Fréttablaðið - 14.12.2004, Blaðsíða 4

4 14. desember 2004 ÞRIÐJUDAGUR
HEILBRIGÐISMÁL Biðlistar eftir
skurðaðgerðum á Landspítala -
háskólasjúkrahúsi hafa styst um
tæp 20% frá nóvember í fyrra.
Þetta kemur meðal annars
fram í nýjum stjórnunarupplýs-
ingum fyrir janúar - október á
þessu ári.
Nú bíða 233 einstaklingar eftir
almennri skurðaðgerð en í fyrra
biðu 706. Flestir þeirra bíða eftir
aðgerð vegna vélindabakflæðis og
þindarslits, eða 100 einstaklingar,
og er meðalbiðtíminn rúmir 7
mánuðir. Í fyrra biðu 303 eftir
slíkri aðgerð og var meðalbiðtím-
inn þá rúmir 13 mánuðir. Að auki
hafa biðlistar styst eftir aðgerð í
bæklunarlækningum, háls-, nef-
og eyrnalækningum, lýtalækning-
um og æðaskurðlækningum.
Biðtíminn hefur verið hvað
lengstur eftir aðgerð á augasteini
en eftirspurn eftir slíkri aðgerð
hefur stóraukist á síðustu árum.
Nú bíða 1.257 eftir aðgerð á auga-
steini og er meðalbiðtíminn tæpt
eitt ár, þrátt fyrir nærri 20%
fjölgun slíkra aðgerða á þessu ári.
Í fyrra biðu 1.208 eftir aðgerð á
augasteini. ■
Allt í einu
skíðlogaði allt
Tveir vélsmiðir, sem voru að sjóða saman rör í vélsmiðju í Garðabæ í fyrrinótt,
þegar neisti komst í olíutunnu, lýsa skelfingu sinni eftir eldsprengingu á staðn-
um. Slökkvitæki réðu ekkert við eldinn. Tjónið nemur tugum milljóna króna.
Hlynur Hreiðarsson vélvirki var
að slípa og sjóða saman rör fyrir
Hitaveitu Suðurnesja ásamt öðr-
um vélvirkja þegar neisti fór úr
slípirokk í nálæga tunnu fulla af
olíu við útvegg vélsmiðjunnar.
Eldurinn blossaði upp. Nálægt ol-
íutunnunni voru málningaraf-
gangar og þar héngu líka
vinnugallar. Vélsmiðirnir gripu
nálæg slökkvitæki og tæmdu þau
en allt kom fyrir ekki. Húsið varð
alelda á örskammri stundu.
„Allt í einu skíðlogaði allt. Það
var eldhaf. Við reyndum að beita
slökkvitækjum en hringdum svo í
slökkviliðið,“ sagði Hlynur eftir
hádegi í gær þegar hann var
mættur aftur í vinnu eftir að hafa
farið heim um morguninn og lagt
sig. „Þetta var skelfilegt. Þetta
gerðist ansi hratt. Maður er í
sjokki. Ég skil ekki hvernig þetta
hefur gerst. Eldurinn hlýtur að
hafa náð í eitthvað sem vanalega
næst ekki í,“ sagði hann.
„Það var pollur á gólfinu og allt
í einu skíðlogaði allt.“
Eldurinn kom upp um fimm-
leytið í fyrrinótt þegar vél-
virkjarnir voru að klára verkið.
Hlynur segir að á nokkrum sek-
úndum hafi þeir séð að ekki yrði
neitt við eldinn ráðið og flýttu
þeir sér þá út úr húsinu. Slökkvi-
lið kom á staðinn skömmu síðar.
Jón Þór Sigurðsson, fram-
kvæmdastjóri vélsmiðjunnar,
segir að að mestu leyti hafi verið
búið að slökkva eldinn þegar hann
hafi komið á staðinn í gærmorg-
un. Hann telur að tjónið hlaupi að
minnsta kosti á tugum milljóna
króna.
Húsinu verði lokað, bráða-
birgðarafmagn tengt í það og hita
komið á svo að hægt verði að
hefja störf. Grindin sé að mestu
heil en það taki nokkra mánuði að
taka alla klæðningu utan af hús-
inu og klæða það upp á nýtt auk
þess sem það þurfi að hreinsa hús-
ið og endurnýja að innan.
ghs@frettabladid.is
■ BANDARÍKIN
■ EVRÓPA
■ LÖGREGLUFRÉTTIR
Skerð þú út laufabrauðskökur?
Spurning dagsins í dag:
Hefur þú svikið undan skatti?
Niðurstöður gærdagsins
á visir.is
66.5%
33.5%
Nei
Já
KJÖRKASSINN
Farðu inn á fréttahluta visir.is
og segðu þína skoðun
BAÐST LAUSNAR Pedro Santana,
forsætisráðherra Portúgals, hef-
ur beðist lausnar fyrir hönd ríkis-
stjórnar sinnar, tæpum fimm
mánuðum eftir að stjórnin komst
til valda. Santana tók við embætti
af Jose Manuel Barroso sem
hætti til að verða forseti fram-
kvæmdastjórnar ESB. Kosið
verður til þings 20. febrúar.
SJÖ ÁN BÍLBELTIS Sjö ökumenn
voru teknir í Ólafsfirði snemma í
gærmorgun fyrir að nota ekki ör-
yggisbelti. Þá voru sex teknir af
lögreglunni í Ólafsfirði fyrir
hraðakstur. Sá sem hraðast ók
var á 121 kílómetra hraða en hin-
ir voru allir á yfir 110 kílómetra
hraða.
Glitnir kemur flér í samband
vi› rétta bílinn

