Fréttablaðið - 19.12.2004, Blaðsíða 45
Hvar ætlar þú að auglýsa?
Á sunnudögum fylgja sérblöð bæði Morgunblaðinu og Fréttablaðinu sem fjalla um atvinnumál og eru
atvinnuauglýsingar helsta efni þeirra. Bæði blöðin eru svokölluð innblöð, þ.e. þau eru í miðju aðalblaðanna
þannig að lesendur þeirra rekast á atvinnublöðin og ákveða þá hvort þeir skoða þau eða ekki.
En hverjir fá blöðin?
Við leituðum svara í fjölmiðla- og neyslukönnunum Gallups. Fjölmiðlakannanir Gallups eru gerðar í
samvinnu við alla stærstu miðla landsins, Samtök auglýsenda og Samtök íslenskra auglýsingastofa, og eru
viðurkenndar af þeim sem eina rétta aðferðin til að bera saman fjölmiðlanotkun landsmanna. Kannanirnar
eru kynntar á heimasíðu Gallups sem niðurstöður en ekki túlkun.
Ertu að leita að góðum starfsmanni?
65% Íslendinga á aldrinum 20-40 ára fletta ekki sunnudagsblaði
Morgunblaðsins né heldur 72% kvenna undir 35 ára aldri, sem getur varla
hljómað vel fyrir fyrirtæki í leit að góðum starfsmönnum.
Tvær spurningar:
Hversu sennilegt er að fólk í atvinnuleit lesi ekki atvinnuauglýsingarnar í Fréttablaðinu (95% þeirra fá blaðið)?
Er ekki kominn tími til að laga birtingar á atvinnuauglýsingum að nýjum veruleika á blaðamarkaði eins og öll stærstu
fyrirtækin í landinu hafa gert með sínar venjubundnu auglýsingar?
1) 95% heimila í Reykjavík og í nágrenni fá Fréttablaðið heim til
sín á morgnana, sem þýðir að 95% þeirra sem eru í atvinnuleit
fá atvinnublað Fréttablaðsins heim til sín á sunnudögum.
2) 48% heimila á sama svæði eru með áskrift að
Morgunblaðinu, sem þýðir að 52% þeirra sem eru á aldrinum
12-80 ára í atvinnuleit þurfa að fara út í búð og ná sér í
Moggann ef þeir vilja skoða atvinnublaðið sem honum fylgir.
3) 72% Íslendinga á aldrinum 20-40 ára búa á heimilum sem
EKKI eru með áskrift að Morgunblaðinu, sem þýðir að 72%
landsmanna á aldrinum 20-40 ára sem eru í atvinnuleit ára
þurfa að fara út í búð ef þeir vilja skoða atvinnublað
Morgunblaðsins á sunnudögum.
4) Ungt fólk er í langflestum tilfellum markhópur
atvinnuauglýsinga og svona les það sunnudagsblöðin,
samkvæmt fjölmiðlakönnun Gallups í október síðastliðnum:
Nokkrar niðurstöður: