Fréttablaðið - 21.12.2004, Blaðsíða 54
38 21. desember 2004 ÞRIÐJUDAGUR
sport@frettabladid.is
HVAÐ? HVENÆR? HVAR?
18 19 20 21 22 23 24
Þriðjudagur
DESEMBER
FÓTBOLTI Hljóti hugmyndir Knatt-
spyrnusambands Evrópu um
harðari reglur um þá leikmenn
sem hvert félag má nota í framtíð-
inni hljómgrunn er víst að margt
mun breytast innan fótboltans og
einhver félög þurfa að hugsa sitt
upp á nýtt.
Helstu tillögurnar kveða á um
að aðeins 25 leikmenn megi vera í
hverju liði fyrir sig og átta þeirra
verða að vera uppaldir hjá við-
komandi félagi.
Sé skoðað hvernig þessar regl-
ur, verði þær að veruleika, hafa
áhrif er knattspyrnulið KR ágætt
dæmi. Fjöldi þeirra sem spila
fyrir meistaraflokk liðsins er 28
og þyrftu því forráðamenn KR að
losa sig við þrjá leikmenn hið
fyrsta.
Í liðinu í dag eru fimmtán leik-
menn sem eru uppaldir í Vestur-
bænum og hafa hlotið sína mennt-
un í boltanum í hinum svarthvítu
treyjum liðsins. Þrettán núver-
andi leikmenn falla þá undir það
að vera aðkomumenn sé farið eft-
ir tillögum UEFA.
Nú er það svo að meðan liðinu
er heimilt að hafa 25 leikmenn í
heildina eru aðeins átján sem nota
má í hvern og einn leik. Af þeim
átján verða átta að vera uppaldir
hjá KR. Þannig breytist í raun
ekkert fyrir félag á borð við KR
enda gæti liðið notað tíu aðkomu-
leikmenn í hverjum leik ef svo
bæri undir.
Tillögurnar valda heldur eng-
um stórvandræðum ef litið er til
stórliða Evrópu. Real Madrid þyk-
ir hafa þann stimpil að kaupa sér
leikmenn fremur en ala þá upp, en
þegar málið er skoðað kemur í
ljós að nýjar reglur skapa engin
vandamál. Í liðinu eru 22 leik-
menn, sex færri en í KR, og eru
þrettán af þeim Spánverjar. Af
þeim eru ellefu uppaldir hjá Real
og hafa komið upp í gegnum yngri
flokka starf félagsins.
Níu útlendingar eru á launa-
skrá hjá liðinu og þannig eru því
ellefu leikmenn sem flokkast
undir að vera aðkomumenn. Sé
einn þeirra hvíldur hvern leik,
eins og reyndar verður oft raunin
vegna meiðsla, breyta nýjar til-
lögur engu fyrir Real heldur.
Engu að síður þykir líklegt að
þessar tillögur eða einhverjar í
svipuðum dúr verði samþykktar á
þingi UEFA sem fram fer í apríl
næstkomandi.
albert@frettabladid.is
EKKERT AÐ ÓTTAST Vesturbæingarnir hafa lítið að óttast, gangi tillögur UEFA um aukinn hlut heimaalinna leikmanna í fótboltanum
eftir. Sama gildir um Real Madrid. Fréttablaðið/Hilmar Þór
Hinar nýju reglur
UEFA breyta litlu
Óvísindaleg úttekt Fréttablaðsins á þeim áhrifum nýrra reglna UEFA sem
kveða á um að ákveðinn fjöldi leikmanna skuli uppalinn hjá viðkomandi fé-
lagi sýnir að hjá KR og Real Madrid hafa þær lítil sem engin áhrif.
■ ■ SJÓNVARP
18.45 European PGA Tour á Sýn.
19.35 Enski boltinn á Sýn. Bein
útsending frá leik Ipswich og
Wigan í ensku 1. deildinni.
21.40 Veitt með vinum á Sýn.
Rennt fyrir fisk í góðu stuði með
Kalla Lú.
23.15 World Supercross á Sýn.
Nýjustu fréttir frá
heimsmeistaramótinu í
Supercrossi.
00.10 NBA á Sýn. Útsending frá
leik LA Lakers og Detroit
Pistons.
Latrell Sprewell, leikmaðurMinnesota Timberwolves, meidd-
ist í leik á föstudaginn var gegn Los
Angeles Clippers í
NBA-körfuboltan-
um. Spree, eins og
Sprewell er kallað-
ur, er ákveðinn í að
ná sér að fullu áður
en hann fer á völl-
inn á nýjan leik.
„Eins og er get ég
ekki sagt að ég verði með í kvöld,“
sagði Spree en Timberwolves mætir
LeBron James og félögum í
Cleveland Cavaliers á útivelli í kvöld.
Shaquille O’Neal og félagar hans íMiami Heat, unnu sinn áttunda
leik í röð í NBA-körfuboltanum þeg-
ar liðið lagði ná-
granna sína í Or-
lando Magic, 117-
107. Liðin tvö voru
lengi vel á svipuðu
róli í suðausturriðl-
inum en hefur vaxið
ásmegin á undan-
förnum vikum og
náð að sigla fram úr Magic. Steve
Francis fór fyrir Magic og skoraði 31
stig en liðið átti ekkert svar við
O’Neal sem skoraði 27 stig í leikn-
um. Heat hefur ekki unnið jafnmarga
leiki í röð síðan 1998.
Eric Cantona olli miklum usla í við-tali á MUTV, sem er sjónvarpsstöð
í eigu Manchester United, þegar
hann notaði óviðeigandi orð í beinni
útsendingu. Orðið, sem oft er kennt
við bókstafinn F, lét Cantona falla
þegar hann var spurður hvort hann
bæri virðingu fyrir fólki. Stjórnendur
stöðvarinnar fundu sig tilknúna að
klippa orðið út úr þættinum þegar
hann var endursýndur. Þá talaði
Cantona um áhuga sinn á að snúa
sér til baka til United liðsins sem
knattspyrnustjóri. „En það yrði aldrei
fyrr en mér fyndist ég hafa eitthvað
sérstakt til málanna að leggja. Svona
eins og rokkstjarna sem skapar eitt-
hvað nýtt,“ sagði Cantona.
Kylfingurinn Tiger Woods segir aðkonan sín, Elin Nordegren, skipti
sig miklu máli í íþróttinni. „Við erum
eins og lið,“ sagði Woods. „Við förum
og borðum og töl-
um um hvað klikk-
aði og hvað gekk
vel.“ Woods missti
1. sæti heimslistans
í hendur Vijay
Singh fyrr á árinu.
Woods óskar sér
hvað heitast að geta
farið huldu höfði. „Það er eitthvað
sem ég hef alltaf viljað og hefur ekk-
ert með golfið að gera. Ef ég gæti
spilað golf án þess að vera þekktur,
það væri toppurinn.“
Luca di Montezemolo, forstöðu-maður Ferrari, hefur varað for-
ráðamenn í Formúlu 1 kappastrinum
við að liðin muni molna í sundur ná-
ist ekki samkomu-
lag um hærri fjár-
veitingu til liðanna.
„Menn verða að
gera sér grein fyrir
stöðunni. Ef menn
halda ekki rétt á
spilunum munu
þeir vera eins og
kvikmyndaframleiðandi í Hollywood
án leikara,“ sagði Montezemolo. Eig-
endur liða í Formúlunni hafa ítrekað
kvartað yfir lágum hluta af tekjum
íþróttarinnar.
Todd Bertuzzi, leikmaður Vancou-ver Canucks í NHL, fær ekki að
leika í Evrópu vegna keppnisbanns í
Bandaríkjunum. Bertuzzi braut gróf-
lega á Steve Moore í leik gegn
Colorado Avalanche með því að slá
hann aftan frá með kylfunni sinni
með þeim afleiðing-
um að kappinn
endaði á sjúkrahúsi.
Bertuzzi var dæmd-
ur í bann af Alþjóða
Ískhokkísamband-
inu og verður af 500
þúsund dollurum í
tekjum. „Ofbeldið í
aðgerðum Bertuzzi er gróft brot á
reglum okkar og kemur óorði á
íþróttina,“ sagði í dómi sambandsins.
Fjölmörg evrópsk lið sýndu áhuga á
að fá Bertuzzi til liðs við sig.
ÚR ÍÞRÓTTAHEIMINUM
Fernando Morientes:
Falur fyrir
einn milljarð
FÓTBOLTI Í kjölfar áhuga Liverpool á
sóknarmanninum Fernando Mori-
entes hafa forráðamenn Real Ma-
drid loks sett verðmiða á strákinn
og segja að hann fari ekkert fyrir
minna en tæpan milljarð, eða 850
milljónir króna. Er hann sjálfur
staðráðinn í að fara enda loforð
liðsins gagnvart honum verið
þverbrotin. Var gert að því skóna
að hann yrði lykilmaður hjá liðinu
á ný eftir að hann stóð sig með
einsdæmum með Mónakó á síð-
ustu leiktíð en sannleikurinn er sá
að hann hefur setið það lengi á
bekk Real í vetur að hann á sitt
eigið rassafar á varamannabekkn-
um. ■
MORIENTES Ekkert pláss fyrir þennan
mann hjá Real Madrid en Liverpool verður
að punga út tæpum milljarði króna vilji
þeir fá hann í rauðu treyjuna eftir áramót.
Við spyrjum...
... hversu lengi við þurfum að bíða eftir því að íslenska karlalandsliðið í knattspyrnu hrynji niður fyrir
hundraðasta sætið á styrkleikalista Alþjóða knattspyrnusambandsins. Íslenska liðið er nú í 93. sæti og hefur
fallið um 37 sæti á síðustu sjö mánuðum. Miðað við það verður liðið ekki meðal hundrað bestu
knattspyrnuþjóða í heimi í mars og ekki eru miklar líkur á því að liðið hækki eftir erfiðan útileik í Zagreb í
lok þess mánaðar.
54-55 (38-39) SPORT 20.12.2004 15.31 Page 2