Fréttablaðið - 12.12.2004, Blaðsíða 2
2 12. desember 2004 SUNNUDAGUR
VÍNARBORG, AP „Ekki leikur nokkur
vafi á því að veikindi Júsjenkós
stafa af díoxíneitrun,“ sagði Mich-
ael Zimpfer, læknir og yfirmaður
Rudolfinerhaus-sjúkrahússins í
Vínarborg, í gær.
Viktor Júsjenkó, forsetafram-
bjóðandi og leiðtogi stjórnarand-
stöðunnar í Úkraínu, hefur
þráfaldlega sakað stjórnvöld í
Úkraínu um að hafa reynt að eitra
fyrir sér í aðdraganda forseta-
kosninganna sem voru haldnar
fyrir þremur vikum.
Í rannsóknum sem gerðar voru
í Austurríki á föstudaginn hafa
fundist greinileg merki um eitr-
un, segir Zimpfer. „Okkur grunar
að utanaðkomandi aðili hafi átt
hlut að máli, en getum ekki svarað
því hver eldaði hvað eða hver var
með honum þegar hann mataðist,“
segir Zimpfer. Díoxínmagnið í
blóð- og vefjasýni úr Júsjenkó
mældist þúsund sinnum meira en
eðlilegt má teljast. „Það er mjög
auðvelt að koma þessu magni
fyrir í súpu.“
Jújsjenkó veiktist fyrst í sept-
ember og var þá fluttur með hraði
til Vínarborgar. Hann hélt fljót-
lega aftur til Úkraínu en greini-
lega mátti sjá breytingar á útliti
hans eftir veikindin.
Zimpfer tók fram að Júsjenkó
hefði náð sér að fullu og eitrunin
myndi ekki hafa nein varanleg
eftirköst. ■
Fjármálastofnanir
vísa á skattaskjól
Fyrirtæki eru stofnuð í skattaparadísum til að koma tekjum undan skatti hér
á landi. Fjármálastofnanir ráðleggja mönnum hvernig vista megi fé utan seil-
ingar skattayfirvalda. Dæmi eru um að slík þjónusta sé auglýst.
SKATTSVIK Mörg dæmi eru um það
hér á landi að stofnuð séu fyrir-
tæki í erlendum skattaparadísum
til að koma tekjum einstaklinga
og fyrirtækja undan skatti hér á
landi. Í úttekt á umfangi
skattsvika, sem nefnd á vegum
Alþingis gerði, kemur í ljós að ís-
lenskir bankar hafi liðsinnt félög-
um og einstaklingum í viðskiptum
við lönd með vafasamar skatta-
reglur.
Skúli Eggert Þórðarsson, skatt-
rannsóknarstjóri ríkisins, sem sat
í nefndinni, segir að undanskot
sem þessi séu helsta áhyggjuefni
skattayfirvalda um þessar mund-
ir. Þessi þróun hófst með auknum
fjármálaviðskiptum milli landa í
kjölfar aukins fjármálafrelsis.
Nefndin áætlar að ríki og sveit-
arfélög hafi tapað um þrjátíu
milljörðum króna á síðasta ári
vegna skattsvika. Þessi upphæð
er um 1,5 til 8,5 prósent af heild-
artekjum hins opinbera. Undan-
skot þar sem fé er flutt úr landi
nema um fimmtán til tuttugu pró-
sentum af öllum skattsvikum, að
mati nefndarinnar.
Í skýrslunni segir að það virð-
ist þykja sjálfsagt að fjármálaráð-
gjafar veiti aðstoð sem beinlínis
miði að því að komast undan eðli-
legri skattlagningu. Ráðgjafar og
jafnvel fjármálastofnanir sérhæfi
sig í að ráðleggja mönnum hvern-
ig vista eigi fé utan seilingar
skattayfirvalda. Þess séu dæmi að
slík starfsemi sé auglýst.