– traustur samstarfsa›ili í fjármögnun

VÉLSMIÐJAN BRANN
Hlynur Hreiðarsson vélvirki og Jón Þór Sigurðsson, framkvæmdastjóri Vélsmiðju Sigurðar Jónssonar. Neisti frá slípirokk komst í olíutunnu í fyrri-
nótt og varð húsið alelda á örskammri stundu. Nálæg hús voru ekki í neinni hættu enda stóð reykurinn út á hraunið á bak við vélsmiðjuna.
FR
ÉT
TA
B
LA
Ð
IÐ
/S
TE
FÁ
N
Landspítali - háskólasjúkrahús:
Biðlistar eftir aðgerðum hafa styst
AUGNAÐGERÐIR
Eftirspurn eftir aðgerðum á augasteini hef-
ur stóraukist á síðari árum.
NÝ BRÚ
Brúin yfir Kolgrafarfjörð á Snæfellsnesi.
Snæfellsnes:
Brú styttir
akstursleið
SAMGÖNGUR Akstursleiðin milli
Stykkishólms og Grundarfjarðar
hefur styst um sjö kílómetra eftir
að ný brú yfir Kolgrafarfjörð á
Snæfellsnesi var opnuð fyrir um-
ferð í gær.
Verkið kostaði um 900 milljón-
ir króna og verktakinn lauk því tíu
mánuðum á undan áætlun. Nú
þurfa vegfarendur ekki lengur að
aka um Kolgrafarfjörð en vegur-
inn um hann hefur oft reynst öku-
mönnum erfiður vegna veðurofsa.
Sturla Böðvarsson samgöngu-
ráðherra ók fyrsta bílnum yfir
brúna en sextíu bíla lest fylgdi í
kjölfarið. - ghg
ÞYBBINN EN VINNUFÆR George
W. Bush er við góða heilsu og
vinnufær, þetta er niðurstaða ár-
legrar læknisrannsóknar Banda-
ríkjaforseta. Sjálfur sagði hann
þó eftir læknisrannsóknina að
hann væri orðinn nokkuð þybb-
inn, líklega vegna allra kleinu-
hringjanna sem hann borðaði í
kosningabaráttunni.
MESTA GÆSLA TIL ÞESSA Öryggis-
gæslan á embættistöku George W.
Bush Bandaríkjaforseta í næsta
mánuði verður meiri en á nokkurri
embættistöku til þessa að því er
fram kemur í The New York
Times. Fjölmennt lögreglulið verð-
ur á vakt, hermenn í viðbragðs-
stöðu og mikið eftirlit úr lofti.
Samkomuhúsið Akureyri:
Nýr ljósa-
búnaður
LEIKHÚS Verið er að ljúka við að
setja upp nýjan ljósabúnað í Sam-
komuhúsinu á Akureyri. Að sögn
Magnúsar Geirs Þórðarsonar leik-
hússtjóra er um að ræða viðbót við
eldri ljósabúnað en með tilkomu
nýju ljósanna verði lýsingin í hús-
inu eins og best verði á kosið.
Akureyrarbær greiðir kostnaðinn
sem hljóðar upp á 3,2 milljónir
króna.
Magnús Geir sagði nauðsynlegt
hafa verið að bæta ljósabúnaðinn í
Samkomuhúsinu, ekki síst vegna
stórra sýninga eins og á söngleikn-
um Óliver þar sem leikið væri úti í
sal og upp um veggi. -kk
Ferðamálaráð:
Framlög
lækka mikið
FERÐAÞJÓNUSTA Fjárveitingar til
markaðsverkefna í ferðaþjónustu
verða 150 millj-
ónir samkvæmt
fjárlögum. Það
er 170 milljón-
um króna lægri
upphæð en veitt
var í verkefnið
á þessu ári.
L æ k k u n i n
nemur þeirri
upphæð sem
varið var í sam-
starfsverkefni
erlendis á þessu ári. Einstaka
fyrirtæki hafa túlkað verkefnið
sem ríkisstyrki til ferðaþjónustu-
fyrirtækja og Iceland Express
lagði þess vegna fram kæru til
Eftirlitsstofnunar EFTA.
Magnús Oddsson ferðamála-
stjóri segir að þessar háværu
raddir hafi eðlilega náð eyrum
ráðamanna og því hafi fjárfram-
lögin verið skorin niður. - ghg
MAGNÚS
ODDSSON