Fréttablaðið - 12.12.2004, Blaðsíða 8

8 12. desember 2004 SUNNUDAGUR
RANA SÍJAM JARÐSUNGIN
Palestínsk móðir syrgir þegar sjö ára dóttir
hennar, Rana Síjam, var í gær jarðsungin í
flóttamannabúðunum Kan Júnis á Gaza-
strönd. Stúlkan féll fyrir skoti frá ísraelsk-
um hermanni á föstudaginn.
Héraðsdómur Reykjaness:
15 mánaða fangelsi
fyrir margvísleg brot
DÓMSMÁL Maður á þrítugsaldri var
dæmdur í 15 mánaða fangelsi
fyrir fíkniefnalagabrot, tilraun til
fjársvika og fjársvik, þjófnað,
hylmingar og vopnalagabrot. Það
var Héraðsdómur Reykjaness
sem kvað upp dóminn.
Maðurinn var dæmdur fyrir
fjársvik, fyrir að hafa í sumar
svikið út leikjatölvu og heimabíó í
verslun. Þá framvísaði hann án
heimildar debetkorti starfs-
mannafélags Hafrannsóknastofn-
unarinnar.
Enn fremur var hann dæmdur
fyrir að hafa stolið 50.000 krónum
af reikningi starfsmannafélags
Hafrannsóknastofnunarinnar
með því að nota debertkortið í
fjórum hraðbönkum. Einnig not-
aði hann kortið til bensínkaupa.
Maðurinn braut vopnalög þar
sem hann átti loftbyssu án tilskil-
ins leyfis og hafði í vörslu sinni
tvö bitvopn með 15 og 20 sentí-
metra blöðum. Þá reyndist hann
vera með mikið af munum á heim-
ili sínu sem stolið hafði verið í
innbrotum í heimahús.
Auk fangelsisdómsins var
maðurinn dæmdur til að greiða
70.000 króna málsvarnarlaun og
53.000 krónur í bætur til starfs-
mannafélags Hafrannsóknastofn-
unarinnar. ■
RÁÐHERRA HÆTTIR Ernst
Strasser hefur sagt af sér
embætti innanríkisráðherra
Austurríkis og segist vilja
snúa aftur út í atvinnulífið.
Strasser hefur sætt harðri
gagnrýni mannréttindasam-
taka fyrir breytingar á því
hvernig tekið er á móti hælis-
leitendum, en nýlega lagði
hann til að ferðafrelsi hælis-
leitenda yrði takmarkað.
KOMMÚNISTAR SKOTNIR Tyrk-
neskir hermenn skutu tvo her-
skáa vinstrimenn til bana.
Mennirnir voru grunaðir um
að hafa gert tilraun til að ráða
tyrkneskan herforingja af dög-
um fyrir þremur árum síðan.
Mennirnir voru félagar í
maóískum kommúnistaflokki.
■ EVRÓPA
Jólagjafahandbókin
er happdrættismiði!
Vinningar dregnir út á hverjum degi.
Vinningsnúmerin birtast
á forsíðu Fréttablaðsins.
107.897 Akureyringar
hafna háhýsi
Um 60 prósent Akureyringa eru andvíg áformum um byggingu tólf hæða fjölbýlis-
húss á milli Glerártorgs og gamla miðbæjarins samkvæmt viðhorfskönnun.
UMHVERFISMÁLVerktakafyrirtækið
SS Byggir á Akureyri hyggst
reisa tólf hæða fjölbýlishús, með
þrjátú og sex íbúðum fyrir aldr-
aða, á lóð sem kennd er við húsið
Baldurshaga. Tæplega 1.700 Ak-
ureyringar hafa undirritað yfir-
lýsingu þar sem lýst er yfir and-
stöðu við byggingu hússins.
Í könnun sem IMG Gallup á
Akureyri framkvæmdi að eigin
frumkvæði kemur fram að rúm-
lega sextíu prósent þeirra sem af-
stöðu tóku, á aldrinum 16 til 75
ára, var andvígur byggingar-
áformunum. Tæplega 25 prósent
voru hlynnt og rúmlega tólf pró-
sent sögðust hvorki hlynnt né and-
víg.
