Fréttablaðið - 21.12.2004, Blaðsíða 64

Vegur bandaríska leikarans og
uppistandsgrínarans Jamies
Kennedy hefur vaxið hratt á und-
anförnum árum en uppistandið
ruddi braut hans til Hollywood
þar sem kvikmyndahlutverkin
sem honum bjóðast eru alltaf að
verða bitastæðari. Hann hefur ný-
lokið við að leika í The Son of the
Mask en þar leysir hann af ekki
minni mann en sjálfan Jim Carrey
af, en myndin er sjálfstætt fram-
hald The Mask sem skaut Carrey
og Cameron Diaz báðum upp á
stjörnuhimininn árið 1994.
„Ég veit það ekki. Jim Carrey
gerði The Mask algerlega að sinni
og sló hressilega í gegn,“ segir
Jamie aðspurður hvort hlutverk
hans í The Son of the Mask muni
hafa sömu þýðingu fyrir hann og
The Mask hafði fyrir Carrey.
„Auðvitað vona ég að myndin
verði stór og festi mig í sessi.“
Slappar af á Íslandi
Jamie er væntanlegur til landsins í
næstu viku og mun troða upp á
Broadway fimmtudaginn 30. des-
ember. Hann ætlar ekki að rjúka
beint af landi brott heldur mun
hann eyða áramótunum í Reykja-
vík í góðra vina hópi og heldur
ekki heimleiðis fyrr en þann 4. jan-
úar. Það hefur lengi staðið til að fá
Jamie til landsins og þegar hann
sló loksins til ákvað hann að gera
ferðina að almennilegri Íslands-
heimsókn og hvíla sig vel fyrir atið
í kringum kynninguna á The Son of
the Mask sem verður frumsýnd úti
um allan heim í febrúar.
„Mig langaði að tékka á Íslandi
þó að ég viti nú eiginlega ekkert
um landið. Ég veit að Björk er frá
Íslandi og svo skilst mér að það sé
frekar kalt hjá ykkur og alltaf
myrkur. Mér finnst það mjög
kúl.“ Þegar talið berst að Íslandi
snýst taflið við og Jamie
bombarderar blaðamann með
spurningum um land og þjóð og
færist allur í aukana þegar honum
er sagt að Íslendingar séu með
skopskynið í lagi og að sjónvarps-
þátturinn hans, The Jamie
Kenndedy Experience, sé sýndur
í sjónvarpi á Íslandi. Hann tapar
sér svo algerlega þegar honum er
gerð grein fyrir smæð íslenska
markaðarins og að landsmenn séu
innan við 300.000. „Ertu ekki að
grínast? Það búa fleiri í einni
íbúðablokk í Los Angeles.“
Umboðsmaðurinn bjargaði
ferlinum
Það má með sanni segja að
Jamie hafi slegið í gegn. Uppi-
standið hans nýtur gríðarlegra
vinsælda og bókin hans, Wanna-
be: A Hollywood Experiment,
hefur gengið mjög vel en þar
lýsir hann þeim hremmingum
sem hann þurfti að ganga í
gegnum áður en hann sló al-
mennilega í gegn. Þá er hann
með eigin sjónvarpsþátt og far-
inn að fá aðalhlutverk í stórum
Hollywood-myndum. Þetta er
býsna góður árangur fyrir 34
ára gamlan mann, en Jamie varð
þó ekki stjarna á einni nóttu.
Frægðarbrautin var grýtt og
hann vann ýmis skítastörf og
þegar botninum var náð hafði
hann ekki efni á húsaleigu og
bjó í bílnum sínum. Þegar svo
var komið sá hann aðeins tvo
möguleika í stöðunni; að gefast
upp og hætta eða nota hrakning-
ar sínar sem efni í uppistand
sitt. Þá tóku hjólin að snúast en
ekki nógu hratt og stórlaxarnir í
Hollywood létu ekki sjá sig á
sýningum Jamies. Hann brá þá á
það ráð að búa sér til umboðs-
manninn Marty Power í þeirri
von að honum yrði ruglað saman
við hinn valdamikla umboðs-
mann Marty Bauer. Hann lá svo
í símanum alla daga í hlutverki
Powers og bókaði og mælti með
Jamie Kenendy. Þetta svínvirk-
aði og hann fékk sitt fyrst kvik-
myndahlutverk í Romeo+Juliet
árið 1996 og það sama ár lék
hann í Scream og boltinn fór að
rúlla fyrir alvöru.
Hann á því velgengnina uplogn-
um umboðsmanni að þakka en
Marty hefur auðvitað heldur betur
sannað sig þannig að hann hlýtur
að vera eftirsóttur. „Jú, jú. Ég hef
fengið fyrirspurnir um Marty en
hann er gamall og vill helst ekki
standa upp úr stólnum sínum í
Flórída þannig að hann gefur ekki
færi á sér og lætur aldrei sjá sig.“
Jamie segist stundum eiga
bágt með að trúa því hversu hlið-
holl gæfan hefur verið honum.
„Stundum er þetta ótrúlegt en það
er alltaf spennandi þegar allt er
að ganga svona upp. Þetta er
betra en að vera á hausnum og
vinna á Pizza Hut.“
thorarinn@frettabladid.is
48 21. desember 2004 ÞRIÐJUDAGUR
Á LEIÐ TIL RÉTTARHALDA
Leikarinn Robert Blake kom í gær fyrir
dómara þegar réttarhöld yfir honum
hófust. Blake er grunaður um að hafa
myrt eiginkonu sína Bonnie Lee Bakley.
LAUGAVEGI 15 • Sími 511 1900
Glæsilegt úrval
úra og skartgripa
Demantsúr
Skemmtikrafturinn Grindergirl
mun hita upp fyrir bandaríska
leikarann og sjónvarpsmanninn
Jamie Kennedy sem verður með
uppistand á Broadway þann 30.
desember.
Grindergirl er þekkt fyrir að
leika listir sínar með eldtungur,
risasnáka og svipur auk þess að
ganga á glerbrotum. Hápunktur-
inn er þó þegar hún kemur fram í
efnisrýrri brynju og sýnir snilli
sína með fræsivélina.
Grindergirl hefur verið með
vikuleg atriði í þættinum The
Late Show með David Letterman
á sjónvarpsstöðinni CBS. Hún
kemur til Íslands frá Bagdad þar
sem hún kemur einmitt fram í
þættinum. Verður hann sendur út
frá borginni á aðfangadag.
Grindergirl hefur á undan-
förnum misserum orðið þekkt
víðs vegar um Bandaríkin og er
mjög eftirsótt við alls kyns
meiriháttar atburði, þar á meðal
opnun Sundance-kvikmynda-
hátíðarinnar og vetrarólympíu-
leikanna 2002, auk fjölda ann-
arra atburða um allan heim, til
dæmis í Englandi, Hong Kong
og Þýskalandi.
Örfáir miðar eru eftir á uppi-
standið með Jamie Kennedy 30.
desember og fer miðasala fram í
Skífunni og á event.is. ■
Grindergirl hitar upp
JAMIE KENNEDY Gerir mikið út á reynslusögur sínar í uppistandinu enda hefur ferill
hans verið býsna skrautlegur. „Ég styðst mikið við líf mitt en ég held samt að þið hljótið
að ná flestum bröndurunum þótt margt í þessu tengist bandarísku samfélagi beint.“
Betra en að vinna á Pizza Hut
GRINDERGIRL Bandaríski skemmtikrafturinn Grindergirl mun hita upp fyrir Jamie
Kennedy á Broadway 30. desember.
64-65 (48-49) FOLK 20.12.2004 20:22 Page 2