Fréttablaðið - 13.12.2004, Blaðsíða 16

16
Fyrir skömmu samþykkti meirihluti Al-
þingis frumvarp sem kveður á um að
hækka skráningargjöld við Háskóla Ís-
lands um tæp 40 prósent. Stúdentaráð
hefur lengi barist gegn hækkun innrit-
unargjalda og gagnrýndi Dagnýju Jóns-
dóttur harðlega fyrir að sitja hjá við at-
kvæðagreiðslu, en ekki greiða atkvæði
gegn frumvarpinu. Dagný var fram-
kvæmdastjóri stúdentaráðs fyrir fáum
árum og lagðist þá eindregið gegn
hækkun skráningargjalda.
Er rétt að kalla gjaldið skráningar-
gjald?
Innritunargjald í Háskóla Íslands er
núna 32.500 krónur fyrir hvert ár, en
hækkar upp í 45 þúsund krónur þegar
hækkunin tekur gildi. Gjaldið endur-
speglar ekki aðeins kostnað við innrit-
un í Háskóla Íslands, því það er að
hluta til notað til að standa straum af
rekstri skólans. Því segja stúdentar að
innritunargjaldið sé í rauninni skóla-
gjald í skötulíki sem
sé með öllu óþolandi
því það dragi úr jafn-
rétti til náms.
LÍN lánar ekki
Samkvæmt reglugerð-
um Lánasjóðs ís-
lenskra námsmanna
er gert ráð fyrir sjálfs-
fjármögnun stúdenta
sem nemur allt að 35
þúsund krónum. Upp-
hæðin er endurskil-
greind árlega og gildir
um hvort tveggja
skóla- og innritunargjöld. Hingað til
hafa stúdentar því ekki getað fengið
lán fyrir skráningargjaldinu. Árleg
endurskráning þeirra sem eru í Háskól-
anum fer fram í apríl en innritun ný-
nema er í maí og júní. Þessu hafa
stúdentar mótmælt á grundvelli þess
að flestir geti illa séð af peningunum á
þessum tíma þar sem þeir séu ekki í
fullri vinnu.
Málsvörn Dagnýjar
Dagný varði ákvörðun sína og segir að
þegar hún hafi veitt stúdentaráði for-
ystu hafi tilraunir til hækkunar innritun-
argjalda ekki verið til þess fallnar að
efla rekstur skólans. Í þessu tilfelli sé
sá rökstuðningur fyrir hendi að hækk-
un gjaldsins muni auka gæði Háskól-
ans og verði því stúdentum til hags-
bóta. Hún taldi þó að rétt væri að kalla
gjaldið öðru og réttara nafni en skrán-
ingargjald og kaus því að sitja hjá við
atkvæðagreiðslu. ■
Skólagjöld í skötulíki?
FBL GREINING: HÆKKUN SKRÁNINGARGJALDA VIÐ HÁSKÓLA ÍSLANDS:
13. desember 2004 MÁNUDAGUR
HUGLEITT Í HÚMI NÆTUR
Búddistar frá öllum heimshornum eru nú
samankomnir á alheimsmóti í Mjanmar í
Asíu. Þeir notuðu tækifærið á föstudags-
kvöldið og hugleiddu.
UPPLÝSINGATÆKNI Af hálfu ríkisins
eru ekki uppi fyrirætlanir um að
beita sér fyrir breytingum til
lækkunar á verðskránni sem
Farice-sæstrengurinn styðst við,
að sögn Sturlu Böðvarssonar sam-
gönguráðherra. Netþjónustur
hafa lýst því að vegna kostnaðar
við gagnaflutninga um strenginn
verði þau að takmarka erlent
niðurhal af netinu með umfram-
gjaldtöku. Ekki er nýttur nema tí-
undi hluti núverandi gagnaflutn-
ingsgetu strengsins.
