Fréttablaðið - 20.12.2004, Blaðsíða 62
30 20. desember 2004 MÁNUDAGUR
Intersportdeildin í körfubolta er hálfnuð eftir leiki fimmtudagskvöldsins:
Snæfell á toppnum en samt ekki á toppnum
" "
#$ # #
"
%
#
&
KÖRFUBOLTI Þrjú lið eru jöfn eftir
fyrri umferð Intersportdeildar
karla í körfubolta en ellefta umferð
fór fram í vikunni. Snæfell, Kefla-
vík og Njarðvík hafa öll sextán stig
eftir 8 sigra og 3 töp í leikjum
deildarinnar fyrir jól og því eru
það innbyrðisviðureignir sem ættu
að ráða röð liðanna í stigatöflunni í
jólafríinu.
Snæfellingar hafa þannig unnið
réttu leikina, unnu Keflavík 87-82 í
Stykkishólmi í október og urðu svo
fyrstir til að vinna Njarðvík í vetur
þegar þeir unnu 83-81 í Njarðvík í
nóvember en Njarðvík hafði þá
unnið sex fyrstu leikina sína.
Hólmarar ættu því samkvæmt öllu
að vera á toppnum með bestan inn-
byrðisárangur í leikjum topliðanna
þriggja en það er þó ekki svo.
Þar sem Snæfell gerðist brot-
legt við reglugerð um þátttöku fé-
laga í úrvalsdeild karla með því að
fara yfir launaþakið getur liðið
ekki endað ofar en lið sem eru jöfn
því að stigum. Í sjötta kafla reglu-
gerðarinnar um viðurlög kemur
eftirfarandi fram
„Endi brotlega liðið með jafn
mörg stig og annað skal það brot-
lega teljast neðar í töflunni og inn-
byrðis viðureignir ekki skipta
máli.“ Fyrir vikið er það innbyrðis-
leikur Keflavíkur og Njarðvíkur
sem sker úr um hvort hlýtur topp-
sætið og þar vann Keflavík 73-78
sigur í Njarðvík á þriðjudaginn og
sendi Njarðvíkurliðið með því
niður í annað sætið. Njarðvík tap-
aði tveimur leikjum í þessari viku
og missti þar með toppsætið til ná-
granna sinna þótt mörgum þætti
það í öruggum höndum Njarðvík-
inga eftir átta sigra í fyrstu níu
leikjunum. Til þess að tryggja sér
deildarmeistaratitilinn annað árið í
röð þurfa Hólmarar því að fá fleiri
stig en öll önnur lið en það nægir
hinum, fyrir utan Grindavík, að
vera jöfn þeim að stigum. ■
Íshokkí:
SA og SR
jöfn að stigum
ÍSHOKKÍ Skautafélag Akureyrar
sigraði Skautafélag Reykjavík-
ur um helgina, 6-5, í spennandi
leik á Akureyri.
Með sigrinum komust Akur-
eyringarnir upp að hlið SR á
toppi meistaraflokks karla með
ellefu stig en SR á þó einn leik
til góða. Íshokkífélag Narfa frá
Hrísey hefur komið á óvart með
góðu gengi og er sem stendur í
þriðja sæti með tíu stig en
Björninn úr Grafarvogi rekur
lestina með fjögur stig og þurfa
leikmenn að fara að taka sig
saman í andlitinu ætli þeir sér
að vera með í baráttunni í seinni
hluta mótsins. ■
Einherjar:
Engin verð-
laun þetta árið
GOLF Ekkert verður af því að þeir
kylfingar sem farið hafa holu í
höggi þetta árið hljóti viðurkenn-
ingu vegna þess, eins og tíðkast
hefur mörg síðastliðin ár.
Hefur enn ekki fundist neinn
styrktaraðili sem er reiðubúinn að
kosta slíkt og því fellur slík af-
hending niður. Um talsvert fé er
að ræða enda yfir hundrað
kylfingar sem fara holu í höggi á
ári hverju.
Venjan er að verðlauna hvern
og einn en slíkt kostar skildinginn
sem ekkert fyrirtæki hefur
fengist til að styrkja síðan árið
2003 þegar innflytjendur áfengis-
tegundarinnar Drambui hættu
stuðningi sínum við Einherja, sem
þeir eru kallaðir sem fara holu í
höggi. ■
HLYNUR STERKUR Hlynur Bæringsson
hefur verið í lykilhlutverki hjá Snæfelli í
vetur. Hann skorar hér í úrslitum
Hópbílabikarsins fyrr í vetur.