Fréttablaðið - 10.12.2004, Blaðsíða 2
2 10. desember 2004 FÖSTUDAGUR
DÓMSMÁL Hæstiréttur hefur stað-
fest tveggja og hálfs árs fangelsi
yfir Þórhalli Ölveri Gunnlaugs-
syni fyrir skjalafals. Hann falsaði
þrjú bréfanna frá rótum og seldi
en hin afhenti hann fyrrverandi
sambýliskonu sinni til notkunar í
viðskiptum en hann mátti vita að
þau bréf væru fölsuð. Fölsunin
átti sér stað inni á Litla-Hrauni en
hann situr inni fyrir morð. Bréfin
falsaði hann með nafni þess sem
hann myrti.
Sjálfur segist Þórhallur hafa
afhent fyrrverandi sambýliskonu
sinni bréfin til athuga hvort hann
gæti gert kröfu í dánarbúið.
Hæstiréttur taldi háttsemi
Þórhalls svívirðilega og var það
talið honum til refsiþyngingar.
Samtals voru skuldabréfin að and-
virði rúmlega fjögurra milljón
króna. Þar af voru þrjú bréf með
fölsuðu nafni og áritunum manns-
ins sem hann réð bana og móður
fórnarlambsins, sem lést skömmu
á undan syni sínum.
Þetta er níundi refsidómur
Þórhalls og sá sjötti fyrir skjala-
fals. - hrs
ELDSVOÐI Maður sem komst út úr
brennandi húsi við Bárustíg á
Sauðárkróki á laugardag hefur
fengið réttarstöðu grunaðs
manns. Björn Mikaelsson, yfir-
lögregluþjónn á Sauðárkróki,
hefur staðfest þetta en segir það
að mestu vera formsatriði sem
gefi manninum kost á lögmanni
og að þannig geti lögreglan hag-
að yfirheyrslum öðruvísi. Björn
segir manninn ekki grunaðan
um að hafa kveikt í húsinu enda
liggi eldsupptök ekki fyrir.
Ekkert við rannsókn málsins
bendir til að maðurinn hafi farið
út um svalir á annarri hæð húss-
ins eins og talið var í fyrstu. Í
ljós hefur komið að hann var
síðastur út úr stofunni þar sem
eldurinn er talinn hafa kviknað.
Ekki er nákvæmlega vitað hvar
hann komst út úr húsinu en
nokkuð víst þykir að það hafi
verið út um aðaldyr hússins eða
bakdyr þess. Þegar lögregla og
slökkvilið komu á staðinn stóð
maðurinn sótugur fyrir utan
húsið. Hann segist ekkert muna
eftir atburðum morgunsins.
Stúlka sem stökk út um
glugga á brennandi húsinu í
fang nágranna hafði farið að
sofa um klukkan tíu um morgun-
inn. Samkvæmt heimildum
blaðsins hafði hún tekið til í
stofu hússins áður en hún fór að
sofa. Hún tók bjórdósir og ösku-
bakka og færði fram í eldhús en
þá voru hinn látni og maðurinn
sofandi í stofunni. Þetta fékkst
ekki staðfest hjá lögreglu.
Eldurinn er talinn hafa komið
upp á hálftíma til fjörtíu og
fimm mínútum því enginn eldur
var í stofunni klukkan tíu.
Reyndur rannsóknarlögreglu-
maður sem blaðið ræddi við
segir það of skamman tíma til að
svo mikill eldur geti myndast af
sígarettuglóð.
Nokkur munur er á því að
gefa skýrslu hjá lögreglu sem
vitni eða með réttarstöðu grun-
aðs manns. Refsivert er fyrir
vitni að segja ósatt frá í skýrslu-
töku en ekki fyrir þann sem hef-
ur réttarstöðu grunaðs manns.
Sá hefur líka þann kost að svara
ekki spurningum sem lagðar eru
fyrir hann.
hrs@frettabladid.is
OPEC:
Draga úr
framleiðslu
EGYPTALAND, AP OPEC, samtök olíu-
framleiðsluríkja, munu draga úr
olíuframleiðslu strax í byrjun
næsta árs til þess að koma í veg
fyrir að heimsverð á olíu lækki
meira en það hefur gert. Ahmad
Fahad Al-Ahmad, olíumálaráð-
herra Kúvæt, kynnti þetta í gær
en í dag funda olíumálaráðherrar
ríkjanna í OPEC.
Ahmad segir að full samstaða
sé innan OPEC um að draga úr
framleiðslu og líklega verði það
gert í byrjun febrúar. Fulltrúar
OPEC eru ósáttir við verðfall á
olíu, en verðið hefur lækkað um
fjórðung síðan í lok október. ■
Utanríkisráðherrar
um Úkraínu:
Friður ríki
um kosningar
STJÓRNMÁL Utanríkisráðherrar
Norður-Atlantshafsbandalagsins
lýstu ánægju
með ákvörðun
ú k r a í n s k r a
stjórnvalda um
að endurtaka
síðari umferð
forseta- kosn-
inganna 26. des-
ember. Davíð
Oddsson utan-
ríkisráðherra
sat fundinn.
Ráðherrarn-
ir hvöttu alla aðila til að stuðla að
því að kosningarnar fari frið-
samlega fram án allrar utanað-
komandi íhlutunar. Á fundi ráð-
herranna var einnig áréttað mikil-
vægi Atlantshafstengslanna og
bandalagsins sem grundvöll sam-
eiginlegra varna og vettvangs
samráðs milli Evrópu og Norður-
Ameríku um öryggismál.
