Fréttablaðið - 20.12.2004, Blaðsíða 4

4 20. desember 2004 MÁNUDAGUR
Íslandskoma Bobby Fischer:
Flogið beint til Japan
BOBBY FISCHER Sæmundur Pálsson
heldur hugsanlega til Japan í dag
til að fylgja Bobby Fischer til Ís-
lands. Til greina kemur að fljúga
beint til Tókýó og leigja til þess
einkaþotu enda flugleiðin löng og
hefðbundið farþegaflug tíma-
frekt. Þrír til fjórir verða í föru-
neyti Sæmundar. „Lögfræðingur
Fischers telur ekkert því til fyrir-
stöðu að japönsk stjórnvöld láti
hann lausan. Enn er óvíst hvort
bréf Davíðs Oddssonar utanríkis-
ráðherra dugi til að frelsa Fischer
en þá er sendiherra Íslands í Jap-
an reiðubúinn að gefa út bráða-
birgðavegabréf fyrir hann,“ segir
Sæmundur.
Sæmundur ræddi í tvígang við
Fischer í gær og reyndi að róa
hann. „Hann er ofboðslega heift-
úðugur út í Bandaríkjamenn og
dregur lítið úr yfirlýsingum. Ég
hef hins vegar sagt honum að með
gífuryrðunum geri hann ekki ann-
að en að spilla fyrir öllum þeim
sem hafa unnið hörðum höndum
að frelsi hans.“
Sæmundur hefur fylgst grannt
með umfjöllun um málefni
Fischers í fjölmiðlum í útlöndum
og segir athyglina gríðarlega.
„Sennilega fær þetta meiri at-
hygli í heiminum en einvígið ‘72,“
segir hann.
- bþs
Gætu orðið rass-
síðir við að smala
Landeigendur á Norðausturlandi eru undrandi yfir kröfum ríkisins um þjóð-
lendur í fjórðungnum. Þeir töldu að stjórnvöld hefðu dregið lærdóm af ný-
legum Hæstaréttardómi vegna jarðamála í uppsveitum Biskupstungna.
ÞJÓÐLENDUR „Við kær-
um, það er engin
spurning,“ segir Stef-
án Halldórsson, eig-
andi jarðarinnar Brúar
á Jökuldal, en ríkið
gerir kröfu um að eign-
ast um 95 prósent þess
lands sem fram til
þessa hefur tilheyrt
Brú. „Ég átti ekki von
á þessu og hélt að
menn hefðu dregið ein-
hvern lærdóm af
dómunum á Suður-
landi.“
Brú á Jökuldal er
ein af stærstu jörðum
landsins en Stefán
kann ekki að nefna töl-
ur þegar hann er
spurður hve stór hún
sé. „Ég er ekki með
stærðina á hraðbergi
en einhvers staðar
stendur að jörðin sé á
stærð við Færeyjar,“
segir hann og bendir á
að til séu heimildir frá
um 1500 þar sem skýrt
sé kveðið á um að lönd-
in tilheyri Brú.
Stefán hefur vita-
skuld farið með jörð-
ina sem sína eigin og
meira að segja veitt
ríkinu leyfi til að friðlýsa svæði
innan hennar. „Ríkið óskaði eftir
að fá að friðlýsa hluta landsins og
síðar var beðið um að fá að breyta
mörkum friðlandsins út af hugs-
anlegri virkjun. Ég veitti auðvitað
þessi leyfi,“ segir Stefán og finnst
heldur öfugsnúið að nú skuli ríkið
koma og þykjast eiga jörðina.
Laufey Bjarkadóttir býr á
Hafrafellstungu I í Öxarfjarðar-
hreppi og er jafn hlessa á úr-
skurði Óbyggðanefnd-
ar og Stefán á Brú. „Við
erum eiginlega orð-
laus,“ segir hún, enda
til gömul skjöl með
greinilegum landa-
merkjum sem sýni
hvað heyri til Hafra-
fellstungu og hvað
ekki. „Ég hélt að við
myndum fá að halda
þessu landi því þetta er
svo sem ekki þannig
svæði að menn séu
mikið að ferðast um
það,“ svarar hún spurð
hverju hún hafi búist
við af hálfu ríkisins.
„Þetta eru bara stór
heiðalönd. Ég skil að
ríkið vilji það land sem
liggur að Jökulsá á
Fjöllum, Hólsfjöllin,
Dettifoss og fleira. Ég
skil hins vegar ómögu-
lega að ríkið vilji landið
mitt hér uppi á heiði
þar sem ekkert er
nema fljúgandi fugl og
ær á beit.“
Landeigendum ber,
lögum samkvæmt, að
smala lönd sín hvort
sem þeir eiga kindur
eða ekki. Ríkið þyrfti
að axla þær skyldur ef
gengið yrði að kröfum þess. Þrjá
daga tekur að smala heiðar Hafra-
fellstungu. „Ja, þeir gætu orðið
rasssíðir við að smala,“ segir
Laufey og hlær.
bjorn@frettabladid.is
ÍTALÍA
Eldur braust út í ferju á leið frá Sikiley til
meginlands Ítalíu.
