Fréttablaðið - 08.12.2004, Blaðsíða 16
16
SVONA ERUM VIÐ
Tveggja vikna deilum um framkvæmd
úkraínsku forsetakosninganna er lokið
með því að hæstiréttur Úkraínu úr-
skurðaði þær ógildar vegna kosninga-
svindls.
„Mér finnst mikilvægt að þeim reglum
sem almennt eru viðurkenndar í lýð-
ræðisþjóðfélögum sé fylgt og að þær
séu virtar af þeim sem eru í framboði
hverju sinni,“ segir Jón Hákon Halldórs-
son, framkvæmdastjóri Sambands
ungra sjálfstæðismanna og aðalgagn-
rýnandi vefsins kvikmyndir.com. Hann
segir það rétta ákvörðun hæstaréttar að
fella kosningarnar niður og boða til
nýrra hafi verið sýnt fram á kosninga-
svindl.
„Múgæsing er aldrei af hinu góða en
hins vegar held ég að það sé mjög gott
að stjórnvöld hafi aðhald frá almenn-
ingi,“ segir Jón Hákon um það hvernig
almenningur þusti út á götur borga
Úkraínu til að styðja sinn frambjóðanda.
„Mér sýnist á öllu að lýðræðið sé að
virka ágætlega í Úkraínu þrátt fyrir þá
stöðu sem var komin upp vegna að-
gerða stjórnvalda, ef við gefum okkur
að fullsýnt sé fram á að þær hafi verið
óeðlilegar.“
„Mér sýnist Úkraína hafa verið á barmi
borgarastyrjaldar. Í dag sýnist mér að
réttlætið hafi náð fram að ganga,“ segir
Jón Hákon og klikkir út með því að er-
lend stórveldi megi ekki hafa of mikil
áhrif á innanríkismál einstakra ríkja og
vísar þar til þess hvernig George W.
Bush og Vladimir Putin beittu áhrifum
sínum.
JÓN HÁKON HALLDÓRSSON
Réttlætið hafði
betur
ÁSTANDIÐ Í ÚKRAÍNU
SJÓNARMIÐ
„Við erum að klára sauðfjárslátrun í
þessari viku og næstu,“ segir Hermann
Árnason, sláturhússtjóri SS á Selfossi,
en á hans bæ stendur sláturtíðin yfir í
hálft ár og hefur verið slátrað í hverri
viku allt frá lokum júlí. „Við erum aðal-
lega að slátra fyrir Danmerkurmarkað
núna en þar er rík hefð fyrir fersku
lambakjöti um þetta leyti árs, jól og ára-
mót,“ segir Hermann og bætir við að
sama máli gegni um Japansmarkað.
„Japanar eru mjög hrifnir af lamba-
hryggjum en lærin fara flest til Dan-
merkur.“
Sjálfur fær Hermann ekkert betra að
borða en lambakjöt og hefur það á
borðum oft í viku. „Ég matreiði það á
alla vegu; sýð, steiki og grilla. Ég lifi á
þessu og lambakjötið er í raun mitt
grænmeti,“ segir hann en hefðbundið
grænmeti leggur
hann sér ekki til
munns. Hermann
leggur sér vita-
skuld lambakjöt til
munns yfir hátíð-
irnar, hefur það þá
reykt og reyndar
svínahamborgar-
hrygg líka.
Annars var hann
við útskipun
sauðagæra í
Sundahöfn þegar
Fréttablaðið náði
af honum tali.
„Loksins er einhver
skriður kominn á gærusöluna eftir erfið-
leika í allt haust. Við erum að senda
núna góðan slatta til nokkurra landa;
Tyrklands, Spánar og Bandaríkjanna, svo
eitthvað sé nefnt. Ætli þetta komi svo
ekki til baka sem vesti, jakkar og pils.“
Lambakjötið er mitt grænmeti
HVAÐ ER AÐ FRÉTTA? HERMANN ÁRNASON SLÁTURHÚSSTJÓRI
8. desember 2004 MIÐVIKUDAGUR
Öruggasta öldurhús í heimi
Öryggisgæslan í kjölfar 11. september hefur fallið misvel í kramið hjá almenningi. Kráareigandi í
Berlín nýtur hins vegar góðs af eftirlitinu.
ÖRYGGISGÆSLA Mjög hefur verið
hert á allri öryggisgæslu í heimin-
um eftir hryðjuverkaárásirnar 11.
september 2001 og þykir mörgum
nóg um. Í höfuðborg Þýskalands er
ástandið orðið þannig að erfitt er að
fá sér bjór, að minnsta kosti á Wind-
horst-barnum í Mitte-hverfinu.
Nágrannar bandaríska sendi-
ráðsins á Laufásvegi hafa kvartað
sáran yfir nábýlinu við það. Götunni
hefur verið lokað í annan endann og
fólk hefur ekki aðgang að lóðum í
kringum hús sín. Öryggisráðstafan-
ir við bandarísk sendiráð eiga sér
þó eðlilegar skýringar enda hafa
þau verið skotmark hryðjuverka-
manna víða um heim. Skemmst er
að minnast árásarinnar á ræðis-
mannsskrifstofuna í Jeddah á
mánudaginn og fyrir nokkrum
árum voru sendiráð Bandaríkja-
manna í Kenýa og Tansaníu sprengd
í loft upp með þeim afleiðingum að
hundruð manna létu lífið.
