Fréttablaðið - 08.12.2004, Blaðsíða 2

Ég vona ekki, en ef svo er verða
þeir reknir hið snarasta.
Samkvæmt úttekt á eldhúsum grunnskóla Reykja-
víkur virðist mörgu ábótavant í rekstri þeirra. At-
hugasemd var gerð við 23 af 32 skólaeldhúsum.
Úttektina gerði Fræðslumiðstöð Reykjavíkur. Guð-
rún Ebba Ólafsdóttir er fulltrúi Sjálfstæðisflokks í
fræðsluráði.
SPURNING DAGSINS
Guðrún Ebba, eru streptókokkar að
störfum í skólaeldhúsunum?
2 8. desember 2004 MIÐVIKUDAGUR
Ummæli Halldórs
valda uppnámi
Stjórnarandstæðingar saka Halldór Ásgrímsson forsætisráðherra um
blekkingar þegar hann sagði ástæður innrásar í Írak hafa verið
margræddar á þingi og í utanríkismálanefnd.
STJÓRNMÁL Steingrímur J. Sigfús-
son, formaður Vinstri grænna
gagnrýndi Halldór Ásgrímsson,
forsætisráðherra harkalega í um-
ræðum um störf þingsins á Al-
þingi í gær. Tilefnið var að
Halldór hefði fullyrt í umræðu-
þætti í sjónvarpi að innrásin í
Írak hefði verið rædd í utanríkis-
nefnd og á Alþingi. „Þetta er
ósvífið og rangt,“ sagði Stein-
grímur J. „Það var aldrei rætt
fyrir 19. mars 2003 að til greina
kæmi að styðja árás á Írak án
nýrrar ályktunar Sameinuðu
þjóðanna“.
Halldór Ásgrímsson forsætis-
ráðherra gagnrýndi stjórnarand-
stöðuna og sagði að hún ætti að
hætta að ræða fortíðina einu
sinni í viku og ræða frekar um
framtíðina. Benti forsætisráð-
herra á að danskir jafnaðarmenn
hefðu nýverið samþykkt áfram-
haldandi veru danska hersins í
Írak þótt þeir hefðu verið á móti
því að vera á lista hinna viljugu
þjóða. „Er Samfylkingin ósam-
mála dönskum jafnaðarmönn-
um?“
Mörður Árnason, þingmaður
Samfylkingarinnar svaraði: „Við
erum sammála spænskum jafn-
aðarmönnum.“ Las Mörður síðan
upp orð Halldórs Ásgrímssonar
frá 27. janúar 2003. Þá sagði Hall-
dór í þingræðu: „Ef í ljós kemur
að hann býr ekki yfir gjöreyðing-
arvopnum, þá er málið væntan-
lega leyst.“ Lagði Mörður út af
ummælunum og sagði: „Þá lá
ekki á að koma Saddam Hussein
frá.“
Halldór varðist árásum and-
stæðinga út af ummælum hans
um að ákvörðun um að vera með
viljugum þjóðum hefði ekki verið
formlega samykkt í ríkisstjórn.
Sagði Halldór að málið hefði ekki
verið lagt fyrir ríkisstjórn frekar
en afstaða Íslands til ýmissa
ályktana Sameinuðu þjóðanna.
Sagði hann öðru máli gegna um
Írak og Afganistan en Bosníu og
Kosovo því í síðari aðgerðunum
tveimur hefðu Íslendingar tekið
þátt sem aðilar að NATO.
Steingrímur J. Sigfússon sagði
að upp úr stæði í umræðunni að
stjórnarandstaðan hefði gert Hall-
dóri rangt til. Það hefðu ekki verið
tveir menn sem tóku þessa
ákvörðun: „Það var bara einn mað-
ur. Hann heitir Davíð Oddsson.“
a.snaevarr@frettabladid.is
ÆTLUÐU SÍÐAR TIL LÆKNIS
Tveir hlutu minniháttar meiðsl
eftir bílveltu á Landvegi
skammt vestan við Hrauneyjar í
gærmorgun. Veltan varð eftir að
ökumaður missti stjórn á bílnum
þegar hann kom af malarvegi
inn á hált bundið slitlag. Tveir
voru í bílnum og blæddi aðeins
úr þeim báðum en þeir ætluðu
að leita sér læknis við tækifæri
en þeir voru á leið í vinnu þegar
óhappið varð.
