Fréttablaðið - 21.12.2004, Blaðsíða 14
14 21. desember 2004 ÞRIÐJUDAGUR
STJÓRNMÁL Sameinuðu Þjóðirnar
gagnrýndu í dag stjórn Serbíu
fyrir að hvetja minnihluta Serba í
Kosovo til að sniðganga stjórn-
kerfið í héraðinu. Larry Rossin,
varalandstjóri Sameinuðu þjóð-
anna í Kosovo segir að Serbar geti
einungis bætt hlut sinn með því að
hætta að sniðganga stofnanir hér-
aðsins. Rossin lét þessi orð falla
eftir fund með Nebosja Cosic,
fulltrúa Serbíustjórnar. Samein-
uðu þjóðirnar hafa farið með yfir-
stjórn Kosovo síðan 1999 en
Kosovo-Albanar, sem eru 90%
íbúanna, hafa í sívaxandi mæli
tekið við stjórninni. Formlega
heyrir Kosovo enn undir Serbíu-
Svartfjallaland. Serbar hafa snið-
gengið stjórn og stofnanir Kosovo
frá því í kosningum 23. október.
Ramush Haradinaj varð forsætis-
ráðherra í kjölfarið en hann hefur
verið sakaður um stríðsglæpi í
átökum Albana og Serba 1998-
1999. Tugir þúsunda Serba flúðu
Kosovo í kjölfar átakanna eftir
hefndarárásir Albana en tíu þús-
und Kosovo-Albanir létust í átök-
unum fyrir fimm árum. - ás
Rússland ekki
lengur frjálst
Bandaríska stofnunin Freedom House hefur fellt Rússland úr flokki frjálsra
ríkja í fyrsta sinn síðan á dögum Sovétríkjanna vegna samþjöppunar valds í
höndum Pútíns forseta og ofsókna gegn fjölmiðlum.
STJÓRNMÁL Freedom House, virt
bandarísk stofnun sem fylgist
með þróun pólitískra réttinda og
almenningsfrelsis, tilkynnti í gær
að Rússland hefði verið fellt úr
flokki „frjálsra“ ríkja í heiminum
í árskýrslu stofnunarinnar. Jenni-
fer Windsor, forstjóri Freedom
House, segir að Rússland fylli nú
flokk ófrjálsra ríkja: „Rússland
stígur skref aftur á bak og færist
niður í flokk ófrjálsra ríkja. Pútín
forseti hefur í sívaxandi mæli
þjappað valdi í sínum eigin hönd-
um, ofsótt og hótað fjölmiðlum og
fært lögregluna undir pólitíska
stjórn.“
Windsor segir að hættuleg þró-
un í átt til alræðisvalds sé nú í
Rússlandi: „Það er enn meiri
ástæða til að hafa áhyggjur af
þessu en ella, vegna afskipta
Pútíns forseta af stjórnmálum ná-
grannaríkjanna á borð við Úkra-
ínu.“
Freedom House telur að al-
mennt séð hafi stjórnmálafrelsi
aukist í heiminum á árinu 2004.
Framfarir urðu í tuttugu og sex
löndum en afturför í ellefu. 46
prósent hinna 192 ríkja heims
töldust frjáls, tuttugu og sex pró-
sent ófrjáls en afgangurinn að-
eins að hluta til frjáls.
Harðstjórn er talin mest í átta
ríkjum. Þau eru: Búrma, Kúba,
Líbía, Norður-Kórea, Sádi-Arabía,
Súdan, Sýrland og Túrkmenistan.
Freedom House bendir sér-
staklega á að lýðræði hafi vaxið
ásmegin í Georgíu og Úkraínu
þar sem mótmæli almennings
hindruðu kosningasvindl. Stofn-
unin sér nokkur merki þess að
frelsi sé að aukast í Mið-Austur-
löndum, sérstaklega Norður-Afr-
íku og almennt séð í íslömskum
ríkjum.
„Þótt framfarir hafi ekki orðið
nægar í neinu arabaríki til þess
að þau færist upp um flokk, hafa
hóflegar framfarir í frelsisátt
orðið í Egyptalandi, Jórdaníu,
Marokkó og Katar,“ segir í
skýrslu Freedom House.
