Fréttablaðið - 10.12.2004, Blaðsíða 74
54 10. desember 2004 FÖSTUDAGUR
Nemendur í Listaháskóla Ís-
lands og Háskólanum í Reykja-
vík hafa undanfarnar fimm
vikur sótt námskeið nemenda í
Hönnunar- og arkitektúrdeild
Listaháskólans og viðskiptadeild
Háskólans í Reykjavík. Mark-
miðið með námskeiðinu var að
byggja brú á milli viðskipta ann-
ars vegar og lista og hönnunar
hins vegar. Hópunum var bland-
að saman og lærðu því nemar í
hönnun sitthvað um markaðsmál
á meðan að nemar í viðskipta-
fræðum kynntust undirstöðu-
atriðum vöru- og auglýsinga-
hönnunar. Námskeiðið var kennt
af kennurum beggja skóla og
gestum úr atvinnulífinu.
„Verkefnið er samstarfsverk-
efni á milli skólanna og unnu
krakkarnir að því að hanna og búa
til prótótýpur, útbjuggu markaðs-
plan og gerðu auglýsingar fyrir
viðkomandi vöru. Þetta er fimm
vikna verkefni og það eru nem-
endur á öðru ári sem taka þátt.
Það er mikilvægt fyrir krakkana
að vinna saman og kynnast hvern
öðrum. Þarna þurfa þau að kafa
ofan í aðra hluti en þau gera
venjulega og tóku nemendur
beggja skólanna virkan þátt í
námskeiðinu,“ sagði Sigríður
Sigurjónsdóttir kennari í Vöru-
hönnun í LHÍ.
Um helgina verður svo sýning í
Hafnarhúsinu þar sem nemendur
sýna afrakstur námskeiðsins.
Þarna má sjá ýmsar skemmti-
legar hugmyndir frá nemendun-
um eins og nýja gerð húsa sem er
hentug fyrir stækkandi fjölskyld-
ur, leikvöll fyrir fullorðna,
straujárn fyrir karlmenn, vel-
líðunargleraugu, handhægt próf
til notkunar við skyndikynni til
þess að kanna kynsjúkdóma,
bangsa sem veitir hita, nudd og
almenna vellíðan og samvisku-
debetkort sem breytir um lit eftir
stöðu reiknings.
Hópurinn sem hannaði vel-
líðunargleraugun hannaði þau í
þeim tilgangi að finna lausn á síð-
degisþreytu sem oft lætur á sér
kræla nú í svartasta skamm-
deginu. Gleraugun virka þannig
að á örmunum eru ljós sem lýsa á
augun frá hliðunum. „Þegar farið
er að rökkva á kvöldin og á
morgnana lýsa gleraugun upp
skammdegið. Þetta er aðferð sem
hefur líka verið notuð við þung-
lyndi og ljósið hefur áhrif á efna-
sambönd í líkamanum. Gleraug-
un eru líka mjög flott og þægileg
og þetta er því vara sem allir
ættu að geta hugsað sér að eiga,“
segir Ólafur Freyr Halldórsson
nemandi í þrívíðri hönnun í Lista-
háskóla Íslands.
hilda@frettabladid.is
LISTASAFN REYKJAVÍKUR: NEMENDUR HR OG LHÍ SÝNA AFRAKSTUR FIMM VIKNA SAMSTARFSNÁMSKEIÐS
Markaður og form í Hafnarhúsinu
Vellíðunargleraugu vinna á síðdegisþreytu.
SÝNINGIN „MARKAÐUR OG FORM“ Í HAFNARHÚSINU Nemendur á öðru ári í Háskólanum í Reykjavík og Listaháskóla Íslands sýna afrakstur fimm vikna námskeiðs um helgina.
ADOPT A SHEEP Ættleiðing kinda.
STRAUJÁRN FYRIR KARLMENN Karlar
strauja líka. SEXAM Handhægt kynsjúkdómapróf.
74-75 (54-55) fólk 9.12.2004 20:08 Page 2