SEX BÍLAR SKEMMDUST Þrjú
umferðaróhöpp urðu á Sauðár-
króki í gærdag. Engin meiðsl
urðu á fólki en sex bílar
skemmdust nokkuð. Rekja má
óhöppin að hluta til hálku.
ÁTTA UMFERÐARÓHÖPP Átta
umferðaróhöpp urðu í Hafnar-
firði í gær. Ekki urðu slys á
fólki en einn ökumaður kvartaði
yfir eymslum. Nokkuð tjón varð
á ökutækjum.
Rætt um Írak á Alþingi:
Fundarstjórn
gagnrýnd
S T J Ó R N M Á L
Stjórnarand-
s t æ ð i n g a r
deildu hart á
fundarstjórn
Birgis Ár-
m a n n s s o n a r,
varaforseta Al-
þingis, í um-
ræðum um
Írak í gær.
Leyfði Birgir
Halldóri Ás-
grímssyni for-
sætisráðherra
að tala þrisvar
í umræðu um
störf þingsins sem var að frum-
kvæði Steingríms J. Sigfússon-
ar, Vinstri grænum. Átaldi
Steingrímur Birgi fyrir þetta og
benti á ákvæði þingskaparlaga
um að í umræðum af því tagi
sem fram hefðu farið mætti
hver þátttakandi aðeins tala
tvisvar. Forseti vísaði til for-
dæma sem byggðu á ákvæðum
stjórnarskrár um að ráðherrar
mættu taka til máls að vild á Al-
þingi.
Bryndís Hlöðversdóttir, Sam-
fylkingu, gagnrýndi þessa lög-
skýringu og sama gerði Kristinn
H. Gunnarsson, Framsóknar-
flokki.
- ás
Sauðárkrókur:
Lést í
eldsvoða
ANDLÁT Maðurinn sem lést í elds-
voðanum á Sauðárkróki á laugar-
dag hét Elvar Fannar
Þorvaldsson, fæddur 18. júní árið
1983. Elvar var til heimilis að
Hólavegi 24 og að Bárustíg 14 á
Sauðárkróki. Hann var ókvæntur
og barnlaus. ■
15 mánaða fangelsi:
Í fangelsi fyrir
hnífstungur
DÓMSMÁL Tvítugur maður var
dæmdur í fimmtán mánaða fang-
elsi fyrir að stinga mann fjórum
sinnum fyrir framan Broadway í
Ármúla í september í fyrra. Tólf
mánuðir af dómnum eru skil-
orðsbundnir.
Refsing nítján ára pilts, sem
einnig var ákærður fyrir að hafa
ráðist að sama manni og kýlt
hann hnefahöggi í andlitið, var
felld niður. Mennirnir tveir voru
í bíl fyrir utan skólaball og rák-
ust þeir utan í annan mann á
bílaplaninu. Upp hófust átök við
manninn og sá eldri tók upp hníf
og stakk hann fjórum sinnum í
líkamann svo af hlutust fjögur
tveggja til átta sentímetra djúp
sár.
- hrs
SVEITARFÉLÖG Tekjur Jöfnunarsjóðs
sveitarfélaga lækka varanlega
um rúmar 400 milljónir þegar
frumvarp til laga um lækkun
tekjuskatts og eignarskatts kem-
ur til fullra framkvæmda árið
2007, vegna lækkunar tekju-
skatta, afnám eignarskatts og
hækkunar persónuaflsáttar. Þetta
kemur fram í umsögn Sambands
íslenskra sveitarfélaga um frum-
varpið.
