Fréttablaðið - 19.12.2004, Blaðsíða 2
2 19. desember 2004 SUNNUDAGUR
ÞJÓÐLENDUR „Þetta kemur mér á óvart í ljósi hæsta-
réttardómsins sem féll í haust,“ segir Rúnar Þórar-
insson, oddviti sveitarstjórnar í Öxarfjarðarhreppi,
um kröfugerð ríkisins um þjóðlendur á Norðaustur-
landi.
Rúnar vísar til dóms Hæstaréttar, sem úrskurðaði
í haust að jarðeigendur í uppsveitum Biskupstungna
skyldu halda jörðum sínum óskertum en afréttir sem
þeir gerðu kröfu til skyldu verða að þjóðlendum.
Þetta var fyrsti dómur Hæstaréttar í þjóðlendumáli
og töldu menn að hann gæti haft fordæmisgildi allt í
kringum landið og skýrt eignarrétt á jörðum.
Rúnar býst við því að krafa ríkisins verði kærð en
bendir á að það standi fyrst og fremst á landeigend-
um að kæra en ekki sveitarfélögum. „Við munum
hins vegar veita þeim alla þá aðstoð sem við getum
og höfum til dæmis kynnt okkur þá málsmeðferð
sem aðrir hafa farið í gegnum í sambærilegum mál-
um.“ ■
Taugaspenna á
lokasprettinum
Með kaupunum á Big Food Group er Baugur orðinn stærsti einstaki
viðskiptavinur Bank of Scotland. Síðustu metrarnir í samningaferli
um fjármögnun Big Food Group voru hlaðnir spennu.
VIÐSKIPTI Lokahnykkur margra
mánaða vinnu Baugs við undir-
búning kaupa á Big Food var
dramatískur. Samkvæmt reglum
varð að liggja fyrir samkomulag
um kaupin fyrir miðnætti á
föstudagskvöld.
Hópur bankamanna og
hundrað lögfræðingar unnnu að
því að koma saman flóknustu og
umfangsmestu viðskiptum sem
íslenskt fyrirtæki hefur komið
að. Unnið var í mörgum her-
bergjum og þegar klukkuna vant-
aði 20 mínútur í miðnætti var
ljóst að enn voru nokkur óleyst
mál. „Það var gríðarleg tauga-
spenna í salnum,“ segir Pálmi
Haraldsson sem fer fyrir hópi
fjárfesta sem mun stýra Iceland
verslununum. „Við erum búnir að
vinna að þessum kaupum myrkr-
anna á milli í marga mánuði.“
Taugaspennan réð ríkjum og
allir lögfræðingarnir voru kall-
aðir fram. Deutsche bank var
ráðgefandi aðili í viðskiptunum
og forystumaður bankans kallaði
alla hersinguna fram og sagði
ljóst að viðskiptin myndu ekki
klárast fyrir miðnætti. Hann
lagði til að samningsaðilar skuld-
byndu sig til að leysa það sem út
af stóð um nóttina. Að öðrum
kosti yrði að blása viðskiptin af.
Fulltrúar íslenskra banka, Bank
of Scotland og Baugs römbuðu á
barmi taugaáfalls. Yfirlýsingin
yrði að vera skuldbindandi. Ekki
mætti standa upp frá borði án
niðurstöðu.
Nú var unnið hratt og aðilar
viðskiptanna gátu gefið út skuld-
bindandi yfirlýsingar, fyrir utan
það að fulltrúar Bank of Scotland
þurftu leyfi á æðri stöðum fyrir
einni ákvörðun. Klukkan tifaði
og þegar hana vantaði fimm mín-
útur í tólf lá leyfið ekki fyrir.
Samkvæmt lýsingu viðstaddra
var andrúmsloftið rafmagnað,
menn öskruðu hver á annan: „Is
it yes?“ Eina mínútu í tólf sagði
Bank of Scotland já. Þegar menn
náðu andanum heyrðist sagt við
fulltrúa Baugs. „Gerið þið ykkur
grein fyrir að þið eruð stærsti
einstaki viðskipavinur Bank of
Scotland?“
haflidi@frettabladid.is
Vinnuslys í loðnu-
bræðslu á Eskifirði:
Maður féll
sex metra
SLYS Maður hlaut höfuðáverka
eftir að hann féll um sex metra í
loðnubræðslunni á Eskifirði á
fimmta tímanum í gær. Hann var
fluttur með sjúkrabíl til Reykja-
víkur þar sem gert var að meiðsl-
um hans. Líðan hans er sögð góð
eftir atvikum og maðurinn með
fullri meðvitund.
Það mun hafa gert gæfumun-
inn að maðurinn var með hjálm
þegar hann féll. Að sögn lögregl-
unnar á Eskifirði eru tildrög
slyssins ekki kunn og er málið í
rannsókn. - bs
Efnavopna-Ali:
Yfirheyrður
í Bagdad
ÍRAK, AP Ali Hassan al-Majid, fyrr-
verandi hershöfðingi og náfrændi
Saddams Hussein, fyrrverandi
forseta Íraks,
var leiddur
fyrir dómara í
gær og spurð-
ur spjörunum
úr. Yfirheyrsl-
an var hluti af
rannsókn á
stríðsglæpum
al-Majids, sem
er betur
þekktur sem
efnavopna-Ali.
