Fréttablaðið - 20.12.2004, Blaðsíða 14
14 20. desember 2004 MÁNUDAGUR
SVÍFANDI JÓLASVEINN
Jólasveinninn kom svífandi í fallhlíf í
borgina Nice í Frakklandi í gær.
Lögreglan í Reykjavík:
Eftirlitslaus partí allt of algeng
LÖGREGLUMÁL Fjórir unglingar voru
handteknir í heimahúsi í Breiðholti
aðfaranótt laugardags, en nágrann-
ar höfðu kvartað yfir háreysti og
ólátum í þeim. Í ljós kom að ung-
lingar á grunnskólaaldri voru eftir-
litslausir í húsinu og var áfengis-
neysla mikil. Lögreglan í Reykjavík
segir að allt of mikið sé um eftirlits-
laus unglingapartí, iðulega þurfi að
kalla eftir aðstoð lögreglu til að
leysa þau upp og þá sé ekki óalgengt
að einhver sé handtekinn.
„Svona partí fara yfirleitt úr
böndunum; hlutir og íbúðir eru
skemmdar,“ segir Pétur Guðmunds-
son, aðalvarðstjóri í Reykjavík. „Það
er ekki óalgengt að einhverjir streit-
ist á móti lögreglunni og neiti að
yfirgefa húsnæðið. Við líðum ekki
slíkt og hikum ekki við að handtaka
þá sem eru með uppsteyt og látum
foreldra þeirra sækja þá á stöðina.“
Lögreglan beinir þeim tilmælum
til foreldra að sýna ábyrgð og leyfa
börnum sínum ekki að halda partí
án eftirlits. - bs
Vörður:
Undrandi á
forræðis-
hyggju
AKUREYRI Vörður, félag ungra sjálf-
stæðismanna á Akureyri, hefur sent
frá sér ályktun þar sem lýst er yfir
undrun stjórnarinnar á þeirri for-
ræðishyggju sem komi fram í til-
lögu þingmanna Samfylkingarinnar
um að leggja bann við auglýsingum
á óhollum matvörum í fjölmiðlum.
Verði þykir leitt að hætt hafi
verið við hugmyndir um byggingu
tólf hæða húsnæðis á Baldurs-
hagareitnum en lýsir yfir stuðn-
ingi við byggingu sjö hæða hús-
næðis á þessum stað. ■
Atlantsskip:
Styrkir veik
börn
STYRKUR Fyrirtækið Atlantsskip
hefur ákveðið að veita Styrktar-
félagi krabbameinssjúkra barna
styrk í stað þess að senda jólakort
til viðskiptavina sinna.
Hefð hefur skapast fyrir því
undanfarin ár að Atlantsskip gefi
styrki í stað þess að senda út jóla-
kort. Það er von fyrirtækisins að
peningarnir komi að góðum notum
við fjölþætt og þarft starf félagsins.
Jóhanna Valgeirsdóttir frá Styrkt-
arfélagi krabbameinssjúkra barna
tók við framlaginu af Gunnari
Bachman, framkvæmdastjóra Atl-
antsskipa. -bg
Í tvígang var Stefán Hjörleifsson,
framkvæmdastjóri Tónlistar.is,
rangnefndur í frétt blaðsins er
birtist á sunnudag. Beðist er vel-
virðingar á mistökunum.
VINNUMARKAÐUR Ákveðið hefur
verið að hækka atvinnuleysis-
bætur um áramótin ásamt
hámarksábyrgð úr Ábyrgðar-
sjóði launa, fæðingarstyrk og
lágmarksgreiðslum úr Fæðing-
arorlofssjóði. Atvinnuleysis-
bætur hækka um 3 prósent frá
næstu áramótum og verða
hámarksbæturnar þá 4.219
krónur á dag.
Hámarksábyrgð úr Ábyrgða-
sjóði launa hækkar um 4 prósent
frá sama tíma. Verður hámarks-
ábyrgð á kröfum launamanna
um vinnulaun fyrir síðustu þrjá
starfsmánuði þeirra, sem og
kröfur um bætur vegna launa-
missis vegna slita á ráðningar-
samningi, 270 þúsund krónur á
mánuði í þrjá mánuði. Hámarks-
ábyrgð á kröfum um orlofslaun
verður 432 þúsund krónur.
Fæðingarstyrkur og foreldra-
orlof hækkar um 3 prósent frá
áramótum. Lágmarksgreiðsla í
fæðingarorlofi foreldris í 25-40
prósenta starfi verður þá 67.184
krónur á mánuði og greiðsla til
foreldris í 50-100 prósenta starfi
verður minnst 93.113 krónur á
mánuði. Fæðingarstyrkur til for-
eldra utan vinnumarkaðar verður
41.621 króna og 93.113 krónur til
foreldra í námi.
- ghs
UNGLINGAR Í PARTÍI
Lögreglan hvetur foreldra til að leyfa ekki eftirlitslaus partí. Myndin tengist fréttinni ekki beint.
KRÖFUGANGA Í REYKJAVÍK
Atvinnuleysisbætur hækka um 3
prósent. Myndin er gömul og er
tekin af kröfugöngu í Reykjavík.
■ LEIÐRÉTTING
Atvinnuleysisbætur:
Hækka um þrjú prósent