Ítalía:
Eldsvoði
í ferju
ÍTALÍA, AP Eldur braust út í ferju
sem flutti nokkur hundruð manns
frá Sikiley til meginlands Ítalíu.
Ferjan var dregin til baka til
hafnar.
Enginn slasaðist alvarlega en
margir fengu áfall og brustu í grát
eftir að hafa eytt nóttinni í raf-
magnslausri ferjunni. Eldsupptök
eru enn óljós. Skipið var á leið frá
Palermo til Napolí þegar rafmagn-
ið fór skyndilega af. Rafmagns-
leysið og eldsupptökin eru talin
tengjast. Talið er að tveir keppnis-
hestar sem voru um borð hafi
drepist en lögreglumaður á staðn-
um gat þó ekki staðfest það. ■
Ertu komin(n) í jólaskap?
Spurning dagsins í dag:
Ætlarðu að strengja áramótaheit?
Niðurstöður gærdagsins
á visir.is
46%
54%
Nei
Já
KJÖRKASSINN
Farðu inn á fréttahluta visir.is
og segðu þína skoðun
Kosningar í Túrkmenistan:
Kjörstaðir
nánast tómir
TÚRKMENISTAN, AP Kjörstaðir í
Túrkmenistan voru nánast tóm-
ir þegar kosið var á þing í land-
inu. Yfirvöld brugðu á það ráð
að ganga í hús til þess að fá fólk
til að kjósa.
Þingið þykir nánast valdalaust
og virtist fólki ekki finnast taka
því að kjósa. Til þess að kosning-
arnar séu teknar gildar þurfa 50
prósent þjóðarinnar að kjósa. Enn
á eftir að meta hvort kosningarn-
ar verði teknar gildar. ■
HÁVAÐI Í HEIMAHÚSUM Um tutt-
ugu kvartanir vegna hávaða í
heimahúsum bárust lögreglunni
í Reykjavík á laugardagskvöld.
Hún kom á staðinn og reyndi að
róa samkvæmin. Lögreglan tók
frá miðnætti ellefu ökumenn
sem grunaðir eru um ölvun við
akstur.
Ungir jafnaðarmenn:
Skeljungur
skammist sín
STJÓRNMÁL Ungir jafnaðarmenn
skora á Skeljung að skammast sín
fyrir það sem kallað er í ályktun
ósvífnar hótanir í garð Kópavogs-
bæjar. Skeljungur gerði athuga-
semdir við að Atlantsolíu væri
úthlutað lóð að Dalbraut í Kópa-
vogi, við hlið bensínstöðvar Skelj-
ungs, og sendi Kópavogsbæ erindi
þess efnis.
Ungir jafnaðarmenn hvetja í
ályktun sinni sveitarfélög til að
hraða skipulagi og úthlutun
lóða til nýrra aðila á bensín-
markaði.
- bþs
■ LÖGREGLUFRÉTTIR
ÖLVUN Í BORGINNI Erilsamt var
hjá lögreglunni í Reykjavík að-
faranótt sunnudags og bárust
margar kvartanir vegna hávaða í
heimahúsum. Sex voru teknir
fyrir ölvunarakstur og talsverð
ölvun var í miðbænum.
ÆSTUR FARÞEGI Leigubílstjóri
kallaði eftir aðstoð lögreglunnar í
Keflavík aðfaranótt sunnudags,
þar sem hann átti í vandræðum
með ölvaðan og æstan farþega í
bifreið sinni. Eftir einhver átök
við farþegann tókst leigubifreið-
arstjóranum að koma honum út
og var honum síðan ekið heim af
lögreglu.
SVÆÐI FIMM
Kortið sýnir það landsvæði sem Óbyggðanefnd hefur nú til meðferðar.
Raufarhafnarhreppur
Þórshafnar-
hreppur
Skeggjastaða-
hreppur
Svalbarðs-
hreppur
Öxarfjarðar-
hreppur
Vopnafjarðar-
hreppur
Fljótsdals-
hreppur
Fellahreppur
Norður-Hérað
SÆMUNDUR PÁLSSON
FR
ÉT
TA
B
LA
Ð
IÐ
/T
EI
TU
R
KO
RT
L
AN
D
FO
R
M
E
H
F
■ LÖGREGLUFRÉTTIR