Þá segir í skýrslunni að dæmi
séu um skipulegt skattamisferli
þar sem stjórnendur stórfyrir-
tækja hafi sett á svið viðskipti í
þeim tilgangi einum að komast
undan skattgreiðslum.
Skúli Eggert Þórðarson skatt-
rannsóknarstjóri segir að nefndin
hafi lagt fram fjölmargar tillögur
til úrbóta, meðal annars að banka-
stofnunum verði gert skylt að
gefa upplýsingar um fjármála-
flutninga til skattayfirvalda.
Einnig þurfi að endurskoða
hvernig koma megi skattsvika-
málum fyrir dómstóla en nú lýkur
flestum skattabrotum í kyrrþey.
Geir H. Haarde fjármálaráð-
herra segir að það hafi verið
stefna stjórnvalda að opna fjár-
málaheiminn gagnvart útlöndum.
En með því hafi hugmyndin ekki
verið sú að færa mönnum nýjar
leiðir til þess að koma tekjum und-
an skatti. „Okkar verkefni er að
reyna að koma í veg fyrir þetta,“
segir Geir. ghg@frettabladid.is
Sjálfstæðisflokkur:
Samúð með
Þórólfi
SKOÐANAKÖNNUN Borgarstjórnar-
flokkur sjálfstæðismanna fengi
tæp 41 prósent atkvæða og sex
borgarfulltrúa ef kosið yrði nú,
samkvæmt könnun sem birtist í
Fréttablaðinu í gær. Guðlaugur
Þór Þórðarson segir niðurstöðu
könnunarinnar vera í samræmi
við aðra könnun sem Gallup
gerði á svipuðum tíma. „Manni
virðist að það hafi verið nokkuð
mikil samúð með Þórólfi þegar
þetta var tekið. Borgarstjórnar-
flokkur Sjálfstæðisflokks
mælist þarna betur en í þinginu.
Það breytir því ekki að þetta er
eitthvað sem við sættum okkur
ekki við og ætlum að reyna að
gera betur í næstu kosningum.“
Þá segir hann dræmt fylgi
Framsóknar hljóta að skrifast á
Alfreð Þorsteinsson. „En það er
ekki sanngjarnt að skella öllu
klúðrinu í Orkuveitunni á hann.
Samfylkingin hefur átt mjög
stóran þátt í því líka.“ - ss
Kópavogur:
Óvíst með
bæjarstjóra
SVEITARSTJÓRNARMÁL Framsóknar-
menn og sjálfstæðismenn í Kópa-
vogi hófu í gær viðræður um hver
taki við starfi bæjarstjóra í kjöl-
far andláts Sigurð-
ar Geirdal.
Hansína Ásta
Björgvinsdótt ir,
oddviti framsókn-
armanna í bænum,
og Gunnar I. Birg-
isson, oddviti sjálf-
s t æ ð i s m a n n a ,
hittust á formlegum fundi en ætla
nú að ræða við eigin flokksmenn
um framhaldið. Hansína segir
ekki ljóst hvenær niðurstaða fáist
en Gunnar telur að það verði í
þessari viku.
Samkvæmt samningi sem
flokkarnir tveir gerðu við upphaf
kjörtímabilsins mun Gunnar I.
Birgisson taka við bæjarstjóra-
starfinu 1. júní næstkomandi. - ghg
Framsóknarflokkur:
Segjast eiga
töluvert inni
SKOÐANAKÖNNUN Framsóknarflokk-
urinn mælist með rúmlega fjög-
urra prósenta fylgi í borginni
samkvæmt skoðanakönnun sem
birtist í Fréttablaðinu í gær. „Það
er tvennt í þessu,“ segir Alfreð
Þorsteinsson. „Það er staðfest að
Sjálfstæðisflokkurinn er fastur í
þessu 40 prósenta fylgi. Hitt vekur
líka athygli að Framsókn nýtur
ekki mikils fylgis. Framsókn hefur
ekki staðið sig vel í skoðanakönn-
unum almennt. Framsókn á því
töluvert inni þegar komið er út í
kosningar. Þarna er gert ráð fyrir
að flokkarnir bjóði fram hver í
sínu lagi. Ég á frekar von á því að
R-listinn haldi áfram.“ - ss
Alfreð Þorsteinsson sagði í Fréttablaðinu í gær að
Lína.net hefði verið eina viðfangsefni hans í pólitík.
