Fréttablaðið - 10.12.2004, Blaðsíða 24

24
„Ég hlakka til jólanna eins og ég hef gert
alla mína ævi,“ segir Hákon Aðalsteins-
son, skógarbóndi með meiru, á Brekku-
gerðishúsum í Fljótsdal. „Ég trúi að ég fái
þónokkra pakka, jafnvel harða pakka svo
ég er mjög sáttur við þetta allt saman.“
Hákon hefur aldrei farið dult með andúð
sína á virkjanaframkvæmdum og álvers-
byggingu eystra en allt er þar nú undir-
lagt þessi misserin. „Hér eru miklar fram-
kvæmdir og mikið um að vera, bæði inni
á hálendinu og svo er allt að fara í gang
niður á Reyðarfirði. Hér í Fljótsdalnum er
verið að undirbúa línustæði og fleira
þannig að þar eru mikil umsvif og líf í
ölllu.“ Ekki hefur dregið úr óánægju Há-
konar með umrótið með tímanum,
kannski þvert á móti. „Enn er mörgum
spurningum ósvarað fyrir utan að við vit-
um eiginlega ekkert hvað þetta kostar á
endanum.“ Hann gefur lítið fyrir þær tekj-
ur sem Fljótsdælingar munu hafa af
framkvæmdunum, segir þær verða lægri
en heyrst hefur. „Það er lækkun í hafi
eins og þar stendur. Auðvitað skila svona
framkvæmdir einhverju meðan á þeim
stendur en síðan dettur það niður líkt og
þegar Kröfluvirkjun var búin þá lagðist
Húsavík af.“ Hann trúir ekki fullyrðingum
manna um að framkvæmdirnar hafi eng-
in áhrif á dýralíf, ekki einu sinni nýlegum
niðurstöðum fræðimanna um að áhrifin
á fuglalífið verði engin. „Ég trúi þessu
ekki því ég þekki þetta svæði alveg
hreint út og inn. Verðmæt svæði fyrir
dýrin fara undir lón og auðvitað hefur
það áhrif.“
Hákon leiðsagði hreindýraskyttum um
hálendið meðan á veiðitímabilinu stóð
frá ágústbyrjun og fram í miðjan septem-
ber. Hann veit ekki hvað mörg dýr voru
felld undir hans leiðsögn en þau skipta
tugum. Sjálfur er hann hættur að skjóta
hreindýr og hefur reyndar hætt ölllum
skotveiðum. „Ég nenni þessu ekki lengur.
Maður var með byssuna alla tíð á lofti frá
því að maður var fjórtán, fimmtán ára en
svo eltist þetta af manni.“ Enga nýja vísu
átti Hákon að þessu sinni enda hafði
hann ekki ort neitt um hríð þegar Frétta-
blaðið hafði samband. „Það er ágætt fyrir
þjóðina að fá hvíld frá því svona annað
slagið,“ sagði skógarbóndinn, leiðsögu-
maðurinn og hagyrðingurinn Hákon.
Trúi að ég fái þónokkra pakka
HVAÐ ER AÐ FRÉTTA? HÁKON AÐALSTEINSSON SKÓGARBÓNDI
10. desember 2004 FÖSTUDAGUR
Fékk verðlaun ársins hjá Mattel
Íslenska fyrirtækið 3-Plus fékk verðlaun ársins hjá Mattel, stærsta leikfangafyrirtæki í heimi. 3-Plus
framleiðir og markaðssetur þroskaleikfang á vegum Fisher Price í Bandaríkjunum og Evrópu.
VIÐSKIPTI Fyrirtækið 3-Plus hf.
fékk verðlaun ársins hjá Mattel,
sem er stærsta leikfangafyrir-
tæki í heimi. Fyrirtækið hefur
hannað og þróað leiktækið dvd-
kids og InteracTV ásamt gagn-
virkum fræðsluleikjum. Mattel
á og rekur Fisher Price, sem sel-
ur, markaðssetur og dreifir
InteracTV í öllum enskumæl-
andi löndum.
Árlega koma á markað yfir
200 nýjungar í leikföngum frá
Mattel og hlaut InteracTV frá 3-
Plus heiðursverðlaunin í ár. Jó-
hannes Þórðarson, markaðs- og
þróunarstjóri 3-Plus, segir að
þetta sé mikill heiður og um leið
viðurkenning á því að 3-Plus sé
á réttri leið. Samstarfið við Fis-
her Price sé gott og hafi tæki
fyrirtækisins verið á lista yfir
mest seldu vörur Fisher Price í
Wal-Mart og Toys „r“ Us frá því
vörurnar fóru á markað í sept-
ember. „Næst þegar við komum
með nýjar vörur til þeirra er
horft á það allt öðrum augum en
ef við værum að byrja,“ segir
hann.
3-Plus hefur á síðustu fjórum
árum hannað og þróað þráðlaust
leiktæki sem breytir venjuleg-
um DVD-spilara í leikjavél.
Tækið er skilgreint sem þroska-
leikfang og er það notað með
sérhönnuðum DVD-diskum og
stýrispjöldum. Þegar hafa verið
framleiddir 14 leikir sem byggð-
ir eru á þekktum sögupersónum
á átta tungumálum. Á næsta ári
verða kynntar þrjár nýjar vörur
en áætlað er að gefa út 12-14
leiki fyrir Evrópu. Í undirbún-
ingi er svo dreifing í Asíu.
3-Plus var stofnað árið 1999.
Hluthafar eru á þriðja tug og
starfsmenn 12. Aðalskrifstofur
fyrirtækisins eru í Reykjavík en
fyrirtækið er einnig með skrif-
stofur í Frakklandi og Dan-
mörku. Framleiðsla fer fram í
Asíu. ghs@frettabladid.is
FÉKK VERÐLAUN ÁRSINS
Fyrirtækið 3-Plus fékk verð-
laun fyrir að þróa, framleiða
og markaðssetja þráðlausa
leikjavél sem jafnframt er
þroskaleikfang.
HVERGI BANGNIR
Það dugar ekki að vera lofthræddur þegar
kemur að því að skoða stólalyftuna við
Walchensee í þýsku Ölpunum eins og
þessir menn gerðu í blíðunni í gær.
M
YN
D
A
P
24-25 (24 klst) 9.12.2004 18:19 Page 2