- th
Skólagjöld:
Dagný sat
hjá á þingi
STJÓNRMÁL Dagný Jónsdóttir, þing-
maður Framsóknarflokksins, sat
hjá í atkvæðagreiðslu á Alþingi
þegar um-
deildu frum-
varpi sem
sagt er fela í
sér skólagjöld
í ríkisháskóla
var vísað til
þriðju um-
ræðu á þingi í
gær.
Erla Ósk
Ásgeirsdóttir,
framkvæmda-
stjóri Stúd-
e n t a r á ð s ,
segir það algera rökleysu hjá
Dagnýju að standa að áliti meiri-
hluta menntamálanefndar og
hvetja til samþykktar frumvarps-
ins en sitja sjálf hjá. Dagný segir
heilsíðuauglýsingu stúdentaráðs
dæmi um dapurlega þróun hags-
munabaráttu stúdenta.
- ás
„Ég væri að skrökva ef ég hefði
ekki grun um það.”
Knattspyrnusamband Íslands ákvað að framlengja
ekki samning við landsliðsþjálfarann Helenu
Ólafsdóttur þrátt að landsliðið hafi aðeins einu
sinni náð jafngóðum árangri, en nú án bestu leik-
manna. Helena gagnrýndi hve miklu lægra verð-
launafé væri í Landsbankadeild kvenna en karla í
sumar og fékk því breytt.
SPURNING DAGSINS
Helena, varð jafnréttisbaráttan
þér að falli?
STJÓRNMÁL Þingmenn vændu
hvern annan um ósannindi í um-
ræðum á Alþingi í gær þegar Öss-
ur Skarphéðinsson Samfylkingu
gerði að umtalsefni orð Geirs H.
Haarde fjármálaráðherra í sjón-
varpsþætti á Stöð 2. Hafði Össur
eftir Geir að hann hefði staðfest
að Framsóknarflokkurinn stæði
gegn lækkun matarskattar.
Geir H. Haarde kallaði þá fram
í: „Þetta er ósatt“. Las Geir upp úr
útprentun á ummælum sínum í
þættinum: „Nei, það er ekki hægt
að kenna neinum um.“ Athygli
vekur þó að Geir vitnaði ekki til
orða sem hann lét falla fyrr í þætt-
inum um að Framsóknarflokkur-
inn hefði viljað fara aðra leið en að
lækka matarskatt um 7%.
Dagný Jónsdóttir svaraði
Össuri og sagði rangt að Fram-
sóknarflokkurinn stæði einn í vegi
fyrir lækkun matarskattar: „Þetta
er lygi“ sagði þingmaðurinn og
fékk ákúrur fyrir orðbragð frá
Halldóri Blöndal, forseta þings.
Össur Skarphéðinsson sagði
Dagnýju vera tvísaga. „Í seinni
ræðu hennar kom fram svart á
hvítu að 5 miljarða lækkun matar-
reiknings heimilanna er ekki
forgangsmál hjá Framsóknar-
flokknum.“ - ás
ÞÓRHALLUR ÖLVER
Dæmdur fyrir skjalafals sem hann framdi
á Litla-Hrauni.
FR
ÉT
TA
B
LA
Ð
IÐ
/H
IL
M
AR
VIÐ BÁRUSTÍG
Stúlkan sem komst út um glugga á brennandi húsinu fór að sofa klukkan tíu um morgun-
inn. Eldurinn hefur því kviknað á 45 mínútum.
M
yn
d/
sk
ag
af
jo
rd
ur
.c
om
Þórhallur Ölver dæmdur í tveggja og hálfs árs fangelsi:
Falsaði skuldabréf í
nafni fórnarlambs síns
Fór ekki niður af
svölum hússins
Maður sem komst út úr brennandi húsi á Sauðárkróki á laugardag hef-
ur fengið réttarstöðu grunaðs manns. Rannsókn hefur leitt í ljós að
maðurinn fór ekki niður af svölum hússins eins og áður var talið.
Bankamenn semja:
Gjaldkeri fái
um 40.000
KJARAMÁL Laun bankamanna
hækka um fimmtán til nítján pró-
sent samkvæmt nýundirrituðum
kjarasamningi Sambandi banka-
manna og Samtaka atvinnulífsins.
Ríkisútvarpið greindi frá því
að laun gjaldkera sem hafi verið
með 170 þúsund í mánaðarlaun
hækki um 40 þúsund krónur á
samningstímanum, eða um ríflega
23 prósent. Laun þjónustufulltrúa
sem hafi verið með 210 þúsund
hækki einnig um 40 þúsund sem
eru nítján prósent.
Samningstíminn er til 1. októ-
ber 2008. - gag
GEIR HAARDE
Ásakanir um ósannindi gengu á víxl og voru menn sakaðir um að vera tvísaga.
Deilt um matarskatt:
Lygabrigsl ganga á víxl í þingsölum
Afstaða til spillingar:
Stjórnmála-
flokkar verstir
KÖNNUN Stjórnmálaflokkar eru
taldir undir mestum áhrifum
spillingar hér á landi í árlegri
könnun Gallup um afstöðu til
spillingar.
Flokkarnir fengu einkunnina
3,1 af fimm mögulegum, þar sem
fimm vísar til mjög mikillar spill-
ingar en einn í enga. Í öðru sæti er
einkageirinn í viðskiptum með
einkunnina þrjá og fjölmiðlarnir í
því þriðja með 2,9.
Stjórnmálaflokkar eru helst
taldir undir áhrifum spillingar í
36 löndum af 62 samkvæmt könn-
un fyrirtækjanna á alþjóðavísu og
fá fjóra í einkunn. - gag
DAGNÝ
JÓNSDÓTTIR
Stúdentaráð gagnrýnir
Dagnýju harðlega.
DAVÍÐ ODDSSON
Utanríkisráðherra sat
fundinn í Brussel.
02-03 9.12.2004 21:04 Page 2