SPURNING DAGSINS
Guðlaugur, um hvað ætlar þú
nú að tala?
VIKTOR JÚSJENKÓ
Júsjenkó gengur inn á sjúkrahús í Austurríki á föstudaginn, þar sem rannsóknir staðfestu
að eitrað hefði verið fyrir honum. Myndin vinstra megin var tekin í júlí, hin myndin á
föstudaginn var.
FR
ÉT
TA
B
LA
Ð
IÐ
/A
P
Austurrískir læknar:
Eitrað var fyrir Júsjenkó
„Af nógu er að taka eins og alltaf. En
Alfreð Þorsteinsson og R-listinn losna
ekki undan því að útskýra hvernig
fjármunum hefur verið sólundað
í Línu.net og tengd ævintýri.“
PENINGUM LAUMAÐ Í VASANN
Mörg dæmi eru um það hér á landi að stofnuð séu fyrirtæki í erlendum skattaparadísum
til að koma tekjum einstaklinga og fyrirtækja undan skatti hér á landi.
Bernard Kerik biður Bush afsökunar:
Hafnar embætti
heimavarnaráðherra
WASHINGTON, AP Bernard Kerik,
sem átti að taka við embætti
heimavarnaráðherra Bandaríkj-
anna, dró sig til baka eftir að
hann komst að því að barnfóstra
sem hafði starfað hjá honum
gæti verið ólöglegur innflytj-
andi í Bandaríkjunum.
Kerik sendi George W. Bush
Bandaríkjaforseta afsökunar-
beiðni í gær, en sagðist ekki
geta látið persónuleg málefni
„draga athyglina frá heima-
varnaráðuneytinu og mikilvæg-
um verkefnum þess“.
Kerik var lögreglustjóri í
New York þegar flugræningjar
réðust á Tvíburaturnana árið
2001. Hann hefur undanfarið
starfað við að byggja upp lög-
reglusveitir í Írak.
Rudolph Giuliani, fyrrver-
andi borgarstjóri í New York og
náinn vinur Keriks, sagði Kerik
ekki eiga neins annars úrkosta
en að hafna embættinu.
„Í hvert skipti sem málefni
innflytjenda skytu upp kollinum
myndi þetta valda vandræðum,“
sagði Giuliani.
Embætti heimavarnaráð-
herra fer meðal annars yfir-
stjórn innflytjenda- og
tollamála. ■
Rúðubrot:
Brá hnífi að
hálsi sínum
LÖGREGLA Lögreglan í Reykjavík
fékk tilkynningu aðfaranótt laug-
ardags um mann sem brotið hafði
rúðu í versluninni Ég og þú á
Laugavegi 48.
Maðurinn flúði þegar lögregl-
an kom á staðinn en fannst í garði
stutt frá. Þegar átti að handsama
manninn brá hann hnífi að hálsi
sínum í tilraun til sjálfsvígs en
hlaut aðeins smávægileg sár af
þar sem lögregla gat stöðvað
hann.
Maðurinn var í kjölfarið færð-
ur á slysadeild Landspítala - há-
skólasjúkrahúss þar sem hlúð var
að honum og því næst færður á
lögreglustöðina í Reykjavík og
gisti fangageymslu um nóttina.
Hann var yfirheyrður í gær og
málið er talið upplýst. ■
GUNNAR I.
BIRGISSON
BERNARD KERIK
Hætti við að taka
við embætti heima-
varnaráðherra
Bandaríkjanna.