Fréttablaðið - 19.12.2004, Blaðsíða 6

6 19. desember 2004 SUNNUDAGUR
Fasteignaverð:
Rúm fimmtungs-
hækkun á sérbýli
FASTEIGNASALA Enn hækkar vísi-
tala íbúðaverðs á höfuðborgar-
svæðinu. Samkvæmt upplýsing-
um frá Fasteignamati ríkisins
var vísitalan 217,3 stig í nóvem-
ber, en í októbermánuði var vísi-
talan 209,3 stig. Íbúðaverð á
höfuðborgarsvæðinu hefur því
hækkað að meðaltali um 3,8 pró-
sent á milli ára. Á síðastliðnum
12 mánuðum hefur verðið hækk-
að um 17,3 prósent.
Verð á sérbýli hefur hækkað
meira en verð á fjölbýli, bæði ef
borið er saman við verð í októ-
ber og fyrir 12 mánuðum. Á milli
mánaða hækkaði verð á sérbýli
um 4,9 prósent og hefur hækkað
um rúm 22 prósent á árinu. Fjöl-
býli, sem er stærri hluti af
markaðnum og vegur því þyngra
í heildinni, hækkaði um 3,5 pró-
sent á milli mánaða og hefur
hækkað um 15,9 prósent á síð-
astliðnum 12 mánuðum. Þess má
geta að velta á fasteignamarkaði
fyrstu vikuna í desember var
sex milljarðar króna. - ss
Vilja viðvörun þegar
hringt er á milli kerfa
Neytendasamtökin vilja gagnsæi símakostnaðar. Neytendur viti ekki fyrr en símareikningur berist hvað sím-
talið kosti. Póst- og fjarskiptastofnun segir þjónustugjöld símafyrirtækjanna auka á verðmun þeirra á milli.
NEYTENDUR Erfitt er fyrir neyt-
endur að vita hvað þeir greiða
fyrir símanotkun fyrr en eftir á,
segir Jóhannes Gunnarsson, for-
maður Neytendasamtakanna.
Samtökin krefjast þess að greitt
verði úr því. Fjölmargir hafi haft
samband vegna hárra símareikn-
inga.
„Við viljum að fólk fái viðvör-
un þegar hringt er úr einu kerfi í
annað því þar með er fólk að
borga meira,“ segir Jóhannes.
Fundað hafi verið með Póst- og
fjarskiptastofnun, sem skoði
málið.
Hrafnkell V. Gíslason, for-
stjóri Póst- og fjarskiptastofnun-
ar, segir að full ástæða sé til að
gera kostnað símafyrirtækja
sýnilegri. Sá mikli verðmunur
sem sé milli fyrirtækjanna verði
ekki til lengdar. Hann skapist
meðal annars af því símafyrir-
tækin borgi hvort öðru þjónustu-
gjöld þegar hringt sé á milli
kerfanna. Mikill verðmunur sé á
gjöldunum. Og Vodafone greiði
8,92 krónur til Símans þegar
hringt er milli kerfa en Síminn
greiði 12,10 til Og Vodafone.
„Þetta er heildsöluverð og ber
ekki að rugla við smásöluverð,“
segir Hrafnkell: „Við teljum
langtímasjónarmið fyrir neyt-
endur að jafna beri þjónustu-
gjöld símafyrirtækjanna.“ Slíkt
skref hafi til dæmis verið stigið í
Svíþjóð í vikunni.
Jóhannes segir vandamálið
hafa sprottið upp eftir að númer-
aflutningur milli fyrirtækjanna
var leyfður. Áður hafi fólk vitað
að númer sem hæfust á tölunni
sex væru hjá Og Vodafone og
átta hjá Símanum.
Pétur Pétursson, forstöðu-
maður upplýsinga- og kynning-
armála hjá Og Vodafone, segir
það í hag fyrirtækisins að fólk
viti í hvort kerfið það hringi þar
sem viðskiptavinir þeirra greiði
lægri gjöld.
Eva Magnúsdóttir, upplýs-
ingafulltrúi Símans, segir það
stafa af mismun á heildsöluverði
fyrirtækjanna. Póst- og fjar-
skiptastofnun hafi ekki séð
ástæðu til að íhlutast um verð
þrátt fyrir óskir Símans. Það sé
ósigur neytenda: „Það skiptir
höfuðmáli fyrir viðskiptavini að
gjaldið sem þeir greiða fyrir
símtöl á milli kerfa sé hið sama,
hvort sem þeir hringja úr kerfi
Símans til Og fjarskipta eða
öfugt.“ gag@frettabladid.is
VEISTU SVARIÐ?
1Hver er áætlaður rekstrarafgangurReykjavíkurborgar?
2Frá hvaða landi kaupa Íslendingarallt gjafasæði?