Stofnunin segir að fall Rúss-
lands niður úr flokki frjálsra í
ófrjálsra ríkja í fyrsta skipti frá
hruni Sovétríkjanna 1991 sé „af-
drifaríkasta þróun ársins í stjórn-
málum“.
a.snaevarr@frettabladid.is
Spánn:
28 létust í
umferðinni
SLYS Tuttugu og átta létust í um-
ferðarslysum á Spáni um helg-
ina eftir því sem spænska sam-
gönguráðuneytið skýrði frá í
gær. Dauðaslysin urðu í alls
tuttugu og fjórum slysum frá
aðfararnótt laugardags til mið-
nættis á sunnudagskvöld. Að
auki slösuðust tuttugu og níu.
Flestir létust á sunnudag, eða
alls sextán. Fimm þúsund og
fimm hundruð látast í spænsku
umferðinni á ári hverju. Næsta
sumar verður tekið upp punkta-
kerfi, svipað því sem þekkist á
Íslandi, í tengslum við ökurétt-
indi á Spáni. ■
Jólagjöf til þín
Jólagjöfi þín
Það er sælla að gefa en þiggja, þess vegna höfum við hjá Ömmubakstri ákveðið
að bæta við einni flatköku í pakkana hjá okkur yfir jólin, þannig að þegar þú opnar
flatkökupakka næst, þá færðu fimm flatkökur í staðinn fyrir fjórar. Svo viljum við
óska öllum landsmönnum nær og fjær, gleðilegra jóla og farsælls komandi árs.
Starfsfólk Ömmubaksturs
Björk tilvalin
í hlutverk
lyga-
dvergsins
„Stór
mynd
um litla
konu“
– hefur þú séð DV í dag?
S
kó
la
vö
rð
us
tí
g
2
•
S
ím
i 5
5
2
1
7
0
0
Lögreglan í Reykjavík:
Leitar vitna
LÖGREGLA Lögreglan leitar að þeim
sem olli tjóni á rauðri Opel Astra
bifreið á Frakkastíg við Njálsgötu
einhvern tímann frá klukkan hálf
tíu síðasta laugardagskvöld til
klukkan tíu á sunnudagsmorgun.
Viðkomandi og vitni að
árekstrinum eru beðin um að hafa
samband við slysarannsóknadeild
lögreglunnar. Ekið var á vinstra
afturhorn bifreiðarinnar sem hef-
ur bílnúmerið TX-287. - hrs
SJÁVARÚTVEGUR Starfsfólki í land-
vinnslu Brims á Akureyri hefur
síðan í haust fjölgað um nálægt
fimmtán manns, að því er fram
kemur á vef útgerðarinnar. Ýsu-
vinnslan færðist frá Grenivík til
Akureyrar og það segir Guðbjörg
Erna Guðmundsdóttir, rekstrar-
stjóri landvinnslu, hafa kallað á
aukinn mannskap. Sett var upp
sérstök vinnslulína fyrir ýsuna
þar sem unnin eru um 8 til 10 tonn
á dag.
Ekki verður unnið milli jóla og
nýárs hjá Brimi, en fyrirséð að
nóg verði að gera alveg fram á
Þorláksmessu. Vinnsla hefst aftur
3. janúar.
Alls starfa um 115 manns í
vinnslunni á Akureyri, en um 130
með ræstinga- og viðhaldsfólki.
- óká
Brim á Akureyri:
Fjölgun í landvinnslu
Kosovo:
Serbar sniðganga
ráðherra
RAMUSH HARADINAJ
Serbar sniðganga stofnanir Kosovo í mót-
mælaskyni við að Haradinaj, meintur
stríðsglæpamaður, var skipaður forsætis-
ráðherra fyrr í þessum mánuði.
ÖRYGGI Í ÁTTATÍU OG FJÖGUR ÁR
Vladimir Pútín forseti sótti á sunnudag áttatíu og fjögurra ára afmælishátíð öryggissveita
Rússlands sem lengst af gengu undir nafninu KGB. Pútín, sem er sjálfur fyrrverandi
höfuðsmaður í KGB, er sagður bera ábyrgð á falli Rússlands úr flokki frjálsra ríkja.
M
YN
D
/A
P
14-15 20.12.2004 20:51 Page 2