Þegar þeir sem sögðust andvígir
byggingunni voru spurðir hvort
þeir yrðu minna, meira eða jafn
andvígir ef byggingin yrði aðeins
fjórar til sjö hæðir sögðust 47 pró-
sent þeirra verða minna andvíg en
51 prósent sögðu það ekki breyta af-
stöðu sinni. Tæp tvö prósent sögð-
ust verða meira andvíg.
Logi Már Einarsson, hjá arki-
tektastofunni Kollgátu á Akur-
eyri, er hönnuður hússins og að
hans mati segja niðurstöður könn-
unarinnar ekki mikið. „Ég geri
ráð fyrir að þessum 38 prósentum
sem kjósa að svara ekki standi
nokkuð á sama hvort byggingin
rísi. Þegar rýnt er nánar í tölurn-
ar kemur í ljós að einungis 167
einstaklingar, úr 884 manna úr-
taki, eru alfarið andvígir bygging-
um við Baldurshaga eða 19 pró-
sent. Ég er hins vegar afskaplega
sáttur við að umræða um bygg-
inguna er komin í gang en ég mun
ekki láta þessa könnun eyðileggja
fyrir mér jólin,“ sagði Logi Már.
Þóra Ákadóttir, forseti bæjar-
stjórnar Akureyrar, sagði í sam-
tali við Fréttablaðið að líklega
yrði fjallað um málið á fundi bæj-
arstjórnar næstkomandi þriðju-
dag. „Ég geri ráð fyrir að þetta
hátt hlutfall þeirra sem andvígir
eru hafi áhrif á afstöðu bæjar-
stjórnar, án þess að ég vilji þó
fullyrða hver niðurstaðan verður.
Þetta er það stórt mál að við verð-
um að vanda okkur og hlusta á
fólkið í bænum,“ sagði Þóra.
Könnunin var gerð dagana 21.
september til 7. október. Úrtakið
var 884 íbúar á Akureyri og svar-
hlutfallið 62 prósent.
kk@frettabladid.is
Framkvæmdastjóri kirkjuráðs þjóðkirkjunnar:
Fasteignagjöld yrðu enn ein
skerðing á tekjum kirkjunnar
SVEITARSTJÓRNARMÁL Verði kirkjum
gert að greiða fasteignagjöld kemur
það væntanlega í hlut þeirra rúm-
lega 280 safnaða að greiða þau, seg-
ir Guðmundur Þór Guðmundsson,
framkvæmdastjóri kirkjuráðs þjóð-
kirkjunnar.
Guðmundur segir að verði af
gjaldtökunni sé það sanngirnismál
að kirkjur landsins fái hærri fjár-
framlög. Kirkjan muni kanna stöðu
sína:
„Það má ekki gleyma því að ríkið
skerti sóknargjöldin varanlega í
fyrra um sjö prósent. Það var þung-
bær skerðing fyrir marga söfnuði.
Komi þetta til viðbótar er það
áhyggjuefni og visst áfall, sérstak-
lega þar sem kirkjur eru oft stór
mannvirki.“
Fasteignagjöld eru greidd eftir
verðmati eigna og hefur tekju-
stofnanefnd sveitarfélaga og ríkis-
ins náð samkomulagi um slíkar
greiðslur.
Magnús Axelsson, forstöðumað-
ur safnaðarráðs Fríkirkjunnar, segir
fjárhæð fasteignagjalda sennilega
ekki gera söfnuðinn gjaldþrota:
„Öll útgjöld sem bætast við safn-
aðarstarfið þrengja að öðrum þátt-
um. Þá er minna eftir fyrir barna-
starf, unglingastarf, starf aldraðra
og svo framvegis.“ - gag
HÉRAÐSDÓMUR REYKJANESS
Ákærði var dæmdur til að sæta upptöku
og lagði lögreglan hald á nær 12 grömm
af kannabisfræjum, loftbyssu og tvö bit-
vopn til rannsóknar málsins.
DÓMKIRKJAN Í REYKJAVÍK
Var lengi eina kirkjan í Reykjavík. Vegna
fjölgunar íbúa rúmaði kirkjan ekki söfnuð-
inn, sem leiddi af sér stofnun Fríkirkjunnar.
AKUREYRINGAR EKKI HRIFNIR AF VÆNTANLEGU HÁHÝSI
Andstaða er við byggingaráform á Akureyri. Hlustað verður á vilja íbúanna, segir forseti
bæjarstjórnar.