„Við reiknum með að þetta séu
bara mistök,“ segir Gunnlaugur
Júlíusson, sviðsstjóri hag- og upp-
lýsingasviðs sambandsins. „Það
er í gildi ákveðið samkomulag um
fjárhag ríkis og sveitarfélaga og
breytingar á því hljóta að vera
samningsatriði en ekki einhliða
ákvörðun.“ Hann bendir á að ef
frumvarpið verður samþykkt
óbreytt lækka tekjur sjóðsins um
90 milljónir á næsta ári og um 200
milljónir þegar eignarskattur
verður felldur niður.
Tekjur Jöfnunarsjóðsins eru að
hluta bundnar 2,12% skatttekjum
ríkissjóðs og í umsögninni er bent
á þá leið að ef hlutfallið verði
hækkað í nokkrum þrepum í
2,274% árið 2007 væri komið í veg
fyrir að tekjur sjóðsins skerðist
verulega. -ss
GUNNLAUGUR JÚLÍUSSON
Samband Íslenskra sveitarfélaga segir að
ef tekjuskattur og eignarskattur lækki án
breytinga á frumvarpi, muni tekjur Jöfnun-
arsjóðs sveitarfélaganna einnig lækka.
Jöfnunarsjóður sveitarfélaga:
Tekjur lækka með
lækkun skatta
LÖGREGLA Kona á fertugsaldri ók tví-
vegis á lögreglubíl á fullri ferð og
stakk síðan af síðastliðið mánudags-
kvöld. Lögreglumennirnir kenndu
eymsla í hálsi og var lögreglubíllinn
óökufær, hann var nokkuð klesstur
auk þess sem líknarbelgir í bílnum
að framan og til hliðanna blésu út.
Maður, sem er forstöðumaður
trúfélags, bað lögregluna um aðstoð
vegna konunnar sem veitti honum
eftirför rétt fyrir klukkan tíu um
kvöldið. Konan reyndi nokkrum
sinnum að keyra í veg fyrir mann-
inn en hún ásakar hann um að hafa
lagt á sig álög. Við bílastæðið hjá
heimilum eldri borgara, við Ár-
skóga í Breiðholti, kom lögreglan
þangað sem konan hafði veitt mann-
inum eftirför. Þar ók konan á lög-
reglubílinn í tvígang og stakk síðan
af en lögreglumennirnir sátu eftir í
óökufærum bílnum. Strax hófst leit
að konunni með aðstoð lögreglunn-
ar í Reykjavík. Konan skildi bílinn
eftir í Breiðholti og fannst hún rétt
fyrir miðnætti þar sem hún vitjaði
bílsins en lögreglan sat fyrir henni á
ómerktum bíl. Þótti með ólíkindum
að bíll konunnar hefði verið ökufær
eftir aðfarir hennar.
Ekki er vitað hvað konunni gekk
til en hún er ekki grunuð um að hafa
verið undir áhrifum áfengis eða
annarra vímuefna.
- hrs
LÖGREGLUBÍLLINN SKEMMDIST MIKIÐ
Konan hafði reynt að aka í veg fyrir manninn sem hún veitti eftirför áður en hún keyrði á
lögreglubílinn.
FR
ÉT
TA
B
LA
Ð
IÐ
/H
AR
I
Elti mann sem hún segir hafa lagt á sig álög:
Ók í tvígang á
lögreglubíl
RÍKISSTJÓRNARFUNDUR Í GÆR
Viðurkenndi í Kastljósi á mánudag að stuðningur við Íraksstríðið hefði ekki verið ákveðinn
á ríkisstjórnarfundi en sagði málið margrætt í ríkisstjórn, utanríkismálanefnd og á þingi.
FR
ÉT
TA
B
LA
Ð
IÐ
/G
VA
BIRGIR
ÁRMANNSSON
Stjórnarandstaðan
gagnrýndi fundar-
stjórn varaforseta
Alþingis í um-
ræðum um Írak.
■ LÖGREGLUFRÉTTIR
02-03 fréttir 7.12.2004 22:22 Page 2