljós
fyrir núna og munurinn á okkur
og ýmsum öðrum stjórnmála-
flokkum er sá að við forgangs-
röðum.... Við viljum byrja á að
lækka matarskattinn um helming
eins og Sjálfstæðisflokkurinn,
andstætt því sem Framsóknar-
flokkurinn vill, og við segjum
það alveg klárt og kvitt að við
viljum hækka barnabætur... Ef
viðrar til fuglaveiða þegar líður á
kjörtímabilið þá skulum við til
dæmis ræða hluti eins og hækk-
un skattfrelsismarka.“
a.snaevarr@frettabladid.is
stjornmal@frettabladid.is
Úr bakherberginu...
Flikk, flakk og heljar-
stökk í skattamálum
nánar á visir.is
Stjórnmálamenn eru skrítnir fuglar.
Oft kemur það fyrir að þing-
fréttamenn þykjast kannast við ekki
bara einstakar setningar heldur
málsgreinar í ræðum Alþingis-
manna. Út af fyrir sig getur það
verið eðlilegt því sum þingmál eru
lögð fram þing eftir þing. Þannig
hefur Steingrímur J. Sigfússon lagt
fram frumvarp um að gera kjarna-
vopn útlæg úr landhelgi Íslands frá
því á níunda áratugnum. Sumir spá
því raunar að Ásta Ragnheiður
Jóhannesdóttir hafi tekið slíku ást-
fóstri við þingmálið um símtölin til
Grænlands (bæði) að það eigi eftir
að skjóta rótum í þinginu. Og sum-
ir þingmenn leggja sömu málin
fram aftur og aftur, að því er virðist
í því skyni einu að hækka tölu þeir-
ra mála sem þeir hafa lagt fram.
Þetta er þó ekki eina skýringin.
Sumir þingmenn virðast „cópy-
peista“ gamlar ræður, sérstaklega á
milli umræðna í málum á borð við
fjárlögin. Við þetta bætist að sami
þingmaðurinn á sínar uppáhalds-
setningar og líkingar. Tökum Össur
Skarphéðinsson sem dæmi. Hon-
um er bleiupakki mjög hugstæður
og hefur vitnað til þessa bleiu-
pakka svo oft í umræðum um
skattalækkanir ríkisstjórnarinnar að
hann er löngu búinn að tryggja sér
titilinn „Pampers-drengur
ársins.“
Þótt Össur eigi
doktorsnafnbót
sína sem kunnugt
er rannsóknum á kynlífi laxfiska að
þakka, hafa fuglar alheimsins þó
verið honum mun hugstæðir þessa
síðustu viku í pólítik. Grípum niður
í ræðu háttvirts fyrsta þingmanns
Reykjavíkur norður:
„Við teljum að ekki sé hægt að
slæma hendinni út í loftið og ná
öllum þeim fuglum sem fljúga um
himinblámann eins og hv. þing-
menn stjórnarliðsins virðast telja.
Við höldum að það sé tiltekið
magn smáfugla í hendi og við vilj-
um deila þeim út í ákveðinni for-
gangsröð....Ef viðrar til fuglaveiða
þegar líður á kjörtímabilið (Gripið
fram í.) þá skulum við t.d. ræða
hluti eins og hækkun skattfrelsis-
marka.“
Ég leyfi mér að fullyrða hér og
nú að ef dr Skarphéðinsson hefði
ekki tekið slíku ástfóstri við kynlíf
laxfiska sem raun ber vitni hefði
hann beislað skáldafákinn í staðinn
enda man ég ekki eftir öðru eins
snilldarlíkingamáli um fugla frá því
Jónas var og hét.
En fyrst er gaman að fylgjast
með þingstörfum þegar stjórn-
málaforingjarnir taka flugið saman.
Geir Hilmar Haarde greip líkingu
Össurar á lofti og tókst að finna
nýjan flöt á henni jafnvel þótt ætla
hefði mátt að Samfylkingarformað-
urinn hefði tæmt alla möguleika á
að tala um skógarfuglinn í þau tíu
skipti sem hann nefndi fuglinn
fljúgandi í ræðum sínum. Geir
sagði: „Hv. þingmaður talaði um að
skattalækkanirnar væru fugl í skógi.
Það er misskilningur. Samfylkingin
er býsna seinheppin. Hún er ekki
fugl í skógi. Hún er furðufugl í
skógi.“
Það var og.
VIKA Í PÓLITÍK
ÁRNI SNÆVARR SKRIFAR
Tiltekið magn smáfugla í hendi
UMMÆLI VIKUNNAR,, U MÆLI VIKUN AR ,,
SAMFYLKINGIN lá undir ámæli um að skipta oft um skoðun í skattamálum á Alþingi í
vikunni.
ÖSSURI SKARPHÉÐINSSYNI
varð tíðrætt um fuglinn fljúgandi
á Alþingi.
Stefnt er að því að þingstörfum
ljúki 10. desember næstkomandi.
Alþingi kemur svo saman til
funda 20. janúar og verða þing-
menn væntanlega úthvíldir því ef
þetta gengur eftir verður jólafrí
þeirra 40 dagar. Að vísu þykir
ósennilegt að þingstörfum verði
lokið 10. desember sem er föstu-
dagur og því kann sú helgi að fara
forgörðum.
Núsitjandi Alþingi verður
varla sagt vera starfssamt það
sem af er því aðeins tvenn lög
hafa verið samþykkt sem lög: lög
um mengun hafsins og lög um
kennaraverkfallið. Fá stjórnar-
frumvörp hafa komið fram og er
því búist við miklum spretti á
lokadögunum fyrir jólafrí. ■
MAGNÚS STEFÁNSSON KÁTUR og
verður vafalaust enn kátari þegar hann
kemst í fjörutíu daga jólafrí 10. desember.
Alþingi:
Fjörutíu daga jólafrí
FR
ÉT
TA
B
LA
Ð
IÐ
/E
.Ó
L.
44-45 (34-35) Stjórnmál 26.11.2004 15.50 Page 2