„Ég vil nú í fyrsta lagi segja að
ég beitti mér fyrir því á sínum
tíma sem samgönguráðherra að
farið var út í að leggja þennan
streng. Það var vegna þess að ég
hafði farið út í að gera úttekt á
sambandsöryggi við landið og
niðurstaðan var sú að algjörlega
nauðsynlegt væri að leggja annan
streng,“ sagði Sturla. „Síðan er
það náttúrlega markaðurinn sem
ræður þarna framboði og eftir-
spurn. CANTAT-3 strengurinn er
til staðar ennþá og svo er bullandi
samkeppni á milli símafyrir-
tækja.“ Ráðherrann sagðist hins
vegar leggja mikla áherslu á að
afkastagetan sé nýtt sem mest og
best í þágu neytenda. „Öryggið er
til staðar og til lengri tíma litið er
að sjálfsögðu
m i k i l v æ g t
fyrir síma-
fyrirtækin að
verð sé hag-
stætt þannig að
umferð um
Farice-streng-
inn og viðskipti
aukist,“ sagði
Sturla og taldi
fráleitt að stóru
fjarskiptafyrir-
tækin tvö, sem
að Farice
standa, Og
Vodafone og
Síminn, gætu séð sér hag í því að
haga verðlagningunni þannig að
smærri netþjónustur treystu sér
ekki til að skipta við strenginn.
„Það væri þá alveg nýtt af nálinni
og kæmi mér mikið á óvart ef þar
væri um eitthvað bandalag að
ræða.“
Guðmundur Gunnarsson,
framkvæmdastjóri Farice, segir
enga formlega endurskoðun
gagnaflutningsverðs í gangi. „Við
fylgjumst hins vegar með og svo
er lykilatriði að um leið og ein-
hver kaupir af okkur viðbót, sama
hvort það er einhver nýr eða nú-
verandi kúnnar, þá hefur það þau
áhrif að gjaldskráin lækkar,“ seg-
ir hann. „Gjaldskráin þarf bara að
skila ákveðnum tekjum og því
lækkar einingaverðið ef einhver
kaupir meira.“ Guðmundur segir
það ákvörðun stjórnar hvenær
slíkar breytingar á gjaldskrá
gætu átt sér stað. „En yfirleitt fer
þessi endurskoðun fram í árslok.“
olikr@frettabladid.is
UPPLÝSINGATÆKNI Sæstrengirnir
tveir sem til landsins liggja tryggja
stafræna gagnaflutninga til og frá
landinu. Strengirnir eru í raun
fjöldi ljósleiðara sem lagðir eru
saman í þykkum kapli, en um ljós-
leiðarana fara svo hvers konar
stafræn gögn, sama hvort þar er
um að ræða hljóð- eða myndsend-
ingar, eða gagnastreymi Internets-
ins.
Cantat-3 sæstrengurinn er orð-
inn 10 ára gamall og um margt tak-
markaður í samanburði við Farice
sæstrenginn sem tekinn var í notk-
un í byrjun ársins. Cantat-3 tengir
hins vegar Vestur-Evrópu við
Norður-Ameríku og liggur þvert
yfir Norður-Atlantshaf á milli Ís-
lands og Færeyja, meðan Farice-
strengurinn liggur frá Seyðisfirði
til Skotlands, með viðkomu í Fær-
eyjum. - óká
LJÓSLEIÐARI
Í ljósleiðurum er fjöldi glertrefjaþráða sem,
líkt og nafnið ber með sér, leiða ljós á milli
staða. Í ljósinu er svo falinn stafrænn
gagnaflutningur sem farið getur fram á ör-
skotshraða um lengri leiðir.
Cantat-3 og Farice:
Sæstrengirnir í stuttu máli
Gagnaflutningsverð Farice
lækkar með aukinni notkun
Ríkisvaldið hefur ekki uppi ráðagerðir um að beita sér fyrir breytingum á verði gagnaflutninga um
Farice-sæstrenginn. Forsvarsmenn fyrirtækisins benda á að verð gagnaflutninga um strenginn muni
lækka með auknum viðskiptum.
M
YN
D
/A
P
FRAMKVÆMDASTJÓRI FARICE-SÆSTRENGSINS
Guðmundur Gunnarsson, framkvæmdastjóri Farice, segir fyrirtækið vel meðvitað um
gagnrýni sem fram hefur komið á verðlagningu tenginga um strenginn, en kostnaður við
þær er heldur meiri en við tengingar um CANTAT-3 sæstrenginn, þar sem gagnaflutnings-
getan er takmarkaðri.
STURLA
BÖÐVARSSON
samgönguráðherra
FR
ÉT
TA
B
LA
Ð
IÐ
/S
TE
FÁ
N