Fréttablaðið - 27.11.2004, Blaðsíða 57
LAUGARDAGUR 27. nóvember 2004
L6
37
4
O
dd
i h
f.
Rithöfundar sem eru með jóla-
bækur á markaði eru á þeytingi,
önnum kafnir við að lesa upp úr
bókum sínum. Þeir sem ekki eru
með bók þetta árið eru að gera
áætlanir fyrir næsta ár. Þar á
meðal er Reynir Traustason,
nýráðinn ritstjóri Mannlífs. Hann
hefur nú fært sig frá JPV forlagi
og er kominn yfir til Eddu útgáfu.
Reynir hyggst senda frá sér bók
jólin 2005 og sú byggir á mikilli
heimilda- og rannsóknavinnu en
fátt fæst þó upplýst um efni henn-
ar, annað en að það tengist ís-
lenskum raunveruleika og eigi
eftir að vekja athygli. Heimildir
Fréttablaðsins herma að jafn-
framt sé verið að vinna að heim-
ildarmynd um höfundinn og gerð
bókarinnar. Reynir vildi ekki stað-
festa það en segir vistaskiptin
vera staðreynd.
„Ég taldi hagsmunum mínum
vera betur borgið hjá Eddunni sem
er á miklu flugi. En ég sakna auðvit-
að Guðrúnar Sigfúsdóttur, sem er
frábær ritstjóri. Nú hef ég tóm til
að vinna að erfiðu og tímafreku
verkefni. Það er ýmislegt skugga-
legt í okkar samfélagi sem mér
finnst ástæða til að greina og fjalla
um í bók,“ segir Reynir.
Reynir er höfundur metsölubók-
anna um Sonju Zorrilla og Lindu
Pétursdóttur sem seldust samanlagt
í 17 þúsund eintökum. ■
„Ég er að lesa nokkrar mjög ólíkar
bækur um þessar mundir,“ segir
Sigurður Valgeirsson. „Fyrst vil
ég nefna Bítlaávarpið eftir Einar
Má. Fyrstu síðurnar lofa mjög
góðu. Svartur á leik eftir Stefán
Mána er önnur jólabók sem ég hef
í fórum mínum. Ég er ekki byrjað-
ur á henni en það sem ég hef lesið
eftir höfundinn gefur ástæðu til
bjartsýni svona fyrir fram.
Þá eru það aðrir og óskyldir
hlutir. Ég tók upp á því á gamals
aldri að skrá mig í MPA-nám í
Háskólanum mér til gagns og
gamans og er því nákvæmlega
núna að plægja í gegnum bókina
Reinventing Government in
Iceland eftir Ómar H. Krist-
mundsson. Fleira svipað mun
sennilega verða á matseðlinum á
næstunni því ég fer í próf um
miðjan desember.
Að lokum verð ég svo að nefna
hvernig hægt er að gleðja með
bókargjöf. Sveinbjörn I. Baldvins-
son, vinur minn, hefur í gegnum
tíðina heyrt mig röfla um það
hvernig ég hafi, á rigningardögum
í sveitinni forðum, sökkt mér ofan
í ritið Búvélar og ræktun og
fræðst þar meðal annars um að-
ferðir við túngirðingar og skoðað
myndir af þúfnabönum. Áður en
hann heimsótti mig um daginn
hafði hann haft fyrir því að fara á
fornbókasölu og kaupa skinnbund-
ið eintak. Fáar gjafir hafa glatt
mig jafn innilega.“ ■
REYNIR TRAUSTASON Er kominn til Eddu útgáfu og vinnur að bók sem kemur út eftir ár.
Vistaskipti
hjá Reyni
SIGURÐUR VALGEIRSSON
Lesandi vikunnar er með
margar bækur á náttborðinu.
Þúfnabanar og þjóðskáld
FRÉTTAB
LAÐ
IÐ
/STEFÁN
56-57 (44-45) bókaopna 26.11.2004 20:04 Page 3