Fréttablaðið - 13.12.2004, Blaðsíða 11
11MÁNUDAGUR 13. desember 2004
■ EVRÓPA
THOMAS WILSON
Hermaðurinn sem spurði aðgangshörð-
ustu spurninganna gerði það eftir að
blaðamaður hvatti hann til þess.
Vandi Rumsfelds:
Blaðamaður
lagði línurnar
BANDARÍKIN, AFP Bandarískur
blaðamaður fékk tvo hermenn til
að spyrja Donald Rumsfeld varn-
armálaráðherra út í það hvers
vegna farartæki þeirra væru ekki
nægilega vel brynvarin. Hann sá
líka til þess að spurningum þeirra
yrði svarað með því að ræða fyrir
fram við liðþjálfa sem valdi þá úr
sem fengu að spyrja ráðherrann
út úr.
Það vakti mikla athygli þegar
hermenn saumuðu að Rumsfeld
um útbúnað sinn. Ritstjóri blaða-
mannsins sagðist ánægður með
verk hans en talsmenn varnar-
málaráðuneytisins sögðu þetta
óheppilegt þar sem blaðamenn
fengju næg tækifæri til að spyrja
Rumsfeld spurninga. ■
Ákærður fyrir tilraun
til manndráps:
Varðhald
framlengt
DÓMSMÁL Ríkissaksóknari hefur
ákært karlmann sem kærður var
fyrir tilraun til manndráps í júlí í
sumar. Karlmaðurinn er sakaður
um að hafa reynt að skera leigubíl-
stjóra á háls í Vesturbæ Reykjavík-
ur.
Hæstiréttur staðfesti í fyrradag
gæsluvarðhald yfir hinum ákærða
fram til 16. febrúar, eða þar til
dómur gengur í máli hans. Maður-
inn sem ákærður er ber við minnis-
leysi um atburði þessarar nætur
vegna áfengisvímu. Hann hefur
ekki tjáð sig um atburðinn í yfir-
heyrslu hjá lögreglu eða í dómssal.
Vitni lögreglunnar að atburðinum
halda því öll fram að hinn ákærði
hafi ráðist á leigubílstjórann en
brot þetta getur varðað allt að sex-
tán ára fangelsi. -lkg
SPRENGING Í STOKKHÓLMI Lík
manns hefur fundist í íbúð sem
sprenging varð í í miðborg Stokk-
hólms í síðustu viku. Tveir aðrir
slösuðust lítilsháttar í sprenging-
unni. Ástæða sprengingarinnar er
ókunn, en lögreglan í Stokkhólmi
hefur sagt að hún gæti hafa orðið
vegna gasleka.
ELDUR Í ELLIHEIMILI Tveir létust
þegar eldur braust út á elliheimili
á Ítalíu snemma morguns á
sunnudag þegar íbúar heimilisins
voru sofandi. Talið er að eldurinn
hafi kviknað út frá rafmagni.
Talið er að báðir mennirnir hafi
látist vegna reykeitrunar.
BÍLASTÆÐI Íbúar við Bárugötu,
Ránargötu og Öldugötu í Reykja-
vík hafa óskað eftir því við Bíla-
stæðasjóð að settir verði stöðu-
mælar í göturnar til að auka að-
gengi að bílastæðum á daginn.
„Þessar þrjár götur liggja sam-
hliða. Ef aðeins væri sett gjald-
skylda í eina þeirra myndi það
auka álagið á hinar þannig að það
er mjög eðlilegt að skoða þetta
svæði í samhengi,“ segir Stefán
Haraldsson, framkvæmdastjóri
Bílastæðasjóðs.
Ef gjaldskyldunni verður kom-
ið á geta íbúarnir keypt bílastæða-
kort fyrir 3.000 krónur á ári sem
gerir þeim kleift að leggja endur-
gjaldslaust „á meðan þeir sem eru
að leggja þarna frítt yfir daginn
þurfa að leita eitthvert annað.
Fólk kemst þá heim til sín á dag-
inn með bílana,“ segir Stefán Har-
aldsson, framkvæmdastjóri Bíla-
stæðasjóðs.
Bílastæðasjóður hefur sent 150
fjölskyldum í götunum dreifibréf
þar sem hugmyndin er kynnt. Íbú-
arnir hafa tvær vikur til að svara.
Ef allt gengur eftir áætlun verður
gjaldskylda komin á næsta sumar.
- ghs
GJALDSKYLDA? Íbúar við Bárugötu,
Ránargötu og Öldugötu hafa óskað
eftir gjaldskyldu til að geta komist
heim á bílum sínum yfir daginn.
Bílastæðasjóður:
Íbúarnir óska eftir stöðumælum
Kynbundið ofbeldi:
Áskorun
afhent
MANNRÉTTINDI Síðastliðinn föstudag,
sem var alþjóðlegi mannréttinda-
dagurinn, lauk 16 daga átaki gegn
kynbundnu ofbeldi. Í tilefni þess af-
hentu aðstandendur átaksins for-
sætisráðherra, forseta Alþingis og
forseta Hæstaréttar áskorun. Í
áskoruninni er vakin athygli á
alvarleika kynbundins ofbeldis og
stjórnvöld hvött til að setja fram
heildstæða áætlun til að bregðast
við vandanum. Halldór Ásgrímsson
forsætisráðherra sagði, þegar hann
tók við áskoruninni í Alþingishús-
inu, að kynbundið ofbeldi væri
skelfilegasta ofbeldi sem um getur,
þá sérstaklega gagnvart börnum. -kb