Bandaríska sendiráðið í Berlín
stendur við götu í Mitte-hverfinu
en þar var áður fyrr mikil umferð.
Fyrir þremur árum var götunni
hins vegar lokað og kemst enginn
að byggingunni nema að þung-
vopnuð sveit lögreglumanna
hleypi viðkomandi inn eftir vega-
bréfsskoðun og vopnaleit. Hjól-
reiðamönnum sem leið eiga um er
gert að teyma hjólhesta sína.
Næsti nágranni sendiráðsins er
Windhorst-barinn og vill þannig til
að kráin er innan víggirðingarinnar.
Barinn var eitt sinn vinsæll á meðal
kaupsýslumanna í nágrenninu en
viðskiptin hrundu eftir 11. septem-
ber enda þótti fastakúnnunum fyrr-
verandi lítt spennandi að vera þukl-
aðir af lögreglumönnum og þurfa að
sýna vegabréf í hvert skipti sem
þeir vildu svala þorsta sínum. Leit
um tíma út fyrir að Windhorst-barn-
um yrði lokað enda kvartaði eigandi
hans, Günther Windhorst, sáran
yfir hag sínum fyrsta kastið. „Marg-
ir sem vinna í nágrenninu voru van-
ir að fá sér einn kaldan á leið sinni á
neðanjarðarlestarstöðina. Nú fara
þeir beint á stöðina,“ sagði hann í
viðtali við CBS-sjónvarpsstöðina
fyrir nokkrum misserum.
Nú hefur Günther hins vegar
snúið vörn í markaðssókn undir
slagorðinu „öruggasta öldurhús í
heimi“. Þarna getur nú fólk bergt á
miðinum í vernduðu umhverfi und-
ir gínandi vélbyssukjöftum og hafa
viðtökurnar ekki látið á sér standa.
Ferðamenn hafa flykkst á barinn og
er hann vinsælli en nokkru sinni
fyrr. sveinng@frettabladid.is
Brytinn í Menntaskólanum á Akureyri:
Magakveisan var ekki vegna pottréttar
AKUREYRI Búið er að útiloka það að
sýkingin sem olli því að um 200
nemendur í Menntaskólanum á
Akureyri fengu heiftarlega maga-
kveisu og niðurgang hafi verið
vegna pottréttar úr mötuneyti
skólans. Garðar Stefánsson, bryti
skólans, segist hafa fengið þetta
staðfest frá trúnaðarlækni skól-
ans.
„Læknirinn fullyrðir að ekki
hafi verið um matarsýkingu að
ræða,“ segir Garðar. „Þetta er auð-
vitað mikill léttir fyrir mig. Þegar
þetta kom upp leit ég það alvarleg-
um augum. Það var ég sem kallaði
eftir lækni og stóð fyrir því að
þetta yrði rannsakað. Það var því
ekki eins og ég hefði verið að
reyna að fela eitthvað.“
Tekin voru saursýni úr nem-
endum en þar sem maturinn var
búinn voru ekki tekin nein sýni úr
honum. Ekki náðist í trúnaðar-
lækninn í gær og því er enn óljóst
hvers konar sýkingu var um að
ræða.
Veikindin komu upp fyrir viku
síðan og sagði Jón Ingi Björnsson,
nemandi skólans, sem er auk þess
á heimavist hans, að ástandið hefði
verið afar slæmt. Nemendur hefðu
í tíma og ótíma þurft að hlaupa úr
tímum til að fara á klósettið. -th
VÍSITÖLUHEIMILIÐ KAUPIR FISK
FYRIR 29.298 KRÓNUR Á ÁRI
Fiskkostnaður vegur þyngra í pyngju dreif-
býlisbúa. Miðað er við verðlag frá árinu
2002.
SENDIRÁÐ BANDARÍKJANNA
VIÐ LAUFÁSVEG
Skyldu vera sóknarfæri fyrir
ferðaþjónustuna í nágrenni þess?
NEMENDUR Í MÖTUNEYTINU
Garðar Stefánsson bryti segir létti að sýkingin hafi ekki verið vegna matar úr mötuneyti
skólans.
WINDHORST-BAR
Gestir komast ekki á barinn nema að sýna skilríki og gangast undir vopnaleit.
FRÉTTAB
LAÐ
IÐ
/H
AR
I
M
YN
D
/AN
D
RÉS JÓ
N
SSO
N
JÚPÍTER RÍS VIÐ SJÓNDEILDARHRING
Hálfmáninn skyggði Júpíter í gær en
myndin er tekin í Bandaríkjunum fáeinum
mínútum eftir að reikistjarnan kom aftur í
ljós. Slíkir myrkvar eru allalgengir
16-17 (24 klst.) 7.12.2004 20:32 Page 2