Réttarhöld
yfir tólf fyrr-
um háttsettum
íröskum ráða-
mönnum sem
sakaðir eru um stríðsglæpi eru
ekki hafin. Yfirheyrslan í gær
þykir samt gefa til kynna að rétt-
arhöld séu á næsta leyti. Efna-
vopna-Ali er meðal annars talinn
bera ábyrgð á efnavopnahernaði
gegn Kúrdum í norðurhluta Íraks
árið 1988. ■
Boris Spasskí:
Djarft hjá
Íslendingum
KVEÐJA Stuðningsnefnd Bobbys
Fischer hefur borist kveðja frá
Boris Spasskí, fyrrverandi heims-
meistara í
skák. Í bréfinu
þakkar Spasskí
íslensku þjóð-
inni fyrir að
veita Fischer
dvalarleyfi og
býður hann
fram aðstoð
sína.
„Kæru vinir,
a l ú ð a r þ a k k i r
fyrir hin góðu
tíðindi,“ segir í
bréfi Spasskís. „Á þeirri stundu
þegar allur skákheimurinn stóð
þögull og huglaus hjá, lék íslenska
þjóðin sjálfsagðan og djarfan leik
til hjálpar Bobby. Hamingjuóskir,
þið eigið lof skilið. Látið mig vita
ef þið þurfið á aðstoð minni eða
hjálp að halda. Ég geng með mikilli
ánægju til liðs við hina djörfu ís-
lensku þjóð. Ég vil nota tækifærið
til að óska ykkur öllum gleðilegra
jóla og farsæls komandi árs.“ - th
„Nei, þetta segir okkur ekkert um
íslenska karlmenn.“
Jóna Ingibjörg Jónsdóttir er hjúkrunar- og kyn-
fræðingur. Fréttablaðið greindi frá því í gær að allt
gjafasæði sem notað er til tæknifrjóvgunar hér-
lendis er keypt frá dönskum sæðisbanka.
SPURNING DAGSINS
Jóna Ingibjörg, segir þetta okkur eitt-
hvað um íslenska karlmenn?
ELDUR „Hver maður á sitt skapa-
dægur og það var greinilega ekki
komið að okkur,“ segir Gunnar I.
Birgisson alþingismaður, sem
staddur var um borð í flugvél
British Airways þegar reykur
kom upp í flugstjórnarklefanum.
„Lendingin var hastarlegri en
maður á að venjast og ég heyrði
það á flugfreyjunum að þær voru
stressaðar,“ segir Gunnar. Að
hans sögn voru sumir farþeganna
skelfdir, sérstaklega eftir á, en
flestir héldu þó ró sinni. Sjálfur
segist hann ekki hafa verið ótta-
sleginn, enda var ekki ljóst lengst
framan af hvað væri að.
Gunnari segir að sér hafi verið
sagt að öryggi hefði brunnið yfir í
flugstjórnarklefanum og reykur
gosið upp í kjölfarið, en flug-
mönnunum hafi sjálfum tekist að
slökkva eldinn áður en hann náði
að brjótast út. „Þegar upp var
staðið fór þetta náttúrulega allt
vel og maður er þakklátur fyrir
það.“ ■
Gunnar I. Birgisson:
Flugfreyjurnar voru óstyrkar
GUNNAR I. BIRGISSON
Segir að sumir hafi verið skelfdir en flestir hafi þó haldið ró sinni.
UNNU AÐ KAUPUNUM MYRKRANNA Á MILLI
Pálmi Haraldsson og Jón Ásgeir Jóhannesson hafa staðið í ströngu undanfarna daga í
samningum um kaup á Big Food Group.
Óhugnanlegur glæpur:
Barni rænt úr
móðurkviði
BANDARÍKIN, AP Bobbi Jo Stinnett
var kyrkt til bana á heimili sínu í
Kansas á fimmtudaginn. Eftir að
hún lést skar árásarmaðurinn hana
upp og rændi úr móðurkviði barni
sem hún hafði gengið með í átta
mánuði. Málið hefur vakið sterk
viðbrögð almennings í Bandaríkj-
unum vegna þess hversu óhugnan-
legur glæpurinn er.
Barnið fannst í gær heilt heilsu
á heimili 36 ára konu sem talið er
víst að sé ódæðismaðurinn. Konan
hafði komið á heimili Stinnett und-
ir því yfirskini að hún ætlaði að
kaupa af henni hund. ■
ALRÆMDUR
Efnavopna-Ali er með-
al annars talinn bera
ábyrgð á efnavopna-
hernaði gegn Kúrdum
árið 1988.
Árekstur:
Fernt á
slysadeild
SLYS Fernt fór á slysadeild eftir
harðan árekstur jeppa og fólksbif-
reiðar laust fyrir klukkan þrjú
dag. Bílarnir voru að koma úr
gagnstæðri átt á Suðurlandsvegi í
Svínahrauni þegar þeir rákust á.
Tvennt var í hvorum bíl en
meiðsl fólksins reyndust ekki al-
varleg við skoðun á slysadeild. Öll
munu hafa verið í bílbelti. Bílarn-
ir voru hins vegar ekki ökufærir
eftir og þurfti að draga þá af vett-
vangi. Tildrög slyssins eru ekki
kunn en málið er í rannsókn. - bs
BORIS SPASSKÍ
Heimsmeistarinn
fyrrverandi segir ís-
lensku þjóðina eiga
lof skilið.
KRÖFUGERÐIN
Ríkið gerir meðal annars kröfu til Miðfjarðarheiðar,
Öxarfjarðarheiðar og afrétta í Fljótsdal.
Jarðir á Norðausturlandi:
Krafa ríkisins líklega kærð