3Hvað heitir ný plata hljómsveitarinn-ar Destiny’s Child?
Svörin eru á bls. 66
Fyrsta bókin
um íslenska
stjörnuhimininn
Loksins er fáanleg handbók fyrir þá sem hafa unun af því að horfa
til himins á vetrarkvöldum. Með myndum og kortum og
greinargóðum upplýsingum er kennt hvernig best er að standa að
stjörnuskoðun hérlendis. Bók sem ekkert heimili getur verið án.
Í fyrsta sinn á Íslandi!
• 53 stjörnumerki sem sjást frá Íslandi
• Allt um stjörnuskoðun
• Örnefnakort af tunglinu
• Mikill fjöldi mynda og stjörnukorta
Stjörnuskífa
fylgir með!4. sæti
Handbækur
Félagsvísindastofnun
7. – 13. des.
1. sæti
Handbækur
1. prentun
á þrotum
2. prentun
væntanleg
STEFÁN HJÖRLEIFSSON
Um 9.900 hafa skráð sig á vefsíðuna ton-
list.is. Nær fimmtíu manns skrá sig daglega
að meðaltali frá því að vefsíðan var sett á
stofn.Tíu þúsundasti notandinn fær vegleg
verðlaun.
Tímamót hjá Tónlist.is:
Tíu þúsund
notendur
TÓNLIST Næstum því tíu þúsund
manns hafa skráð sig á vefmiðil-
inn Tónlist.is. Stefán Hjörleifs-
son, framkvæmdastjóri fyrirtæk-
isins, segir þessa miklu þátttöku
ekki koma á óvart.
„Ég hef haft þessa trú í mörg
ár en þetta gerist hraðar en ég
þorði að vona. Ég hef alltaf verið
þeirrar skoðunar að innan þriggja
til fjögurra ára fari smásala tón-
listar fram í gegnum netið,“ segir
Hjörleifur.
Lagið Ást, sem Ragnheiður
Gröndal flytur, er vinsælasta lag
síðunnar frá upphafi. Hjörleifur
segir um fimm prósent af heildar-
sölu lagsins fara fram í gegnum
netið. - gag
ENN HÆKKAR FASTEIGNAVERÐ
Verð á fasteignum í höfuðborginni hefur hækkað um 17,3 prósent á 12 mánuðum.
FR
ÉT
TA
B
LA
Ð
IÐ
/G
VA
STYRKVEITING Sólheimar hafa feng-
ið 120 milljón króna styrk frá
Framkvæmdasjóði fatlaðra til að
reisa þjónustumiðstöð. Styrkur-
inn verður greiddur út á fjórum
árum, þrjátíu milljónir hvert ár.
Sigurjón Örn Þórsson, aðstoð-
armaður félagsmálaráðherra,
upplýsir að gert sé ráð fyrir að
kostnaður við bygginguna nemi
um 125,2 milljónum króna að frá-
töldum frágangi lóðar og bíla-
stæða. Í þjónustumiðstöðinnni
verði mötuneyti og skrifstofa fyr-
ir sjálfstæða búsetu. Hún eigi að
rúma um 80 til 100 manns.
Pétur Sveinbjarnarson, stjórn-
arformaður Sólheima, segir
stjórnina mjög þakkláta fyrir þá
lausn sem fundin sé. Betur hefði
komið Sólheimum ef miðstöðin
hefði verið fjármögnuð á styttri
tíma því haga verði byggingu
hennar í takt við fjárstreymið.
Pétur segir nýju þjónustumið-
stöðina verða mun hagkvæmari
en þær tvær byggingar sem hún
leysi af hólmi. Þó hún þjóni fleir-
um verði hún 300 fermetrum
minni en núverandi byggingar,
sem séu um 1.000 fermetrar. Haf-
ist verði handa á næsta ári, á 75
ára afmæli Sólheima. - gag
120 milljóna styrkur frá Framkvæmdasjóði fatlaðra:
Ný þjónustumiðstöð á Sólheimum
SÓLHEIMAR Í BLÓMA
Ný þjónustumiðstöð verður reist á Sólheimum á næstu fjórum árum. Hún er að mestu
fjármögnuð af styrktarfé og leysir eldri og illa farin hús af hólmi.
JÓHANNES GUNNARSSON
„Það er óþolandi að vita ekki fyrr en eftir á hvað símtalið kostar. Þetta er eins og ef
maður færi í búð og fengi ekki að vita hvað vörurnar kostuðu fyrr en maður væri búinn
að borga þær,“ segir formaður Neytendasamtakanna.
EVA
MAGNÚSDÓTTIR
PÉTUR
PÉTURSSON
FR
ÉT
TA
B
LA
Ð
IÐ
/H
AR
I