Fréttablaðið - 10.12.2004, Blaðsíða 73

53FÖSTUDAGUR 10. desember 2004
Íslenska hljómsveitin Manhattan
varð til fyrr á þessu ári. Að henni
stendur meðal annarra Búi Bendt-
sen sem gat sér gott orð sem gítar-
leikari hjá rokksveitinni Fídel.
Þó að líftími Manhattan sé ekki
nema rúmlega hálft ár, er sveitin
strax farin að láta vel að sér kveða
og er þessi sjálftitlaði diskur, sem
gefin er út af MSK, plötufyrirtæki
í eigu rokksveitarinnar Mínus,
ágætis forsmekkur af því sem
koma skal.
Hér er um að ræða „demó“ sem
tekið er upp lifandi og ekkert verið
að hafa óþarfa áhyggjur af ein-
hverri fínpússun. Ef undanskilið er
fyrsta lagið, Precious Time, þar
sem söngurinn er fullflatur og ekki
nógu vel frágenginn, þá er eiguleg-
asti gripur hér á ferðinni. Búi býr
yfir afar sérstakri rödd sem hentar
þessari tegund tónlistar sérlega vel
og bera lagasmíðarnar þess engan
veginn merki að hér séu á ferðinni
fyrstu skref nýstofnaðrar sveitar.
The Fun Machine, sem notið hefur
töluverðra vinsælda á X-inu, er
gott dæmi um styrk Manhattan. Í
því er afar smekklega að verki
staðið og fannst mér gítarleikur
Búa og Helga Stef sérstaklega
spennandi. Ekki á allra færi að ná
þeim sérstæða hljómi sem þeir fé-
lagar búa yfir.
Tilraunamennskan er í fyrir-
rúmi á seinni hluta disksins. Opus 1
sker sig t.a.m. talsvert úr því sem
er í gangi hjá Manhattan og sýnir
að hljómsveitinni er margt til lista
lagt þegar kemur að lagasmíði. En
eins og áður sagði er þetta ein-
göngu smá blóðbragð af steikinni
sem verður í boði þegar Manhattan
stígur næsta skref og býr til sína
fyrstu breiðskífu. Smári Jósepsson
Blóðbragð af steikinni
MANHATTAN
NIÐURSTAÐA: Þessi þröngskífa er eingöngu
smá blóðbragð af steikinni sem verður í boði
þegar Manhattan stígur næsta skref og býr til
sína fyrstu breiðskífu.
[ TÓNLIST ]
UMFJÖLLUN
Yfirvöld í New York
ætla ekki að ákæra
rokksveitina U2 fyrir að
brjóta umferðarlög þar
í borg. Hljómsveitin ók
opnum vöruflutningabíl
í gegnum borgina til að
kynna nýjustu plötu
sína, How to Dismantle
an Atomic Bomb, fyrir
skömmu. Spilaði hún
síðan fyrir borgarbúa.
Svo virðist sem
Michael Bloomberg, borgarstjóri í
New York, hafi ekki viljað kæra
sveitina enda er hún afar vinsæl
þar í borg eftir tónleika sína
skömmu eftir hryðjuverkarárásina
11.september 2001. „Allir frestuðu
tónleikaferðum
sínum eftir 11.
september en við
gerðum það ekki.
Við vorum fyrsta
hljómsveitin sem
spilaði í New
York eftir árás-
irnar og það
virðist hafa fall-
ið í kramið í
„Stóra eplinu“,“
sagði Bono
söngvari U2. „Yfirvöld hefðu í raun
átt að banna okkur að spila en
Bloomberg borgarstjóri skildi
hversu mikils metnir við erum í
borginni og ákvað að veita okkur
undanþágu,“ sagði hann. ■
■ TÓNLIST
U2 sleppur við ákæru
BONO Bono og félagar í U2 héldu
tónleika í New York-borg á dögunum.
KIRI TE KANAWA Söngkonan Kiri Te
Kanawa vakti mikla lukku hér á landi á
síðasta ári með tónleikum sínum.
Miðasla á
Kiri hefst
Forsala á tónleika söngkonunnar
Kiri Te Kanawa, sem verða haldn-
ir í Háskólabíói 5. október á næsta
ári, hefst í dag. Kiri hélt sína
fyrstu tónleika hér á landi í nóv-
ember í fyrra við góðar undirtekt-
ir. Eftir þá óskaði hún eftir því að
halda aðra tónleika sem allra
fyrst.
Kiri hefur tvisvar komið til Ís-
lands til að veiða á þessu ári og
gerir ráð fyrir að vera hér með
jöfnu millibili fram að tóneikun-
um. Á ferðum sínum hingað til
lands hefur hún m.a. tekið söngv-
ara frá Söngskólanum í Reykjavík
á einkanámskeið án þess að þiggja
krónu fyrir. Miðsalan hefst í dag
klukkan 10.00 á concert.is. og í
síma 511 2255. ■
DJ DINO DJ Dino heldur uppi stuðinu á
Nasa í kvöld. DJ Margeir hitar upp.
DJ Dino
á Nasa
Plötusnúðurinn DJ Dino, sem er
með þeim þekktari í heiminum,
mun skemmta á Nasa í kvöld
ásamt DJ Margeiri sem hitar upp.
DJ Dino var einn helsti frum-
kvöðull Italo-House tónlistarinnar
en í seinni tíð hefur hann fetað
ótroðnari slóðir í House-stefn-
unni. Dino hefur m.a. átt smelli á
borð við Belo Horizonte, unnið
með Wu-Tang Clan og gert tónlist
fyrir Playstation. Forsala miða á
stuðið í kvöld fer fram í búðunum
Motor og Ósóma. ■
72-73 (52-53) fólk 9.12.2004 18:24 Page 3